一虎

營業中

休息中

近利東街嘅一間拉麵店，晏晝佢都排緊長龍，入面舖位唔算大，但係都坐滿左。佢嘅拉麵都幾有特色，今日就揀咗兩個比較特別嘅拉麵試吓柚子拉麵喺餐廳嘅新口味，佢有檸檬味，同埋柚子味嘅拉麵，都幾特別，我就試吓柚子味，一上到黎個湯已經好香濃好清新，仲有啲柚子絲喺上面，面可以揀大中世，如果中就係普通嘅拉麵，細就係幼面，我揀咗幼面，口感都唔錯。加埋紫菜、溫泉蛋、豚肉，成個拉麵都好出色！值得一讚鮪魚拉麵好香濃嘅魚湯，定係唔會有雨嘅，所以佢額外都配咗豚肉同溫泉蛋，仲有其他配菜！鍾意食魚嘅人一定會鍾意個湯，因為佢個魚味好突出，睇得出佢用心熬製餃子日式煎餃，入邊係豬肉餡，外皮脆博博，配合埋日本嘅醋，食完都有啲唔夠喉！

天氣熱辣辣，但係估唔到灣仔呢間小店嘅人龍由6:00開始就冇斷過，好彩我哋去得早，排左15-20分鐘就可以入座啦！一虎特選 🍜 第一次食梗係要叫佢嘅招牌一虎特選拉麵試吓，豬骨湯底濃厚唔會過咸，亦唔會太油膩，岩曬香港人既口味。特選係有extra-topping有好多塊肥美既豚肉😍，糖心蛋都整得好靚，水準穩定👍🏻 ，排一陣隊係值嘅。海老虎 🍜係海量嘅櫻花蝦呀！🦐多到完全見唔到個麪了😂湯汁濃郁嘅蝦味，配上秘製辣椒（+$8）既鮮味，令成個味道升左一個層次，好好食呀！建議鍾意惹味同食辣嘅，一定要加呢個秘製辣椒🌶️ 由於湯頭屬於重濃味既一種，生菜呢個新穎嘅配搭可以解下膩，冇乜違和感。我哋仲叫咗一個自家製餃子🥟，皮薄餡靚，煎得金黃香脆，好食！

男朋友作為拉麵控好羨慕住喺灣仔嘅街坊因為灣仔附近聚集左好多高質拉麵店好似今日我地就黎到灣仔嘅一虎店面小小除左吧枱大概十個座位旁邊仲有四張二人枱幾有日本feel 餐牌除左有招牌嘅一虎、白虎、赤虎同黑虎外仲有季節限定嘅檸檬味噌同適合素食者嘅素拉麵又幾特別喎～第一次食所以試招牌一虎同赤虎拉麵仲揀埋特選一次過加齊額外配料包括有叉燒、紫菜、爽口木耳、有味荀同糖心蛋我嘅一虎拉麵湯頭奶白入口唔會太杰太漿口幾鮮濃個糖心蛋暫時係我喺香港食過最正嘅蛋黃金黃，將滴未滴嘅流心效果真係超級靚😍😍😍仲要調味入味得黎唔過鹹我願意為左糖心蛋再返黎一虎！男朋友嘅赤虎少辣鮮香好適合想要少少刺激但又唔食得太辣嘅男朋友！值得一提係一虎嘅加麵超足料加足整整一個麵超抵食！我地都有試到自家製餃子皮薄饀鮮配一虎嘅紅薑同醋食相當美味👍

一虎地址: 灣仔廈門街23號地舖Lunch食咩好？當然係食日本拉麵啦😉！海老虎🦐🍜$108作為餐廳其中一個signature拉麵，當然要叫來試下😌～估唔到個湯真係好濃鮮味，啖啖都有好重櫻花蝦乾既海鮮味道🤩，而且佢啲拉麵質地夠煙韌咬口，條條都好掛湯，再配上肉質軟滑嘅炙燒叉燒，豐富美味🤪。黑虎🌑🍜$101細條拉麵質地夠煙韌咬口，再加上黑椒薑蔥蒜等等作為調味嘅湯底😋，成件事變得相當惹味，而且配餸用咗一片片肥瘦適中嘅叉燒🤪，係食肉獸一大滿足～餃子🥟$48餃子夠大隻，餡料份量多🤪。餃子皮煎到啱啱好，脆卜卜，唔會太過油膩或皮硬，不錯😎。烏龍茶🧃$17烏龍茶味道天然唔太甜，還有淡淡烏龍茶的茶澀味🤤，清涼感十足。虹花檸茶🧃$17味道酸酸甜甜，正正常常😎。

“檸檬拉麵”($106)“一虎”($103)一虎喺灣仔都開咗好多年🍜但依然係咁有人氣星期五晚加上書展,等咗大約一個鐘先入座坐喺吧枱睇住師傅煮麵特別有氣氛☺️我地點咗2款拉麵首先係好特別嘅檸檬拉麵🍋麵上面舖住5片檸檬打卡一流😆用上自家製檸檬醬,估唔到同豬骨湯幾夾☺️味道微酸好清新🥰夏天食就岩哂另一碗就點咗同舖頭名一樣嘅一虎🐯湯頭用上自家豬骨湯,味道十分濃厚🐷配料有叉燒,溏心蛋,木耳,蔥叉燒十分嫩滑,而且仲大大塊😋而枱上亦有辣芽菜,紅姜,蒿菜可以自行加碗2碗拉麵都十分高質,唔怪得咁多捧場客啦☺️下次唔太飽嚟食嘢要點埋份餃子先😝

肥仔作為灣仔打工嘅奴工，一想食拉麵，只會去一間，就係一虎，別無他選！今日比較餓，叫咗最豐盛嘅一虎特選，醫飽個胃。🍜一虎特選所有配菜都好有份量，睇見都好滿足，有紫菜、荀、木耳、流心蛋、叉燒等。湯頭係濃郁嘅豬骨湯，一般來講有啲拉麵舖都會煮得好鹹，但係呢個湯底絕對唔會。麵條本身爽口彈牙，而且可以食得出佢係即叫即煮，十分掛湯。流心蛋非常入味，一咬開流晒蛋黃岀嚟，唔會好似岀面嘅麵店咁煮得過熟，食完一個都仲想食。叉燒煮得剛好，夠滑身，有豬油嘅香味，真係食完一塊又一塊，正吖。順帶一提，附送嘅醃芽菜都十分美味，少少辣得來，爽口清身，非常開胃。提提你，店舖外面長時間都好多人排隊，宜家又夏日炎炎，記得帶備解暑物資。能夠品嚐到一碗好好味拉麵，用少少時間等侯，係十分之值得！

#灣仔美食 #小蓮星呑食灣仔🔻 一虎 灣仔廈門街23號地舖/🧃黑虎 $101豬骨湯底配黑蒜油，豬骨湯好香、多咗少少蒜味，整體唔油膩，食晒成碗飲晒個湯都覺無問題，揀咗幼麵，偏向硬身爽口，叉燒薄身腍滑，入口即溶/🧃一虎特選 $143招牌湯麵，另外仲有晒竹筍同埋糖心蛋等所有配料。面嘅質地圈咗大廚推介，來到係粗麵。招牌湯底果然名不虛傳，係豬骨湯底，濃郁得來唔會話非常重口味或者油淋淋，粗麵亦都夠晒掛湯，非常煙靭，另外要讚一讚糖心蛋，超級好食/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig #灣仔美食 #香港拉麵 #香港日本菜

成日買lunch果陣經過一虎都見到大排長龍，為左要試哂灣仔既所有拉麵，今次同朋友的起心肝係大熱天時排隊入去食🥵好彩都算入得快，排左陣就有得食🤭本身我地掙扎左一陣好唔好試新野，最後我地都係驚個檸檬拉麵太伏，分別叫左黑虎同海老虎🥲兩款拉麵湯底味道同想像中差唔多，黑蒜油湯底味道濃郁，食落十分香口，唔會話太過油膩。另外個秘製蝦湯底味道亦相當不俗，蝦味突出，而且配料十分豐富，食完超級滿足。除左兩款拉麵，我地仲叫左個煎餃share黎食，值得一讚既係佢個煎餃皮薄，餡料十足，算係幾高質既日式煎餃😋

有不人建議我去吃一虎拉麵，星期日差不多2pm 門外已大排長龍，正打算先拍攝人龍再排隊，誰不知職員出來說要截人龍，我只好衝回去排隊不敢離開半步，剛好成為當日中午最後一位客人，lucky😆✌🏻我點了一虎特選自家湯底拉麵，果言名不虛傳！湯頭經過長時間熬煮，融合了各種高湯、骨頭、肉塊和香料，質地濃郁，口感濃醇，喝起來令人回味無窮。熱騰騰的湯汁，彈牙的麵條，搭配豐富的配料，令人回味無窮，絕對是經典中的經典。

午市時段為咗一嚐美食，門外長期大排長龍好受上班族歡迎，小店主打豬骨湯底拉麵，包括招牌的「一虎拉麵」，加入黑蒜油的「黑虎拉麵」，香辣的「赤虎拉麵」，豬骨湯底的「白虎拉麵」，蝦湯底的「海老拉麵」🤩枱上有高菜，辣芽菜和酸薑，可以自行加到拉麵增添風味🍜海老虎拉麵 $108 湯頭濃厚加上堆滿粉紅櫻花蝦值得愛鮮味嘅朋友一試😍我另+$8 辛辣 +$10 溏心蛋，咬開是剛剛熟，甜甜的流心蛋，好美味！鮪魚拉麵 $108朋友甚欣賞鮪魚較清的湯底，但湯飲起來有濃郁魚香，配上軟硬適中的麵非常爽滑😆好適合夏天食呢!煎餃子 $48即叫即煎，必吃的日式煎餃，一口接一口😋飲品: coke zero $15 & 支裝蜜桃茶 $17 

呢間拉麵店雖然細細間，但入面嘅拉麵好特別，職員都好好好nice好有禮貌，好照顧客人，真係未食都加曬分！.檸檬拉麵就甘睇名好似好伏，但係其實好清新又開胃，仲唔會好似平常拉麵又鹹又膩😆湯底飲曬都唔會口渴，檸檬醬加上豬骨湯嘅清爽係令人意想不到嘅口味衝擊，麵底都非常多，非常推薦大家黎試呢個！.鮪魚拉麵叫嗰陣時完全想像唔到個味，一試好驚訝，係非常清甜嘅湯底，但又不失呑拿魚嘅香氣，有啲似將呑拿魚油嘅精華拎出嚟加落湯底，同拉麵意外地夾🤤佢嘅蔥係我食過甘多間最多，唔洗加錢叫，更令我想無限再黎🌝.麵本身好好食，偏硬有咬口嘅，而好值得讚嘅係佢嘅叉燒，我本身係完全唔食拉麵叉燒，膩厚油仲有啲會有臊味，但呢度嘅又薄又軟反正就好好食🥹

位於灣仔嘅一虎 @ichitora_ramen_wanchai 平時經常都見到這間拉麵店大排長龍 好受歡迎不時推出限定：柚子拉麵 檸檬拉麵 鮪魚拉麵最近夏天少人排隊 便碰運氣去試 排了約15分鐘餐廳人氣推介有🐯檸檬拉麵 一虎特選 煎餃子·🍋檸檬拉麵初初聽見檸檬拉麵會覺得奇怪 但貴為招牌菜一場嚟到就試吓 這配搭比想像中出色 有驚喜在自家製豬骨湯加上秘製檸檬醬和新鮮檸檬片檸檬清香減低油膩感 酸酸地好開胃 岩哂夏天食🥢$50 SPECIAL精選配料成碗都係料 有齊叉燒 溏心蛋 紫菜 木耳 有味筍大滿足！另可自選麵條種類/硬度 香油 香葱等.🍲一虎特選店內的CP王！有齊哂所有配料 豚骨拉麵控最愛自家製豬骨湯比一般坊間的更濃厚 卻不太油膩叉燒柔軟 仲有紫菜 有味筍 木耳 青白蔥等配料溏心蛋上色又入味 絕對係水準之上！追加多粒加入辣芽菜有另一番風味🌶️會想試埋其他湯底.🥟煎餃子共有六隻椰菜豬肉餃子 皮非常薄 煎至金黃酥脆咬下去馬上爆汁 椰菜清甜且帶口感 蘸醬吃更佳

近期好似開咗啲新拉麵店，益咗我去啲等位快咗。今日接近兩點行過正諗緊食乜好，居然冇人龍，即即入去拎個位嘆下。一虎係灣仔都有一段日子，檸檬拉麵梗係出名，但係佢地嘅”一虎”先係我嘅最愛。今次點咗一虎特選版本，即係全配料加叉燒版本。仲叫多一碗白飯。拉麵有幼麵同正常size，又可以要求煮硬啲或者淋啲。我就鍾意傳統博多細麵多啲。麵嚟到先飲一啖佢哋熬咗十二個鐘嘅蔬菜豬骨湯。獨特嘅風味係佢哋先有。配料有味玉、叉燒、荀、木耳、紫菜。仲有少少嘅紅色辣蒜蓉醬，令成碗湯加一份刺激感。枱面放咗辣芽菜、雪菜、紅薑可以放入麵一齊食。麵好快就食完，仲有啲湯同配料係到。地道日本人鍾意加飯入去拉麵湯做湯飯食。因為飯會令湯變淡，可以加入一啲雪菜同辣芽菜增加返咸味同辣味。一個拉麵，一碗白飯兩食日本人叫做”ラーメンライス” (Ramenrice)。咁樣食其實都幾滿足。

呢一間位於灣仔嘅拉麵店一向人氣高企🌟，經常門口都排晒長龍，今日就專程黎試下呢度嘅拉麵啦🥳一虎特選 $143黎到就當然要試佢地最招牌嘅一虎湯底🤩，湯底方面係好濃郁嘅豬骨湯底我幾鍾意❤️，而且味道濃郁但係又唔會太油膩。😙而且佢地嘅叉燒都做得好出色，好肥美而且口感方面都好正😎餃子 $48餃子外皮香脆😍，而且裡面嘅餡料都好惹味同好足料😛，肉餡同埋蔬菜都好鮮味，配上特製嘅餃子醬汁就完美😆烏龍茶 $17

提提你，店舖外面長時間都好多人排隊，宜家又夏日炎炎，記得帶備解暑物資，能夠品嚐到一碗好好味既拉麵，用少少時間等侯，相信係值得既🤩一虎特選所有配菜都好有份量,睇見都好滿足，有紫菜、荀、木耳、流心蛋、叉燒等。不得不提的是流心蛋，非常入味，食完一個都仲想食，仲有叉燒煮得剛好，真係食完一塊又一塊，正吖。再配埋佢地 自家湯底，配搭非常Good👍👏🏻檸檬拉麵秘製檸檬醬跟自家豬骨湯的完美混合配上新鮮檸檬，絕對係令人回味的一碗拉麵🥹夏日炎炎，食番D酸酸地既野，會開胃D，呢碗拉麵就合適啦，嚐過之後就會知道檸檬竟然配搭拉麵都完全無問題,非常有新鮮感，越食越開胃😋餃子即叫即煎既餃子，熱辣辣，甜美多汁豬肉餃子，不可不點吖😋😋烏龍茶 & 蜜桃紅茶食到熱辣辣，又點可以唔叫野飲呢，有茶有汽水可選😁當然店舖都好貼心咁提供凍水比客人啦👍