一起果醬 (已搬遷) 新店位置

難得星期日放假 天氣好好 專登渣車入黎食個下午茶。 見到呢間小店係西貢排名好高 咁就入黎試下。 叫左個九宮多士同埋杯桂花雪梨蜜。 味道好普通 冇乜驚喜同特別 ，杯野飲飲得出溝好多水同埋用現成雪梨醬， 岩黎打卡同埋搵個地方坐下😔

入到嚟西貢，唔係食海鮮就係食西餐。今次就嚟到呢間小小嘅cafe，最出名係自家製嘅果醬。Classic all day breakfast 就真係幾 classic，有炒蛋煙肉番茄炒菇同兩款鬼佬腸仔，最特別應該只係多士上面嘅果醬，可以自己揀。啲野食係好味，但講唔上特別，睇你自己preference 😂 至於個素嘅 all day breakfast , 最好食係塊大啡菇，烤得幾juicy。個果醬九宮格多士賣相幾特別，但同all day breakfast 個醬一樣，係好食但唔特別。最清新嘅一道菜應該係個士多啤梨排骨啦。醬燒排骨加左果醬感覺唔濟，有咸加甜嘅味覺沖擊，鍾意特別口味嘅不妨試試。

今日同老公去左西貢拍下拖，知道西貢嘅一起果醬幾有名，就決定去試下，一起果醬舖如其名，真係好多特別嘅果醬味道。好似我呢啲選擇困難症人士，選擇呢個果醬九宮格多士（$49）就最適合不過喇一次過試齊9種招牌味道，真係一試難忘，多士外脆內軟，唔會硬到石頭咁炸香草芝士條（$49）炸到熱辣辣脆卜卜，入面芝士又軟又香仲有得玩拉絲，配搭埋沙律醬真係好夾All Day Breakfast（$99）炒蛋又香又滑，蘑菇好香牛油味桂花雪梨茶（$34）淡淡清香嘅桂花雪梨，可以一戒油膩感覺讚總括而言，食物質素唔錯，但餐廳侍應嘅服務態度就有待改善。

上兩星期日日都落雨咁制，終於有一日好天啦，於是就同朋友一齊去西貢行下。我地三點幾去到，行左一陣，都有D攰，又想坐低抖抖食個下午茶，於是就搵下餐廳。不過周日都幾多人喎，見到依間咁岩有位，就入黎坐下。 依度出名係果醬，所以就一如試下唔同果醬啦。點左個英式早餐，再配上芒果果醬。當然英式早餐間間都差唔多，我覺得最好味反而係個多士，個多士幾脆，加上芒果jam，都幾唔錯。 另外，叫左半份果醬雪榚窩夫萌再配埋蛋黃菠蘿醬，窩夫餅都不過不失，菠蘿醬都唔錯，但如果再多小小醬就更好。埋單144蚊兩個人，都ok la，休息下叉叉電。

難得來到西貢，找間熱門早餐店嘗嘗大家也要了全天英式早餐選飲品的話，就多加$20我就再選了英式鬆餅加Clotted cream，要加$17一來到先嘗嘗英式鬆餅非常熱，非常鬆軟配上冰凍的clotted cream像雪糕一般滋味！我選的果醬是玉桂蘋果醬玉桂味不太明顯，反而有很香甜的蜜味👍其實早餐配料，不算太特別芝士炒蛋欠芝士味，但也夠滑蕃茄煎得不錯媽媽的士多啤梨醬厚多士經過烤烘非常不錯！鬆餅麵包就很出色，但價錢略貴，希望下次會更有水準

好鍾意食果醬既我，經過見到呢間自家製果醬小舖，好自然就吸引左我入去呢間舖真係諗得幾周到，只要叫呢個九宮格多士，就可以俾好似我呢d有選擇困難症既人一個最好既選擇。一次過可以試9種味，唔使諗黎諗去都唔知食邊隻味好。真係有好多味，試完個多士再揀隻最鍾意既買返屋企慢慢食仲得除左多士，仲叫左份all day breakfast。普普通通啦，冇咩驚喜。始終都係果Jam做賣點，所以比其他主食出色都係正常既。鍾意食果Jam既朋友不仿一試。

顧名思義最出名的就是果醬，無添加兼新鮮嘅果醬，用水果/花類配出特式口味，食客抱著試試創新味道的心態去品嚐，每每給予一種不能言語嘅感覺！一起果醬有兩間店，一間於位置方便嘅尖沙咀，一間就喺遠離煩囂嘅西貢，我自己會比較喜歡西貢店多點，因為不時會見到有帶同狗狗嘅客人，作為一個毛孩控又點會錯過！士多啤梨果醬燒豬肋骨(HKD89)燒豬肋骨用士多啤梨果醬去調味酸酸甜甜的並已經做到"骨肉分離"，可以輕易取肉，唔需要食到失哂儀態，共有5條骨，薯角香脆夠味，而份量同價錢成正比，一個正常食量的女生，絕對吃不完呀！全日英式早餐(HKD79)一份出色的全日早餐，我會用蛋來做一個指標，因為只要將基本食材(如腸、菇、煙肉、火腿……)煎香並不是難事。當然，喺呢度我會將重點放返落果醬度喇~多士可以配上店內任何一款果醬，而我選擇了玫瑰蘋果果醬，這是店員推薦的，說是比較多女客人喜歡(是因為當中有浪漫的玫瑰嗎?)，香甜的蘋果滲出玫瑰香味，真係很難抗拒，而滑蛋亦很出色，顏色淡淡的，是加了奶嗎?其實飲品都好有特色，但今次想試清楚食物同果醬的味道，所以一直飲水，下次下午茶時段才試果醬飲品吧！

雖然成日入西貢搵食 但第一次食呢間餐廳今次選擇試呢間餐廳 本身係因為有🐶🐶店員好貼心 安排我地坐室外位置雖然室外 但有簾逢 所以無咁曬🤗我地當日每人叫左份All day breakfast 餐廳提供十多款果醬比客人選擇店員推介‘玉桂蘋果’同 桂花雪梨果醬配多士因為個人唔中意玉桂味 所以揀左桂花雪梨果醬配多士.食物份量唔少，果醬二想不到嘅好食。味道亦令人滿意飲品方面梗係要來番杯凍飲啦！我揀咗杯冰凍拿鐵 咖啡同奶既比例剛剛好 好滑係炎熱嘅天氣下飲返杯 好舒服👍

曾經在尖沙咀分店吃過Let’s jam，覺得這餐廳以果醬為題感覺清新又健康。這天假日來到西貢，特意和家人到訪Let’s jam享受美味的早午餐🤗🤗🤗我們三人點了兩款賣相討好的飲品，$38的特製雜莓果醬梳打和$32的熱玫瑰蘋果茶。兩者味道天然得來甜度適中👍🏻👍🏻👍🏻先來的是$89的士多啤梨果醬燒豬肋骨，大約有六條豬肋骨加兩塊燒翠玉瓜和炸薯角。炸薯角炸得香脆不在話下，主角燒豬肋骨甜甜的再加上烤焢的火喉掌握得好，味道很好，真是平靚正🤤🤤🤤再來同樣是$79的全天素食英式早餐和全天素食英式早餐。份量非常豐富之餘，炒蛋香滑，外層烤得香脆的厚多士配到香甜又清新的玉桂蘋果醬亦非常值得一讚！真的是怎麼拍都很美💕💕💕

放假得閒又入西貢遠離煩囂😶差不多4點先入到去，見肚餓就去左一起果醬食個下午茶👀🤤人唔算好多，我地坐户外位置幾有渡假feel☺️之前去過尖沙咀分店，但感覺西貢呢間好d😂果醬厚多士($26)厚多士配玉桂蘋果果醬！食落幾開胃，酸酸甜甜嘅味道同多士好夾🤤仲有多款果醬可以選擇！All Day Breakfast ($79)份量足夠，仲有半塊厚多士！揀左very berry 果醬！莓味好重👍🏻👍🏻下次可試其他味道

一早已經聽過呢間cafe，出名食果醬多士，而且果醬仲有很多口味選擇，所以搵日入左黎食下午茶。位置近西貢海旁，十分易搵。呢間cafe主打食果醬厚多士和英式鬆餅，仲有十幾種果醬供選擇。當日點左玫瑰蘋果醬配鬆餅、九宮格厚多士（多士上有9種不同味道果醬)、香草炸芝士條。果醬味道果然無令人失望，好香生果味，而且不太甜😋，一個字正！如果有需要，果醬仲可以成瓶買走。芝士條香脆又不油膩，但個鬆餅就麻麻地，質地偏粉，奶味好重。

星期六同男朋友去左西貢行下，搵左呢間出名主打果醬既餐廳食個tea。餐廳同其他西貢小店一樣唔算好大，冷氣略嫌唔太夠，有d焗。因為好快就準備食晚飯，所以我地只係要左一份All day breakfast + 一杯咖啡share。先講All Day Breakfast，其實真係非常普通，有d失望。有炒到老哂既炒蛋，明明話係芝士炒蛋但完全冇芝士味; 煎得唔夠香脆既香腸同煙肉; 幾粒蘑菇，焗蕃茄同茄汁豆，所有野味道都好普通。最值得欣賞既只有本身跟餐係厚多士，但我地加錢轉左既Scone配果醬。Scone焗得幾鬆軟，又夠熱。餐廳主打既果醬可以自己揀，總共有11款，每款味道都幾特別。我地就揀左桂花雪梨，好天然既清甜味，食落好舒服，仲有粒粒雪梨，好好食呀！而飲品係冇得跟餐，要單點。我地要左杯凍Latte，一開始比較苦，問店員拎左d糖水加左就易入口好多。總括黎講，呢度既果醬的確出色，但其他食物就比較普通。

來一起果醬當然要吃果醬自家製果醬是這家店的賣點九宮格果醬吐司有九款不同的自家製果醬，想試多幾種款式的朋友就最適合了，其中有蜜桃蘋果士多啤梨等等，其中個人覺得最好食的就是蘋果肉桂。另外點了一款手撕豬肉沙律，這款的賣點就是它不是用沙律醬或是沙律醋，而是使用了果將來作醬汁，酸甜的醬汁和沙律很配，而且手撕豬肉是很柔軟的質感，整道菜也很清新， 女生最愛。分量比較少的關係，最後還點了一個芝士奶蓋通粉，以為是兩隻蟹個原來只是一隻小小的蟹蓋，這店的分量果然好少好少，不過味道很不錯，芝士的分量相當多， 而且有真的吃到蟹肉，又值回票價的感覺。

邊個話入西貢一定要食海鮮？沿著海旁往酒樓方向，會走入市場街。聞名不如見面，看到 Let’s Jam，便知找對地方了老實說，舖面不大，勝在愛狗之人可以坐戶外；怕熱的，可以入內涼涼冷氣。戶內擺設什多，走Vintage 路線，女士應該很buy 這類餐廳！素食 All Day，有芝士炒蛋、沙律、大啡菇、大蕃茄、厚多士配蘋果肉桂果醬厚多士的果醬是點題之作，此店果醬都是自製的，別具風味。濃濃牛油和其足料炮製的果醬，滿滿塗在多士上，食完會有種滿足、心甜的感覺。其他配料亦正正常常，口感或是味道都相當一流唯芝士炒蛋欠芝味，有點失色豬肋骨配以自製士多啤梨果醬，再吃一口脆卜卜的薯角，相當強烈的味道對比。小弟心想，如此菜式配以一杯啤酒，就是神奇、頂級、超卓值得一題，豬肋骨又烤得不太油，與果醬互相配合，總算有個驚喜！小弟很少飲果莓飲品，這次我都算冒險地飲杯雜莓梳打出奇地不俗，杯底極多莓，有點甜但可接受的！食完這餐，下午可以以圓滿作開始

難得假期天氣不錯，和友人相約到西貢走走逛逛。時間尚早，想到之前一直想去的這家果醬小店試試，幸好人不多，不用等位置便可入坐。點了兩份早午餐Egg Benedict把水波蛋打在蕃茄中間，水波蛋時間控制不當，以致蛋過份流質完全沒有成形。而且荷蘭醬亦太水汪汪，有點失望。All Day Breakfast的重點應該是自家製果醬，我們選的是香桃口味，味道不錯有蜜桃香氣，搭配的是多士食用。其他的配料有炒蛋、炒菇、肉腸、烤蕃茄、培根片、焗豆等，就是一般All Day Breakfast有的東西，正常沒有特別驚豔。最後，沒想到最令人滿意的是果醬飲料。用果醬加蘇打水來沖製的冷飲，這杯士多啤梨醬沖成的士多啤梨蘇打，甜酸程度適中，天氣如此熱的確透心涼！