一杯屋 (已結業)

朋友極力推荐好耐,難得收早,就去試試佢,仲要男朋友請呀!來到呢間一杯屋為名既日日本餐廳,入到去已經好重日本感覺,去之前已經上網睇過資料同相,感OK 就去食啦.環境舒適,燈光光度岩岩好,放鬆自然,環境做得好細心.Like ar!食物睇相已經精緻,試左幾樣:一開始叫左個小沙律第一眼,色澤唔會古板得黎,鮮艷,食落去口感好fresh 好,開胃.之後推介蟹膏!真係好好食! 蟹,以我所知,搵隻靚蟹係唔容易,仲要主食蟹黃,正一D都唔腥!中意食蟹膏既你,一定要食!

今日約左中同出來敘舊,緊係要搵一個坐得舒服又食得開心既地方啦!一諗就諗到雲集多間日本餐廳既 “澳門逸園中心” ! 通常日本菜既擺盤同埋用碟都好精緻好靚, 令我對呢間餐廳期望更加大!表面由紫菜絲同青蔥粒組成既 日式海膽炒飯, 睇落就好似係藝術品咁,上面仲有一塊海膽,基本上可以話係海鮮炒飯,入面仲有好多唔同既海鮮,我食到有櫻花蝦同埋蝦肉,每一啖都好香小食方面就叫左日式炸豆腐, 外脆內軟,好熱辣辣阿 ! 食果陣真係要小心辣親!

造物主當初將火之藝術帶到黎凡間，從此人類就多一份食福。但要將火運用得出神入化，淨係架生都好重要啦。所以呢間獲「炭火使用許可」正宗日本炭火焼専門店「一杯屋」就唔絕對簡單。老闆曾經係日本留學，佢地既獨家炭爐用上專業既備長炭燒烤，但同時油煙唔會好誇張，燒出黎既野食就更加濃香啦！👇📌刺身盛 · 3點▪ 吞拿魚 ▪ 油甘魚▪ 帶子▫ 食日本菜第一件事要嗌刺身是常識吧！呢到既3點每日都唔同，按餐廳當日時令既水產，今日就食到常見既吞拿魚、油甘魚、帶子。吞拿魚肉質結實有彈性，魚鮮味濃郁。最有驚喜係帶子，肉色透白無瑕，味道清甜，質素屬上品。而油甘魚就合格適中，油份豐富，口感唔錯。📌胡麻菠菜 - $44👉好！開胃前菜先黎個胡麻菠菜先，呢到既整法特別精緻，由菠菜卷起好似個卷物咁。用左海量既芝麻醬汁浸住，成舊一啖過非常好食！📌牛油果蟹籽沙律 - $78👉牛油果控一定唔會錯過既前菜！牛油果生熟度岩岩好，質感軟腍唔會太生。加埋沙律醬味道相當清新好味，粒粒蟹籽新鮮卜脆，唔錯。📌酥炸雞軟骨 - $68👉又一萬惡源頭，新鮮炸起既雞軟骨！炸得金黃香脆，拎黎送酒就梗咖啦！📌日本雞小肉串 - $38👉火侯恰到好處，賣相色澤均

牛油果🥑蟹籽沙律🥗$78沙律都幾大盤，抵食！每一條菜都沾滿了滿滿的沙律，最欣賞唔會食到尾無醬汁。牛油果好rich，配上爽口的羅馬生菜🥬、紫洋蔥等的新鮮菜，加上爽爆的蟹籽，多重口感在口內爆發呀！平政魚是日本壽司中的前三名之一，師傅切得每一片都非常薄，為白身魚，唔點醬油都食得出有滿滿的鮮味，點醬油同wasabi令鮮味更提升，因為飛機✈️空運到港，食材特別新鮮。海膽海鮮炒飯$158海膽炒飯有很多配料，有新鮮的海膽、帶子肉、帶子裙邊、虎蝦粒、櫻花蝦、紫菜絲及蔥花，口種豐富，再配上日本珍珠米，特別有口感，最讚是飯粒炒至乾身卻保持到適量的濕度，非常可口呢！

炭燒喜之次定食：平時屋企食煎魚或者出去bbq或者燒烤，自己整就一定會整爛或者燒到過乾，唔知點解日本餐廳嘅燒魚梗係特別皮脆肉嫩，而且唔會乾身會保留到肉汁，食落魚鮮味好濃。其實條魚如果雪得太耐唔新鮮就一定唔會鮮同會霉，所以食落有口感有鮮甜味就知道條魚都靚嘅。條魚唔算細條，又好味，日本餐廳百幾蚊成個set上係幾抵食嘅日本五花腩炒拉麵：對比起條魚呢個都會普通d，就係日式炒麵嘅味道，大眾化囉！但佢嘅拉麵彈牙嘅，用料都足，唔會話得一兩片肉碎囉。不過都係魚抵d啦每份lunch set仲跟茶碗蒸、湯、沙律、冷豆腐，中午咁豐富真係唔錯！

上次食完之後有優惠券，呢日去開呢頭就順便食個晏先開工xpp呢日咁凍唔想食生冷野，記得上次朋友個鰻魚飯都好吸引，今次於trytry先！！而同行飯腳就要左個特上刺身定食~~同上次一樣，每份定食都包有漬物、沙律、蒸蛋同湯品：）等左5-10分鐘左右，我地既定食到先後到場啦呢日既漬物係南瓜，香甜又粉糯！蒸蛋嫩滑富蛋香~~肥嫩既鰻魚有大半條架！！！因為用炭火燒，所以食落特別香~~而且食曬全份都無乜細骨，難怪上次朋友會邊食邊讚啦xpp食完飲埋碗熱湯，成個人即刻暖晒，正！飯腳既刺身定食望落都好豐富啵~~佢仲大讚個海膽好鮮甜添！！！等我下次有機會都試下先

約左朋友仔一齊去銅鑼灣食好西。我地兩個唯一共同鐘意食嘅就係日本野，兼且係唔食生：）所以就揀左呢間一杯屋啦～因為佢出名嘅似乎係熟食，出乎預料，真係我地兩個嘅真命天店！餐廳係傳統嘅日式風格，非常舒適～一場黎到當然要試下呢度嘅串燒。什錦串燒5串。每一款串燒的火候都拿捏得好好，唔會太乾身或者濕，串燒簡單地用鹽燒就已經好入味！超級鍾意孜然味！露笋煙肉卷。用薄薄地嘅煙肉片包住蘆筍，配搭好清爽，保留咗蘆筍脆嫩嘅口感又不失肉味。食完又叫多咗串~食完串燒再食翻個咖啡啫喱雪糕，非常滿足！

今晚黎到銅鑼灣一杯屋，但唔好彩既係幢大廈部LIFT壞左一部，得番一部郁到，勁多人係樓下排隊上樓，我地都等左20分鐘先搭到LIFT上去~ 佢有個OMAKASA 餐，不過我地就冇叫到,但388黎講都真係幾抵~~如果叫左應該會勁飽! 我地叫左牛油果蟹子沙律、章魚小丸子、燒雞心串、青瓜八爪魚三杯醋同埋和牛炒飯~ 牛油果蟹子沙律: 呢個沙律簡直係世界級! 估唔到全部加埋一齊係咁夾咁好食，牛油果食落好有三文魚FEEL,但食得多又冇油利感! D菜仲要好新鮮~~~~ 章魚小丸子: 夠哂脆皮，鋪左勁多柴魚係面，一D都唔姑寒!!! 入面有勁大粒八爪魚! 好好食! 燒雞心串: 夠哂JUICY! 我不嬲都好中意食雞心! 呢串雞心真係燒到岩岩好熟!!! 夠哂嫩滑~~~ 青瓜八爪魚三杯醋: 呢個類似沙律既小食都好開胃! 食完以上既野解解飽滯感再戰和牛炒飯!!!D醋酸酸地真係好開胃!!! 和牛炒飯: 呢個飯夠哂獲氣!! 真係食到停唔到口!! 都食到牛肉既油香~~~PERFECT!

今日同男朋友去左依間樓上既居酒屋食飯,因為佢鍾意食日本菜,而且樓上既居酒屋好似感覺上無咁迫😛茶碗蒸滑蛋口感嫩滑而且好足料,上面鋪上左櫻花蝦,入面仲有冬菇同蟹柳北海道黑支豆($68)支豆上面鋪上左鹽,所以食落去好有咬口又吾會無味,而且佢係用黑支豆,所以口感比較淋身燒北海道五花腩串($48）佢係用日本備長炭燒烤既方法,食落去好香口,五花腩燒完之後脂肪層爽脆煙韌,口感充滿油香酥炸鰈魚($118)口感好酥脆,如果海鹽味少d會更加好食,不過侍應話如果吾怕骨既話可以成條魚咬住食,配啤酒好正🍻波子壽司拼盤($98)壽司有吞拿魚,鰹魚,油甘魚,鰻魚卷,𩶘魚,火灸三文魚同鯖魚,每舊都搓到好迷你好得意啊🥰稻庭烏冬($58)烏冬係凍食,配上烏冬汁加蔥粒同wasabi,佢係用幼身既烏冬,口感爽滑彈牙☺️

首先要講環境，好寧靜，而且座位舒服！去約會/朋友傾偈好地方！🔶一杯屋特選魚生飯好多魚生刺身，鋪滿係飯上面，唔怕唔夠魚生有三文魚、立魚、八爪魚、赤貝、甜蝦、魚子飯是日本飯，粒粒分明，好有口感佢一個餐入面有沙律、蜆湯、小食、蒸蛋個蜆湯好好飲，鮮甜清甜，唔同平時啲麵豉湯但我更喜歡呢個湯！正～仲有蒸蛋，好足料，有蝦米、冬菇片、瑤柱又甜又滑🔶上炭燒牛舌定食牛舌燒得好好食，爽口又唔會太靱份量都唔算少，抵食！有個山藥泥醬，加入飯入面，令飯更滑！入面環境很好，而且有獨立一個一個卡位

銅鑼灣澳門逸園中心食肆林立，8樓的「一杯屋」乃居酒屋，店內名物之一為炭燒牛舌，午餐價錢$188，有前菜、沙律、清湯及白飯。極上炭燒牛舌定食（$188）師傅即場炭燒牛舌，上等牛舌厚身有咬口，更有肉汁，燒得剛剛好，證明火候控制得好。同日本一樣，牛舌伴以鵪春蛋山芋蓉，可以加入白飯內一齊食。清湯可以解膩。前菜加了櫻花蝦的茶碗蒸： 雜錦吉列拼盤定食（$148）有炸魚、炸大蝦及炸蠔，份量都幾多。兩者之間，牛舌表現較優。

朝早去銅鑼灣開會，順便係附近食埋lunch先番office😋Lunch set款款都好吸引，但價錢唔平～炭燒喜之次($168）喜之次聽就聽得多，但食係第一次🤭估唔到會出現係lunch set，百幾蚊就有得試，即叫！燒得超香，皮仲脆脆地～魚肉超嫩滑，勁鮮甜！係較細條，同多骨一杯屋特選魚生飯（$188）起豐富！一共有5款刺身，每款大概有兩舊～蝦刺身大大隻，爽口又解甜！其他刺身都用料新鮮好肥美😋Set跟沙律、蒸蛋同蜆湯～蒸蛋超好食，料又多，仲要滑一滑😍蜆湯好清甜！

等電梯位好多人,上去食時,要預留D時間等電梯,HAHA入到去好有日本FEEL,有BAR台,又有D一格格位,不是封閉式,但又有D私人空間,不錯,環境是舒服的。2個人叫左4樣野食,芝士奄列($48),好正,上面白色一條條的是芝士,好香芝士味,而且濃度剛剛好,不會蓋過蛋的味道。酥炸鰈魚($118),個鰈魚有D咸,可能岩D重口味人士,第一次食炸鰈魚。鯛魚薄切($158) ,個鯛魚真係切得好薄好好食,好新鮮,而且賣相十分好看。海謄海鮮炒飯($158),個海謄好正,如D飯完美的配合,D櫻花蝦又好香,海鮮好甜,色香味俱全。

依排比好多野搞到個人好緊張,女朋友又咁鐘意日本,一於帶佢去食日本野放鬆下,順便推介比大家依間係銅鑼灣唔錯既居酒屋,由大門去到入面到係日系既裝潢,相當有感覺,加上職員服務到好好到講下D野食先,叫左2個小食,同2個既主菜胡麻菠菜一札札既菠菜再係上面灑些白芝麻,下面就係日式麻醬,一個賣相同味道唔錯既開胃既涼盤小菜章魚小丸子外層到幾脆口,入面又夠軟腍仲有粒手指頭咁大既章魚頭,做到咁已經係粒夠哂好食既章魚小丸子飛魚刺身刺身厚度適中,飛魚如果太厚會好難嚼,太薄又會冇咩味,依個就岩岩好,入口魚肉甘香清爽,仲好有嚼勁最後叫左個熱食和牛雜菜蕎麥麵,除左有入口即溶的和牛，而且和牛既精華同油脂融入哂係湯到,吃完之後口腔內仲有餘香2個人食哂咁多野到夠哂飽,而且最重要係環境氣氛同食物到好好,令到大家有一個好放鬆既晚上

今日出咗糧，一於食餐好報答自己，lunch都要食得好d,公司附近有間食日本野，一於就去試試啦。一杯屋牛吞精選便當，有4格不同嘅便當，啱晒想樣樣試吓嘅我，分別有主打嘅厚燒牛舌、溫泉蛋牛肉飯、刺身拼盤同炸池魚，首先講吓個厚燒牛舌，燒到啱啱好，唔過熟，仲好juice保存肉汁，刺身都好新鮮，完全唔會有腥味，海膽鮮甜，池魚炸得好鬆脆，完全唔油膩，而溫泉蛋牛肉飯味道都相當好，呢幾樣都啱晒我胃口。炭燒喜之次定食，師傅係即叫即燒，上枱時熱辣辣，燒到魚皮脆卜卜，魚嘅油香出晒黎，魚肉好嫩滑，冇腥味，其實條魚size都唔細，非常抵食。叫set lunch每人都有蒸蛋、枝豆同蜆海帶湯跟餐上，蒸蛋好滑，入面仲有蟹柳、冬菇同雞肉，好好味，而蜆湯都非常鮮甜，枝豆都幾特別，個醬汁甜甜辣辣，非常醒胃。