一粥麵 (元朗廣場)

營業中

休息中

都好耐無入元朗做嘢，嚟緊都大機會經常去元朗，工作關係，今日食個快飯，去咗元朗廣場，原來都轉咗幾間食店，就入咗間新開嘅一粥麵，睇到餐牌有平有貴，就揀咗個普通價錢嘅叉燒炒滑蛋飯跟即磨咖啡。咖啡都係咖啡機即磨，咖啡味偏淡但有少少回甘，快餐店都算唔錯。叉燒炒滑蛋份量就係啱啱好嗰種，食唔飽又唔會餓親，叉燒睇落唔錯，食落就無乜叉燒味又無肉味，滑蛋幾靚，仲有幾粒薑蔥值得加分，超扣分位係個飯底，唔知係一向係咁定比錯，真係好乾身又粒粒分明，如果攞嚟做炒飯應該唔錯，叉蛋飯就真係差喇。

今日天氣好凍，好適合食煲仔飯，收工返嚟7:30左右賣剩兩款煲仔飯，揀咗滑雞臘腸煲仔飯，有配送茶或者咖啡，最後加$12轉左沙參玉竹湯，大概等咗15分鐘左右就有得食啦，飯底有飯焦味道正正常常，晚餐$57價錢都實惠。