七程六肉豬扒專門店

營業中

休息中

悶悶哋想試啲新嘢，見到呢間餐廳覺得個名好攪笑，睇咗 openrice 啲 comment 有好有差，好嘅通常都係話食物，下定決心試個一試難忘焗豬扒飯，50蚊包一罐飲品，帶到office 食，一開個盒見到賣相不錯，食落去就覺得更加喜出望外，豬扒味道夠，汁多，芝士也十分足夠，這個真係久違嘅焗豬扒飯！贊！

經過呢間望到價錢相比隔籬D舖頭算係幾抵，就入咗去見樓面冇人，又有好多空位，就坐低咗老闆應該係廚房，出嚟先見到我哋坐低咗我怕係麻煩到佢，就問係咪唔OK/俾人book咗枱，佢就黑口黑面咁問我哋幾位，之後比餐牌成程不斷同隔籬嗰兩台客傾偈唔理我哋，感受到完全唔歡迎我哋幾個女仔全程講都係吹奏話自己有幾抵食，開過幾多間分店，話出邊食唔到，自己嘅嘢食幾高質素之後有四個人諗住入嚟，老闆直接唔serve，然後同在座嘅食客講話「我唔係個個都serve 㗎，遊客生意我唔做㗎、太多人我都唔做㗎」 「你話兩個人咁就話OK啫，如果三四個人嘅話點做啊？」 （我嗰台就係三個人，懷疑指緊我哋）「我set個價錢咁低，話唔做你生意就可以唔做，又唔係收好多錢，仲要俾服務你呀？」就嚟覺得我哋食客係要感恩戴德⋯⋯食物質素嚟講，普普通通。意粉唔好食、牛扒OK，但都未到好食到要encorebad trip 到要開個open rice acc 講，我下次會情願俾貴D，大家自行斟酌🙏🏻

其實餐廳食物質素係ok,但係個疑似老闆嘅男人真係惡頂！首先我哋二人坐底無耐，佢話「陣間預有人搭枱，我哋哩啲做5/60蚊生意嘅，係要搭枱」我回應「其實百幾二百蚊嗰啲都要搭枱」因為對我嚟講要搭枱係好正常，怎料，佢帶住好差嘅語氣再回我「我唔知喎，有啲人覺得唔可以搭枱」重點唔係需唔需要搭枱，重點係語氣同態度，我撫心自問從來無食過一間帶住厭惡嚟serve 客人嘅餐廳。無耐，隔離位客人原本叫咗沙律，佢轉頭出嚟同個客人講「無沙律我幫你轉薯菜」，然後轉身回廚房，原本客人要熟蛋但嚟咗生蛋，個客人話「算啦，同佢講又唔知點」見佢對其他客人都係呼呼喝喝，真係幫襯一次就怕怕了！ 另外有位女侍應其實服務幾好，不過個男人對佢態度都唔係好之餘，仲會搶返啲工作嚟做，好似表示個女侍應無能力咁！

今日lunch time見到呢間餐廳幾抵食，所以入去試試。一入到去就已經有位坐低，正當我猶豫緊食咩嘅時候職員走埋黎介紹我食佢哋個招牌香煎豬扒配煎雙蛋伴秘製蒽油汁飯，未試過呢間餐廳嘅情況下一於試吓佢個招牌菜。上菜時間都好快，𥖢飯一黎到賣相唔錯同埋份量十足，豬扒唔乾有肉汁，蒽油汁夠香但可以少啲油，雙蛋正常表現但可以生少少，咁就可以連埋蛋黃撈飯食。奶茶正常表現唔苦澀，因為我要咗多奶所以入口都滑咗啲。成間餐廳細細但坐落都舒服，餐具尚算整潔，但可以加強清潔枱面。老細好客，見佢成日喺廚房走出黎同食客吹水，有講有笑。整體黎講，中環區用呢個價錢食飯有呢個質素算唔錯，可以一試！

日日喺中環食lunch食到好悶，上OpenRice望吓有咩最新餐廳，發現歌賦街開咗一間新嘅小店，價錢唔貴，於是同同事一齊去試吓 😋門口睇餐牌，最吸引我哋嘅係下午茶嘅開心果西多士，但我哋午餐時段入去，預咗冇得食，老闆（非常傲嬌地）表示冇得食㗎啦…點知😆啲開心果碎同開心果醬多到瀉出嚟！！個餡仲有啲開心果碎碎，超級好食！！絕對會為咗呢一個西多士成日返嚟幫襯🤩我哋嗌咗主餐牌上面嘅蔥油豬扒飯、蕃茄焗豬扒飯同牛脷焗飯，老闆貼心提醒我哋不如少飯，因為食完個西多應該都有啲飽🤣 但其實份量都仲好多🐷蔥油豬扒飯：勁厚切，勁多汁🍅🐷蕃茄焗豬飯：炒飯焗完都仲乾身，豬扒醃得夠入味🐮👅焗牛脷飯：牛脷腍身份量多我哋一行三人食完心滿意足，價錢仲要十分之抵，有幾可中環可以正正常常坐底食餐飯而唔需要過百？聽到老闆同隔籬台客傾偈，話自己淨係開日頭，賺夠就算，唔同隔離啲餐廳夜晚爭客（畢竟歌賦街都係日式連鎖貴價餐廳…）希望小店長做長有，生意興隆，我哋都會多啲去幫襯！

焗豬扒飯真係一試難忘😂杯熱奶茶都有驚喜🤭50蚊一個午餐係中上環真係難搵，估唔到呢個價錢食到呢個咁好嘅質素，唔錯👍🏻見到餐牌有焗牛脷飯，下次要試試佢😌😌

一間讓人失望透頂的餐廳，對於這次用餐體驗，只能用“糟糕”來形容。食物質素差，態度差，上菜慢，送錯餐， 要咩有咩，包羅萬有。首先，餐廳的食物質素實在令人堪憂，其實不應用餐廳兩字，食物係茶記質素，應該改用茶餐廳兩字。詳情睇圖。上菜的速度慢。一半人嘅餐等左半個鐘，野飲送錯3杯，檸水變檸茶。明白廚房忙碌，所以冇要求換番啱。服務態度極差。一行八人入到鋪頭，一位疑似男老闆已經皺住眉問‘’呢度唔係蕃茄面喎，唔好入錯鋪頭喎‘’（因為鋪頭位於知名蕃茄面店隔離）， 滿頭問號，咁樣招呼客人， 不過見舖頭門面幾好，menu上的食物又好吸引，就繼續幫襯。埋單時，疑似男老闆話‘’你地下次可以排番蕃茄面，為左你地，我推左3一4枱客，我都唔愁冇客‘’，重點鋪外冇人排隊，中途仍只見有一行6人想入黎食但冇位。俾完錢仲要俾氣你受，如果覺得客人坐得耐擺住你張枱，大可以善意提醒，自然會識做走人，而唔係收完錢俾一堆說話你聽，食相難看。 就這個食物質素就擺咁高姿態，疑似老闆未免太高估自己了。如果你考慮光顧這家茶記，我建議你三思而後行。

見到$50開張優惠就入去試吓試咗 鮮蝦仁蕃茄濃湯餐肉粒炒蛋湯麵 （轉通粉）成碗好豐富，有紅蘿蔔，粟米，西蘭花，午餐肉，炒蛋，蝦仁，同埋蕃蓉，營養十足。雖然蝦仁比較細，但諗埋成本都好合理。個蕃茄湯好好味，湯底濃，又有蕃蓉，仲唔覺口渴，唔差過隔離勝香圈。 會再黎試吓！我見隔離食扒同埋焗飯嘅都好似幾香唔錯。小建議：1） 燈光可以明亮啲，開頭太暗，以為冇開門2）有幾舊通粉未熟晒，有啲硬，但諒解嘅3）餐具放少啲喺籃，更容易攞4） 可以寫埋付款方式喺門口/櫃檯真係做得幾好，希望你可以繼續努力做落去。（第一次寫食評）