一日三餐

上個月尾嚟咗呢間良心小店作最後支持💛嚟呢間食多一次佢最有名嘅悅和豉油雞一坐低見到隔離枱嚟嗰碟飯 大到成個太空館咁我就叫咗少飯🫣 然後我就...後悔啦😭碟豉油雞上枱後唔敢鬆懈 咋咋臨影完相就食咗先啱啱上枱熱辣辣出緊煙 啲豉油味特別出 肉質特別滑溜 平時出面食嘅豉油雞真係無乜幾可食到咁滑口一路食一路送飯 最後無晒飯！！！ 清碟一粒米都無剩🤧希望同路人有緣江湖上再遇 他日某處見！#一日三餐 #悅和醬園 #豉油雞 #良心小店…查看更多

✨咖喱雜菜飯🍛有雜菜之餘，有一塊煎蛋同幾舊豆卜😍咁啱嗰日唔想食肉類，先食下素💚D咖喱少辣，令人好開胃，平時食好少飯嘅我都食咗好多飯。咖哩配飯係絕配(>^ω^<)…查看更多

早前同朋友去麥花臣睇show前，黃昏時分去咗幫襯一日三餐。可惜，幫襯冇幾耐之後，就傳出佢哋結業嘅消息…… 😔🍜 一日三餐皇牌特餐 - 秘製叉燒湯瀨 😋😋😋😋😋叉燒好厚身，醬甜帶焦香、又啖啖肉 😚 瀨粉一大碗，軟身得嚟有咬口，配靚叉燒最夾！另外仲有一份多士，依個特餐份量幾多！🍹 奶茶紅豆冰 😋😋😋😋😋茶濃奶香豆甜，冰度啱啱好，唔會水，整體好平衡～ 😎晚餐 💵💵 約港幣$70/人💁🏻‍♀️ 小店經營艱難唔使講都知，如果大家仲想試下本土製作嘅靚叉燒或者茶餐，就好快啲趁9月尾去幫襯啦！有啲再見唔講，就未必有機會再見啦～ 🙏🏻 祝平安！🙆🏻‍♀️ 最後，喜歡嘅話，歡迎follow @foodirectory.hk！…查看更多

嚟到一日三餐悅和豉油雞一定係必點既豉油雞飯（$69）睇餐牌價錢偏貴少少，不過實物份量好足，都ok。係鹹味比甜味重既豉油雞，豉油味好香，比左雞脾位，雞肉好滑，雞皮唔會太冧，依然彈牙。唔會話好食到空前絕後，但值得一試。乾炒牛河（$66）味道普通，油份多，入口油味比香味重，無乜豉油味，牛肉亦都比較韌。見到有人推介乾炒牛河，但只係普通貨色，呢個質素黎講好貴。賞花杏仁露（跟餐$6）嚟得一定要叫嚟打卡，不過我呢杯花瓣唔夠多，而且開得比較稀，但味道係合格既，可以試下。…查看更多

#20230909 💛📍 一日三餐 @threemealshk 旺角通菜街2Q-2Z號鴻輝大廈地下7號舖➖➖➖➖➖➖➖➖➖➖➖➖➖➖➖➖➖➖#焗咖哩雞扒飯 $66💭 一上枱已經率先聞到咖哩既香味🍛係港式咖哩唔辣既，唔食辣既朋友都可以試下，首先雞扒好滑，除此之外仲有啲洋蔥🧅薯仔🥔三色椒🫑連埋面頭啲芝士焗完勁惹味🧀️雖然個飯無炒底，但勝在汁夠多，食下食下🐷都成兜清得乾乾淨淨😎.#午餐A #鹹蛋蒸肉餅飯 $62💭 個肉餅同飯size都好大份，🐷食完個肉餅再加半碟飯就飽晒😮‍💨肉餅入面唔少半肥瘦豬肉幾彈牙，不過略嫌落粉落得有啲重手🤏🏼唔多夠結實，但佢個咸蛋黃同豉油勁好撈飯加返分，午餐仲會跟個例湯飲經濟實惠，要支持就趁早，睇佢ig話做到月底咋😕.#旺角美食 #旺角黃店 #🐷在旺角 #🐷_食 …查看更多