三不館車仔麵 (登發街)

營業中

休息中

香港的九龍城寨曾經是三不管地帶，即香港政府不敢管、英國政府不想管、中國政府不能管。當中孕育出香港的特有文化，亂中有序，盗亦有道。那時那地大概最壞，但亦或者最好...今日竟有一間三不館車仔麵店，老細大概就是對舊香港的情懷，留戀不已，所以店面店內都投射出一種混亂的型格，頗有特色。車仔麵係一種属於香港的草根美食，賣的是萝卜，猪大腸，猪手，猪紅等下欄貨，充分顯示出香港人的靈活、儉樸、智慧而又不放棄生活質素的民族性。老細秉持製作車仔麵的神粹，不以高檔食材花膠、鮑魚等作招徠，反而以味道說服食客，即使廉價的食物，只要用心去做，也可以勝過鮑參翅肚。店家貼心，顧及女食客眼闊肚窄的特性，可以走面底，齋點餸，值得一讚。好！一於試四個餸先。因為顧客都幾多，所以要耐心等候，不過等待是值得的。時菜就普通，但浸咗麻辣湯後，增加了味道，又冇炒菜的油膩，好味！酸齋够酸又够甜，味道濃郁，不會像其它店般浸了湯，就失去本身的味道。猪腸有好幾件，没有孤寒，滷得入味又够稔，即使有少許肥膏亦唔會成口油。最好味係炸魚皮，完整幾大塊，用小碗另上，非常脆口，即使浸落湯再取出，仍然香脆。枱上有辣菜莆予食客自行添加，用料豐富，除菜莆還有蝦皮

在荃灣用餐，說難不難，因為食肆太多。說易不易，因為伏者處處，也不一定物有所值。路德圍一帶更是競爭激烈，每隔一段時間來，已見交替。光顧此店已兩次，質素穩定，值得推薦。第一次點了鳳爪，豬頸肉，豬手，豬大腸，油麵。鳳爪出色，調味惹味，有記憶。豬頸肉原塊處理再切片，好處是嫩滑有汁，調味也到。豬手點了沙薑，標榜新鮮，確實也好味，呈現的口感是爽脆，有別一般淋滑口感。豬大腸同樣新鮮，煙韌入味，沒有過火，有心機。油麵標榜鮮製，我倒也好奇，有那一間不是工場交貨新鮮製造？確實也是正常貨色。湯底有味有心機，不是雞粉水加少少腩汁就算之類。桌上有麻辣醬，頗鮮明的花椒味，又不嗆喉，漂亮。菜甫鹹甜辣爽脆，用來拌麵也不錯。今晚再來，點了鳳爪，豬大腸，牛腩。今晚的鳳爪已沒上一次般驚艷，就好似鮑汁鳳爪一樣，其實是好味的，但感覺沒有上一次般沖擊味蕾。豬大腸也稍遜於上次，今次多了種豬燥味，當然比不少店要好，其實我也能入口，只是於清洗上，就差了一點。再來牛腩出色，是急凍貨色無錯，偏瘦，但處理得好，入味又無過火，不容易呀！整體而言，水準之上的車仔麵，在這𥚃五分鐘路程，至少還有兩間車仔麵，其實未去過這間之前，我已不會再去，何況現在

#小秘書 放假總係鍾意 #捐窿捐罅去搵嘢食🥢 呢日嚟到 #荃灣 ，竟然比我見到 #三不館 喺 #登發街 開咗分店，一向係 #車仔麵迷 嘅我，梗係要試試😋#三不館 整個裝修都以 #五六十年袋 取材，裡裡外外都 #色彩繽紛🤩 呢日我點咗個 #三餸麵餐，有 #瑞士雞翼、#咖喱魷魚、#滷水豬大腸 配 #湯粗麵 + #腩汁🍜 味道同 #大埔總店 差唔多，因為我真係覺得樣樣都真係幾好食😋 #雞翼 脹卜卜咁，配襯埋 #瑞士汁 嘅甜味道，唔錯唔錯👍🏻 #咖喱魷魚 爽口，#咖喱汁 唔會太杰、剛剛好👍🏻 而我要讚嘅係佢哋嘅 #滷水豬大腸，咬落去好有質感、加上 #滷水汁 特別嘅香味，我比佢99分😆 仲有呀如果你食得辣嘅話，一定要食埋佢哋免費嘅 #自家製菜脯 辣辣地好惹味🤤鋪頭細細充滿人情味，臨走嘅時候，我都忍唔住向收銀員讚咗一句「好味呀」😆

同事係車仔麵super fans，經佢推薦下知道有呢間野，咁岩lunch諗唔到食乜就去試試佢先間野個裝修好有特色，D佈置上寫既字有部分係同車仔麵有關，仲會播返d 80、90年代嘅懷舊金曲。佢既配餸都幾多選擇，價錢都比較抵食，我就叫左豬頸肉+蘿蔔+生菜+幼面+金牌麻辣汁因為個碗好靚，想俾like個面既份量都幾大，面條有咬口，有好多生菜，夠哂新鮮爽口，蘿蔔大大舊，食落清甜多汁，又煮到淋哂，好好味，必食推介。豬頸肉係邪惡之選，卡路里超高，但黎呢度食，破戒都係值得的，油脂分佈均勻，有煎香過，但我覺得可以再入味d而個麻辣汁-》好似係清湯再落左少少辣椒油咁，以為係成個唔同樣既汁，不過都唔錯+8蚊有得飲豆漿，都ok的

荃灣新開左間車仔麵，店名同店面裝修都係行老香港風格，唔知係咪因為深諳幾平凡嘅嘢只要加上「懷舊」、「集體回憶」⋯⋯就忽然之間變得好似好有特色、非試不可咁，所以就算車仔麵明明未舊，都突然「被懷舊」。唔知仲以為車仔麵同火水爐一樣，後生一輩從來冇見過咁👵🏻裝修係好有心思(店內仲播住LAW記名曲「獅子山下」)，反而嫌佢太精緻，感覺好似去左香港歷史博物館😓食物方面對比裝修就真係相形見絀，叫左陳皮魚蛋、咖哩魷魚、韭菜米粉配古法辣汁。魚旦唔彈牙、魷魚唔太入味、湯冇乜味、辣汁唔辣亦食唔出古法之處⋯整體而言未至於難食，但唔可以話好味，可能其他餸佢地整得好出色只係我冇點，總之最後我食剩左半碗，仲過左對面馬路嗌左個麥樂雞餐填肚添😨

前排經過時見到開左間新車仔麵鋪, 個名好盞鬼, 叫"三不館", 令我諗起九龍城寨成日話搵機會試下, 今晚機會就黎喇一踏入佢門口, 就好似入左時光隧道咁就連佈置既廣告街招, 都係耳熟能詳既廣告, 再加添創意,無論裝修,佈置,  擺設, 用具, 音樂都充滿50年代香港本土懷舊感覺呢張就係落單紙配料口味好廣, 除左一般傳統車仔麵都有得叫既餸之外仲有新式d既餸, 例如:酸齋,  蝦條卷, 豬手, 鳳爪, 豬頸肉湯底選擇都唔少, 唔加錢既都有4款任你揀而鍾意食辣既朋友, 呢度都有2種辣味, 5個唔同辣度比你選擇添台面上有一樽野, 我原以為係辣椒油一開~~嘩!! 係辣菜脯呀!!!真係估你唔到不過不失, 唔會太甜, 至少比起有d鋪頭自己煲既好飲我個2餸麵黎喇!!醬燒豬頸肉--->薄切但大片, 少少爽口, 好食滷水鮮豬腸--->大大舊, 洗得乾淨, 每一啖都食到香濃滷水味, 但如果可以再炆淋少少就perfect油麵--->唔知係咪真係鮮製關係, 爽口架wor有別於我平時食油麵可能會預上好淋好pat既問題湯底--->可能我係好食得辣既人,  所以少少少辣真係無咩感覺我食唔

又係荃灣搵食，偶然行過見到呢間新開既車仔麵，裝修行懷舊路線，又係時候試新野😊唔好睇幅牆好似雜亂無章咁，特登用左好多懷舊香港特色既野，例如鐵閘呀，手寫小巴牌呀等等，配合番車仔麵呢個香港舊有特色食品👍🏻每人一張紙，自己圈自己嗰碗。醬燒豬頸肉+滷水雞腎+鮮製油麵+牛腩汁+小小小辣雖然要左牛腩汁，但係無論碗麵個樣，同食落去個味都好似無乜料到。招牌麻辣豬手+瑞士雞翼+粗麵+金牌麻辣汁+小辣一碗general野，兩餸黎講，份量偏細。反而枱面上面嗰樽仔既辣菜圃就正野，辣味同鹹味處理得剛剛好，好平衡。加左落湯度，好似提升左去另一個層次咁👍🏻

車仔麵開到成行成市，但好吃的車仔麵，真的買少見少⋯⋯荃灣路徳圍，從前只得一間老字號榮X，近年其他新店車仔麵加入路徳圍，開完一間又一間，最近得知大埔有名的”三不館” 進注入路徳圍，朋友告知後，決定要去拜會一下。地點容易找，荃灣港鐵站南豐中心的旋轉天橋一落就見到，就在捐血站附近。門口大招牌很吸引，兩餸麵$30,三餸$38, 而且所有餸也劃一收費，實在難得。店內裝修很有七、八十年代特色，押舖、藥房、街招、廣告，字眼有趣得嚟很生鬼⋯⋯當日筆者11:45am到來，所以未算多食客，但坐低後，食客相繼陸陸續續到來。點餐紙顏色精美，易看，簡單清楚易明。四餸麵都$46, 另加每款餸都只是$8 ，餐飲加$8 ，可選擇豆漿或支裝飲品，價錢大衆化，相當合理。有趣的是: 平日時段，凡著校服及用功讀書的學生，惠顧三餸麵以上送飲品。用功讀書與否，真係要帶埋張成績表給老闆看了。正當點餐時，看見鐵閘上掛著幾塊紙皮，寫了當天沽清的⋯⋯一心打算來試的麻辣豬手，未夠中午就已沽清，真是無缘。點餐後，細看牆上面的鬼馬廣告，相當有趣。細看之下，見到尋人啟事，竟然是大㕑，年青人真有創意。在等待的過程中，除了看著牆上面的有趣資料，食店

經過路德圍，走過這店鋪門口，站在門口的店員很殷勤地派發該店的點菜紙，並叫我們試試啦。結果菜單後打算離開，但想想，見他那麼有禮貌要，又有熱誠，就試試吧！進去後也覺得挺舒服，十分懷舊的裝修，餐廳亦播放著懷舊歌曲，我隔離的食客也跟著唱歌很配合懷舊的裝修。雖然店舖貼著說仍然是試業階段，但感覺他們的運作也暢順。我們點了兩碗三餸麵，一碗是醬燒豬頸肉+瑞士雞翼+陳皮魚蛋+腩汁配油麵；另一碗是醬燒豬頸肉+秘制香醬鳳爪+薑汁豬筋丸+清湯配河粉。份量也正常，加$8可以配飲品，有豆漿，懷舊玻璃樽汽水等等⋯服務不錯，員工有熱誠有禮貌，會再光顧的！

今日返工忙到甩轆連飯都無時間食搞到收工差唔到十點先食野..好彩👦🏻等我收工陪我去路得圍食野見依間新開左一陣既三不館未收，就入去試下.人均最低消費兩餸一麵，我就嗌左淨餸四餸$36，👦🏻要左三餸一麵$38，以下推介下我地試左幾好食既餸.🔸醬燒豬頸肉雖然浸左落湯，但都食得出佢係煎得好香！個邊邊位仲有少少脆，幾有誠意！不愧為必食龍虎榜第三名🔸薑汁豬筋丸見個名幾得意叫左，我想像係會啲丸浸係有啲薑味既汁上？No!原來係個丸本身已經混合左薑汁，每啖都食到薑味。但其實我無好鐘意薑，唔知點解自己會嗌左😂🔸辣菜甫喂依個堂食必食！係放係枱面自己舀黎食既！個辣好香仲食得出有好香海鮮味，唔知係咪加左蝦米所以咁香？我同👦🏻食到停唔到口呀.本身想試埋佢個滷水豬大腸話曬係龍虎榜第二位，但點知賣曬🥺🥺唯有下次.坐得幾舒服又唔算好貴，加埋有辣菜甫加持，我會再encore既機會極高！

位於荃灣新開的車仔麵, 店名叫三不館, 幾特別幾易記. 店內裝修幾懷舊有特色, 仲插住獅子山下既歌😎車仔麵三個餸 $38, 都幾大碗幾抵食. 有很多餸既種類可以選擇, 店內特別推介的是豬手, 但今天我沒有試. 這次選了雞翼, 蝦春卷及蟹柳, 這幾款餸的味道也不錯, 亦有附上白菜.麵款有好多選擇🤤 我選擇了這間的幼麵, 爽口幼滑. 湯我選擇了清湯，但感覺又唔算太清, 似加左dd 腩汁咁❤下次再黎又可以試下其他餸呢🤭 ❤店舖 : 💙地址 : 荃灣登發街10號地下

見係新開喺路德圍，同埋小妹好喜歡吃車仔麵，所以就入咗去試一試。裏便嘅格局都係懷舊為主。不過就覺得啲枱有少少太埋大家，有時會背貼背咁樣坐。每一次食車仔麵都會點油麵，同埋如果係未去過新開嘅車仔麵餐廳我一定會點豬大腸，蠔油冬菇。今次再試埋佢哋嘅雞翼。豬大腸就有啲chewy... 咬極都好似吞唔到。蠔油冬菇唔夠林又唔係好入味。個雞翼都係一般般啦，個size係正常唔係話好大隻或者好細隻。麵個份量夠多但係個油麵唔夠彈牙。一樣野我覺得唔錯就係佢哋個湯底多選擇同埋飲完唔覺得口渴，咁應該都唔係重味精。

游完水見到有間新野 我ed人最鍾意試新店野即刻入去食！！環境裝修 似80年代 都幾得意！！叫左3餸1麵 38 加杯豆腐8蚊 46蚊唔算抵食！！本來諗住食油麵！！但賣晒。。。。有d失望油麵仲係佢推薦慨。。。。叫左豬皮 鳳爪 豬頸肉 同杯豆漿豆漿叫貨反黎冇特別 但都要8蚊有d貴豬頸肉燒得幾好有d焦！！仲有3片 抵食！！豬皮 唔夠淋 同都唔太入味 得4舊有d少 鳳爪 夠淋 夠鬆 入味！！好食慨 但得2隻。。。。有點少 叫左金牌麻辣 中辣 夠香 夠辣 但唔夠麻！可能新店 食物方便要再多d關注！！！

荃灣新開車仔麵檔，裝修好懷舊，好得意，播住啲舊歌，特別有風味！！招牌麻辣豬手同鳳爪都好味，好淋好入味！仲點左個鬆毛鬆翼，即係孜然雞翼，都幾辣同幾重孜然粉味，值得一試！！

讚1. 呢排荃灣係咁開車仔麵，呢間既裝修好得意，魚蛋幾好味，酸齋好入味，麻辣得幾開胃，而且食完後口唔乾，味精應該唔算重彈1. 大腸話係名物，但實在切得唔好，韌呀，而且有部分唔太入味