影片
以上資料只供參考, 請與餐廳確認詳情
昨日來到試呢間餐廳，整體體驗令人失望！首先食物的質素一般，讓人很難回味。但最重要係員工服務質素好不堪。原本餐廳offer可以使用商場優惠，但員工講一句唔識用就話唔俾我地用，完全缺乏基本的服務及收銀訓練。最後要等到老闆返到來先解決。總體而言，這次用餐經驗好差，唔會再幫襯。不僅食物質素普通，員工的服務態度都給人留下了整之差既印象。如果你想平平地食到有質素既一餐，商場入面都出面附近都好多好選擇，如果想用商場優惠就更加唔需要考慮呢間，我建議考慮其他選擇。
繼續閱讀
呢間一韓燒性價比高叫咗個芝士韓燒餐有齊豬牛雞 再加一周年送嘅50克牛舌最重要係飲品，只需要加$5全部加埋都係八十幾埋單絕對抵食過其他連鎖燒肉店再加上有韓式特別嘅菜式例如芝士年糕 泡菜 等等有別於其他嘅日式燒肉呢度採用自助落單 付款方法多仲有會員計劃但要記得埋單前要登入環境方面都算坐得舒服佢有一人卡位最方便成日獨食嘅朋友一啲都唔會覺得奇怪一個人坐低慢慢燒員工唔會催唔會趕絕對係一個人食飯嘅好去處總括嚟講 食物質素OK 菜式有特色 性價比高得閒會再嚟試吓
繼續閱讀
係新蒲崗做完物理治療就揾地方醫肚仔，前一晚已做定功課，鎖定去一韓燒試下。 去到mikiki一樓，大部份食肆都有人龍排隊等位，但一韓燒就無人排隊，兼夾大把枱，見無人排隊都心知不妙，但正直午飯時間，現在才轉肽去食其他嘢的話，有可能有排排隊，既然係咁一於就試下一韓燒啦。由於我唔鍾意食豬腩肉，因脂肪層太厚，所以一早就諗定食48元嗰個全牛餐，呢個價位預咗唔會有上肉俾我食，但侍應送上我的餐時，真的令我嚇一跳，碟牛肉嘅肥瘦程度同菜牌張相差咁遠嘅，菜牌張相肥瘦尚算平均，而我呢碟牛肉就肥到呢😯，頓時明白點解無人排隊等位。好彩嘅係今日正值佢地週年紀念酬賓，惠顧任何套餐都送50g生日, 所以我才有多三片牛脷吃。點半鐘，午飯時間，大把枱
繼續閱讀
呢間一韓燒，最平嘅套餐都要$45，。**牛五花拼豬頸肉拼嫩雞肉拼芝士年糕 🐮🐷🐔🧀 $75/150g**呢個拼盤，份量都幾足料👍🏼，牛五花🥩幾嫩滑，唔會太韌；豬頸肉🐷肥瘦適中，幾香口😋；雞肉🐔都幾嫩，幾juicy🤤；芝士年糕🧀拉絲效果幾好，芝士味濃郁🧀，整體味道唔錯👍🏼！不過醬汁就比較普通🤔，無咩特別嘅驚喜💥。🌟 **一韓燒**📍太子道東638號Mikiki 1樓103A號舖________記得follow 我openrice 帳號❤️________#eilidh_lifestyle #foodie #一韓燒 #太子 #韓燒 #韓國菜 #koreanfood #牛五花 #豬頸肉 #嫩雞肉 #芝士年糕 #拼盤 #拉絲 #芝士 #醬汁 #美食 #食評 #餐廳 #好食 #好味 #hkfoodie #hkfood #instafood #相機食先 #太子美食 #九龍美食 #嫩滑 #香口 #juicy #份量足 #價錢中上 #平價韓燒 #推介
繼續閱讀
📍一韓燒係附近行完街見到好多人排隊就跟住排嚟試下，入到嚟見到有一面用figure 砌嘅牆，都幾特別㗎。而我哋就叫咗個《鮑舐脷滋味二人餐》，基本上一落單冇耐啲野食就送到，非常有效率👍🏻👍🏻醬汁嘅選擇都好多，日式、韓式、蒜蓉燒肉汁乜都有，包你可以簡到最鍾意嘅醬🍚玉子紫菜飯飯嘅份量超多，紫菜亦毫不吝嗇，咁巨無霸嘅份量都係第一次見🥃酒醉鮑魚大大隻鮑魚配以濃郁酒味，咬落去一啲都唔硬，令人好想再食多件🐮👅木板蒜味牛舌拎到上嚟真係不得了，份量超多，燒極都好似仲有咁，而大部分嘅牛舌口感嫩滑，只有幾塊可能部位問題而相對硬咗少少，不過整體上都係令人滿意🥩醬燒牛仔骨醃完嘅牛肉味道好好味，不過可能都落咗少少鬆肉粉，所以食落比一般牛仔骨軟熟，好容易就咬得開啲肉，比起我呢啲牙唔好嘅就好易食🤣🤣🐓蒜香雞扒雞扒食落都唔錯，就算燒耐咗都唔會好柴🤣🥭芒果乳酸食食下有啲口喝就叫咗杯野飲試吓，飲落就唔算重芒果味，但解喝係一流🤣🫙荔枝3.6牛乳奶凍最面頭有半粒荔枝肉，食落有啲酒味，而且除咗荔枝肉之外仲加咗荔枝醬，同奶凍嘅味道好夾，可以再encore
繼續閱讀