一橋拉麵 (MOKO新世紀廣場)

上上星期日，睇完早場的IMAX版你的名字，相隔多年再睇番都係咁感動流涕🥹🥹，老公係新海誠的忠實粉絲，佢已經睇到無感，但小妹都係係會流淚😭，真係好好睇！散場後出嚟見時間尚早，但又唔想餓住個肚仔到夜晚（當晚晚餐就係食唐坊火鍋私房菜啦），於是乎行落一層食碗麵🍜，呢一間被選中的拉麵店exactly喺正太興隔離😎正常就估到係同一個集團嘅🫣拉麵店叫《一橋拉麵》鄰近門口有雅座，行入店內在半開放式廚房旁則是吧檯座位，小妹被安排在吧枱，可能因為鄰近廚房關係冷氣唔太夠，因為小妹係會邊食邊流汗的人類🥹。一橋的拉麵款式都算多，一抬頭就見到平時喜歡吃的口味「雞白湯」，老公揀了招牌叉燒拉麵加配糖心蛋，小妹多加了一份糯米燒賣添。呢度的雞白湯湯底賣點係「膠原大滿足」，但不太似預期，小妹預期是湯底會比較濃厚，現實卻不是，唯一優點是雞肉丸有兩大粒、雞腿件有四大件，仲有價格優惠！因為小妹本身喜愛偏濃厚的雞白湯，所以先覺得唔啱小妹😊額外加配糯米燒賣，蒸得唔夠耐外皮唔夠透🤔蒸番耐啲會更好。老公選擇的招牌拉麵，正常發揮啦，叉燒唔錯👍🏻糖心蛋亦好靚仔，不過湯底偏咸，老公飲剩一大半～以集團經營的拉麵店算正常發揮，起碼食得飽，若再有機會會想食一橋拉麵的基本功☺️…Read More

碗麵嘅賣相齊齊整整。配料樣樣有齊，糖心蛋流心效果唔錯，叉燒都有三塊，幾鬆化。至於啲筍、木耳同京蔥呢，就正常發揮，冇話特別好食，但都合格嘅。個湯底係成碗麵嘅靈魂，夠濃郁，飲落去係幾香豬骨味，鍾意重口味嘅應該會啱。唯一扣分位係個麵底，淋淋地，冇咩咬口，同個濃湯有啲唔夾。總括來講，以$66呢個價錢，有齊咁多配料同個濃湯，性價比算係唔錯。如果唔係對麵條要求特別高，純粹想食碗濃湯拉麵填肚，可以一試。不過拉麵係現貨唔係新鮮打造係差啲🤣…Read More

兩個人去食 叫左個一橋堂食（二人前） 拉麵叫左兩個招牌豚骨叉燒拉麵 小食叫咗胡麻櫻花蝦秋葵+牛肉餃子 上到嚟個樣都正正常常 問心其實小食秋葵係幾好食 但係個拉麵我真係 未試過食到想嘔 佢係淋得來又彈牙 但係又黐埋一舊 好核突 我自問係學校飯盒可以食晒嘅人 食物嘅接受程度都高㗎啦 頂唔順 完全食唔落 啲豬肉都係麻麻哋 我個人覺得有少少怪味 不過唔知係咪因為啲麵嘅問題 所以我唔多評論 總共食咗$200 我當幫大家試伏 你唔服氣嘅自行去嘗試 不過我就以後唔會食呢間嘢 就咁…Read More

今日8號風球掛至下午1點10分就落波,又要踏上上班的路途，好快就返到公司，不過又無帶飯盒，就諗住食外賣啦，於是就同朋友到公司樓下逛了一轉，見到一橋拉麵，咪貪新鮮一齊去買咗3個海老濃湯叉燒拉麵，一份燒賣，一份小籠包，一份秋葵，同埋每人一杯玄米茶。整體來講個湯底係好味，好濃郁，小食都唔錯，但係個麵真係好冧，甚至乎可以講話係好難食，真係從未食過咁難食連我啲朋友都一致認為好難食，唔怪之得咁平，平均一個套餐都係$70左右。今次係我第一次寫食評，因為真係從未食過咁難食嘅拉麵，其實你哋製作時有無試過啲麵質，呢種質數都可以提供比食客，真係不可思議。希望貴公司在這方面作出改善。…Read More

太興集團旗下嘅一橋拉麵～係MOKO一間舖開二～半間舖係拉麵～半間舖係太興招牌豚骨叉燒拉麵～有：1片紫菜、生蔥絲、叉燒2薄片、木耳絲、筍片～豬骨湯底無乜味～食完仲好口渴～叉燒兩薄片～賣相麻麻～白色一片似水煮肉中華燒賣Combo有3粒唔同味嘅燒賣～麻辣燒賣最難食～得辣椒粉辣味～同燒賣一D都唔夾～一粒有一隻細蝦嘅燒賣～豬肉味濃～一粒糯米燒賣～成堆飯唔好食和風豬軟骨～全餐得依款最好味～豬軟骨鹵得好入味好淋食完冇下次…Read More