一焼肉

營業中

休息中

一燒肉正式開業，仲有開業限定優惠晚市+$1多一份同款份量肉，所以去左試下😍用手機掃code落單，都可以係app到俾埋錢，全自動化，好方便👍🏻每個餐都包一個肉盤，白飯，麵豉湯，泡菜/漬物，可以選擇走飯，亦都可以加購飲品、串燒等。精選牛三寶 300g $118（牛舌/牛板翼/牛五花）個人最鍾意牛板翼😍帶點厚度，牛味最濃；牛舌薄薄地但都夠爽口；牛五花比較多脂肪，適合鍾意油脂嘅朋友🤤提示：肉類全部預設加埋調味醬汁，帶點甜味，如果唔要可以提早同店員講走汁，店員會幫你remark👍🏻豚鳥三點 300g $98（豚五花/豬頸肉/雞頸肉）豚五花油脂香比牛五花更重，食個陣加啲泡菜可以減低油膩感；豬頸肉好爽口；雞頸肉就好似一般雞肉，無咩特別🤣

得知上水廣場"一燒肉"新開張期間20-30/9晚市時段叫一份定食加＄１多一份相同份量的肉，今晚專程帶埋父母來試食😁每份定食配麵豉湯、白飯同漬物/泡菜，另有四款醬汁供應，都好好味😋😋入座限時60分鐘，手機落單📱封門柳、牛板翼必叫，肉質柔韌有肉香😋😋😋安格斯西冷薄燒可不用試了🫣牛五花都OK，爽香，不過就預一定肥少少🐷既然加＄１多一份，梗係要試最貴既鹿一兒島和牛三食，和牛赤身油脂分佈均勻，但油膩感就唔係好啱我了😝另外兩款肩胛小排和角切都好一般般但不得不讚紫菜溫泉玉子蛋飯(+$15)好正👍🏻無期望反而有驚喜，推介🤪

上水有兩間燒肉定食，一間燒肉like～一間就係呢度～燒肉like食過幾次，但係因為成日好多人排隊所以今次試吓上水廣場呢一間～我地6:30入座好多位，我同老公每人叫咗一個餐同燒肉like一樣限時60分鐘~自己手機落單我：牛五花、豬五花、雞頸肉（我夾咗兩塊燒緊）老公：封門柳、牛板翼的確，牛版翼嘅牛味係較濃，跟住就係封門柳環境都冇咩問題，冷氣其實都OK，仲好多職員，態度都唔錯～唯獨係個抽風系統比較弱，食到一半嗰陣已經好多人入坐食緊，成間鋪都白濛濛較煙～食完返到屋企成頭成身都係味～燒肉like就唔太覺有呢個問題～（可能間鋪嘅燈光比較暗少少，所以啲煙就會明顯啲）調味醬都係嗰幾款，都好好食😋枱面擺放面積都闊落舒服嘅👌🏻但在令我驚訝係原來換網要加$3～同埋有圍身呢樣野～可能我見識少😆上次食燒肉like我都有叫佢換網，但係無留意使唔使加錢～

🍴一燒肉 Yakiniku One@ 上水廣場🍴 🐮🐷🐥🐮🐷🐥🐮🐷🐥做野咁岩經過呢度附近 見到開左間新既日式燒肉鋪 新到見到「試業中」的階段 即刻走去試試先 ------------------------------佢有好多唔同種類既配搭 仲有唔同種類既肉(牛、豬、雞)我今次就叫左精選牛三食 250G既份量(牛三花、牛板翼、牛舌)肉質及肉味還算OK 可以接受 但肥膏有D多 但不得不讚紫菜溫泉玉子蛋飯(+$15)好正 一啖飯一啖肉 感覺一流🤤埋單$138 價錢略貴 但係都算係一般食燒肉的價錢 .小注意點：1. 個場個冷氣有D凍 我地坐左一陣忍唔住要叫店員可唔可以關細少少個冷氣 想去既人可能要留意一下 2. 某幾個爐個火有點兒細 特別係有朋友叫左豬肉 個火又唔旺果時要慢慢等⏱

之前見到圍曬板話會開燒肉已經想嚟試，咁啱今日行開上去，見到開咗就入去試吓，入到去好好彩都仲有位唔駛等。我諗應該開張得兩三日，所有嘢都仲好新，連職員都係，指完我去張檯都無人帶過去，坐低咗一陣都完全無人理，點落單都未知，啲職員都隔咗陣先嚟放返塊網俾我哋，我expect入一間新開張嘅餐廳會有多啲提示。但我相信只係新開業未run得順，因為之後啲職員serve我哋都好有禮貌，態度誠懇，同佢哋講完即刻幫我哋補返啲嘢，希望往後都keep到呢種態度語氣啦。之後職員同我哋講返scan QR code落單，另外仲俾多份餐牌我哋睇方便我哋，燒肉定食嚟講其實都係九款左右，未必話太多選擇，我哋點咗兩份啱啱新開張已經寫住人氣度第1位嘅精選牛三食定食，有牛五花、牛板翼同牛舌，配埋麵豉湯、白飯同漬物/泡菜。醬汁有四款，試勻四款都好好味。肉方面就五花肥少少，同埋比較普通，牛板翼唔係咁常見，但出奇地好食，肉質柔韌，牛舌都好好咬口，質感唔錯。一燒肉整體嚟講畀我感覺都好好，始終新開環境乾淨，入面座位又唔會太逼夾，食物質素都算高質，如果畀我揀我會prefer一燒肉多過隔離商場嗰間一人燒肉連鎖店，整體平均嚟講高質啲，係衰在位置無