一鼎茶

營業中

休息中

原本想飲珍珠奶茶🧋點知見到佢有珍珠牛乳茶～好好味，甜度剛好又唔會好heavy 令我無罪惡感 可以再encore! 見到佢menu都有好多唔同類型茶飲～都好吸引🌷可以下次試埋打邊邊

我最近發現了一家超讚的飲品店，讓我一次又一次想回去！這家店位於馬鞍山，叫做【一鼎茶】。每次經過店外，那股誘人的茶香都讓我忍不住想要進去，一進門就被那種輕鬆的氛圍包圍。【一鼎西柚】，當我喝下第一口時，西柚的清甜瞬間在口中綻放，整個口腔都充滿了爽口的滋味。這種清新感真的是在炎熱的夏日裡最完美的選擇，喝了之後立刻感覺神清氣爽，彷彿整個人都充滿了活力，真是太棒了😘【草莓爆檸】，這款飲品同樣讓我驚喜。它的味道恰到好處，既不會過於甜膩，也沒有刺鼻的酸味，簡直是完美的平衡。咬下去的草莓果肉和果粒，為飲品增添了更多層次感，讓我一口接著一口停不下來。每次喝都讓我感受到一種無與倫比的滿足感，真心推薦給大家！🤤🤤🤤如果你也在找一個可以消暑又能提神的地方，一鼎茶絕對是你的不二之選！無論是和朋友聚會還是自己一個人享受，這裡都是個完美的選擇。

我喺屯門試過呢間一鼎茶，嗰陣已經覺得佢哋啲飲品價錢合理，台式風味好正宗，我就好有興趣，又去試吓佢哋啲嘢飲。之前飲過佢哋嘅【草莓爆檸】，好鍾意，今次都忍唔住再叫返杯！【草莓爆檸】雖然係士多啤梨加檸檬，但係酸度適中，唔會太酸到好難入口，而且仲帶有少少清甜，飲完仲會有回甘。夏天飲返杯佢哋嘅【草莓爆檸】簡直正！上次冇試到餐牌上面睇落好吸引嘅【芒芝芒芝】，所以今次就叫多杯呢個。而且整好成杯嘢睇落仲吸引過張相。【芒芝芒芝】真係好好飲，芒果控絕對唔可以錯過呢個，芒果好清甜同埋好清爽，再加埋芝士嘅奶香，飲落口感好濃郁，甜而不膩。好推介一鼎茶同埋佢哋嘅【草莓爆檸】同【芒芝芒芝】，有機會嘅朋友仔一定要試吓。

屋企樓下有間開咗幾個月打邊爐 幾好食佢哋仲有賣埋台灣飲品 都幾好飲㗎󰗧今次我就帶我媽媽一齊飲󰢥舖頭格調雅緻，環境清涼舒服🤗我叫咗杯芝士綠妍呢杯真係當之無愧嘅舖頭排名前五熱銷飲品💯芝士奶蓋加上清純嘅茶我飲得好過癮 完全停唔到口媽媽就叫咗焦糖珍珠奶茶🧋連佢呢位奶茶控都讚不絕口󰗧濃郁嘅牛奶🥛再加埋香醇嘅焦糖Q彈嘅珍珠 令媽媽好滿足🥰之前大排長龍係有佢原因嘅希望大家都唔好錯過咁美味嘅嘢飲啦

週末有空當然要去馬鞍山探店啦！！今日嚟咗一間非常多人，而且仲有分店嘅【一鼎茶】。睇住個名就吸引我嘅【莓芝莓芝】，唔止個名特別，連味道都係獨一無二，飲落嗰一刻即刻驚艷咗我草莓酸酸甜甜配埋濃郁嘅芝士奶蓋，飲落去只有一個字，爽！飲品入面仲有滿滿嘅草莓果肉，價錢方面都好合理，絕對係熱天時嘅好飲品仲有朋友飲嘅【霸王爆檸】，清香嘅檸檬帶有淡淡嘅茶香，非常解渴！熱天嚟上一杯，絕對係最佳選擇呢度仲有其他飲品，下次一定會嚟試試！！

週末同屋企人去馬鞍山行街，喺MOSTown俾一間奶茶店吸引，望咗望個餐牌，見啲價錢唔貴，就同屋企人一人叫咗一樣嘢飲試吓。呢間top pot tea一鼎茶我哋都係第一次試，但係結果兩樣嘢飲都得到我同屋企人一致好評👍我哋叫咗【一鼎水果茶】同【蒸鮮芋泥牛乳】，分別係$42同$40，總共$82佢哋嘅【一鼎水果茶】入面有好多生果，飲到有百香果嘅酸甜味，仲有其他生果嘅甘香，再配埋茶嘅滑溜口感同埋香甜嘅味道，好濃郁，提神醒腦👍而佢哋嘅【蒸鮮芋泥牛乳】就係好特別，好香濃嘅芋泥味，加上牛乳嘅鮮味，香滑無比。呢個係只有芋泥配上牛乳先至會有嘅獨特風味，絕對係無與倫比嘅味覺享受🤩👀

今日同姐妹去新港城中心行街 ，被一間舖頭嘅餐牌吸引咗。呢間飲品店叫一鼎茶 ，係一間 賣台灣飲品嘅舖頭。舖頭嘅裝飾特別明亮，而且好有特色，飲品選擇好多，價錢又合理 ，所以就 入咗去買咗兩杯飲品試吓。我哋買咗一鼎西柚 $35，顏值爆燈，酸甜可口，飲起嚟有一種好fresh嘅感覺，啱晒喺炎熱嘅天 氣下買嚟解暑解渴。第二杯係草莓🍓爆檸 $39，係一杯好有特色嘅飲品。酸酸嘅檸檬帶住草莓清新嘅風味 。飲落去成個人都精神晒。整體嚟講，兩杯飲品各有特色，個人覺得好好飲，值得推薦!

嗰日天氣好熱🥵，我同朋友去咗新港城中心行街👭。行住行住我哋俾一間叫一鼎茶嘅飲料店吸引咗。😍地點喺新港城中心二樓，舖頭裝飾好雅致，成間舖頭睇落好整潔。👍🏼餐牌上都有好多選擇，所以我哋就點咗兩杯飲品解下渴。🥤🥤🥭🧀️芒芝芒芝 $48新鮮嘅芒果攪拌成濃稠嘅果昔，然後喺頂部加一層奶蓋。帶有微微鹹味嘅奶蓋同甜美嘅芒果形成咗獨特味覺嘅對比。又消暑又解渴。😋🍉🧊霸王水果茶 $49當季限定系列嘅水果茶，水果茶入面仲包含咗西瓜同百香果果肉。可以俾你喺飲清爽嘅水果茶之餘，仲可以食到鮮甜嘅果肉，口感非常豐富，酸甜適中，冰涼爽口。😚下次同朋友要再去試吓其他口味嘅飲品喇。😎

朋友突然話今日請客，梗係同佢去食食飲飲啦。啱啱去咗馬鞍山，就去左平時最鍾意嘅【一鼎茶】飲茶，順便推薦俾大家好飲嘅飲品😍😍我點咗【一鼎橙橙】，第一啖吸落去就係滿滿嘅果肉，真係好滿足🤤 加上橙嘅酸酸甜甜，飲落好開胃，鍾意食橙🍊嘅朋友一定要嚟試吓！！仲有朋友點嘅【茉莉青提爆檸】，味道好獨特，茉莉、青葡萄同檸檬嘅結合竟然出奇地好飲！甜甜嘅青提同酸爽嘅檸檬配埋淡淡嘅茉莉香，飲落去真係好清爽，系大熱天飲都係好適合嘅飲品🍋

今日同同事去馬鞍山嗰陣，我哋無意中發現嗰度都有一鼎茶！身為水果愛好者嘅我哋，梗係要搵到一杯先肯罷休啦😂今次我揀咗【百香果三重奏】，百香果自然甜嘅水果味同香氣，加埋百香籽，一啖咬落去，直接豐富咗成個口感，一啖接住一啖，真係令人愛唔釋手啊❤️而同事揀咗呢款【一鼎水果茶】，味道清新，最重要係每樣水果都好新鮮，仲有淡淡嘅茶香味，令人好解渴而且唔甜膩😝 老闆定嘅價錢仲好公道，絕對要去試下，唔試就錯過咗人間超好飲嘅水果茶啦！✅評分：味道 ： ⭐️⭐️⭐️⭐️⭐️【5】環境：⭐️⭐️⭐️⭐️【4】服務：⭐️⭐️⭐️⭐️⭐️【5】衛生：⭐️⭐️⭐️⭐️【4】抵食：⭐️⭐️⭐️⭐️⭐️【5】整體評分：😋【笑】

-今日我想同大家分享一間賣台式飲品嘅飲品店 🍵一鼎茶。住喺馬鞍山附近嘅朋友可以去新港城中心試下呀！❗️❗️我重點推薦呢間店嘅兩款飲品畀大家試一試。呢兩款都係我最鍾意嘅飲品。😍🥭 鮮芒芒甘露 $42呢杯係呢間店嘅Top 3飲品。因為我係芒果控，所以我非常鍾意呢杯飲品🧡。又有芒果又有冰沙🧊，口感層次非常豐富。係消暑飲品嘅最佳選擇。🥵莓芝莓芝 $49呢杯都係呢間店嘅大熱門🔥。賣相特別吸引，粉嫩粉嫩嘅色系🩷，再加埋純白嘅奶蓋🤍，睇落特別夢幻。但唔係淨係好睇啫，濃濃嘅奶蓋，配埋酸甜嘅草莓，飲咗一啖就完全停唔到口。😋兩杯飲品都各有特色，而且都係每次去必點嘅。希望下次可以試吓唔同嘅飲品再推薦俾大家。🤗

一日同朋友喺馬鞍山MOSTown新港城中心行街，啱啱口渴嗰陣見到呢間top pot tea。我哋睇咗睇佢哋嘅餐牌，覺得價錢好合理，就順勢同朋友一人叫咗一杯嘢飲。我自己就叫咗【香水爆檸】，跟住我個朋友就叫咗佢哋嘅【霸王水果茶】，兩杯嘢飲總共都係$81。佢哋嘅【香水爆檸】我個人覺得好清涼解渴，有陣好香嘅檸檬味，酸酸哋嘅香味仲可以提神，口渴嗰陣飲落去真係好爽。朋友叫咗嘅【霸王水果茶】，佢揀咗西瓜配百香果，西瓜嘅甜，再加埋百香果嘅香，完美噉配合埋茶香，一杯落肚，我朋友飲完都覺得神清氣爽。呢間top pot tea真係值得推介，價錢公道，飲品好飲！

今日同同事食完新港城中心嘅lunch🍽️，諗住順便打包飯後甜品返公司飲。啱啱經過一鼎茶，就索性買咗兩杯飲品返公司。🍹🍸💛 百香果三重奏 $35 / 700ml對我嚟講呢杯飲品好大杯😍，足料百香果肉。成杯飲品嘅味道酸酸甜甜，飲落好香甜可口。好健康呀！💪🏻🩶 蒸鮮芋泥牛乳 $40 / 500ml芋泥同牛奶🥛嘅味道融合埋一齊超好飲，而且芋泥嘅份量都幾多， 簡直份量十足。 🈵🈵 芋泥腦袋快啲衝呀！💜一邊做嘢💻一邊飲住爽口嘅飲品，做嘢都特別開心😊。聽日又可以去食完午餐打包飲品返嚟！🤪

今日食飽咗之後帶住屋企人去行街，突然發現咗一間飲品店【一鼎茶】，試咗兩款飲品，真係好好飲，所以想推薦俾大家🤤【芝士可可牛乳】 濃郁嘅可可味配上淡淡嘅奶香，特別順滑可口，加上芝士嘅咸香味道，搭配起嚟 簡直太完美啦!鍾意飲可可嘅朋友，絕對要試吓呢款飲品，絕對令你嘅味蕾上升到另一層次😋【黑糖珍珠牛乳】 黑糖帶住焦糖味加上牛乳嘅香氣，連細路都搶住飲!珍珠都好Q彈，熱辣辣，咬 落去仲帶住少少韌性，一邊享受奶茶嘅香氣，一邊仲咬住美味嘅珍珠，層次分明，真係爽到唔得😂

有一日，我同朋友去新港城中心行吓行吓就見到呢間台式飲料店。因為我係一個好鍾意飲茶嘅人，而且我係台灣讀過書，所以我就即刻同朋友講我要試飲呢嗰。我哋就一人嗌一杯。一鼎純桂花烏龍🥤我朋友嗌嘅呢杯桂花烏龍茶味道唔錯，好香桂花味，同烏龍茶好夾！飲落去好清爽，唔會好甜👍一鼎西柚🥤另一個朋友點咗西柚茶，咁西柚本來就有啲苦苦嘅，咁呢杯西柚都唔例外，但係佢嘅茶嘅香味綜合了嗰苦，所以係好飲嘅！😋茉莉青提爆檸🥤鍾意酸嘅我就揀咗呢杯茉莉青提爆檸！茉莉茶的味道好濃郁，佢嘅味道不會太甜，所以飲落去有酸有甜有香，真係好似喺台灣飲嘅飲料！價錢方面都唔會貴，我哋一定會再嚟試其他嘅飲品嘅！