七重天餐廳

營業中

休息中

每一次路過一些名字特別的餐廳，總會給我一個特別深刻的印象。而每一次坐車來鰂魚涌尋食，在英皇道旁，有一家名字很奇怪的餐廳，總會令我在巴士式電車車窗內，往外望多幾眼。這就是我是日專程來看個及食個究竟的《七重天餐廳》。這一家《七重天餐廳》，是一家很傳統的豉油西餐廳，入到內，亦能夠感覺到他的老派格局。飲食的環境雖然是普普通通，但當中有不少擺設，也是值得你去用相機拍下的。午市的套餐，有麵包有湯也有扒。我點了牛扒，店員立即問我要幾成熟，令我在心中的期望提升了不少。食扒的前戲，就是麵包同餐湯，蒜蓉包加忌廉湯，creamy 就是最好的形容詞。蒜蓉包香脆，點一點湯食，更可口。食西餐都是配薯菜比較上正宗一點，肉眼扒，4成熟，配上相對上比較粗條的 fries，再淋上一個燒汁，感覺非常之香港式，而對外國人也沒有絲毫的失禮。把牛扒切開，鮮紅的肉色，鮮紅的血汁在牛扒的內心滲出來，肉質腍而帶香，這肉扒，雖然不是什麼高級的扒，但在濃香的汁帶領之下，這牛扒的香味十足，濃濃烈烈的汁味，牛肉味，是平凡人的一種美妙味道。好的港式西餐廳不多，既老字好又保持良好水準的更少。大家都是香港人，豉油西餐，基本上是由細食到大的，這一種牛

其實都黎過N次,無計太近屋企但係以港式牛扒來講,呢度真係平爆所有SET大約80蚊左右,包野飲,餐湯,蒜包,甜品(JELLY/芒果布甸)我就叫呢個大蝦牛柳,雖然隻蝦唔係真係好大,但係都叫做不少肉既,雪藏野都預左無咩味牛柳要了5成熟,肉幾稔,肉味不算強,但起馬無出面O個D被XX粉整到軟哂既感覺,理論上健康一點連埋汁食,味道可接受,薯角好脆咁既價錢真係算好FAIR

2月28日, 今日呀菲又搵呀比食飯~ 鰂魚涌一帶午飯時間都人頭湧湧, 而且不論好食唔好食嘅地方價錢都係唔平... 我地漫無目的地朝著北角方向行下行下咁搵到呢間七重天餐廳, 記得以前係炮台山有一間, 賣嘅都係d港式西餐, 睇在佢無乜人唔洗等位份上, 就試下啦!::: 忌廉湯 + 俄國牛柳絲意粉 + 凍檸茶 ::: $40+$2忌廉湯都算杰嗰隻, 飲落味道偏淡, 加上幾粒蘑菇, 成個味道都唔突出, 只係可以接受~ 個蒜蓉包嘅蒜蓉都唔多, 只係喺面輕輕一層, 亦唔脆口, 麻麻.俄國牛柳絲意粉上枱賣相十足茶餐廳, 一碟意粉淋上一pat汁就上枱, 不過份量好多, 一定食得飽~ 牛柳味道唔錯, 個汁甜甜地幾開胃, 肉質都好淋~ 但係意粉淋過頭, 加上d汁, 失去咗個口感.凍檸茶正正常常, 檸味較少, 茶味偏濃~::: 羅宋湯 + 黑椒肉眼扒 + 凍奶茶 ::: $48+$2呢個羅宋湯雖然唔太啱我口味, 但無可否認佢都幾正宗~ 湯底有超濃嘅番茄同肉味, 同埋正宗羅宋湯會有嘅辣椒味! 其他配料亦十分足料, 椰菜蘿蔔牛柳粒都好多, 成碗都係, 味道都唔差. 送湯嘅蒜茸包蒜味一般.黑椒肉眼扒份量相當大!

睇過外賣餐單,以為幾抵食, 上黎睇又講到算OK一試就中晒伏!質素好麻麻,自己整真係會好食D !配合埋個價錢,整個評價變成極差午市$46普通的羅宋湯, 凍硬的蒜蓉包(應該放低左成個鐘), 普通司華力腸超級少肉豬仔骨 + 份量好少同好少汁的普通意粉 (味道一般)普通熱奶茶 (附送檸檬核)結果食完都唔飽!心情都好差!貴D以為可以食好D~點知落差咁大已經好耐無試過!一定要有改善!調低至$32-36或者會勉強接受比附近茶記質素偏低

Cheap deals can always be found hereOrdered a dinner set that nightSalmon steak with spaghetti in white sauce With a drink(coffee or tea) and dessert (mango pudding or jelly)Surprisingly the set came with two steaks *v*the mango pudding was not bad as wellSeventh Heaven is definitely a nice restaurant

獨個兒去北角上 training，隨便挑一家餐廳午餐。午飯時間好擠迫，客人的聲浪很大，而且一定要搭檯。是日午餐有五款，不用加一，~$40 算是頗實惠的。羅宋湯一般，不夠香濃酸辣，配料也不多。蒜蓉包是稔的，不脆，不是新鮮焗起的質素。拿破崙汁長通粉，同樣是醬汁不夠香濃，長通粉毫不掛汁。配料很單薄，只有薄薄的香腸火腿片。凍檸茶少甜，不錯，喝得到甘甘的茶味。整體說，價錢雖然不貴，但食物質素平平，茶餐廳也許會更好吧。

第一次食呢間餐廳, 裝修唔錯, 而且有侍應在門口歡迎食客, 亦好快安排到座位~食晏時間都坐得滿~於是我同弟弟滿心以為呢到信得過~我們點了兩個餐, 送餐包、餐湯及餐飲:1)紅湯: 淡而無味, 而且太稀, 弟弟形容為羅宋水2)白湯: 太咸, 一飲就喉嚨唔舒服, 雖然個口感唔錯, 但味道的確過濃3)蒜蓉包: 好香蒜蓉味, 但我用來送白湯, 就覺得個包好淡, 冇乜味…個湯真係好咸4)白汁雞皇意粉: 份量適中, 但汁太少, 似食乾意粉…5)洋蔥汁西冷扒飯: 賣相好靚, 個洋蔥汁送飯都好好味, 不過塊西冷扒勁韌……切到手軟, 咬到牙都冇曬力……其實一般lunch, 我都唔打算要求太高, 始終都係繁忙時間…但兩個人食左$90 (即$45/人) 咁就真係似乎唔係太值……

只可以講此店的 食品質素與客人數量、鋪位大細成正比.......因為住喺附近, 所以有時候都會幫襯下, 可以講佢個價錢唔算貴, 下午時段不用 $30 就可以有多款外賣飯盒選擇~~~但佢鋪位越做越細, 但人流亦唔多....星期六的下午茶, 只有我哋一家人.....order 咗3個下午餐焗白汁粟米龍脷柳飯+熱飲 $26Dad 食, 無試, 份量一般, 但即焗, dad 話味道 ok豬扒包+凍檸茶 $22豬扒包內層煨過, 但過燶, 內裡包邊比較黑, 沙津醬太多, 豬扒唔錯的~~雞翼沙津+凍奶茶 $22沙津係薯仔+什果, 勁多沙津醬, 但個醬不是我杯茶炸雞翼3隻----但似未解好雪, 有陣鯹味, 仲要3隻都唔熟, 內裡見紅, 要求返炸, 但那鯹味無法趕走, 唯有放棄兩杯凍飲都唔錯, 只是比較多冰~下午茶無收加一, 有電視睇, 但店內有烏蠅, 可進步空氣無限大, 只是店東肯唔肯行出一大步~

唔想食連鎖快餐店，但又想揀平靚正嘅tea set，喺openrice搜尋附近有咩好去處，俾我發現呢間七重天！記得以前食過佢Ｄ扒餐和dinner set，反而tea就未試過，見佢有張餐牌post左出黎，一睇之下，嘩，真係估唔到七重天tea set價錢比去開嘅茶餐廳同埋連鎖快餐店平，而且小食、三文治、沙律餐、公仔麵／米粉餐、粉麵焗飯都有，的確有好多款式揀，我急不及待，一於拉埋朋友去！ Total $38又坐得舒服，個男侍應有禮貌有耐性，而且又不厭其煩回答我地嘅提問，真係好好！我地會再幫襯！ 法蘭西多士＋熱奶茶（$18）：金黃色外層，滿滿的花生醬餡，唔＂火農＂之餘仲食到雞蛋味，搽埋牛油點埋糖漿，味道唔錯！ 魚柳沙律＋熱咖啡（$20）：要讚讚件魚柳，佢炸漿適量，所以外層唔會太厚或食落成舊粉！ 而魚柳本身又唔腥唔乾唔老，食得出佢嘅魚鮮味（冇雪味），very good！ Ｄ雜果沙律夠凍而沙律醬又多又撈得勻，仲有適量薯仔喺入面添，加埋兩片蕃茄，整體上，無論味道同賣相一Ｄ都冇欺場！

平時成日星期日來呢間,阿近屋企一來,2來又平咁就叫左個西冷,5成熟,黑椒汁,白湯,有個蒜包,有野飲,有甜品,58蚊個湯一般貨仔啦個扒跟左飯,5成熟,但出到來大概6-7成啦,都OK既,以呢個價來講唔似食緊梳打扒嫁啦,有肉味既,但生熟度做得唔好姐..個汁唔夠SPICY我個人應為姐真係好抵下,次次都飽到嘔,性價比高

　　今天和朋友在這裏吃晚餐，六點半的時間，餐廳內異常寧靜，我們點了兩客黑椒肉眼扒，一個配薯菜，一個配意粉。　　先來的是羅宋湯，味濃料多大碗，而多士則是牛油蒜蓉法包，十分美味。　　肉眼扒更是驚喜，肉厚大塊，而且黑椒汁也是恰到好處，所謂的薯菜更是焗薯加椰菜和紅蘿蔔，真的很驚喜。朋友的意粉也吃得津津入味。　　最後的熱奶茶夠甘香，更有甜品，是啫喱或芒果布甸，我們都要了布甸。　　這頓豐富的晚餐只需５８元。真的好滿足！

　　早在中學時代，對七重天便有很深刻的印象了。我所讀的中學在鰂漁涌，但我不曉得這家七重天是不是仍是以前的那一家了。　　巴士常常經過這裏，我感覺到這家七重天比較清靜，格調也比較高雅，因此很想來試試。適逢新工作的地點離這裏不遠，來之前我還在搜尋過，他們的下午茶時間直至六點，我五點半下班，步行過來，還來得及吃。　　推門走進這裏，便感到很環境舒適，燈光柔和，椅子是籐的，雖然空間不是太大，但因為這個時間人不是很多，十分安靜。　　我要的是香腸煎蛋出前一丁麵，喝熱奶茶。香腸沒有煎過的感覺，是白灼的，而我也指明煎蛋一定要太陽蛋，太陽蛋浮在湯碗中，十分漂亮，而麵的確是用出前一丁，麵質韌軟適中，湯底不是太鹹，感覺不錯。而奶茶方面，夠熱，甘香濃滑，沒有苦澀味，佳。　　侍應生也很殷勤，很主動，看到吃罷東西，見到不會騷擾到食客才來收拾。　　印象甚佳。

因著開會的關係，有機會重遊鰂魚涌。會議完結時正是午飯時間，於是便決定在鰂魚涌醫肚。相信有不少網友都知道，鰂魚涌的午飯時間是如何的人山人海（說真點，全香港的商業區都是如此）。最後便選了接近大酒店的一間港式西餐廳。幸運地，可能是因為一個人用餐，不需等待，一到便有位了。選上是日午餐的吉列龍脷飯配蒜溶汁。先到的是羅宋湯及蒜溶包。羅宋湯真的不錯，熱熱的，少少辣，夠開胃。可惜的是蒜溶包不夠脆，相信已搬了一段時間。到主菜。單看外貎都算不錯，但食落就覺得龍脷太淡了，蒜溶汁也只有蒜溶味，令到我要另外加鹹。不過嗰老細都算醒目，見我碟飯好似乾咗啲，就問我要唔要多啲汁，總算在服務方面擺番少少分。最後的熱檸茶，不過不失，成為整個午餐的句號。

中學時期經常幫襯既餐廳(炮台山分店)，現在只剩下細小既鰂魚涌店…這日跟舊同學打算重溫昔日情懷，於是在此共晉晚餐，而全餐廳大概只有3,4檯客。見餐牌有蒜蓉汁西冷扒，我點了一客，並問落單待應可否轉黑椒汁…佢爽快話可以，咁咪照叫囉，我見張單都註明了是黑椒汁架。點知送到面前時，竟然又係配蒜蓉汁…唉，我唔係咁執著，蒜蓉汁就蒜蓉汁啦……食物方面，中規中矩，不過不失喇~去到甜品，佢話有啫喱同果凍揀…(大家心諗，兩者其實有咩分別呢，大概只是用了不同味道的啫喱粉整吧)埋單時，問待應使唔使加一，佢又唔係好清楚話唔知…睇番張單，其實都加咗啦…既然係呢間餐廳番工，係咪應該了解多啲餐廳既一切呢？找了錢，走人罷喇。點知事隔一天，我忽然發覺原來佢地找少了30元俾我；應該係找錢時，把50元當了20元吧…當然，我唔睇清楚找了幾多錢係我問題，但回想餐廳整晚既服務，也不期然有點氣結﹗灰﹗以後都未必會再幫襯喇﹗

在鰂魚涌，七重天的舊店附近，今天他又再出現，叫的也是七重天餐廳，可是招牌就好像不一樣，到低誰是誰的前世今生，不得而知了。食物質素與前世也不分別不太大，也是港式豉油西餐，簡單快速的西餐，羅宋湯依舊的足料，很多的蔬菜是偏酸的那一種，隨餐會配上脆脆的麵包，很好。主菜今天要了匈牙利豬柳，一個紅色汁醬加上切粒的豬柳肉，水準中規中舉。服務都算有禮，聽說這裏中午食飯時間與他的前世一樣大隊長龍，環境企理，可是如果人客一多就會很迫逼了，雖然在大酒店附近，租金還是很高。價錢方面始終與前世有時間上的差距，午餐大約要四十多元，包餐湯、茶飲，香港在這幾年的通脹很高的嗎，好像貴過了他的前世吧，過去己過去，家陣惡搵食吧！http://icuteee.mysinablog.com/index.php?op=ViewArticle&articleId=2565723