一甜糖水

【西貢區】【一甜糖水】同美女朋友喺調景嶺，佢話有間新開嘅糖水舖喺都會駅，有時間就去食吓。等我有時間就蚊都瞓喇，嗰吓就去食啦。佢話開張初期好多人排隊，正常香港人操作啦，新茅坑三日香吖嘛，嗰段時間嘅排隊，就並不反映真實食物質素呀，唔好被個假象 fake 到呀。佢叫咗個「一甜芒芒」裏面 $36 嘅「芒芒芋圓白玉金露」，佢話好難食，我就覺得芒果味係淡啲，未算難食吧。反而我叫北海道3.6牛奶底系列 $35 嘅「凍蓮子香芋西米」，我就覺得幾難食，佢又話正常喎，喂，個奶凍底完全冇奶香味㗎喎，咁都得㗎咩。之後我叫多個中式養生系列 $39 嘅「馥綠開心果露」，呢碗就幾香濃喇，絕對對得住個價錢，有堅果糊類嘅口感。最後見佢哋門口喺度力推雞蛋仔，就食埋一甜駅雞蛋仔系列 $20 底嘅「原味雞蛋仔」，普普通通啦，又唔貴。埋單 $130，係碗開心果似樣啲。。。（地址：調景嶺景嶺路8號都會駅232號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am西貢區 #調景嶺 #一甜糖水 #芒芒芋圓白玉金露 #蓮子香芋西米 #馥綠開心果露 #原味雞蛋仔 #1am1867 #1ambackup…查看更多

朋友新屋入伙，搬完屋見佢屋企就樓下有間糖水鋪就試試佢✨鋪頭唔大但一半座位都係一家大細同後生仔女，睇嚟係街坊生意多，個個都熟口熟面咁同老闆傾偈。🍑 桃膠蛋白杏仁茶 $38熱辣辣上台，杏仁味香濃得嚟唔刺鼻，飲落順滑冇渣。桃膠份量十足，煮到透明Q彈，仲有大大塊雪白蛋白浮面。甜度調得啱啱好，暖笠笠飲完成個人都舒服晒，好適合最近轉涼嘅天氣！🥭 楊枝金露 $34傳統糖水但做得有心機！芒果肉香甜唔酸，果肉都吾少，西柚肉粒粒爆汁，仲有超多西米同柚子絲。椰汁底濃稠度適中，唔會稀得像水，凍食清新解渴～🥚 雙拼雞蛋仔（海苔肉鬆＋黑糖麻糬）$35創新配搭！雞蛋仔即叫即製，外層脆卜卜，咬開軟熟有蛋香。一邊灑滿鹹香海苔粉同絲絲肉鬆，鹹甜交織好過癮；另一邊就藏住煙韌黑糖麻糬，拉絲效果十足，黑糖味濃郁唔死甜。一底有齊兩種口味，滿足晒貪心嘅我！見到隔離枱嘅公公婆婆食緊麻薯小丸子紅豆沙超吸引，我朋友已經將呢間鋪頭bookmark左話要成日黎！…查看更多

麻糬香芋紫米✨口感豐富，紫米軟滑，香芋粉糯，麻糬不像有些地方那般韌性難嚼，而是質地軟滑，用勺子輕輕一碰就能分開。蓮子香芋西米✨西米爽滑，蓮子也煮得鬆化，沒有苦味。榴槤白雪冰✨榴槤味道濃郁自然，與奶味十足的冰底攪拌均勻後，每一口都充滿果香，喜歡榴槤的人會很滿意。鮮雜果仙草✨涼粉配牛奶底則顯得清爽，新鮮水果搭配嫩滑的涼粉和3.6牛奶底是解膩的好選擇。一甜仙草✨料非常足，桃膠、蓮子、紅豆、芋圓和麻糬齊聚一碗。仙草本身帶有淡淡的草本清香，各種配料的不同口感一次滿足。原味雞蛋仔✨外脆內軟，蛋香樸實，沒有多餘的花巧。…查看更多

調景嶺街市重開之後，搵食的確多好多選擇。不過要食糖水，我會揀佢。小店經營，多款糖水，中式西式都有。講真，調景嶺應該得呢度有咁齊既糖水食。朱古力醬雪糕球雞蛋仔一大球朱古力雪糕勁吸引，再加埋朱古力醬，朱古力味夠突出。雞蛋仔外脆內軟，享受冷熱滋味。芒芒白玉金露芒果、白玉，西米全部都好足料，入口香甜又清涼。薑汁桂花湯圓薑汁同桂花都係暖胃，湯圓咬開黑芝麻餡流出濃郁香氣，桂花點綴添上花香。多芒紫米 3.6牛奶Q軟紫米，芒果又多又甜，3.6牛奶口感濃郁。招牌桃膠蛋白杏仁茶蛋白滑，杏味濃郁，又有豐富桃膠，滋補又暖笠笠。薑汁撞奶好夠薑味，辛辣香甜，暖胃，口感嫩滑。…查看更多

📍 一甜糖水 (將軍澳)將軍澳景嶺路8號都會駅232號舖✨榴槤紫米白雪冰💰48呢個榴槤紫米白雪冰真係好正！首先，榴槤味道濃郁，香氣撲鼻，愛榴槤的人一定會愛死佢。紫米好軟糯，配合哩個冰品，口感非常好，入口即化。白雪冰層好重奶味，絕對係消暑之選，滿足你對甜品嘅渴望。✨芒芒雪糕芋圓西米金露（凍）💰40呢個組合真係好清新！雲呢拿雪糕滑溜溜，芒果味道甜而不膩。芋圓和西米口感嚟講，絕對係加分，咬下去有啲QQ的彈性，令整碗糖水更加豐富。金露嘅糖水底澤既清甜，又唔會搶走其他材料嘅風頭，真係一個好完美嘅搭配。✨芒芒雪糕雞蛋仔💰36呢個芒芒雪糕雞蛋仔係一大亮點！雞蛋仔外脆內軟，配上香濃嘅芒果粒粒同雲呢拿雪糕，簡直係最完美嘅組合。每一口都好似食到夏天嘅味道，令人心情大好。而且，呢個甜品做得相當精緻，顏色又靚，簡直係賞心悅目！回頭:yesss三款糖水每一樣都有自己嘅特色，無論你鍾意榴槤嘅濃郁、芒果嘅清新，定係雞蛋仔嘅脆口，都非常值得一試！想食個清甜解渴，呢度絕對係一個唔錯嘅選擇！ …查看更多