三不賣野葛菜水

營業中

休息中

呢期師傅經常燥燥地, 已經成日有個念頭就係搵日要去飲廿四味, 啱啱睇完食家好友"乜都放入窿"嘅春回堂介紹後, 真係好想走去試試, 可惜完全唔就腳, 唯有下次啦! 於是乎喺呢區走走, 其實前前後後都經過呢間食店無限次, 耐何梗係冇機會去試, 到左今日師傅終於可以同佢碰一碰頭!入到去講都唔使講, 淨係舉左一隻手指, 即刻就見到個店員以超熟手嘅技術, 裝左碗野葛菜水, 當然師傅即刻放低八個大洋, 就攞起碗野葛菜水飲, 第一啖試下咩味先, 係暖暖地, 入口甘涼, 令到喉嚨好舒服, 味道好清少少甜, 有生津解渴嘅功效, 然後師傅就大啖大啖咁飲, 飲完之後, 師傅都覺得幾解渴!總括黎講野葛菜水真係好得, 師傅都係第一次飲就已經留下深刻印象; 食店絕對係老鋪, 地方細冇裝修, 但係都好光猛; 而八蚊雞一碗都算幾抵飲, 解渴清熱, 好過飲啤酒! 只不過師傅有個問題唔明, 就係"三不賣"究竟係好似對上位食家話係逢星期三不賣湯水而休市, 定係如開飯網話"不夠火喉不賣, 不夠材料不賣, 地方不乾淨不賣"呢?

食完熱氣的芝堡、咖哩魷魚、咖哩魚旦，當然第一時候要下火，行兩步正好是三不賣野葛菜水不用說話，放下十元，店員自動盛一碗野葛菜水，再找兩元，簡單方便!不是第一次食這裡的食評，不說其功效，不說其味道，但想說說"三不賣"名字的由來"三不賣"即是星期三不賣湯水，逢周三休市，以往是這店獨有的風格但當然，今時今日這傳統已消失，星期三你想飲一碗下下火，這裡仍是照火通明呢!

老婆o係 OR 見到有野葛菜水未試過又好似幾特別於是趁一次去睇電腦野時順便兜埋去買左一樽加鹽我就覺陣味好怪喇，唔加鹽或者好 d於是成樽留返俾老婆自己隊晒 ( 適逢佢熱氣牙痛飲岩晒 ! )

同朋友係pp3做完d野, 就行過黎飲呢d中國涼茶我由細到大都未飲過, 朋友話甜甜地好正, 咁我自己都覺得相當唔錯果然值笑面!

三不賣野葛菜水喺灣仔勁出名，人流絡繹不絕，不過本人甚少幫襯，因為女同事都話女仔最好唔好飲咁多，好涼喎。不過又係，有d同事飲完就話會頭暈。我好好彩，無遇過以上情況。之前食pizza咁鬼熱氣，今日飲返杯野葛菜水排毒降火清吓熱氣，係咪真係有用就唔知，不過都幾好飲，味道甘甜，加點鹽調吓味仲正。

滿足了甜牙齒,都是時候消耗一下卡路里,從PP3向灣仔進發,遊蕩了好一會就發現了這間葛菜水專門店,店前站滿了客人,月巴人也買一瓶($23)外帶回家跟大人細佬分享。回家後喝了一口,味道有點咸咸的,但我已經說了不要鹽的哦,難道店家都加了??葛菜味道不太有,反而羅漢果的甘甜味比較突出,還有點點龍脷葉的味道,跟陳仔的甜味是有不同的。以大人所言,多加點鹽可以當葛菜湯來飲,相信也是另一種風味。雖然個人還是喜歡陳仔的味道多一點,不過無可否認三不賣的也很有水準,飲後喉嚨也是蠻舒適的,路經也可一試。

本蟲係灣仔老街坊，當然係飲三不賣野葛菜水大，無可否認飲云全港始終係先入為主覺得佢野葛菜水最好飲，但我對佢總係收得貴過人有不滿。近日通脹加劇，其他涼茶鋪紛紛加價，一心諗住終於可以同佢睇齊，點知轉過頭佢又加到八蚊。我唔介意佢十年如一日齋賣一樣，但就好介意要俾多一蚊，八蚊我真係寧願自己買料返屋企煲。

我係第一個俾呢間野"OK" ge人！味道是不錯的，但真奇怪，無大家講到咁勁，我反而覺得佢唔夠濃，葉香留ge仲好似濃過呢度。

由細飲到大，d 間野真係好出名，而且價錢合理每次路經都必飲一碗有時什至買一支回家凍飲^^好過飲汽水好多倍啦

近日調到灣仔北返工，到克街附近揾食，經過這間一Ｄ也不起眼的小店，通常很怕飲一碗碗的東西，怕洗得不乾淨，渴了別人的口水；但見人客川流不息，即管一試，果然入口甘涼，立時解渴生津，簡直驚為天人！自此之後，到克街附近吃飯便會順道喝一碗。早前家中打邊爐，更買了兩樽與家人分享，以清熱氣。自一月起加價一元，一碗賣八元，一樽賣二十三元。貴是貴Ｄ(尤其是一碗，兩三啖飲晒，真係幾肉痛)，不過真係好，無辦法啦！

雖然同事成日叫我女仔唔好飲咁多，但係佢那種甘甜的味真係very good !我o係灣仔返工3 年，就飲足3年。因為我個人唔鐘意普通涼茶的草藥味，野葛菜水就岩晒我! 自從飲過三不賣的野葛菜水，再去試開到成行成市的「野葛菜水」就簡直覺得係垃圾。因為三不賣確係夠火喉同夠料!成枝飲，正!

同三不賣結緣於同學仔介紹。炎炎酷暑，加上我本身熱底，行左陣cwb 灣仔真係口乾舌燥。因為唔鍾意飲有汽ge 飲品，買水又覺得好搵笨，所以平時口乾都係去７仔買支無糖茶行住飲。平時買支野飲都差唔多八蚊，頂多都係當水飲，解口渴但解唔到暑渴。但七大元整碗野葛菜水，雖然佢\\\\\\\係暖暖地，但飲起上黎喉嚨好舒服，好解渴，比起其它包裝飲品好好多，飲完之後一路步出門口，一路個喉嚨都仲係甘甘潤潤，即刻叉足電繼續行。今年酷暑，全靠三不賣～

以前成日去九龍城飲葛菜水, 但呢期已經好耐未飲過, 今日經開附近既188就去試下係咪咁掂. 生意好似都幾唔錯, 好似我呢d企係度飲既人都有好幾個.雖然係個煲倒出來, 但微暖可即飲, 入口葛菜味唔算濃, 少甜易入口, 加左鹽味道就變好特別. 可能好耐無飲, 覺得幾唔錯.

我諗呢間鋪頭, 我都飲左廿幾年, 真係灣仔界的另一個集體回憶. 好細個讀小學時, 有個阿伯賣葛菜水, 佢叫我地幾兄弟過來買, 都會畀我地添飲, 大約是25年前左右, 佢就唔係度啦, 咁多年, 而家諗起都有少少懷念. 而家仍然住灣仔, 有時經過都會買一杯黎飲, 唔知係咪因為細細個飲到而家, 定係佢真係咁堅, 我出去外邊飲葛菜水, 真係無飲過一家比三不賣好. 同埋我諗三不賣賺唔少, 你睇佢個靚女老闆娘, 成日穿金帶銀咁上班同你倒葛菜水, 農曆年人人都休一日, 佢就休足一個月. 抵你發達!

我又係平時飲開陳仔葛菜水成日經都醒唔起黎呢度飲添!佢幾甜真係幾易入口但又唔覺得佢係糖水我成日飲五花茶都覺得佢地係糖水!!!飲左2日繼續得閒飲下睇下佢有冇咩功效先