一生懸麵

營業中

休息中

風靡一時既一生懸麵今個夏天已經冇做軟雪糕拉麵，今日黎碗雞白湯拉麵！呢度湯拉麵配搭幼麵，沾麵就配粗麵。雞白湯綿滑雪白有打泡，有雞胸肉片、慢煮薄片叉燒，配菜有紫洋蔥、蘆筍、蔥白、珍珠筍。我追加左火炙厚叉燒同埋竹筍，點估到十蚊加筍會俾成碗滿既筍俾我，食極都仲有唔見底，咁筍既野各位筍王可以留意！叉燒兩款肉質都係偏瘦，但唔會柴，雞胸都軟稔；雞白湯底我都幾鐘意，係專注煮既一碗好拉麵。只係食完埋單走左先發現漏左隻半熟蛋！懸念呀！下次再訪一定要番隻蛋蛋架。Sparkling Tea By Sage：蘋果桂花烏龍有氣茶，用100% 蘋果汁，香港製造桂花糖，台灣原片茶葉，好好飲，好醇、清甜既有氣茶，百份百心機野，個罐有香港風格插圖，踩滑板主題，諗起 <<深夜告別練習>>，我好鐘意。

聽朋友講荃灣有間人氣拉麵店，經常有長長嘅人龍排隊，今日放假約朋友一齊去試下。店內空間唔大，座位有10幾個，有bar枱和一張大枱。QR code落單，真係好方便。呢度主打拉麵和沾麵。雞白湯拉麵$95上枱熱辣辣，而且有好多泡，食得出濃郁嘅雞湯味。配料豐富，有慢煮豚叉燒、慢煮雞肉、原隻流心蛋，配上蔥花更鮮味。拉麵軟硬度剛好，爽口亦都好掛湯。慢煮豚叉燒（+20)經過慢煮嘅豚叉燒，肉質嫩滑，口感唔錯。桂花烏龍冷泡茶（+$10)冷泡茶有淡淡嘅桂花味，祛濕解渴。特濃豚骨沾麵$82豚骨湯底味道濃郁，有火炙叉燒、半熟蛋（半隻)和筍片。沾麵屬於比較粗身麵條，口感彈牙。火炙叉燒（+18)火炙燒過豚肉好香，油脂比例啱啱好。半熟蛋（+12)半熟蛋做到流心效果，咬開有著軟綿嘅蛋黃。蘋果桂花有氣烏龍茶（+$12)蘋果桂花味好香，茶味好濃，鍾意飲花茶嘅一定喜歡。煎餃子$29煎餃子皮薄香脆，內餡肉汁豐富，配上店家自製醬汁，更美味。📍一生懸麵荃灣富榮街7號富裕樓地下7號舖

一生懸麵 總共有三間分店，主打平民價錢食到高質拉麵，而且間唔時都會有期間限定或分店限定特色拉麵供應當中最出名代表作就係雪糕拉麵喇！而家特色主要有牡蠣拉麵、海老沾麵同雞白湯拉麵～雞白湯拉麵 $95慢煮雞胸、慢熟豚叉燒 同原隻溏心蛋配料雞白湯湯頭順滑濃厚，帶點西式忌廉湯感覺加埋紫洋蔥令湯底解膩更有層次感～配上幼麵吸湯力佳！特濃豚骨沾麵 $82慢熟豚叉燒 $20加麵底 +$15選用帶小麥顆粒粗麵，炙燒厚切豚肉配置，特意加上慢熟豚叉燒湯頭豚骨味濃厚帶點魚介粉香氣，唔會過咸！煎餃子 $29日本傳統菜肉餃子🔸綠茶可樂 $20拉麵配綠茶可樂感覺整體一致，滿足感大大提升🔸忌廉梳打$10

之前係社交平台不斷睇到雪糕拉麵🍦一直都對呢間拉麵舖好好奇😯雖然今次去到已經無左呢款麵 都可以食到佢哋既人氣推薦！味道不錯 區內人不妨試試👅餐廳主打拉麵/沾麵 下次有機會都會試下佢哋個海老拉麵🦐白湯豚骨拉麵🐖 ($85) 我個人比較喜歡呢個湯底 豬骨味好濃郁 偏重口味！叉燒好滑 肥瘦比例均衡 而且有微微炙燒過🔥雞白湯拉麵 ($95) 雞白湯味道不錯 又有打到起泡 但係唔係極濃 偏creamy🥹麵底係配搭幼麵 麵都算係記掛湯雞肉好嫩🐔 而且值得一讚係佢比超多蔥🥦味道：🍜🍜🍜/5 📍一生懸麵 (荃灣)地址：荃灣富榮街7號富裕樓地下7號舖

一生懸麵嘅旺角分店就試過 荃灣呢間睇落幾新真係未試過😆結果發現質素有得揮喎 除咗必試沾麵 仲有拉麵選項！。。。🦔✢ 魚介豚骨沾麵 $82✢ 海老沾麵 $88湯底超滾真係新鮮熬製 魚介豚骨湯真係幾香濃 內裡仲要有豚粒🐟海老湯底就係滿遍櫻花蝦🤤撈埋蔥香真係鮮味十足！豚肉兩大塊都燒得超靚 煙燻味聞落好滿意 肉質又嫰滑 🍜麵底量滿多的 麵質頗有彈性又掛湯 真係一啖湯一啖湯飲到底 成碗沾麵整體幾高質 抵咁多街坊鍾意！ ✢ 煎餃子 $29整齊又精緻嘅餃子餡料幾足料的 當小食食亦唔會太heavy👍🏿 🥤✢ ꜱᴀɢᴇ 蘋果桂花烏龍有氣茶 $22無諗過啲飲品又幾有特色🤓含量10%嘅純蘋果汁 加上台灣嘅原片茶葉 另有香港製嘅桂花糖 最後嘅樽身係超靚嘅香港製造畫 ✢ ꜱᴀɢᴇ 桂花烏龍冷泡茶 $20係食沾麵必需嘅解膩茶！大大樽又茶味清新

※本文以用餐當日的環境、服務和食物質素為準，口味亦因人而異，文章只作參考之用。.近期由荃灣千色搬到富榮街的一生懸麵以前係旺角食過 味道不錯～所以就黎食晚餐 目標係雞白湯拉麵🤭.餐牌..雞白湯拉麵 $95先飲一啖幼白色的湯底 味道頗濃郁能夠飲到一陣鮮味 ～用上了幼麵身掛湯力不錯～配料也豐富～有兩片嫩滑的雞肉、慢煮豚叉燒、半熟蛋等半熟蛋咬開非常流心 好似有醬油醃製過 好食記得一定要襯熱食 湯底味道會比較突出！.海老沾麵 $88咖哩人的海老沾麵 沾麵汁內有很多櫻花蝦灸燒過的叉燒也很惹味～沾麵選用了粗身麵條 湯底以魚介湯麵較重如果可以以蝦味為主會更加吸引呢～.另外仲叫左煎餃子 $29煎得幾好食 內餡夠味 ～仲有兩次由SAGE出品的冷泡茶無糖的桂花烏龍及白桃烏龍～岩晒食完麵可以消消滯 解渴好飲☺️

平日經過會見到長長的人龍排隊聽到好多人食完話是世一拉麵今日比正常午餐時間早來 終於食到荃灣新店限定🌊海之幸 — 蜆貝羊肚菌拉麵🍜 $95肥美鮮甜的蜆貝養生的羊肚菌醬、正宗溏心蛋好入味的慢煮豚肉叉燒估唔到一齊會咁夾額外加紫菜和加倍叉燒 +$10 +$20非常足料有份量大大啖飲住新鮮靚蜆湯味蕾的享受 好滿足呀🤤試埋特濃豚骨沾麵 $82可以自選冷/熱麵底和硬度麵條偏粗身好掛湯個豚骨煮到軟腍腍亦加了紫菜 +$10 和火炙叉燒 +$18配合埋特濃沾汁朋友都話好正🙌🏻起初怕唔夠飽另加餃子🥟 $29點知原來已經好飽提一提午餐免費連野飲因為我地想飲茶所以轉SAGE 冷泡茶 +$15/1夏天消暑解渴啱曬！

呢晚再來長期人氣滿座的旺角店，6:30 前已經坐滿所有座位。一如以往餐單不複雜，主打沾麵和拉麵加日式小食，所有湯底均每日真材實料新鮮熬煮，支持小店盡快開餐!🍢雞軟骨棒$29 必叫小食推介:⭐️⭐️⭐️⭐️⭐️每次來都會叫的小食，全因為外脆內軟又有香蔥香口感，雞肉及雞軟骨口感爽口惹味，食麵之前變得特別開胃。🐥唐揚炸雞 $35🍗推介:⭐️⭐️⭐️⭐️四件大炸雞表皮酥嫩可口，壓出檸檬汁散發誘人香味，再沾上日式蛋黃醬，口感層次豐富。🦪廣島牡蠣沾汁麵 $138🍜推介:⭐️⭐️⭐️⭐️⭐️期間限定沾汁麵已推出一段時間終於有時間一試!沾麵上材料有炙燒廣島蠔、慢煮雞叉燒、慢煮豚叉燒、炙燒豚肉、半熟蛋及燒紫洋蔥，用料豐富。兩隻主角廣島蠔肉漲卜卜，鮮嫩帶份咸鲜海水味，慢煮叉燒粉嫩的肉質，入口有份煙燻味。慢煮雞叉燒就較軟綿，炙燒叉燒帶點豚肉油香感，三款唔同質感的叉燒令人享受一份極上沾麵的感覺。足料沾汁非常濃郁! 係實實在在的牡蠣打出來質地厚身綿密，入口充滿著蠔肉碎有如牛肝菌湯的同樣質感，正方條狀的麵條容易掛汁，令麵條咬落再多一個層次。值回票價的沾汁麵，飽肚感滿足，不過建議上檯盡快沾湯，唔好影相打卡耐左而令湯底冷卻，減少鮮味流失的時間啊

今日來到荃灣新開以雪糕拉麵馳名的一生懸麵食lunch，細細間店鋪坐位十幾個，但lunch時間都有很多客人光顧。🥢雞白湯拉麵湯底奶白濃厚，雞肉和豚肉都好軟腍，仲有半隻流心蛋和香脆紫菜，而拉麵的軟硬度剛剛好，口感偏軟但不失勁道，非常掛湯，使得每一口都能充分吸收湯底的鮮美。🥢 辛辣拉麵濃郁的辣味和麵條的Q彈，再配上一些椰菜和厚叉燒，簡直是美味極了！不過我略嫌湯底太辣，食唔晒個麵，下次應該選小辣。🥤 綠茶可樂有綠茶的清新和淡淡的可樂味，頗新穎的飲品。

呢間係我心目中香港top 3 嘅拉麵🍜店😍🌟魚介豚骨沾麵 $82沾麵嘅麵底可以揀冷/熱，推介凍嘅麵因為會有咬口好多😋 麵係偏粗身好掛湯，魚介豚骨湯好香濃🤤 食沾麵我覺得好重要嘅係嗰汁keep住熱，呢度每個位都有個電磁爐可以reheat嗰沾麵汁，咁就唔驚食到一半個湯凍哂啦🥰 叉燒肥瘦適中唔錯😙 溏心蛋可以再入味啲就好喇😛(期間限定) 雪糕🍦拉麵- 花生🥜味雪糕 + 辛辣湯底 $98 勁有gimmick 😂 花生雪糕幾濃幾香，湯底唔係好辣，兩隻味算係幾夾，雪糕融左落啲湯到會令到嗰湯creamy啲，整體黎講可以試一次幾有驚喜，不過都係普通拉麵好食啲😂📍一生懸麵 荃灣富榮街7號富裕樓地下7號舖旺角通菜街73號地舖九龍灣牛頭角道3號得寶商場地下121號舖

話說之前經過呢度次次都排長龍，今天咁啱同小朋友學完嘢，經開呢頭見到有位，我地即時衝入去食我哋order咗：🦐海老湯麵🍜一上檯就陣陣櫻花蝦🦐香味撲鼻！拉麵面頭已佈滿晒櫻花蝦！一夾起身，每條麵都掛滿晒蝦嘅鮮味👍再配有兩塊炙燒厚叉燒，肥瘦適中🍜特濃豚骨沾麵沾麵湯底非常濃郁，但又唔會過鹹！配上的叉燒焦香口感配上肉的油脂香氣！好好味🥟煎餃子餃子外皮煎得金黃，入邊嘅肉好軟熟！白桃烏龍冷泡茶波子汽水

🍜係日本食過好好食既拉麵之後番到香港成日尋找好味既拉麵ʕ •ᴥ•ʔ平時成日睇人介紹 一生懸麵 好似好吸引所以今次去試下 估唔到香港都有咁好食既拉麵🤍♡ 期間限定 蜆貝羊肚菌拉麵 ($95) ♡個湯底用蜆去煲 所以好清甜蜆肉都好肥美 超好食食一半之後 再加埋羊肚菌落湯底味道昇華去另一個層次♡ 雞白湯拉麵 ($98) ♡另外叫左雞白湯拉麵 同另一款好唔同既拉麵湯底打到奶白色 帶少少泡沫 好CREAMY有厚切慢煮豚叉燒與雞胸肉 好嫩滑仲有原隻糖心蛋♡ SAGE 蘋果桂花烏龍 ♡香港製造 亞洲首創有氣冷泡茶 適合鍾意甘甜味道既朋友📍一生懸麵 @issyokemen荃灣富榮街7號富裕樓地下7號舖#一生懸麵 #拉麵 #蜆貝羊肚菌拉麵 #期間限定 #香港美食

說到日式餐廳，近幾年香港開了不少日式壽喜燒和鐵板燒，水準相當不錯，而日式拉麵相對地失色，最近就去了位於荃灣的「一生懸麵」 ，試試其濃湯拉麵🍜雞白湯拉麵拉麵麵質爽口彈牙，配上顏色雪白，口感綿滑的濃雞湯，加上經過慢煮處理的雞用和豚肉，入口特別軟嫩🍜魚介豚骨沾麵沾麵用上粗身麵條，口感煙韌。配上質感濃稠的豬骨濃湯，麵條掛滿濃汁，味道相當濃郁，另配上燒叉燒和口軟滑流心蛋，份量非常豐富🥟煎餃子每件餃子煎得金黃香脆，十分好味

路德圍出名多嘢食 今次俾我發掘到有間抵食嘅人氣拉麵店 ⭐️一生懸麵⭐️店內裝修同擺設充滿和風 令人好似去咗日本嘅拉麵店一樣 點餐方面 可以睇完實體餐牌 再掃QR code落單 🍜白湯豚骨拉麵（幼麵）$72豚骨湯底唔錯 幼身拉麵煮得啱啱好 唔會軟得滯 叉燒亦好嫩滑🌶️辛辣拉麵 （粗麵） $82鍾意食辣嘅人一定唔好錯過 湯底唔會過辣 炙燒厚切叉燒香口又juicy 粗身嘅拉麵口感煙韌🥟煎餃子$29外皮煎得好香脆 入口仲熱辣辣 餡料足料又多汁呢兩款拉麵都配埋半熟蛋 唔需要另外加錢！真係好抵食！而且我地6點幾入坐 冇耐就坐滿哂 開始要排隊啦 所以有心理準備要等位呀！

之前已經bookmark左呢間餐廳好耐❣️，最近仲轉埋舖位，全新日本風既裝修，位置更方便，今次一於就試下佢啦。Lunch time時間人流不斷，不過好彩D人都算食得快，唔需要等位就有得食啦。🌟 蜆貝羊肚菌拉麵🍜｜$98👍🏻👍🏻有別於平時濃郁奶色既湯底，今次個湯底顏色清澈口味較清淡，但係又鮮味十足，真係非常有驚喜同埋印象深刻。必點‼️🌟 海老沾麵🦐｜$88沾麵既味道係預期之內，店舖好細心地麵底可以選擇凍/熱，粗麵質地彈牙。沾汁濃郁配埋大量既櫻花蝦，而配料方面有豚肉經過炙燒比較香口。🌟煎餃子🥟｜$29 👍🏻性價比極高，皮薄餡料多，表面煎得香脆