三代目 (愉景新城)

營業中

休息中

今晚同呀媽去愉景新城行街，行行下入左去呢間日本餐廳食晚飯。好特別既一間日本餐廳，未見過係用紅色做紙巾，仲印埋自己既logo😂😂我地叫左個豚肉拉麵，佢可以轉讚岐烏冬，我個人偏好鐘意食烏冬，麻麻地拉麵，所以加左$15轉左，烏冬幾彈牙，但份量有啲少，一個人食一碗既話可能唔夠。之後叫左個鮑魚，好大隻，好重當歸味，如果怕當歸味既人建議唔好叫，我個人都叫做接受到。另外叫左個三式井飯，有牛舌、豬腩肉同雞，牛舌燒到岩岩好，有口感，豬腩肉夠香口。雞就一般。最後叫左個油甘魚鮫，燒到好好香口，好有魚味，油脂岩岩好。總括黎講，呢間日本餐廳性價比高，可再來👍🏻

雖然成日去荃灣，但好少去愉景新城食飯。見呢間餐廳都有幾多選擇，就入去試吓▪️三盛燒肉丼🍚分別有煙燻雞肉、五花肉、牛舌，可以一次過試晒三樣。雞肉嫩滑，五花肉充滿油脂，牛舌軟腍，五花肉同牛舌比雞肉更焦香。面頭仲有兩隻辣椒，兩塊醃蘿蔔，辣椒都幾辣，醃蘿蔔可以解膩。不過整體份量較細▪️照燒魷魚筒🦑魷魚筒大大隻，食落爽口彈牙▪️自家製餃子🥟餃子正常，但唔係好似自家製三代目📍荃灣青山公路荃灣段398號愉景新城1樓1064-1065號舖📍北角英皇道500號港運城地下11-13號舖📍將軍澳欣景路8號新都城中心二期1樓1011-13號舖

一間有別於普通拉麵店的餐廳，除了拉麵外還有居酒屋食物供應，如串燒、炸物、天婦羅及壽司等，而且人流不多，環境整潔寧靜，是可以久坐的餐廳由於種類甚多，我們比起光顧一般拉麵店點選的食物來等多。炙牛拉麵湯底平平有淡然豬骨香，正好突出牛肉炙燒後牛與脂香，放湯後肉質仍軟腍豐肉彈性，證明牛肉脂肪足夠比例平均，3片刺身size牛肉確實唔夠喉～三盛燒肉丼內有煙燻雞、五花肉及牛舌，大約每款3件，燒物被一層薄油份包住，口感又滑又鎖到肉汁，雞肉嫩滑不鞋口，五花肉加入花椒有麻香好惹味有驚喜，牛舌薄切不失爽口略嫌沒有醬拌飯較乾身和風炸雞即叫即炸又脆又熱，炸皮不算厚，咬下有肉汁浸出，不過只附有檸檬無沙律醬牛之拉盤有牛舌、一口牛及牛肉蘆筍，拉麵店有串燒當然要試一試，牛舌與丼相同，一口牛脆脆外皮包住軟肉身，尚算有肉汁，牛肉蘆筍的牛肉燒得脆口乾，與爽口蘆筍一齊食口感十分合襯芝士培根魚腐卷如卷埋毛巾般，拉絲效果好滾動，薯片脆外皮，滿滿芝士、煙肉及蔥等惹味餡料，無人不愛，食一個都覺得飽同一餐可以品嘗到不同款式的日本食物確實感到滿足！

叫咗碗辛辣豚肉拉麵($98)完全食到啲麵係分開用水煮，然後倒啲湯落去，就當係一碗「拉麵」🤮啲麵仲食到水味，真係有少少噁心🤢真心杯麵好食過佢！但網上勁多好評 如果大家唔相信 建議大家去試一次 一定會明我講咩

今日同小朋友在愉景新城玩完之後，由於太夜關係所以買外賣返屋企食，D間餐廳係愉景城地下個層，都有幾間鋪位。最後買左4個餐同幾樣小食，質素還可以，中規中矩，係個合核有點驚喜，非常好食，其他D餸份量稍為少一點，多返D會更加好,下次試下堂食效果會唔會好D先！

愉景新城真係一個好大的商場，還好這家日本料理是面向大街的正門，紅黑為主色的日式型格裝修相當搶眼，從對面巴士站的天橋一眼就看見，不怕迷路。🍻先來兩杯啤酒降溫，這款Suntory金啤有第二杯半價優惠，抵飲。🦪飲啤酒當然要有下酒的小食，醉漬鮮鮑用花雕酒浸過，酒香帶出鮑魚的鮮味，煮得剛好有嚼勁而不靱，肥美肉厚切成四件夠兩個人食。🍣一口壽司對我來說是兩口壽司，因為實在要兩口才吃得完，上面的海膽也份量不少，入口即化的海洋滋味充滿整個口腔，是幸福的味道。老公的海老．蝦，是多一隻炸蝦所以海膽就不免少一些，味道沒那麼明顯但就令炸蝦就比平日更鮮甜。🐮慢煮醬汁燒牛舌丼的牛舌圍着整個碗邊，只留下中間一個小洞給温泉蛋，偏偏温泉蛋卻滾到一邊去😄牛舌非常厚切但非常軟淋還非常入味，面層輕輕地燒過肉香更突出，再扒一口撈了溫泉蛋又軟又滑的熱飯，好滿足🍤海之天婦羅幾乎集齊所有種類的海鮮，有蝦/ 黑松露帶子/ 鯛魚/墨魚和紫蘇葉，都炸得外脆內juicy。其中最欣賞黑松露帶子，這兩樣食材一個香氣濃郁，一個鮮甜嫩滑，已經是天作之合，再做成天婦羅，鬆脆的炸衣加多一重口感，裏面的帶子剛熟保留到肉汁，每人吃半顆真的不夠，應該要獨立叫一

今次我嚟同大家分享下係三代目嘅食評。首先要講嘅，就係佢哋嘅招牌菜：鹽燒牛舌丼。呢道菜以精選嘅牛舌肉為主角，再加上鹽燒嘅獨特風味，令人一口接一口想食返。牛舌肉營養豐富，口感滑嫩，同埋配埋白飯食真係好好味。再嚟就係蒲燒饅魚飯啦。呢道菜係一個充滿日式風味嘅料理，以蒲燒饅魚為主角，再配埋白飯，好想一口接一口食返。饅魚口感彈牙，再加上甜蜜嘅蒲燒醬汁，味道更加美味。仲有啲小配菜。如果你鍾意烤物，咁味噌甲羅燒就一定係你唔可以錯過嘅選擇。總括而言，三代目嘅料理風味獨特，令人一口接一口想食。無論係鹽燒牛舌丼、蒲燒饅魚飯、味噌甲羅燒定係唐揚豆池魚，都值得一試。

☀ 𝗦𝘂𝗺𝗺𝗮𝗿𝘆：環境以簡約乾淨為主以黑紅色為主調，加上店內既型格風設計令用餐環境增添獨特氛圍加上座位寛敞，坐得又舒服所以每次黎荃灣行完Ikea後都必黎三代目食返餐先回朝😂◈ 宮崎辛稻庭 $92選用宮崎辛稻庭烏冬麵，質感細滑彈牙入口柔軟而有嚼勁湯底微辣，帶有一絲辛辣感增添整道烏冬麵的特色再加入肉碎，韭黃，韭菜等配料增加口感層次和豐富度.◈ 鮮海膽 $68鮮海膽帶濃郁既海洋風味口感好似奶油般軟滑配上壽司飯既糯綿軟滑同海膽既鮮味相得益彰.◈ 軍艦蠔 $48鮮蠔炸至金黃脆香，蠔肉鮮嫩多汁，帶濃厚鮮味再同他他醬同壽司飯完美結合增添不少風味.◈ 燒牛肉露筍 $38燒烤牛肉帶有炭烤既香氣同焦糖化既外層肉質嫩滑多汁再包裹住新鮮既露筍露筍既清脆口感同獨特既青草香味牛肉相互襯托又能解膩.◈ 燒牛舌 $48牛舌肉質細嫩，口感柔軟順滑.◈ 和風燒茄子 $68即叫即燒的和風燒茄子茄子質地柔軟，內部綿密帶微微焦香表面鋪左一層蒜蓉同木絲，滿滿既和風感.◈ 自家製餃子 $62餃餡有豬肉，白菜等外皮煎至金黃酥脆入口時有肉汁溢出.. ◈ 蜜芝蜜桃烏龍 $30奶蓋層質地細膩滑順，奶香味濃厚結合左蜜桃烏龍茶既茶香令整體味

愉景商場地下全部都係連鎖舖頭，呢間環境比較開揚，店面都好大～筆者一向對居酒屋嘅餐廳冇太大好感，覺得主要都係得炸物，冇乜技術可言～ 出奇地，呢間屋叫做唔錯啵！首先黎杯香蕉朱古力奶昔：朋友一叫嘅時候，我即刻話：叫埋啲咁奇怪嘅野！點知試咗一啖之後發現係我膚淺呢杯奶昔雖然用咗朱古力醬裝飾，但係味道唔會好甜，香蕉味突出，飲得出係用新鮮香蕉🍌來製作而且唔會太膩值得encore～芝士奶蓋蜜桃烏龍茶～ 相對上較輕盈酒漬鮑魚夠大隻，而且好入味，唔會「un」炸日本池魚，份量可以，香口，不俗炸粟米芝士條👍🏻👍🏻拉絲芝士 ，啖啖芝士好滿足🤭 呢個性價比高推介！戲玉- 炸海鮮拼盤天婦羅，真係新鮮即炸，而且炸嘅時間啱啱好，唔會overcooked ！炸粉亦唔厚！數一數二好食😋最最最最有驚喜帆立貝一口壽司🍣 好厚切！鮮味唔腥！$48 真係encore價基于帆立貝壽司太出色🫣 同場加映多兩件！海膽較肥美👍🏻唔腥唔臭無啖味！軟甜和creamy😋 食得出係日本膽有啲後悔一開始冇嗌$288完板海膽+壽司🍣最後食個飯飽下肚。不過不失啦，口味較重埋單$671 ，以香港物價黎講，不算貴了。杯奶昔真係好飲到值得再戰！

拉麵的精髓是湯底，但他們的湯底是味精來的😓其他食物不知道，因為沒有點。但如果是為了吃拉麵，建議不要在這間餐廳食，會令你大失所望。門口排隊等位也排了一段時間。可能其他食物會好些。

三代目荃灣愉景新城1L今日星期日午餐時間三位只等了十分鐘就有位，有嬰兒椅，一坐低就比咗兒童餐具及兒童杯，好細心兒童杯裝的是溫水，成人裝的是熱茶👍位置坐得非常舒服，不錯。芝士牛丼(細) $52🍛等咗好耐先嚟到，拉麵已經食完，呢個飯先嚟到，份量非常細，芝士多但唔夠汁，不推薦。紫蘇燒豚梅肉拉麵 $98🍜湯底真係食到紫蘇葉味道，同埋有粒酸梅好醒胃，但係份量都係好少，麵唔夠食午餐也需要加一服務費兒童餐牌$88

眼見嗰個朋友都去日本旅行，但係自己因為工作上行唔開，所以就不如食個日本菜晚飯啦，就嚟咗呢間喺愉景新城入面嘅居酒屋坐低咗之後睇到Menu好多都好想食，實在太吸引了宮崎辛麵呢碗麵望上去超級好味😋係用咗稻庭烏冬做面底，而湯底就有啲蛋花，有啲肉碎，同埋有啲辣椒油，因為呢個面係比較辣既，所以唔食辣嘅朋友就唔建議了，但係整體成碗麵非常開胃惹味味噌甲羅燒呢度嘅甲羅燒係會配埋碗飯俾你嘅，所以其實如果唔想食太多粉麵飯嘅朋友真係可以叫呢個做一個晚飯，細細碗超好味，蟹膏撈勻之後勁香，非常新鮮，再溝埋白飯一齊食，簡直一流天婦羅拼盤佢有兩款天婦羅拼盤，我哋就叫咗海之天婦羅，顧名思義就係海鮮會多啲，有蝦，鯛魚，帶子，墨魚同埋紫蘇葉，粉漿唔會太口，入口好鬆脆，食得出係即叫即炸燒喜之次呢條魚雖然唔知係咩魚，但係肉質非常之滑，亦都啖啖肉，好濃郁嘅魚味，用咗鹽燒去烹調，所以基本上唔需要任何調味料都已經夠鮮味

無需要等位， 入到去位置奇差無比， 員工態度更有問題， 佢價格都唔平， 見佢吉店無人等， 勁多位， 就問佢可唔可以坐大枱， 反正佢無客， 。一個職員更不善解釋， 唔講野叫第二個職員黎解釋。差！ 請好好檢討！ 食物也很一般！

去到呢層好多食肆，發現好野，呢間係我friend食過話好食嘅，我就黎幫襯下。慢煮醬汁燒牛肉燒丼個牛舌超級軟淋又juicy，個醬汁加上溫泉蛋口感變得豐富。彩虹凱撒沙律竟然咁有heart有橙同好香甜嘅芒果粒，係啦又係有隻溫泉蛋樣靚又增加味道層次，滿佈芝士粉嘅沙律菜，值得一讚。好鬼鮮甜新鮮嘅鮮海膽一口壽司，賣相相當有水準，一啖放入口嘅size feel到強烈鮮味都幾正。和風芥茉豚足似足日式熏蹄，但更嫩同醬汁較香甜，伴碟沙律菜都幾好食。豚肩叉燒拉麵湯底做得唔錯；至於吉列牡蠣夠香鬆脆，蠔肉keep住鮮甜，兩樣都係中上quality。料理黎講價錢合理但食物質素都算高，值得推介。

優點：只有海老天婦羅十分推薦，香港數一數二好食嘅天婦羅。餐廳環境乾淨整齊。缺點：拉麵很明顯尚未完全解凍，需要人手用筷子攪拌才變得較為鬆散。當餐廳有很多空位時，侍應卻把我們帶到了非常擠迫的雙人位，餐桌只有空位放兩道主菜。但還有很多寬敞的空位可供選擇，我們多次提醒後才願意換位。我們點了很多菜，包括前菜和主菜。他們先上了主食，第四道菜才上前菜，這顯示他們似乎不太重視客人的用餐體驗，需要改善。其中有飲品的銷售說明與實際商品完全不符，餐牌和電子餐牌上明確標示「朱古力爆脆」，但實際上卻是阿華田。我的朋友在不知情的情況下飲用後感到非常不適和嘔吐，因為他對阿華田的味道非常反感。商家沒有誠實清楚地說明商品，令他感到極度不適。向經理反映意見後，她解釋原來也有其他客人反映過同樣的問題，但餐廳管理層只是草草了事，沒有悔意，以印刷問題為藉口應付。可見餐廳對客人的用餐體驗漠不關心，讓人「俾錢買難受」。