一興粉麵

 見到社交平台成日有人好評，話依間店好正，決定試下。點知入到黎，完全唔好食！湯底重味精，肉超級'鞋'。待應態度差到爆，落慢少少就黑面催促，話'落得未呀？'完全唔耐煩。最後查多小小，發現群組入面的好評明顯係自已幾個老闆，員工，加請打手 and youtuber 寫，見到真實劣評就群起反擊。再更離譜係表面扮黃店，實際藍店，兩邊著數都想賺哂錢，大家可以google下。勸大家食街邊檔都唔好食依度。浪費時間和金錢！…查看更多

呀姐服務態度惡劣：今日嗌外賣嘅時候發現張單同餐牌唔match，因為貴咗10幾蚊，但係張餐牌有反映唔到，所以問點單既呀姐條數點計。阿姐好大聲雙拼係貴啲，但都係計唔到條數點嚟，最後仲話電腦計唔會錯，之後仲俾咗個每樣嘢單價嘅數（明明張單寫套餐價），前後解釋非常矛盾。最後都費事拗，只係想提醒返呢間舖頭如果客人有問題應該耐心啲解釋，而唔係一味講啲錯嘅嘢夾大聲就係啱。另外都希望張餐單可以標示清楚價錢，減少不必要嘅麻煩。…查看更多

07分坐低 職員態度好差勁 催促落單 一個藉口得埋嚟 " 趕時間埋數" 就咁就算 叫杯熱奶茶; 只有凍冇熱😂🤣 小食要炸丸唔想炸 就話只有水吧嘢食 炸魚皮同埋菜選擇。15分後仲有人嚟order… 勸喻大家食m記都唔好食佢 仲有碗麵有發泡膠 好再識扮嘢話換個碗 但都係嗰一碗😂😅…查看更多

幫襯好多次，食物好食價錢相宜，唯一好差係個態度：次次想要多蔥都會有說話聽🙄，CLS，咁我係唔介意加錢買多蔥嘅，今次叫外賣打電話過去跟進，2次都被cut線，咁唔想返工 可以唔撈，好基本返工態度都無…查看更多

長沙灣出名小店多， 今日嚟咗呢間食牛腩嘅， 質素相當唔錯。 舖頭座位以小店來說， 坐得很舒服。 而且店舖內， 地方相當乾淨， 感覺不俗。 侍應(中年果位姐姐)態度親切友善， 亦都相當有禮貌。 食物方面， 崩沙腩味道不錯，麵也很好味。 支持小店，絕對會再幫襯…查看更多

位於青山道興華街嘅一興粉麵舖，係一間值得幫襯嘅粉麵舖，裏面嘅牛腩、牛製品都十分好味，而且價錢唔貴，地點方便，我經常都買外賣返屋企食，加埋佢有自己嘅辣椒油逢送，充滿潮州嘅口味。😋😋😋…查看更多

甜忌廉都好鍾意食潮式粉麵，簡簡單單一碗粉都可以風味無窮，今次同同事來長沙灣做嘢見到呢間裝修平實嘅一興粉麵，二話不說就入去坐低食👯‍♀️我叫咗個最基本又考功夫嘅鮮蝦雲吞麵，雲吞大大粒非常飽滿，麵質軟硬適中，無鹼水味，可以連湯都飲埋😋😋同事叫咗個魚皮餃丐，我試咗一粒，同樣係皮薄足料，帶有魚鮮而又無腥味因為唔夠喉嘅關係，我哋仲嗌咗個淨坑腩😆，坑腩肥瘦適中，咬落淋身唔靭，非常入味，腩汁好香濃，如果唔係太飽嘅話直頭想食多碗粉🤭🤭平民化嘅飲食同樣可以好高質，有機會要再返嚟食😚😚…查看更多

最近我去咗一興粉麵下午茶，試咗幾樣好食嘅嘢，真係唔可以唔講！🍜首先，牛脆骨拼墨丸麵真係好正！牛脆骨煮得啱啱好，肉質嫩滑，咬下去有啲彈性，仲有墨魚丸添，味道鮮美。麵條用嘅係滑滑嘅米粉，吸咗湯底嘅精華，湯底好濃郁，每一口都好滿足！🍜牛什麵牛什麵，有牛腩、牛肚，仲有少少牛腱，味道相當夠味，湯底清新，食材食得出係新鮮嘅，牛味濃郁呀！🐟炸魚皮作為小食，炸魚皮真係一個好選擇！一上台大大碟嘅~炸得金黃酥脆，完全唔油膩，食落去好爽脆，啱嗮我呢d中意食香口嘢嘅！☕下午茶優惠最後提一提，下午茶優惠真係好抵，$31+$4就有包餐飲！性價比好高！📍一興粉麵 (長沙灣)長沙灣青山道376號和興大廈地舖…查看更多

前排過咗去長沙灣嗰邊工作，順便搵喺嗰頭返工嘅朋友一齊食午餐。朋友介紹我去食潮州粉麵檔，行到舖頭門口已聞到陣陣嘅牛什牛腩味。我哋嗌咗🤎蘿蔔崩沙腩河🤎牛什河🤎蠔油芥蘭🤎淨魚旦蘿蔔崩沙腩河，好少見崩沙腩，因為佢係表面有一層橫膈膜連著腩肉，筋膜連少少肉，軟腍味香，肥瘦剛好，搭配埋清清的蘿蔔，互相輝映。朋友嗌了牛什河，佢最鍾意食牛膀同埋牛腸，貪佢夠有嚼勁。去食粉麵檔必要嗌碟油菜，今次嗌了蠔油芥蘭，芥蘭大大條夠新鮮，配上蠔油更好味。朋友話想嗌個淨魚旦，魚片、魚蛋，配生菜底，湯底鮮味，魚旦彈牙。…查看更多

香港其實有好多唔同嘅粉麵店，但搵到一間好食嘅粉麵店都有啲難度🤔，今次經過長沙灣試吓呢間先，佢嘅外貌似係新裝修嘅關係，所以就比較乾淨企理，比人感覺十分之舒服😍😍可以看見師父在內煮麵，十分經典，而且性價比高，經濟實慧，牛魔王既你一定唔可以錯過，正啊，一定要再去雲吞墨丸米墨魚丸爽滑彈牙，而且有三大粒🍡，雲吞就皮薄，而且入邊啲餡料好新鮮，另外覺得個湯底都清澈，但係又有鮮味，淨坑腩牛坑腩十分之腍，亦都好入味，睇個湯底嘅顏色就知道非常之味道濃郁，而腩肉食完唔會覺得好肥膩，份量都好多😳自家製辣椒油平時真係好鍾意食辣，今次呢個辣椒油味道非常之香，而且辣味🌶️亦都好出，鍾意食辣嘅朋友可以試吓一興粉麵 (長沙灣)長沙灣青山道376號和興大廈地舖…查看更多

香港其中一個最具特色嘅文化，除冰室茶記外，其實牛腩麵店都充滿一種情懷，位於長沙灣的【一興粉麵】有別於一般傳統嘅麵檔...入面座位整齊，間隔OK唔會太逼，燈光光猛而且十分企理乾淨，啱哂中意舒舒服服食嘢嘅我！今日同住附近嘅朋友第一次食呢間，聽聞仲有間喺深水埗，朋友話佢嘅牛脆骨好有水準！眼見師傅認真製作，一人企檔唔夠味都可以加味，但我冇用過～✨蘿蔔崩沙腩河粉 崩沙腩是牛腩中最矜貴的存在，它是牛的橫膈膜，表面有一層橫膈膜連著腩肉，筋膜連少少肉，軟腍味香，肥瘦剛好，可謂牛腩中的極品蘿蔔清甜無渣，同崩沙腩嘅肉香平衡得好好，回味無窮！再喝一口清甜牛骨湯，大滿足。睇圖都見到做到肥瘦相間，處理得很好。✨牛脆骨河粉咩係牛脆骨 ？牛脆骨係牛嘅氣管，由軟骨環組成，非常罕見嘅部位，唔係間間都有得食！雖然成日周圍食嘢，但係我都係第一次試呢個部位！佢嘅獨特口感好有驚喜，味道嚟講佢哋有用滷水汁係熬煮牛脆骨，滷汁融入本身河粉湯底後變成第二款湯底，河粉索哂啲精華食得嚟非常過癮！店員話牛脆骨含有豐富的膠原蛋白，聽完仲想Encore添！✨炸魚皮咸咸脆脆嘅炸魚皮點落湯底食法係世一！每次食粉麵必嗌嘅side嚟！叫多兩杯飲品，杯奶茶都有啲驚喜【一興粉麵】最令人印象深刻嘅除咗嘢食好味之餘，價格上亦非常相宜，加上咁乾淨嘅環境，我諗第時去開長沙灣嗰頭搵嘢食我都會諗起呢間粉麵檔先！.如果係牛腩愛好者，呢間麵舖我覺得好值得一試。記得不要錯過喔！…查看更多

最近去找朋友所以去了比較少去的長沙灣，對當地區不是很熟悉，所以午餐就找了一家客人比較多的粉麵店嘗一下。叫了牛脆骨拼墨丸河粉和腐乳通菜。🐮牛脆骨是第一次吃，吃之前都不知道原來是喉嚨/氣管至胃的軟骨部位，外層肉質軟霖、裏層軟骨口感爽脆、有點像吃豬耳但沒有粘口的膠質，非常有特色的一樣食材。👍🏻墨丸爽口彈牙、河粉軟滑不糊。🥬腐乳通菜非常爽口、腐乳味道適中、不會過鹹、比較清爽。整體感覺價錢適中、食物質素可以、誤打誤撞去了一間還不錯的粉麵店。…查看更多

【長沙灣•一興粉麵】@ππππππππππππππππππππππππππππππ傳統粉麵檔啲牛腩好正牛腩三寶河水餃麵牛腩三寶河牛腩的口感柔嫩，經過長時間燉煮，肉質鮮美，融入湯中，讓人一口接一口。濃郁的湯底輕盈卻豐富，結合了香料的香氣和多層次的味道，十分誘人。水餃麵水餃皮薄餡多，內餡豐富，肉質鮮香，與湯底相得益彰。麵條則彈牙爽滑，吸附著湯汁，吃起來非常過癮。每口都是驚喜，特別是咬開水餃時，濃郁的湯汁在口中爆開，更添了用餐的愉悅感。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 70✨✨✨✨✨✨✨✨✨✨✨✨✨#長沙灣美食 #一興粉麵 #web3長沙灣一興粉麵長沙灣青山道376號和興大廈地舖…查看更多

今日咁岩行過呢間位於長沙灣既粉麵店, 新裝潢既關係睇落比起其他既長沙灣粉麵店為乾淨餐牌上既食物選擇都不少, 價錢都唔貴, 平均都只係三十幾就有湯麵食嗌左個魚蛋河, 一共有5粒魚蛋魚蛋爽滑彈牙, 估唔到雖然係普通既湯底, 但係食落魚蛋好有鮮味, 食落個湯都好有鮮味!友人點左個五寶紫菜河, 有齊哂咁多款既丸, 不得不說呢度既丸類非常出色, 係比起一般既更有彈性同鮮味最後想推介既一定係佢既港式飲料!! 味道好傳統同少有咁高汁!!…查看更多

一興粉麵（長沙灣)真係非常多分店，就算下午茶時段嚟都見到非常之多人。環境光明簡潔，店舖雖然唔係好大，但係衛生都非常之到位👍今次試咗魚片頭，潮州白魚蛋同雲吞。湯底好清好適合健康嘅人士或者減肥嘅朋友仔。💕一粒雲吞有一隻蝦是一隻半蝦👍👍真係非常之正！潮州白魚蛋食落完全冇好多嘅防腐同添加劑，魚片頭都好爽好香口舖頭內服務員姐姐全部都服務態度好好，經濟實惠，而家天口咁熱，返工收工食返碗絕對係健康之選👍…查看更多