一鍋堂 (XX Arcade) (已結業)

因為老公超鍾意打邊爐，聽同事推介一鍋堂啲食物好正，我哋咁啱去開旺角行街，所以就同老公嚟試吓佢嘅午市火鍋放題，一登記入座，我們今次選擇了美國安格斯牛肉B餐，有100分鐘時間任食，我們要首先選擇湯底，真是花多眼亂，有很多特色的湯底選擇，最後我們選擇了比較清熱的芫荽皮蛋湯與及滋補藥膳湯，之後店員便帶我們入座，餐廳面積很大，環境很寬敞，我們二人坐了卡位，空間很闊落，這間餐廳是用QR code點餐，既衛生方便又唔會漏單，食物款式超級多，每樣都想試但又怕自己吃不完會浪費，所以唯有就住點😆趁住啲食物未來的時候，出了自助區拎一啲前菜沙律飲品返嚟先，前菜沙律選擇很多，除咗一般沙律菜之外仲有麻辣土豆絲，另外仲有麻辣豆腐同埋蘿蔔牛腩，麻辣豆腐味道不錯，之後去睇吓有什麼飲品，飲品選擇非常之多，除了一般可以出街買到嘅飲品之外，最值得一提就是有餐廳自家製手工茶，我推介金羅漢果海底椰茶同埋洛神花茶，羅漢果茶非常清甜清熱，另外洛神花茶酸酸甜甜，消滯一流，醬料區有很多選擇，我鍾意芫荽當然要加大量芫荽😍很快單點食物便送到，另外我老公幫手喺自助區拿了一些蔬菜回來，呢啲蔬菜衛生又新鮮，賣相很好👍🏻很快單點食物便來到，我們率先

這天終可以去到此台式火鍋店，此店舖是非常火爆，通常都要整整一個月前book位才可以，如假期book位要早多一個月。有3款餐可選，就選了中價位餐。此款都有多款牛肉選擇，又有花膠仔，蝦，蚧及魚片等等。。。

天氣稍有涼意就想起了打邊爐，由其最愛一鍋堂的多個湯底。來到第一時間揀了B餐，沙參肉竹鯊魚骨湯，超讚，既足料又清甜，一鍋堂都是用手機QR code落單的，方便又環保，我和妹妹馬上點食物，我也急不及待出去自助吧拿醬料，基本的蔥蒜炸蒜芫茜都有齊。自助吧還有些熟食，蔬菜，飲品，自家製涼茶和雪糕。我們點了牛脷心托，封門柳，安格斯牛肉，牛板腱，牛肉牛味濃，非常新鮮，肥瘦剛好。還有蝦，沙白，珍珠蜆，帶子等，鮮甜又美味，蜆也夠肥大，沒有沙，有肉又有海鮮，很滿足!當然還有手打蝦滑，墨魚滑， 夠爽口彈牙。 鴨血夾起不鬆散，打邊爐一流。最後當然要吃甜品雪糕滿足一下，雪糕換了新口味，是粉紅色的桃味，淡淡桃香，綿密軟滑，不小心就吃了三四杯，很飽呀!

好誇張的同事， 說想吃個long lunch打邊爐，好好地聊天，所以帶了我來這間餐廳。必須說，餐廳寬闊，座位舒適！真的很適合聚會。先說自助的位置，除了有多款的飲品和蔬菜類、少量的冷盤、潮式或台灣丸類，還有一些熱食，好像老乾媽餐肉炒飯和麻辣豆腐等。當然不能少了醬汁的位置，應有都有，而我和同事最欣賞就是他的柚子豉油，配什麼都合味道。多款嘅湯底裏面，我們聽職員推介選了「一鍋潮汕湯」。原條大地魚，令湯底好鮮甜！對我來說，打邊爐最重要的就是牛肉！我們今次選了B餐，除了任食特選安格斯牛肉、封門柳、牛脷心托及牛版鍵外，還有西班牙豬肉片及紐西蘭羊肉片。幫看照片，都知道牛肉有多高質素。同事另外很欣賞他的魚滑類，很重蝦滑墨魚味，而且爽口彈牙！最後想一提是他的雲吞，非常足料。

難得今日放假瞓醒就去食一餐午市火鍋，每次食火鍋放題都會選擇位於旺角「一鍋堂」這裏無論火鍋湯底及食物質素都不錯。我們二人就選擇了C餐$228可以享受高質素澳洲和牛👍這裏的火鍋湯底大約有15款，亦有多款肉類選擇，仲有素食火鍋配料等。粟米蘿蔔豬骨湯底湯底採用了60斤豬骨熬製而成，顏色奶白色所以飲落好鮮甜美味，仲有白蘿蔔同粟米，蘿蔔好淋吸入湯底好清甜。特選牛肉套餐我們選擇了澳洲M5和牛板肉，牛肉味好濃郁帶點鮮嫩。手切牛脊肉，脂肪分佈平均，牛肉質素高。火鍋配料鴨血好滑好爽口，加入少少辣醬食好惹味。牛丸爽口彈牙，咬落有爆汁效果。豬膶切得好薄好新鮮。豬肺洗得好乾淨入口煙煙韌韌。鮮蝦雲吞餃子，皮薄蝦肉好鮮甜爽口，芋頭好淋好入味。飲品除了基本汽水之外，最鍾意飲佢哋嘅自家製飲品，金羅漢果海底椰茶、洛神花茶和薄荷烏龍茶等，可以養顏滋潤又補身。

是日出旺角購物，間斷性斷食的緣故，午餐會是第一餐。朋友介紹旺角附近有一間打邊爐放題的午餐性價比又好食。放題價錢一百多元起，十分相宜。來到門口位置，是整齊乾淨的蔬菜丶飲品丶丸類專區，很少看到蔬菜種類款式這麼多，擺放美觀又整齊，未開始食已經觀感度吸引。飲品種類很多，有一個大櫃是放著市面上有的汽水及飲品，除此之外，有另一個櫃是放著自家製飲品，十分喜歡那個玫瑰飲品！湯底款式十分多選擇，總共有十多款！最後我們選擇了鴛鴦湯底，蕃茄牛湯及杏汁豬肺湯，餡料十足又認真。看得到的真材實料，大大塊豬肺，新鮮乾淨，湯底有淡淡的杏汁香！封門柳，油脂分佈不錯，牛肉彈牙有口感！ 我自己最好喜歡這個美國安格斯牛肉，喜歡它油脂豐富，牛肉味濃郁，肉質滑得來有口感！第一次試這個手切牛脊肉，感覺上較為彈口煙靭，因為手持的緣故，肉質比較厚切。除了牛肉之外，還點了很多的其他食物，鴨血丶豬皮丶牛柏葉丶魚皮等等一應俱全！還有值得一提的是這裏有DIY雪糕，好味又吸睛，滿足度十足，開開心心地為這個午餐畫上完美句號！

今年中秋節,特別啲同家人到一鍋堂食火煱放題,大約11時50分到達,不用等待已立刻有位,我們是那日第二枱人客,可能現在臺式火煱太多了,一鍋堂已風光不再,到走的時候,只有4成入座率,待應last order 時提醒,埋單後可以慢慢進食。食物都OK,無漏單,不過亦無驚喜。

放題邊爐，一向都係食肉獸天堂。但呢間真心難book位，如果真係想食，真係要早好多book。咁同朋友book星期六，都早兩個星期。咁佢嘅配料好足，都無乜走單行為！值得一提係墨魚滑又大粒又彈牙！不過環境就嘈d，其他都算唔錯。不過佢卡位，就較逼。我地坐4人位，都覺得有少少窄。除咗墨魚滑好食，佢花膠都好大塊好足料。真係抵食。肥牛都好正，我地叫咗沙嗲沙湯，入哂味，加埋花膠，真係好好食。位置雖然唔近mtr，但都係離出口少少，行10-15分鐘都到達架。都算方便。

一鍋堂而家已經有四間分店，荃灣葵芳都成日幫襯，今次就去咗旺角其中一間分店 XX Arcade 地點非常方便，波鞋街轉過彎就到，佔地2樓全層，座位闊落，裝修新淨乾淨企理！我覺得佢應該少數任食嘅舖頭之中質素幾高嗰一批先講湯底先，本來已經有10幾個湯底，每個星期你食一次都要食足幾個月，仲會有期間限定，今次見到一個非常吸引嘅湯底，棒棒牛魔王鍋，湯底用上大量紅燒牛肉，牛肉非常入味，而且有好香嘅台灣五香牛肉麵嘅味道，而且好夠辣，非常出色！百幾去到二百幾嘅套餐都有今次期間限定加$25仲可以任飲啤酒，飲返兩罐Asahi都返晒本！呢度熟食加埋肉類海鮮蔬菜有超過100款。西班牙黑豚肉口感唔錯，有咬口有質素。澳洲A5和牛，淨係睇啲肉紋已經勁靚，一般呢啲牛肉逐碟計都真係幾百蚊，返本首選！呢啲咁靚嘅牛肉，好似日本shabu shabu咁，輕輕淥幾秒就可以食得！多款海鮮可以任點任叫，生猛海蝦、脆皖魚片、帆立貝和白鱔片等等，一直不斷encore海蝦同埋白鱔片，兩個都好彈牙好好食自助區都放咗幾十款熟食，丸類和蔬菜，仲有必飲嘅下火涼茶，夏日炎炎透心涼呢度係用Apps或者掃描QR Code落單，咁樣嘅做法好好，因為可以唔

夜晚諗唔到食咩，又想打邊爐就會來一鍋堂，因為他價錢合理，又維持到水準，晚餐性價比之選，入到門口已經見到長長人龍，好在我們一早訂左位，入座便開始選擇湯底和點餐，我們揀左沙參肉竹鯊魚骨湯底和c餐，湯底非常足料，輕輕一撈有大量沙參和藥材，飲落去像老火湯，另外有120分鐘時間食，對小鳥胃的我們綽綽有餘，介紹一下餐點：❤️真係花膠吸收湯底後口感更佳黏稠度更高，女仔食多啲更養生🧡封門柳肉質鬆軟，不易變韌，牛肉味極為濃郁💛澳洲m5口感細嫩，油花分布平均肉味濃郁，薄切分量剛剛好不會太膩💚美國安格斯牛肉肉質柔嫩多汁，吃起來更甜更順滑💙牛脷心托平時食的心托都比較｛口鞋｝，呢個非常爽口清甜✝️手串生猛海蝦海蝦大大隻肉質彈性好味道也更好吃，我哋食左好多串☪️沙白蜆絕對要點嘅一項，味道鮮甜口感嫩滑，吸收湯底後更有層次

今日同朋友嚟到一鍋堂火鍋，等咗唔算好耐就已經入到去，我哋點咗一個中價既餐，肉類都非常新鮮，同埋好多款式好多選擇！每一次點餐，黎既份量都唔會留單，呢度嘅職員服務態度非常好！希望下次再嚟

今次聽朋友介紹，終於黎呢間一鍋堂黎個打邊爐放題，話鍋底正，牛肉靚喎，幸運的7點鐘walkin 仲有位可以即入唔使等，先揀好鍋底 (雙併鍋加50蚊), 就可以入座，個場唔算好大，但坐底都唔覺逼，空氣流通唔焗促。鍋底揀左喇沙湯同潮汕湯底，喇沙湯有濃濃椰奶同蝦嘅香味，微辣，淥海鮮就啱哂。潮汕湯底相對比較特別，係一整片大地魚乾，加韮菜，冬菇，熬製出清得黎好鮮甜嘅魚湯，淥蔬菜就最夾。先講牛肉，288蚊嘅C 餐可以叫澳洲M5 和牛，真係好靚，油花多，肉嫩味香，真係值得加多少少錢去C 餐。牛板腱，安格斯都有相當水準，只係切得比較薄，要多叫幾碟，不過全電子化落單，全程無發現漏單情況，可以盡情叫，叫多幾碟補數。海鮮方面有蝦，蜆，白鱔，鯇魚，脆肉鯇，款式比一般火鍋店更多，而且都好新鮮，首推白鱔，肉質爽滑有魚脂香，唔多骨，追加左3碟都係咁好食，蝦，帆立貝，蜆亦都好鮮味。配料方面，黑松露墨魚滑值得一試，彈牙鮮味。另外蔬菜都好乾淨企理，例如淮山，油麥菜，萵荀，全部新鮮爽脆。飲品有大量選擇，首推洛神花茶，淡淡酸甜，又夠凍，減減打邊爐的油膩感。另有海底椰，薄荷烏龍等自泡飲料，仲有幾十款紙包罐裝飲料，真係食多幾次都唔

大大話話都有成年多無見過大師妹了，佢依家用紫微斗數幫人批命已成為職業，我有D紫微斗數問題想請教佢，於是約埋一齊打邊爐.唔知點解，約埋一齊吹水聚舊總係諗起打邊爐!約佢係一鍋堂旁邊新寶戲院等，貪佢地點就腳方便易認，因為大師妹係超級大路痴，我以為旺角地區無人不識啦，俾埋定位佢都居然行咗去拆咗嘅豪華戲院!有咩辦法唔噴血啫!唉...... 批命一流，認路九流.......上到去掃針之後揀湯底，有成16款湯底選擇，可能係全香港最多湯底選擇嘅火鍋堂.揀咗沙爹湯底同豬骨清湯，試咗幾啖豬骨湯，味道清甜.之後當然係開始無窮無盡嘅話題，當然大部份都係同玄學術數有關，一邊打邊爐有美食一邊開心吹水，及時行樂，生活如此.叫咗多款食材，其中最有印象係牛柏葉，口感極鬆軟唔韌，而有一款叫花雕浸安格斯牛肉，有肉有根，牛肉部份就鬆軟，根嘅部位就有𡁻口，口感豐富.點咗一款叫魔鬼辣安格斯牛肉以為勁辣，放落D湯底灼兩灼之後辣味全消，口感同樣鬆軟.以前食墨魚滑就腳痛，今次膽粗粗食墨魚滑又無事喎，墨魚滑味道鮮甜同彈牙，大師妹都話叫多兩碟.嗱!我地唔做大唗鬼㗎!食得到先點㗎!浪費食物超乞人憎同反感!大師妹話好欣賞佢地有軟雪糕提供，話時

獨家還原水湯底 - 旺角一鍋堂首先恭喜旺角豉油街分店開張啦 ! 其實本身CK我係想去試新場果邊架，不過新店岩岩開勁多人，唔想朋友餓太耐，所以今次又番到豉油街分店醫左肚先 ! 一鍋堂主打簡約風格全卡位設計，午市時段設有60分鐘一人一鍋定量火鍋放題及100分鐘火鍋放題；晚市120分鐘晚市放題有超過18款養生湯底，逾100款配料及飲品選擇！120分鐘晚市放題同樣分為精選進口肉、特選安格斯牛及高級澳洲和牛3款套餐，人均最平$168起任食3至9款不同款式的肉類，包括澳洲M5和牛板肉、美國安格斯牛肉、封門柳等，更可以任食鯇魚片、花膠、白鱔片等海鮮！打邊爐嘅配料好多：有黑豚肉片、海鮮、蟹柳，鯪魚餅，菇類，粟米，冬菇，南瓜，蕃茄，牛丸，金菇，餐肉，魚蛋等等 ! 除咗火鍋配料，仲有熟食選擇，有麻辣鴨血、咖喱魚蛋麻辣木耳等等。而飲品選擇超多，除左超市買到既包裝及罐裝飲品外，仲有自家製飲品架 ! 提一提大家小小野 : 一 : 記得預早book枱，唔洗等就有得食喇！二 : 呢度每張枱都有個QR code，只要一嘟，就可以用電話落單，上菜速度好快，又無漏單，不過張枱就唔大，所以建議唔好一次過落太多，如果唔係真係

剛好星期六假期，和家人想打邊爐和逛街。之前曾到過一鍋堂其他分店，於是預約了在旺角Xx arcade 的分店。位置方便，有很多卡位，坐得很舒服，服務員講解很清晰，介紹了不同食物配料的位置，大部分食物都是線上下單的。我們選了100分鐘B餐放題$178(假日加$10)，可選一款湯底。選了芫茜皮蛋湯底，健康清新，芫茜浸了湯底，即食也可。此套餐包任點肉類、自家製丸類、蔬菜、小吃等等。美國安格斯、牛板鍵和西班牙栗飼豬肉是我們最喜歡的肉類。薄切鮮嫩，沒有雪味，入口即溶，不加太多調味料也吃到肉類的鮮味。款色多，還有羊肉。響鈴、手打珍寶蝦丸、手打墨魚丸、自家制魚皮餃、鮮蝦雲吞十分美味，餡料足夠，夠彈牙，外皮夠滑。另外還有很多的蔬菜配料選擇，豆腐，蓮藕，一應俱全。飲品、調味料是自取，我選了自家制的薄荷烏龍茶，正正能解打邊爐的飽濟感。薄荷味道很清新。