一芳台灣水果茶 (新城市廣場一期)

營業中

休息中

早幾日經過沙田，原來新城市廣場呢到，都有間一芳水果茶架😍😍😍咁岩見到最新推出左《黑糖粉圓鮮奶茶》喎☕️我呢個一芳果茶迷點會唔試埋（黑糖粉圓鮮奶茶）呀～？😏黑糖粉圓➡️好Q彈軟韌💓比d焦糖包住，所以有d甜甜既焦糖味😊😊口感好好🤩奶茶➡️係用新鮮牛奶（唔係用奶精）😋+茶，奶香充足😍😍，滑溜易入口～～好正～～我已經上引了😂😂每日限量一百杯架咋～一定記得早d去買喇💁🏻‍♀️～

唔知幾時開始好鐘情飲珍珠奶茶，最好多茶少奶，唔少得珍珠，邊食邊飲好快飲完。出街食飯前去買杯飲，或者食完飯一定會走去買！有一排真係上左癮，仲不停同朋友去試唔同既台式飲品店！我一定會叫少冰微糖，最想飲到不被沖淡溝甜既茶！前排見個個都飲一芳，係沙田開左分店，位於沙田新城市廣場一樓就係戲院果邊。睇Menu先知甜度表細分為六級，而溫度表則分為五級，可惜我落完單先睇到～否則我會叫微微糖，因為通常都比較甜。熱粉圓紅茶微糖，唔知點解會變左奶茶，可惜飲的時候已遠離店鋪了，茶味唔錯，粉圓細細粒，好煙韌彈牙，但奶茶唔多唔少都遮蓋了粉圓的味，所以紅茶應該會更好！

真的好耐冇出沙田,發現好多食肆都唔同左位,和朋友傾行邊傾,發現看到這間轉角位的一芳水果茶,之前上網都見有人介紹,去到見冇咩人,就試下新野,睇下有冇網上講到咁好飲啦!即叫即整,都等左8分鐘才完成,服務一般啦,第一次飲的關係,所以都係穩穩陣陣叫了招牌水果茶,挑了少糖少冰,飲下去覺得很淡味,茶味不濃,又唔夠凍(雖然是少冰,但連凍的感覺都冇),水果味也不重,有微甜,整體來說一般,連招牌茶都咁樣,有點失望。

喺沙田新城市廣場睇完戲, 見到原來一芳台灣水果茶已經開到黎沙田, 仲有好多人排隊等緊, 一定有好嘢啦🤪🤪 我都唔執輸, 湊下熱鬧先!! 飲品店裝修設計一d都唔馬虎, 同台灣一樣, 都係以木為主題!我揀左招牌一芳水果茶, 大size, $33, 可以選甜度, 及冰嘅多少! 水果茶好足料, 有橙、蘋果、百香果🍎🍊🍀水果又好新鮮, 感覺好健康, 好味🤤🤤 搞到我好想試埋其他茶, 粉圓奶茶都好似唔錯喎! 以後想飲台式飲品又多個選擇!

在台灣飲過一杯黑糖珍珠鮮奶後，一直念念不忘，因為實在太好飲，之前香港係未有，終於見到香港有得飲了！只有一芳沙田分店才有既黑糖粉圓每天限量一百杯.星期天既下午去都仲有，人龍都有既，但等得不耐.大杯黑糖粉圓 $38少甜甜度幾好，牛奶味重，雖然比台灣的牛奶淡一點，但沒有那麼膩。黑糖味同珍珠融合左，這個是不錯的。一芳是用細珍珠的，如果用的是普通大珍珠會更好，能在香港飲到已經好開心了！

今日因工作關係一早去到沙田,見到原來沙田都有一芳水果茶就勁開心咁買一杯一邊做野一邊飲.店面沿用一般裝修風格,都係簡單同埋以木為主,同台灣嗰間一模一樣㗎.我叫左杯最出名的一芳水果茶加粉圓, 濃香的茶底帶點酸酸的水果味. 有橙,蘋果同百香果,飲落又可以食到Q彈的粉圓同埋百香果籽, 飲每一啖都非常清新完全沒有飲珍珠奶茶個d 又甜又滯飲糖水的感覺! 真係做到台灣當地的口味, 好有親切感! 唯一唔似的就係收銀的店員, 台灣的店員如果問產品資料佢地會好親切同詳盡咁解釋,但香港的賣樣店員都親切但問佢粉圓同黑糖粉圓有咩分別佢答我佢都唔知😉. 笑容同樣貌答夠啦😊

試左水果茶同粉圓鮮奶茶 其實平時較唔好水果茶 但佢打正水果茶旗號無理由唔試試 第一次試水果茶 熱情果味好重 遮左其他水果味 偶爾會飲到菠蘿味only 叫左微糖都有點甜～ 今日再試埋粉圓鮮奶茶 睇圖勁吸引 叫左微糖少冰 無乜甜味下好似溝左啲冰溶左又攤涼左既奶茶 奶茶又無茶味 又無奶味 啲粉圓無咬口 好淋 真心失望⋯ 試完兩樣招牌飲品後決定唔再飲 仲要唔係平⋯😢