一起食堂 (域多利皇后街)

營業中

休息中

週末午飯時段去人頭湧湧，可見有口碑同質素ok每款飯面都會跟一式三款小食（甜點），雖然唔係咩名貴野，但有呢個配套都有啲驚喜，三小點有泡芙，小紫薯，蕨餅紅燒三寶牛肉面有牛丸，牛腱，牛肋條個湯相對濃味，牛三寶三樣都咁出色，牛腱係厚切，煮得好淋，好好味😋。牛丸係有肉汁個隻，肉汁分佈哂成粒牛丸，唔乾唔鞋，又係好滋味，牛肋條大大件，煮得夠淋，都出色，但相對牛丸同牛腱，相對印象無咁深刻，總括講鍾意牛既絕對應該食呢碗牛三寶面蔥油雞肉乾拌面🍜有碗湯跟住個乾拌面，拌面既雞切成小塊，方便一啖一件，另外仲有隻鹵蛋食得台菜通都會叫台灣腸同鹽酥雞，鹽酥雞都幾大碟，炸得好juicy, 又係細細粒，方便一啖一粒

星期五放工近近地去附近食嘢，又揀咗食台灣嘢。之前食過觀塘分店，果個花雕麻油雞湯麵好好食，心思思又想食🤭花雕麻油雞湯麵$89有一小杯花雕酒，食麵之前倒入去麻油雞湯，感覺滋補👍🏻。雞卷嫩滑，啖啖肉😋烏龍麵煙韌，配上鮮滑冬菇，龍眼肉、杞子，味道清得嚟又唔會淡口。蔥油土雞肉飯$79雞已經拆晒肉，鹹鹹香香，飯上面有啲蒜片撈埋蔥油，仲有半隻滷水蛋，好好餸飯👍🏻炸花枝丸$38一碟有4粒，炸得金黃色好吸引，外裏焦焦香香，丸裏面有啲花枝粒，幾有口感😋滷牛腱$48牛腱滷得夠晒火侯，肉質鬆化，入晒味👍🏻芋圓燒仙草$35燒仙草熱飲好舒服，芋圓煙韌有咬口，有三種口味，紫薯、蕃薯、芋頭，款款都好食😋

中環附近餐廳通常人均都$200起，對於打工仔黎講負擔真係重🤧平時同同事都會發掘下有咩親民d既餐廳，今次就搵到一間主打台灣菜既親民餐廳🥰‣ 酥炸地瓜條 ($38)炸到幾香脆，蕃薯味幾香， 味道都唔錯，唔會好油膩‣ 滷水拼盤 ($78)賣相幾吸引，有滷水蛋、豬耳、牛𦟌肉、雞翼，滷水好入味，亦唔會太鹹，總體質素唔錯👍最正係牛𦟌，煮到好淋🤩‣ 花雕麻油雞湯面 ($89)花雕味好香，雞肉幾嫩滑，湯麵煮到啱啱好，總體味道唔錯，而且幾健康☺️‣ 魯肉飯 ($69) 魯肉肥瘦相間😍，切得比較大粒，滷水位好入味，而且份量都唔細，例湯味道唔錯，整體幾有水準‣ 芋圓燒鮮草 ($35) 鮮草味道好香濃，芋圓食到芋頭絲，口感唔錯，熱食夠曬暖胃，味道唔錯，唔會太甜😊💭 C͟o͟n͟c͟l͟u͟s͟i͟o͟n͟餐廳上菜幾快，價錢合理，整體食物質素唔錯，幾正宗😋，唔怪得長期見到門口都有人排隊👍💰Total: $309 (無服務費)📍一起食堂中環域多利皇后街2號地舖 （到訪分店）觀塘開源道48號威利廣場地下G5號舖🚩更多同類餐廳 #foodstep_台灣菜🚩更多同區餐廳 #foodstep_中環📣Like & Share & Follow

中環雖然很多美食，但今次我地揀咗呢間台式料理。價錢合理又好味😋花雕麻油雞湯麵 $89送餐時，會有一小杯花雕跟餐來，可因應個人喜好加入適合的份量，非常特別的serving 方式。本身的湯已有麻油香，再加入花雕，對於我本身喜歡花雕酒味嘅人，加入全杯花雕酒，一路食麵一路飲湯，非常美味！而雞件都醃得很入味，又嫩又滑紅燒三寶牛肉麵 $99三寶有牛丸、牛腱、牛肋條。牛丸彈牙有汁，牛腱同牛肋條都炆得夠淋又入味。🥤愛玉荔枝綠茶 （跟餐+$12）香甜荔枝味，綠茶都夠滑，飲每啖都有愛玉😋。🥤愛玉鳳梨綠茶 （跟餐+$12）鳳梨可解油膩感，淡淡綠茶味👍🏻芋圓仙草凍-迷你 （跟餐+$12）做飯後甜品一小碗，仙草凍爽爽的，芋圓QQ的👍🏻鹽酥雞 $38份量十足，雞件外脆內軟，如果再多啲鹽酥粉會更加好味😊 芋圓燒仙草 $35芋圓份量很足，燒仙草有台灣嘅味道🥰

點了個特濃豆乳雞烏龍麵，及熱仙草奶茶。整碗麵不是熱騰騰的，對我來說都沒太大問題，但那些雞卷是凍的，有些出乎意料之外！邊吃邊看大家的評論，卻沒有提及過雞卷是凍的。於是，在付款時問店員，她說雞卷要凍才制作到，不能熱。其實上碗時翻熱一下都可以吧至於豆乳湯底，可能不屬於熱湯，未能感受到大家所講的豆香。至於仙草奶茶的仙草是一大坨，想用附上的膠匙將滑滑的仙草分細份，甚是困難。希望這些問題日後能有改善。

食過咁多次都未介紹過 lunch time經常大排長龍 夜晚見唔使排隊就即刻入去食😋花雕麻油雞湯麵🍜 $89花雕酒係分開上，自己加落湯麵到，配合個人口味，亦避免花雕酒嘅味道揮發晒。湯入邊有杞子 龍眼 紅棗，好清甜，雞肉嫩滑唔使多講，麵係小編鍾意嘅烏冬🤤麻辣雞肉乾拌麵 $79上菜時已經聞到麻香味，雞肉份量多又唔鞋，麻辣醬愈食愈惹味😋炸花枝丸🍢一碟有四粒，食落唔油膩仲有咬口，有天然花枝味😛珍珠奶茶🧋本身冇落糖，叫三分甜啱啱好❤️

台灣菜性價比都高，可以一試，中環嚟講台灣菜質素都唔錯店舖keep住有人流，幾熱鬧，以後到中環又多個選擇簡！花雕麻油雞湯麵貼心讚一讚，花雕另外有個小碗裝起，可以依個人口味去調製，除咗雞件外，其他配料都幾豐富，有冬菇、龍眼、菜等，食完好🈵️足～～芋圓仙草凍呢份必點，點會少得芋圓，Cp值好高，價錢$38，超級多芋圓（紫薯圓、地瓜圓，芋頭圓），芋頭圓最出色，咬落好濃好重既芋頭味，口感煙煙韌韌，食到飽突突，大滿足！鹽酥雞熱辣辣鹽酥雞，咬開出哂煙，炸到剛剛好，唔會好乾身，雞肉肉質幾滑，另帶少少辣，$38嚟講份量都幾足👍烤台灣香腸已經切開一片片的台灣腸，可以夾埋少量生蒜片一齊食，味道好夾，完全係台灣風味～～

店名: 一起食堂地址: 中環域多利皇后街2號地舖中環站C出口，行3分鐘環境: 4/5價錢:4.5/5味道: 4.5/5呢間台灣小店晏就成日都好多人排隊，所以特登揀左夜晚黎食，唔洗等位就入得🤣花鵰麻油雞湯面$89食落有陣陣嘅花鵰味得黎又唔會話好嗆口前排天氣凍，有少少酒味加麻油香，個湯飲落好暖胃好補身🥰蝦膏豚肉櫻花蝦湯面$89呢個相對地就無麻油湯咁清飲落會有蝦味，會有少少似日式拉麵店嘅蝦🤩兩碗面份量都好大，食完好飽🙈🙊#stitchfoodie中環

一起食堂喺觀塘、中環都有分店大多數人黎到都係點台式食品 但係呢度嘅日式蓋飯同麵都唔錯☺️~.🌟蝦膏豚肉櫻花蝦麵 $89呢個係冬天限定嘅拉麵☃️ 食之前可以攪拌下湯底 等蝦膏醬溶入湯底🍜蝦膏加上櫻花蝦鮮味濃郁🦐麵底用左烏冬 所以唔同平時食開嘅拉麵豚肉亦都好有心思 入口軟腍仲好香油脂.🌟蒲燒鰻魚飯 $99好大條鰻魚 而且鰻魚嘅質素好好魚肉綿滑結實👍🏻 再加上半熟溫泉蛋🥚 非常好送飯.🌟鹽酥雞 $38一碟有好多粒鹽酥雞🐔點黎當小食同朋友share啱啱好亦都可以過下食台灣小食嘅口癮😝.🌟芋圓仙草凍 $38估唔到咁大碗 絕對夠兩個人share食🤩有唔同顏色同口味嘅芋圓 仲有紅豆🫘同仙草作為飯後甜品令人好滿足😋.🌟珍珠奶茶 $24奶味較重 係經典口味🧋.🌟愛玉鳳梨綠茶 $24鳳梨🍍同綠茶🍵呢個組合第一次食味道清新 Q彈嘅愛玉更添口感

一起食堂中環域多利皇后街2號地舖G/F, 2 Queen Victoria Street, Central估唔到小店的台灣飯那麼好吃, 份量又大碗。中午去食飯每一處都是人龍, 好彩今天提早小小下樓, 就省了很多排隊的時間, 一個小時的LUNCH TIME真是一閃即逝。一坐下立即用點餐紙剔野食先, 我第一次來,點了個$69 魯肉飯，切到大大粒肉燥，煮到入味，五花肉萬歲仲有3個前菜附送, 放一起更嘗心, 吃起多別到咁多款, 特別開心又開胃。$28 煉燥青菜大大碟$38鹽酥雞現炸，熱辣辣$78 冬日限定三杯雞飯，個汁好濃很下飯。麻油味十足，非常惹味。LUNCH TIME +$12 可以點到一杯$25以下架飲品, OR $15 有一碗迷你芋圓湯水。好多仙草，又滑又彈，芋圓有成8粒大大粒，同埋唔會好甜，岩曬想食又怕肥架人同同事吃得很飽哦, 填飽肚又要回公司努力工作了。

今日，行行下街，見到門口個餐牌，食台灣野，好似幾吸引喎，就入嚟試下啦。入到去，見到牆上面掛左好多台灣電影既海報，都幾有特色。之後，我嗌左個豬軟骨飯，有一隻滷蛋同埋幾條菜，上面有啲芝麻同埋紅蘿蔔絲，另外，配有枝豆，紫薯，瘚餅同埋湯，個湯有少少芹菜同埋葱，幾好喝豬軟骨炆到幾淋幾好食。另外，因為驚唔夠飽。所以，額外嗌左個府城蝦卷，呢個配埋沙律醬幾好食啊！跟餐加十二蚊，有杯野飲，我嗌左杯凍綠茶。總括嚟講，呢餐都幾滿意，我下次會再嚟架

中環的物價較高，身為打工仔較難找到合理價格的餐廳。這間小店位於中環街市對面，雖然環境較小，但食物及價錢都十分親民，是中環當中不錯的台式飯堂啊🍚🦐蝦膏豚肉櫻花蝦麵本店的冬日季節限定品☃️麵條質感彈牙，湯汁則清爽，不會太油膩，十分容易入口。蝦膏及櫻花蝦的配搭為湯底增添一份鮮甜味✨，海洋風味濃厚🌊，鹹味適中。🐂紅燒三寶牛肉麵這碗麵配料十分豐富，包括牛𦟌、牛丸及牛腩🐮。牛𦟌雖然比較韌，但慢慢咀嚼就會感受到牛的鮮味。牛丸爽口彈牙，牛腩則入味腍滑。麵條爽口🍜，湯汁濃郁，牛肉味道突出、是不錯的的選擇。🐥鹽酥雞雞肉炸得酥脆，鹽味適中，外皮酥脆但不會過於油膩。而且份量十分多，CP值也不錯啊🍮芋圓燒仙草芋圓份量十足，外皮軟滑，口感煙韌彈牙。燒仙草帶輕微的苦澀味，卻味道回甘，十分清熱解毒。🫖冷泡白桃烏龍茶🧋仙草冬瓜茶

在中環區見到一家小小的台式食堂，價錢亦非常相宜，所以進來一試。點了兩份主食及三份小食，特濃豆乳雞烏龍麵的烏龍麵份量不少，麵條亦煙韌有咬口，豆乳湯的鹹淡適中，烏龍麵亦十分掛湯，每口都帶有豆香氣。雞肉估計是雞腿捲，因肉質非常嫩滑，還帶點酒香，推薦！😙另一主食點了蔥油土雞肉飯，蔥油醬汁比例剛好，不會過多醬汁令到飯粒過於濕潤，食到最後仍有醬汁拌飯，而且上方的滷蛋非常入味呢👍滷雞翼和雞肉飯上的滷蛋一樣十分入味👍健康之選😍點了淋滿肉燥的油麥菜，想不到二十多元的份量都不少🤩府城蝦卷是令人驚喜的一道，外面的腐皮薄薄一層炸得香脆，裡面的蝦肉加入了爽口的馬蹄，令口感更豐富😊雖然不能跟餐但還是忍不住點了台式飲品，仙草冬瓜茶($24)是一早製好冰著的，不會怕冰塊溶化後味道變淡；熱黑糖薑母茶($18)亦很暖身～

今日返工放lunch去咗附近嘅台式餐廳— 「一起食堂」，平日返工時間好多人，要排隊等位，反而週未假期會比較少人中環嘅食嘢真係比較貴，呢間台灣嘢性價比高，真係好高質，好正！環境好舒服，有一種日式餐廳嘅感覺，好有feel！首先食咗「原條蒲燒鰻魚飯」鰻魚成條勁大條，係大過個碗，上面有少少燒過，再加上蒲燒汁，又厚又長，好滿足，一啖飯一啖鰻魚，好正！朋友食咗「麻辣鴨血鴨胸湯面 」鴨血加埋麻辣，好夾！好惹味！仲有鴨胸嘅配搭，好加分，一試就愛上了！

收工中環食台灣野，第一時間就唸起一起食堂，皆因呢度真係令我感受到台灣地道風味，唔洗去台灣都可以食到正宗台灣菜式。主食點了一客和風牛肉飯和一碗麻辣鴨胸鴨血湯麵，和風牛肉餐還配碗紫菜湯，熱呼呼的配飯吃更暖和，大大碗的和風牛肉飯，牛肉份量還不錯，味道入味送飯更地道。麻辣鴨胸鴨血就更加體現台灣湯麵精髓，我喜歡這個麻辣味道，喜歡吃鴨胸鴨血的更加不要錯過。另外再要了一份炸花枝丸（4粒），正常發揮。甜品就點了芋圓燒仙草，原來是熱湯來的，也是第一次試，是熱呼呼的甜湯，芋圓也多喔。飲品要了一杯珍珠奶茶和asahi 無酒精啤酒，好特別的asahi 無酒精啤酒，我們研究了好久，真的無酒精，特別特別喔。