一葉小廚

營業中

休息中

午餐去一葉入到去無人理，坐低後等咗一陣都無人比餐牌，要自已出去攞！後來點咗個豬軟骨石鍋炒飯，咁我都預咗呢啲唔會即叫即煮。但第一口咬落去啲菜同肉係涼！個石鍋掂落去係凍！你唔係連熱返個飯比客都可以漏呀？個石鍋要熱係基本原則！叫個伙記黎佢話立刻同我煮過，出返黎應該同一鍋，石鍋係熱，飯都熱，但啲豬軟骨同菜……熱咗少少咗啦…乜要煮熱個飯咁難?整個豬軟骨石鍋炒飯只得飯可以合格，50蚊一餐乜原來想食個熱飯真係咁難。

約咗朋友去行山，行山前先去食個早餐，佢約我去呢間餐廳，聽說係美心集團餐廳，餐廳在屋邨平台，尖頂紅磚幾形格，入內淺木色為主，加好多樹葉裝飾對應番主題，座位唔迫！環境唔錯！早餐好爆場，我哋要等5分鐘先入到，早餐有台式/西式，已經食怕咗西式早餐！所以叫台式B1（$32）台式肉燥蘿蔔榚：好有趣地挖洞放肉汁，味道鹹香豉油味，蘿蔔榚滑身，有蘿蔔味但無蘿蔔絲！香菇肉燥湯新竹米粉：米粉好幼滑，唔嚡口，肉燥汁鹹香豉油味！撈埋米粉湯好濃，味道鹹香！幾好味！熱蜂蜜紅茶：紙杯上（朋友奶茶係膠杯）夠熱好甜，好似飲緊台灣嘅黑糖茶！okB8($32)朋友食煎雙蛋+豬仔包：香菇肉燥湯新竹米粉：熱奶茶：B15($32)朋友食沙嗲牛肉煎蛋湯即食麵:特色腸+豬仔包：熱奶茶：食物其實唔錯，但服務好亂，店員姨姨好忙，人手唔多夠，食物好快到，但水吧出飲品好慢，每次出一款飲料，等極都唔見我嗰杯紅茶，問兩個店員都應咗，之後繼續唔見，最後係一個店員托住一盤飲料送到！呢度嘅店員無乜時間應人！只能等佢哋做到嘅時候就做！食物ok，但服務好亂

食物質素麻麻。唔好食唔吸引。這是間台灣菜餐廳？完全食唔到任何台灣菜的風味！價錢貴, 啲野唔好食！晚飯叫碟菜都係暖既～ 好唔用心既制作！新開既時候成日都見到門口大排長龍！未試過的仲如為間餐廳好好食喎應該咁多人排隊！點知一入到間餐廳就知咩事！原來唔係啲野好食到大排長龍～ 而只係餐廳人手唔夠啲人要係出面呆等！一入到餐廳～ 大把吉台！但點解咁多人係出面等？原來係要佢放你入去先得！總之一句：唔該～ 我想要返茶餐廳！請你快啲搬走！

下午茶時間來到叫了細肉燥焢肉飯加細鹽酥雞扒餐飲凍奶茶先來細肉燥焢肉飯，焢肉質地偏硬，肥位不多，味道跟肉燥也很普通，飯用了珍珠米但煮得偏軟身。雞扒帶少少脆口但沒什麼味道，鹽酥味很少。凍奶茶最失望，完全冇茶味，很淡口，只有微微奶味。上一手的老友記係大快活其下，已經唔出色，新一間台灣野唸住裝修唔錯但結果食物也十分普通。所以除了一開幕頭幾個月多人，而家已經不會太多人。

住在附近﹐所以由經常食﹐店裡大多菜式食過。裝修完加價天經地義﹐但希望食物改善。我完全唔介意性價比﹐只求有餐叫做食得。食物︰蘿白糕有冇蘿白已經無要求了﹐但是連粉都未濕透, 乾巴巴的送黎﹐我食唔慣。煎蛋油多了些。每逢有蕃茄的菜都落糖甜到似糖水。環境︰幾好。通道寬﹐枱與枱之間有點窄。坐位有點硬﹐勝在整潔。燈光稍暗。服務︰人手多了﹐保留了友天地大多人馬, 再加新人。但人手比例追唔上增加的坐位。一如以往﹐不主動叫服務員﹐坐20-30分鐘都無難度。衛生︰已經解決友天地多蝨的問題﹐very good。但若果上手無骨落地﹐就唔抹枱的情況繼續﹐希望注意點。抵食︰我唔care﹐不過唔算抵。

去附近學校做野, 放lunch時就到屋村既餐廳醫肚.隨便要左款脆瓜醬爆牛肉炒拉麵$60, 炒拉麵有D似粗意粉, 咬落唔係太硬, 可以接受. 而醬爆牛肉唔知醬爆在哪里, 我覺得似沙爹牛果D牛肉罷, 食落有D韌, 味道又唔係太突出. 仲有一堆既配菜, 搞到好似好大堆頭, 但味道唔係幾夾.其實我覺得如果正正常常做番乾炒牛河/拉麵可能會更好, 唔好搞咁多花臣.而且以屋村黎講, 午餐索價60蚊確係有D貴.

第一次有衝動寫食評，order左個澎湖三蝦炒冬粉，無飲品，成為68蚊，唔記得洗唔洗加一了。等左好耐，我老公食飽，我份餐都未黎，追左兩次先到。黎到，鍋上，但份量非常非常少，無冬粉，只有幾啖粉絲，三蝦，原來即係3隻小蝦既意思，女生食完要返屋企再食個米粉。唔怪得order時侍應問我洗唔洗加18蚊嗌個肉躁飯，我心諗，冬粉本身自己已經係個份主食（即與飯麵同類），應該唔洗加多個飯掛，所以拒絕左，而且，68蚊再加18蚊，街坊食店，無飲品收86蚊太貴吧。對炒粉絲黎講，炒得亦唔好食，超級油，味道不好，可能求其一個主婦都炒得好過佢，亦無咩配料，只有極少量紅 青椒。填單時，同收銀講，“其實你地可以考慮下改餐牌，因為個個根本唔係冬粉，係粉絲，兩者係完全唔同”收銀回應“有同公司講過，但無回應，而且個餐牌張相都係影住粉絲，唔係冬粉”哦....原來一切係我錯?...只怪我睇菜式名