一葉小廚

營業中

休息中

Lunch time揚州炒飯飯粒分明，雞蛋、叉燒同蝦仁嘅搭配都係經典嘢，味道香而唔油膩，都唔差，幾好食。熱奶茶茶味濃鬱，奶香順滑，係好飲嘅，夾咪炒飯個人覺得唔錯，份量足，飽肚，價錢都算合理，係簡單又飽肚的套餐。

叫了一個牛肉牛筋牛肚刀削麵， 完全喜出望外。先講湯底 完全沒有牛肉麵湯底的感覺 很淡，什麼台式牛肉麵也是吹嘘，真的很難喝， 然後那個牛筋 給了我兩小塊，是白色 的，完全沒味道，很厲害， 然後到牛肚， 給了我三小塊， 又韌又冇味， 這看得出廚房的功力很強，唯一是牛肉可以接受，看 這些出品，其實我不知道有沒有人監管出品， 盛惠77元。相比之下，地下那間x木台式餐廳，好多了。 浪費了我的quota吃晚餐，沒下次了。最好吃原來是肉燥唐生菜

個名叫小廚，但係menu係茶記野，有少少台灣菜式。不過味道連普通茶餐廳都不如。叉燒得肥膏冇肉，焗豬排飯冇炒飯底，台灣麵湯底仲差過米線x。好耐冇試過茶記係難食，失望。

日前街坊提起此店的職員態度差，更點名是哪位職員，我以為只是職員忙所以一向招呼麻麻。因為有一種食物岩自己口味，又估此店不能撐多久，所以不時也去幫襯。可惜最後仍是食到一肚氣。坐下，職員刻意慢吞吞愛理不理，明顯是刻意的。遲遲不給QRCODE紙，在傾計吹水，今日無經理在吧，有時態度的確是積極好多。之後女職員又單單打打，跟水吧說我在催飲品(我聽到是提我檯號)，我只是望向廚房，心想是否忘了杯飲品。老實說她們傾計傾到忘了工作，還要單打食客，又嘈又煩。埋單時眾人刻意不理食客，扮見唔到，催他們才施施然。真係食到一肚氣。難怪原本已少食客今日更少，明顯少了熟客。因為職員工作態度，令自己不能再吃喜愛的食物，公道嗎？還未說食物水準……下午茶的粉麪有陣宿味，雖然此店價錢不貴，還是轉去同場的其他食肆算了。

第一次黎呢間台式餐廳諗住食個下午茶餐：點左肉鬆蛋餅加榨菜肉絲新竹米粉，加$5要杯台式珍珠奶茶，點知一上菜，個蛋餅超求其，啲榨菜肉絲小到令人失望，杯台式珍珠奶茶其實係港式奶茶加珍珠🥴完全失望的一間餐廳😮‍💨

昨日在油塘大本型追愛回家偶像活動後，有點肚餓，經過一葉小廚台式牛肉麵店，特來吃個午飯。這裡除了牛肉麵也有飯類和小菜供應，餐廳裝修走簡單台系風。紅燒牛肉湯麵，份量也算多，四塊紅燒牛肉煮得軟軟的，入味夠淋，無痴牙，肉身唔乾有汁，咬一啖肉質非常腍身而且夠入味，米粉用了新竹米粉。新竹米粉很幼。平時去其他台式麵店，新竹米粉要加3元。今次不用加錢。湯底都幾濃郁，配菜還有紅白蘿蔔和半隻蛋,配上珍珠奶茶。星洲炒米用新竹米粉炒星洲炒米，但媽媽覺得感覺好削。這裡的食物款式雖然不算太多，主要供應台式傳統餐點，價錢一般。

食物：4/5 環境：4/5 服務：2/5 性價比：2/5 食物：上晝主打常餐，中午就台式午餐，常餐正常，咩都有d，個脆豬比較好食，其他中規中舉。午餐上海豬扒飯，不過不失。環境：正常連鎖餐廳格局，冇咩好講服務：人手極手少，落單同出菜極慢性價比：頗貴但份量較少

油塘的餐廳選擇唔係太多，隨便揀了這間【一葉小廚】。室內裝潢簡潔整齊，似係一間裝修企理嘅茶餐廳；唯一簡單裝飾只有牆壁上的不同顏色及花紋的葉形圖案，配合餐廳名稱。餐牌只有一頁，雖然以台灣料理自居，但款式太少，亦混合了一些廣東小炒，甚至佔據餐牌上面更大面積！冬天將至，額外裝多了一張期間限定煲仔飯餐牌。一人套餐包廣東小炒、白飯一碗及熱飲一杯，只需要60多元，抵食。椒鹽肉排（$61）份量夠多，如果是女士，甚至乎可能嫌份量太多！味道正正常常，唔算突出，椒鹽味唔夠香口，豬肉質素亦很一般；勝在大碟夾抵食。上湯蒜子浸娃娃菜（$28）好難吃。娃娃菜沒有搣走老葉，入口有渣；本身亦唔夠清甜。浸煮時間不足夠，咬下去唔夠腍滑。秘製紅燒牛肉配台式湯麵（$62）賣相似乎幾正宗：有白蘿蔔、紅蘿蔔、半隻滷水蛋及少量台式鹹菜粒，唯獨紅燒湯底似乎太清。先喝一啖湯，果然香味一般、辣味太清淡，欠缺正宗台灣紅燒牛肉湯的鮮、濃、微辣共冶一爐的特色。牛肉質素不佳，並非上佳牛腱肉；入口太硬身，炆煮得未夠鬆化。只有白蘿蔔及紅蘿蔔質素較好，本身味道清甜、亦炆得夠腍。粗身麵條太硬身，但又欠缺煙韌彈牙口感。整體來說，唔係好味道嘅台灣牛肉麵；坊間

位於油塘大本營商場頂樓，曾經食過早餐，當時感覺一般，唔難食，又唔特別好食！前晚晚餐去搵食，見到晚市入面都算多人，於是再比機會佢哋 🤣叫左個二人餐 見佢有中式燉湯，三杯雞 ，咕嚕肉，另外再加鍋貼樣樣都好味道 👅 三杯雞煲，配料有豆角，茄子，紅椒等⋯⋯ 好足料，雞多肉又好滑☺️ 唔錯啊～ 而個燉湯一盅盅上，好夠火候，味道濃郁我哋二個人食到👅👅唎！咕嚕肉就又系多肉唔鞋既～ 好多時外面食都系冇乜肉🤣 整體來講85-90分 😍下次都會再嚟食

10月21日星期六，朝早10點半，在場唯一既男侍應態度極差，有兩位老人家唔識用QR Code落單，叫咗好耐冇都人理，但我見啲侍應本身都唔忙，最後果位男侍應過去，老人家好有禮貌咁問，咁個男侍應晦氣教完之後，仲好大聲咁嘆咗一下氣，感覺非常冇禮貌，完全唔識專重人，不知所謂的服務

食物真係一粒星都唔值，乾炒牛河係半暖狀態，帶有過火的燶味，出餐超慢，牛肉醃得好難食，鬆肉粉放太多，河粉痴在一起店員出錯了珍珠奶茶，還聲大夾惡，同埋奶茶係燶味OMG！ 點解會燶既，，第一次飲到呢種茶飲咗两啖將佢完全放低。。唉，，好懷念以前的墾丁啊，無論裝修風格同質素都係。。。宜家感覺邁向倒閉的路程，人手又唔夠，侍應態度又差，上菜慢，食物凍，難食，飲品難飲。。。仲要上錯，唉。。。要接受現實了，不要再來，對上一次等咗大半個鐘先都未有食物，問侍應原來係被另一個侍應取消單了，無端端取消，好莫名其妙的最後當然唔食了 轉其他餐廳，諗住隔咗幾個月，經過又好想再試吓，因為始終想念墾丁的味道，知道佢哋係同集團，以為佢哋係一樣。點知今次再食都係咁差，佢哋點做到咁穩定既呢？係差既方面，可以keep 住咁穩定😅😅😅唔同時段，唔同日子來食咁係咁難食。。係咪想我哋呢啲食客死心，唔好再光顧😅係咪要接受一葉不是墾丁的現實呢，再見了👋真的不會再來。。 比咗幾次機會都咁。。無謂浪費金錢

上菜慢，早餐嗌嘅沙嗲牛麵索晒水，啲面漲曬先送過黎，即磨咖啡啲粉沉澱晒，效率又慢。明明成間舖頭客流一半都冇，咁都做唔到，個個客都話緊點解咁慢未有野食，嘢飲都無，笑死。第一次黎當我黑仔，再黎幫襯多次就係我傻仔🤡

成間餐廳好大好多張枱，但得兩位女侍應，要負責落單，傳菜，Set 枱，執枱，埋單收錢。所以服務一定唔會好。入到去坐咗好耐，舉左手一段時間，都冇人會理你，當你搵到一個人，佢就叫你等陣，轉頭佢又去忙第二樣嘢，唔記得咗你，我都知道唔關個職員事，因為佢真係好忙。而且聽到佢同啲客人傾偈，其實都係Nice嘅。其實餐廳想慳錢唔請咁多人，就應該用QR code落單，起碼可以減少左客人等人落單嘅時間。早餐價錢係抵食嘅，不過份量都唔算多，豬扒好細塊，多士冇咩牛油。煎雞蛋一陣麻麻哋嘅油味，不過煎得唔錯。應該都係用啲好cheap嘅油。總括嚟講，呢間舖頭嘅敗筆係老細慳皮。唔願意投放成本入去員工同埋食材方面。員工（不論樓面定係廚房）似乎盡力了。

今日一行五人試吓油塘店。鳳梨雞球加肉燥飯，雞球炸完仍然保持到有肉汁，肉燥飯料頭都多。燻雞加麻辣湯麵，燻雞有淡淡燻煙味，湯麵麵條有咬口，幾好。涼瓜排骨煲，太多汁所以令到個煲吾夠乾身。牛肉麵，坦白講賣相有啲不佳，食落牛肉炆得都夠淋而且份量也不少。沙茶肥牛炒麵，冇沙茶味，個麵應該系未乾水就炒，所以碟底好多水。前菜系大豆芽，完全冇落麻油或者調味。老火湯系合掌瓜瘦肉湯，吾夠熱，味道就正正常常。埋單$246.40/5 位。食物方面，對得住個價位，但侍應人手嚴重不足，引致沒什麼服務可言，而且有漏上飲品的情況。

態度又差又難食幾個月之前有食過幾次都正常唔知係咪同一間！今次拜完山同親戚近近地食下午茶入到餐廳冇乜人已經覺得奇怪自己坐，完全冇人招呼你因為餐牌選擇很少，於是叫咗個男侍應黎問有冇多個餐廳問多兩句佢就好唔耐煩咁話冇好，咁叫完餐，到野食黎咗碗湯姑姐問佢呢碗湯係跟邊個餐然後佢又好唔耐煩。沙嗲牛肉公仔麵，個牛肉係壞咗既，有酸味！個麵係冇味既😪😪😪勁難食🤢🤢成碗冇食到都唔敢同啲職員講牛腩麵試咗一塊，呢個可以！食到真心情好差！😪😪