一粥麵 (杏花新城)

營業中

休息中

今天和家人去那邊購物, 走得累了, 到這店找個位子休息一下。 下午茶選擇不少, 價錢也親民。我就選了黑醬油雞脾+頭抽撈粗配紅豆冰。 想先嘗ㄧ口撈粗, 夾下去已知撈麵糊了, 黏成一塊, 要稍為用點氣力和時間把麵條再撈起。 味道一般, 還帶點梘水味。 黑醬油雞脾不過不失, 雞肉不夠滑。 紅豆冰的紅豆還是過硬的。家人點了涼瓜牛肉飯配奶茶。 整體質素不大好, 涼瓜煮得太長時間而"老"了, 白飯米質也不大好。 只是牛肉還有㸃鍋氣。我以前去過它的其他分店, 相比之下, 其他分店的質素好一點。 以價格來說, 食物質素還算可以接受, 但希望此店可改進一下。

早前到朋友家聚會，唔覺唔覺已到了晚餐時候，因時間不早，大家打算隨便找間食肆醫肚。 到了杏花新城，很久已沒試過商場內的一粥麵，看見餐牌上有大家久違了的豬肚雞鍋晚餐，頓時覺得非食不可。豬肚雞鍋餐可配一款特定的餸菜或飯，當晚還附送一支消茶。我們一行三人，於是決定要了兩個豬肚雞鍋餐，一個配福建炒飯，另一個配蜜桃冰梅骨；我們還另叫了芥蘭苗炒牛肉配赤小豆湯。豬肚雞鍋真的有驚喜，砂鍋內是一隻完整的春鷄，味道鹹鮮惹味，真的要給一個讚。蜜桃冰梅骨甜甜酸酸、肉質軟腍，簡直食不停口。芥蘭炒牛肉也是香口撲鼻。整體份量也多，還未食完已非常滿足了

行行吓街覺得有D肚餓和攰，所以去咗一間連鎖店食下午茶。呢間連鎖店主打食粥，腸粉和麵，而下午茶款式則有別於一般食肆。我叫了款燒汁雞扒包和奶茶，另選擇咗椰汁喳咋作小食。 燒汁雞扒包D夾餅好軟熟，燒雞扒皮脆肉軟滑，而且好大塊，上面更放了些花生碎和蔥花，好看之餘又增添口感，加埋燒汁，味道好夾。咋喳裏的各樣豆類好多，好有咬口，不太甜，放上少許椰汁，香滑好多。奶茶多奶，茶濃，不錯。如果細食的女士們，此茶餐當午餐食都夠飽。此下午茶比起傳統的西多士，蛋治，更有新鮮感。

上個星期三買完野有少少肚餓，就去咗一粥麵食lunch，嗰到有好多粥麵食，不過我都係食咗炒飯，不過嗰到嘅冬瓜盅都好似好好味嗰到啲嘢食分量都幾多，可以做晚餐。嗰到有好多位，唔使坐到好迫。冇人會講你走，慢慢食都無所謂。大家都值得一試啊！

星期六晚，同屋企人唔想煮飯就落咗去樓下試吓開咗冇耐嘅一粥麵。我之前未食過相關餐廳㗎 ，但今次食過都覺得有驚喜。呢個係艇仔粥加齋腸 $35腸粉好滑好嫰有夠熱好好味好綿而且好足料呢個係花膠燉雞配冰梅骨$69花膠燉雞湯好香而且仲係有隻細細隻嘅雞，入邊啲肉都好嫰滑冰妹骨嗰個醬汁好好味同埋啲骨都炸得好鬆脆👍🏻一句講唒，呢個價錢呢個質素呢個服務，值ar !

平時番工食麵包就食得多, 見一粥麵新開無耐加上又有$2優惠劵, 就試下早餐啦!排隊個時我已經拎定優惠劵望下減幾多錢(早餐: $2) 然後準備錢($40) 一庚過俾呀姐落ORDER買煎雙蛋, 餐包, 麥皮加可力($27), 點知我見呀姐找$13 , 我就覺得奇怪啦....唔係找$15咩...我於是問佢啦..我: 我俾咗$2優惠劵, 唔係找$15咩呀姐: 無呀, 我淨係收到$40 我: 我連埋錢俾你嫁...呀姐: 無呀, 我淨係收到$40 (係錢機疊$20, 抽番兩張出泥)我: 我真係俾咗你...呀姐: 無呀, 你睇下啦 (好敷衍咁答)我:  算啦咁 (心諗佢係咪將優惠劵擺開一邊, 收完又無咗回事, 因為唔會同錢機D錢放埋一堆)眼見後面排咗幾個人, 就算啦..唔係$2問題, 而係話我無俾佢, 明明就同埋錢一次過俾番到公司見到碗麥皮無咗一半,,,,算點先..係咁少嘅咩一大清早已經咁冤屈

餐牌上實在有很多選擇, 是有些花多眼亂, 然而我早已瞄準了心中很想吃的 京都炸醬麵, 我沒有選擇困難症的, 就點 京都炸醬麵 ~京都炸醬麵賣相不錯, 分量十足, 麵條的軟硬度剛好, 充滿口感又不至過硬, 而且沒太大鹼水味, 炸醬的色澤鮮豔, 肉絲切得粗幼適中, 味道酸甜又帶點微辣, 味道上似乎是有點偏甜, 不過以快餐店的水準來說, 還算不俗 ~本篇完 ~