七喜粥麵小廚

去開倉掃平野…行完已經過晒午飯時間, 極累又肚餓…黎到附近商場快快找個方便小食…就入左哩度諗住食碗粥…哩個時候大把位環境好清閒…快馬一人一碗粥加油炸鬼啦…己經係兩點供應下午茶優惠套餐時段, 但回頭望下單, 見服務員阿姐落左正牌單價, 我地想要討回個小公道!!...誰不知位阿姐吾耐煩不特止, 仲強詞奪理咁話我地冇拿著個”下午茶餐牌”落單?!...所以佢吾知?!...亦不能改單!!...我地張電腦單亦顯示個時間都過晒2pm...阿姐仍堅持只係我地吾夠清楚指明!…跟著有位著別服o既小子(類似少東吧?!)走埋黎了解, 仲話應該寫單時未夠2pm, 行到去打單先過2pm???!!...算了吧!!...講真, 做生意, 平時一般酒樓餐廳食肆就算吾駛你叫, 都自動推介街坊食好野, 邊樣好抵食之類啦…佢地推出下午茶都係想做埋下午茶班客吧? 吾係趕客掛??...有時有D好老細同伙計, 真係差少少未到優惠時段, 都主動提醒埋客仔咁貼心添, 邊有哩度咁o既款??本來佢地o既粥品ok…但服務如此, 真係再好味都扣晒分…吾會再黎!!今日佢地以為會蝕俾個客…其實佢地要蝕的將要更多~~p.s. 家姐話我知, 佢上次幫襯, 清水要收佢$2杯添……查看更多

食晚飯時間去邊度好呢？剛剛經過如心廣場行下行下就到左荃新天地二期。有乜野食？生野就唔好了。跟住見到間食粉麵小菜既又環境幾好，之前都食過見次了。入到去坐低左睇下食乜先。就咁叫左個小菜西蘭花炒牛肉，雞腸再加個粥。 都應該夠食了。小菜夠鑊氣，味道又好，的牛肉又滑。加埋雞腸個賣相都已經好滿意了。再來個魚球潤粥，的豬潤好味過係深水埗食。正！食飽飽埋單都係佰二蚊包埋餐飲。…查看更多

話說有一個星期六冇訂座就去左食，結果換來：「冇訂座冇得食喎！」無奈的走了。今次早一星期訂座，冇問題啦。入到去，坐低，侍應叫寫低電話號碼在團購紙上核對，幾認真呀。好，侍應俾張紙問揀邊兩樣餸，先係黎左個節瓜湯，好濃，但一飲已知係有味精，叫可以啦。。。最終揀左鎮江骨同肥牛粉絲煲，唔洗5分鐘已經到達，係咪即炒大家估到啦，睇下個樣先。黎埋個飯一食落最有驚喜係個鎮江骨，有一舊係唔熟架，叫侍應換過，新一碟個樣爭好遠，有鑊氣熱好多，重要用一字排，有好多菠蘿，睇下相個分別團購餐還包兩杯$14以下飲品及木瓜雪耳糖水，正常質素冇乜特別。總括而言，買呢次團購係因為食過七喜其他分店也水準很高，所以貪平老遠都黎食，點知將貨就價，侍應態度囂張，換黎一肚氣，下次咪搞，講真做得團購都係想宣傳吸新客，但咁質素態度，冇回頭不突止，重會人傳人叫個個都唔好黎食，咁咪重衰過唔做團購，明唔明？…查看更多

又買團購餐,才$98,有一大堆食物,反正也在荃灣區,無飯夫婦如我們總有機會吃到,加上街坊E說這家店坐得舒適,粥也出名,雖然這個餐無粥,但價錢便宜,買一張也無妨.本來寫著要早一晚訂座,我們即興訂座,卻也無任歡迎.-是日例湯:菜乾湯，不太好，淡出個烏來!（原價$48） -小菜（四選二）- 點了 紅燒班腩（原價$58）魚沒腥味，粉也不厚，豆腐很滑，火腩吊味，也是出奇地好吃,翠玉瓜也爽,讓我們今餐有菜有肉. 鎮江骨一有菠蘿洋蔥，肉質也不錯，煎得很香口，汁酸甜味較得合適 很下飯（原價$58）白飯2碗（原價$8 X 2）-甜品- 木瓜燉雪耳（原價$19 X 2）不錯,挺清潤的,不太甜. -飲品- 14元及以下飲品任選（原價$14 X 2）點了凍檸茶,不錯,是茶餐廳應有水準.再看看這裏的餐牌,原來星期一至五有套餐，$４８有餸有飯有湯，加６有熱飲,其實不貴.眼見重本裝飾,座位舒適,可惜,只有小貓3,4隻,整個商場也水靜鵝飛,後生老板對住計數機左篤右篤,團購也沒有為他們增點人氣,真的為他感到憂心.在百物人工租金也騰貴的今天,真的生意唔易做.以如此食物質素這個價錢是交到貨,當然不值得遠道而來,但街坊的話,間唔中捧場是絕對無問題.…查看更多

今晚隻身到荃灣海旁跑下步 之後係'七喜'食埋走人原來這裡做小菜之外 都供應不同既湯粉麵餐及炒粉麵餐 選擇頗多不過一個肚吃得幾多 心大心細 終於叫了碗''招牌餛飩麵'估不到餛飩大粒外 豬肉同蝦肉餡好足 皮又薄 好得 獨比5*****麵底都爽彈 用埋大地魚湯上Perfect差在凍啡 沖得麻麻我會再來 試下佢地既炒粉麵飯 同埋粥品…查看更多