一碗一串

食物可以，價錢偏貴，其他都算可接受。惟獨是廚房的油煙感覺是排不走，食完周身油煙味，食的時候也因油煙關係忍不住不停咳嗽。落樓後直情要將西裝攞去乾洗。請店主關注下員工及食客健康。…查看更多

食物依舊 但服務差左好多！！我之前食過好好 仲特燈帶班fd去而家樓面轉哂老人家 本身都覺得佢地共融就業係件好事 但班老人家服務真係唔得我哋book 五個人佢比六人枱坐個陣一定要我哋去要留一個位俾其他人坐？話隔籬枱如果有七個人就可以俾多咗個人坐喺我哋張枱？？最後安排咗一個我哋唔識嘅人同我哋坐埋一齊 佢係一個個人嘅而其他枱係仲有位嘅 到我地食完 隔離張枱都係吉既我對於佢哋嘅安排10分失望 亦令我唔想再去希望佢哋個老闆睇到可以教育下呢班老人家樓面！佢哋為咗方便自己 而漠視顧客感受！…查看更多

中環Stanley 11既日式小店一碗一串 Donka，簡直係OL同中環人嘅隱藏美食天堂！餐廳環境雅致又低調，主打精緻日式料理同爐端燒，食材新鮮到爆，仲有每日更新嘅Daily Menu，性價比超高！今次我同朋友試咗佢哋嘅Daily Menu套餐，包含安格斯牛板鍵同燒比目魚烏冬兩款菜式，仲散嗌咗一碗鮮蟹肉稻庭烏冬，每款都好有驚喜！🍽️安格斯牛板鍵 羅勒蕃茄醬配飯Daily Menu嘅頭炮！安格斯牛板鍵煎得外焦內嫩，肉質juicy又充滿牛香，咬落好有嚼勁，肉味濃郁。羅勒蕃茄醬酸甜開胃，帶點羅勒嘅清香，配上粒粒分明嘅白飯，簡直係完美組合！醬汁同牛肉好夾，食落好似一場味蕾嘅小旅行。份量適中，同套餐嘅烏冬一齊食，飽足感同味道都好平衡，令人滿足！🍽️燒比目魚昆布清湯稻庭烏冬Daily Menu嘅第二款，呢碗烏冬係清爽嘅代表作！燒比目魚外皮微焦，帶點炭燒香氣，魚肉嫩滑到入口即化，鮮味爆棚。昆布清湯清甜無比，無過多調味，飲得出昆布同魚嘅天然鮮味。稻庭烏冬幼細彈牙，每條都吸滿湯汁，食落順滑又舒服。呢款同牛板鍵嘅濃味形成完美對比，食晒成個套餐真是一個清新又滿足嘅體驗！🍽️鮮蟹肉•鮮蟹油•稻庭烏冬散嗌嘅鮮蟹肉稻庭烏冬係今次嘅亮點！蟹肉新鮮到不得了，入口嫩滑，帶點海水嘅鮮甜，份量仲好足，絕對唔吝嗇。鮮蟹油係神級存在，加入湯底後蟹香即刻爆發，濃郁得來唔會膩，令人一啖接一啖停唔下來！稻庭烏冬一如既往幼滑順口，完美承載蟹油嘅風味。呢碗烏冬真心令人回味無窮，蟹控一定會愛到飛起！…查看更多

喺中環同同事搵午餐，試咗一碗一串嘅日式烏冬，質素真心唔錯！點咗蟹黃油烏冬，蟹味好濃郁，配自家甜醋入口香滑，烏冬彈牙，食落好滿足。仲叫咗煎石斑柳魚湯烏冬，魚湯好鮮甜，食得出係新鮮魚熬成，石斑柳嫩滑無腥味，湯底清而不淡。迷迭香蒜片燒西冷扒好惹味，牛肉 juicy 又唔會過熟，配蒜片同迷迭香香氣十足。韓式黑豚豬都好出色，肉質軟嫩，調味濃郁，蔬菜配料新鮮，健康又好食。套餐包一杯飲品，揀咗凍檸茶好解膩。餐廳環境乾淨，雖然係樓上舖但坐得舒服，店員服務親切，上菜快。喺中環嚟講，呢度嘅食物質素高又唔貴，適合同同事一齊食飯吹水。整體體驗好正，烏冬同燒肉都令人回味！…查看更多

同同事嚟食過幾次，佢介紹我食蟹黃油烏冬，加埋佢個自家調製嘅甜醋，蟹味出晒嚟好濃郁啊⭐️🌟😋之後又食過迷迭香蒜片燒西冷扒同埋韓式黑豚豬都好出色，好惹味又Juicy，我覺得佢哋用嘅肉類同蔬菜都好新鮮，今時今日物價上漲真係難得佢哋做到呢個水準😁💪🏻今日唔想食肉試吓個煎石斑柳魚湯烏冬，食得出係用新鮮魚熬嘅鮮甜味🐟😋，抵贊呀🤩🤩我覺得喺中環食嘢一係好貴，一係食外賣，如果想坐低又可以同同事吹吓水嘅，呢度食得安心味道又好，仲包一杯飲品我覺得好滿意😀🌟👍🏻…查看更多

這間餐廳由我10年前開始幫襯喜歡他們的蟹黃油烏冬 濃蝦湯系列手撕雞我就食過，不過都係喜歡以上兩款😃最近放假終於有機會再來幫襯水準保持 味道豐富價錢雖然屬於中價 但始終喺中環舖租應該唔平我記得價錢同兩三年前係冇乜分別份量都同以前一樣市道唔好 幫襯小店真係好緊要而家有驚喜 可以有雙拼系列因為我個人好貪心又想呢樣 又想試吓其他一個人叫兩個又覺得太多啦所以呢啲雙拼系列 好啱呀🤭佢哋嘅濃蝦湯真係好好飲我次次都冇剩今次試佢嘅昆布木魚湯 都唔錯 不過我下次都係會食最愛嗰兩個😂佢哋嘅首創油烏冬冇得輸🥳朋友叫咗我食咗少少 真係好好味😁仲有佢哋杯熱咖啡都好好味😁…查看更多

同事朋友介紹中環士丹利街有間小店，中午出品出色，所以決定一試！小店位於中環士丹利街士丹利大廈11樓，那座樓宇有很多餐廳林立，其中都試過一兩間，味道不錯。今天要試的就是位於11樓的Donka。看名字不知道是什麼派別菜式，後來問問夥記才知道是fusion菜系。中午的選擇有6至7款，當中都包括埋餐飲。朋友點了餐廳較有名的燒海赤蝦魚柳龍蝦湯泡飯，本人就點了迷迭香牛油燒西冷配飯。等了大約十分鐘左右，朋友的龍蝦湯泡飯未放枱，蝦的香氣就已經很撲鼻，非常之香，蝦味很濃鬱。本人的牛柳煎得剛剛好，汁醬配上白飯很不錯。跟餐的餐飲都有驚喜，真的估不到冰咖啡的濃度會咁濃，鍾意飲咖啡的人一定會喜歡！總結：小店用心經營，值得支持。朋友果然沒有介紹錯。聽聞餐廳還有很有名的蟹黃油配讚岐烏冬，下次再嚟一定要試！…查看更多

同朋友嚟到中環，醒起好耐無去過士丹利街呢間樓上舖Donka。佢哋有個special menu，三款嘢食都好吸引，選擇困難症又出現了😅，最後就揀咗食呢個黑豚肉配飯同西冷扒配飯。正丫!!!👍簡簡單單嘅賣相，但味道唔簡單。豚肉厚身，燒得好香口 (I like 香口嘢)，肉質好juicy...😋配上泡菜雪梨，好特別，甜辣甜辣，一啲都唔覺得膩。😁西冷扒係慢煮架，鮮嫩感足，仲有蒜片牛油香味，配菜都好味。最後叫咗兩杯嘢飲，呢杯凍檸茶係用青檸整，飲落好fresh...😙食到好滿足，飽晒✌️食物正，服務好，個個都好有禮貌，下次再同朋友黎食先。😜…查看更多

無品服務員，口沒遮攔，大言不慚，出言冒犯人身攻擊，令此次用餐體驗感覺差勁，咁樣出口傷人實在太過份😡😡！其實食物質素過得去但係價錢唔平，貴不是問題受氣事大吖嘛⋯⋯😡😡…查看更多

呢間喺中環士丹利街一棟大廈裏面嘅餐廳，喺中環朋友就介紹呢一間嚟試吓，咁我上到嚟睇吓個環境，人已經唔係好多㗎啦，可能因為呢間舖頭$$都相對比較貴，我諗佢哋係想打一啲稍為高檔啲嘅fusion菜啦。睇佢個Menu佢有鮮蟹肉嘅稻庭烏冬，仲有赤蝦嚟煮嘅濃湯泡飯。我哋兩個就試咗依兩個。我諗蟹肉烏冬同埋赤蝦泡飯呢可能一個人嗌一份其實係唔係好夠啊佢係比較係適合中餐一班人大家share呢咁可能會好啲因為其實真係食唔飽！味道我覺得中規中矩啦！…查看更多

📍中環濃郁蟹肉蟹油烏冬‼️• 不過價錢有啲貴🤣 -- 一碗一串🍡•Follow @pigfoodiexhk for more food!🐷#pigfoodiexhk_中環==============================Bookmark donka嘅蟹肉烏冬好耐！前排終於得閒嚟試試😝呢到lunchtime座無虛席，都幾受歡迎👍—————————————⭐️鮮蟹肉·鮮蟹油·稻庭烏冬 $178 （4.4/5）蟹肉份量勁多，蟹油味香濃🥰烏冬煙韌掛汁，由頭食到尾啖啖都係蟹鮮味😆‼️一個人食會有啲膩，同埋價錢都真係唔平，加埋一都差唔多$200落樓，所以試一次就好了～🙈——————————————————賣相：4.3/5味道：4.4/5性價比：3/5推介度：3.5/5———————————————————-店舖資料名稱：一碗一串 @donkacentral 地址：中環士丹利街11號Stanley 11 11樓前往方法：中環站D2出口…查看更多

12點半嚟到未係好多客難得可以靜靜地enjoy我嗰lunch😋要大讚豚肉泡菜飯！豚肉好厚 燒得好香 肉質非常好重點係個泡菜真係好好味平時出面啲泡菜都整到好鹹好重口味但佢嘅泡菜有種果香味 仲好似有啲芝士味除咗泡菜，入面仲有八爪魚同雪梨令到成個口感好豐富泡菜豚內夾埋一齊擺落口🤤十分推薦👍🏻Lunch set 包埋嘢飲叫咗杯凍柚子蜜，成個人都清爽哂！難得見到有張十人枱可以叫埋一大班朋友上嚟齊齊食唔洗分開都幾好🤣🤣…查看更多

係中環返咗咁多年工，呢家先知有呢間餐廳！！每次放lunch周圍餐廳都爆哂😭好難得俾我揾到間有位原先都驚驚地唔知伏唔伏🤧睇餐牌都唔知食咩好有個姐姐好nice好好服務介紹啲菜式俾我知又俾相我睇喎😘就決定膽粗粗試下佢地個招牌菜蟹黃烏冬我跟住隔籬枱落枝黑醋🤣一食！救命！超好味！！😱😱😱從來未食過呢種味道蟹黃好香好鮮味！食落去個心口暖粒粒！！加埋黑醋真係無得頂！！呢家講講下又想食🤤個牛舌都好正好爽口下次再試下佢地個蝦湯先好多人叫咁😝😝😝呢間餐廳絕對要推介俾啲friend😆❤️…查看更多

鮮蟹肉 蟹黃油 煮 手打稻庭烏冬 🌟4/5🤓位於中環，位置十分便利，適合附近返工嘅人士。就算lunch hour等位都唔怕太耐！食物方面就非常足料，由頭食到落尾都係啖啖嘅蟹肉！不過可能因為蟹黃油嘅關係，所以食到一半就已經好飽，所以餐廳都有醋提供，落醋食會無咁濟～一碗已經飽到上心口！-食物：8/10環境：6/10服務：6/10-💰 178 HKD (+10% service charge)午市每客最低消費$128…查看更多

多年前食過佢哋所謂signature蟹肉烏冬，覺得一啲都唔好食，如果唔係朋友今日book咗lunch都唔會再嚟。等位嘅地方好窄，枱凳好迫，成間鋪超級嘈。朋友叫咗蟹肉烏冬，我叫咗牛肋骨黑松露risotto。等咗四個字淨係嚟咗我個risotto，當我差唔多食完要催先至上朋友嘅蟹肉烏冬同兩杯嘢飲。同我記憶中一樣，蟹肉烏冬近乎冇味非常bland，朋友幾乎落晒成支醋，個汁texture好似鼻涕。牛肋骨黑松露risotto好啲，港式西餐廳水準。咖啡嚟到得半杯。餐廳通風非常之唔好，一路食油煙味都好攻鼻，食完成身好似食完韓燒浸味咁樣，非常唔OL friendly。人均$200完全唔明自己點解要食呢度。…查看更多