一幻拉麵

營業中

休息中

見到佢有下午茶set，就入去食啦，對於日本過江龍拉麵唔敢抱太大期望。食咗最基本嗰隻原味蝦湯拉麵，個湯OK好飲喎，好濃蝦味，食完唔會好頸渴。麵都煙靭嘅，有啲後悔揀咗粗麵，如果係幼麵應該更加掛湯，唔知係咪下午茶關係麵比較少。反而我覺得個綠茶蕨餅更值得留意，煙靭得來唔係好似啫喱咁膠，食完鹹嘅拉麵食佢就係完美嘅組合。

一幻間唔中都有搞餃子放題，平時都好難搵到有人陪我去，因為大家都覺得「食得幾多隻啊」今日終於有朋友願意同我一齊去試😂🍜每人必須點一碗拉麵先可以加到餃子放題。頭兩round餃子上菜速度都還可以，但係到咗後來要點兩次先來一次，甚至乎唔催佢都唔俾我。不過其實都唔使急，因為食到第四第五碟，再加埋碗拉麵都已經好飽。🥟餃子質素方面，做唔到脆皮效果。但係勝在肉汁夠多，咬落口十分Juicy😋😋20幾蚊可以食到咁多隻餃子其實都抵嘅，大食嘅朋友都可以嚟挑戰吓食到幾多隻🫢🫢

行行吓商場見到一幻嘅店面寫住周年慶買一送一😍估唔到真係咁優惠！唯一限制係$106要點兩款同樣嘅拉麵，我同朋友一齊叫咗個辛辣味，湯底好香濃！對食開辣嘅我嚟講唔算好辣，但係就好開胃，成碗拉麵食晒😂叫埋小食同啤酒。每人先至買單$100，真係好抵食！不過優惠好似去到17號咋🥹

平時多數食拉麵都係豬骨或者雞湯，第一次試蝦湯底嘅拉麵，湯底唔會太肥膩蝦味好濃郁好鮮甜，面嘅軟硬程度啱啱好，配料有叉燒肥瘦適中，今次我哋係用拉麵coupon，性價比極高，如果行過又諗唔到食咩拉麵係一個唔錯嘅選擇

好耐無去食一幻拉麵, 今日同屋企人去了荃新天地, 突然諗起一幻, 就去食, 呢間係我最鐘意的拉麵之一, 濃湯我鐘意, 麵質也是我喜歡的, 不會太硬, 又不會太軟, 餃子也好味, 我們叫了拉麵和餃子, 好滿足呀

Their restaurant had their buy-one-get-one free promotion again and this time we tried their seasonal menu. We ended up only paying $65 per person. However, unless you prefer prawn as the topping, I think you can order their regular ramen to save some money. Their prawn soup is already very rich and it overwhelemed the lobster flavor that you paid extra for.The ramen was quite large and with the rich soup it is really fulfilling. For the noodles, I suggest ordering firm because I felt even for m

𖥣 一幻拉麵 荃灣店位於City Walk 大型商場，泊車相當方便。現時進行買一送一優惠。特意前來一試傍晚時分入座，無需等待。原味鹽味蝦湯幼麵₈₈湯頭重口味 蝦味很濃郁 。配料有三片叉燒及半隻糖心蛋。麵條掛汁，份量充夠。餃子(5只) ₃₅單點小食。不過不失，底煎得幾香脆，餡料很足。能微微吃到薑的香味。賣相 ︎▪︎▪︎▪︎▫︎▫︎味道 ▪︎▪︎▪︎▫︎▫︎飽肚 ▪︎▪︎▪︎▪︎▫︎環境 ▪︎▪︎▪︎▫︎▫︎服務 ▪︎▪︎▪︎▫︎▫︎性價 ▪︎▪︎▪︎▫︎▫︎泊車 ▪︎▪︎▪︎▪︎▪︎

一幻拉麵係令人又愛又恨，點解咁講呢，因為佢嘅湯底係蝦湯，蝦味非常濃厚，第一啖飲落去係好滿足，但食到大半碗已經覺得好有點漏，通常半碗左右我就停，食唔到落去，但隔咗一輪又對個湯底念念不忘，所以就話對一幻嘅蝦湯底又愛又恨。已經大半年冇嚟食過，今日同寶貝仔心血來潮又嚟試下，而家做緊第二個餐半價，我哋就揀咗兩個一人餐，包一份沙律，餃子，仲有飲品，我叫咗支靜岡縣蜜柑梳打，相當唔錯，餃子同沙律做普普通通，兩個餐埋單好似唔使三百蚊。

日本過江龍一幻拉麵，係香港有多間分店，主打濃蝦湯拉麵。尖沙咀位於遊客區，比較多人，所以今次揀咗去荃灣分店試佢推出既任食餃子放題😆 惠顧任何一客拉麵，加$28 就可以一小時任食一幻餃子。睇menu 一碟5隻既餃子都做緊三十幾蚊。如果叫左餃子放題，根本上食一碟已經回本！今日放工過去，肚仔空空，目標係要吃十碟！🫢😹（講下笑） 一幻既蝦湯拉麵一向都有保證，湯底濃郁，唔會太鹹，食得出用料豐富。而餃子今次係第一次食，一開始店員已經每人上一客餃子。餃子唔算大隻，皮薄，餡料份量正常。食落味道偏淡，配上佢附上嘅醬油，配搭啱啱好。而且本身蝦湯已經好濃味，餃子清d 反而冇咁滯。不過餃子只係個底微微煎一煎香，總體感覺似蒸餃較多。最後大概一個人食咗三碟半餃子😆 17隻左右～基本上食完個麵都飽咗七/八成，但係本着放題嘅心態，點都要追加下餃子😅 不過真心要讚一讚侍應服務態度好好，追加餃子都好快送上枱，更會主動問我地使唔使再加餃子。女仔食完碗麵+ 2/3隻餃子就好夠飽。反而男士好啱去食呢個放題，有機會可以去挑戰一下！ 🤪

之前見尖沙咀店排長龍冇試到，今次見鄰住買有買一送一優惠所以即刻買，買完仲想快d 搵機會試，事關之前已聽朋友講好好味，來自日本北海道，自有捧場客！！😌今次揀左荃灣店，8點左右大約八成滿座，我地兩個人直入有位。即刻點左原味鹽味蝦湯幼麵兩碗（買一送一）...蝦湯麵一上枱熱辣辣，急不及待試啖湯，真係好濃蝦味，但又算清湯類唔會好厚身，好易入口，越飲越想飲，最後我地差不多飲晒成碗湯！...而麵質係彈牙有咬口，仲要碗麵都好大碗，女士基本上食唔哂俾埋男士食，好抵食下！炸左蝦脆脆好好味，如果再多d 就好！😌再點左幾款小食：胡麻汁脆辣雞拌青瓜$38冷盤黎，見上面有層紅油以為好辣，食落先知係蝦油，好好味好鍾意，覺得可以再多少少就好，幾啖就食晒...😅餃子5隻 $35，皮薄餡靚，好味！👍加叉燒2片 $20，因為冇咩小食可以叫，結果又點返叉燒，如果店舖提供多d 小食選擇就更好！收銀姐姐態度友善，食完有想下次再食嘅意慾，下次試另一款湯麵！😌

早輪見到鄰住買有買一送一拉麵真係好抵不過我覺得蝦味拉麵始終唔係太入味如果入味啲會更加好食湯底太淡個餃子就好出色👍🏻👍🏻枱面剩係得冰水，如果有暖水咁就好啦

今天同老婆去一幻食飯，頭痛的問題又來了，除咗叉燒飯外，我又甚麼都食唔到啦，事關我對蝦敏感，如果佢可以有朝一日會有清湯拉麵，我就可以試試！今日佢個叉燒飯唔夠汁，不過我老婆食得開心就好啦

晚上響荃灣見到一幻拉麵呢排做緊買一送一優惠，就同朋友二人去食下！❇️辛辣味噌蝦湯拉麵（小辣）賣相唔錯，麵質選了粗麵，都幾爽口，配料有兩片叉燒及半隻糖心蛋，叉燒都幾腍，整碗食完冇加底都幾飽湯底蝦味幾重，不過偏向味❇️濃厚豚骨蝦湯拉麵湯底有濃郁嘅豬骨味，與蝦湯味道配搭不錯，配料就正常味道❇️煎餃子買一送一餃子不過不失，底煎得幾香脆，不過餃子皮較厚跟餐仲有龍蝦沙律同一款飲品，呢個價錢食都幾抵❗️而且店員服務好好，有禮貌👍👍👍

📍一幻拉麵間唔中都會做下唔同特價優惠，之前有做過餃子任食。今次係海老牛乳蝦湯拉麵，買一送一優惠。另外一碗可以揀招牌蝦湯都得。🦐海老牛乳蝦湯拉麵 $138個人就揀左幼麵，覺得掛湯感高啲。幼麵食落都彈牙爽口，份量都唔少。蝦湯湯底加入左牛乳，蝦湯蝦味濃稠感有比牛乳沖淡。但口感更creamy，令到成個湯更滑。配菜有香煎大蝦、雞叉燒、南瓜蓉、芝士脆片、日本水菜。芝士片浸咗落蝦湯後，蝦湯嘅蝦味同芝士片嘅芝士融合，食落幾特別。

喺香港要搵到一間好食嘅拉麵真係唔容易‼️有啲又貴💔有啲又鹹💔———————————————呢間一幻拉麵算係我encore過唔少次嘅拉麵店，原因係湯底✔️好濃郁，又夠味👍今次黎既主要原因係覺得抵食😂💰$2482⃣️碗拉麵、2⃣️支嘢飲、1⃣️份南瓜沙律、5⃣️隻餃子，再加1⃣️份小食！埋單嘅時候見到門口貼住嘅poster寫外賣自取，同樣套餐再平幾十蚊，真係太抵！❣️❣️❣️我揀咗呢個係「辛辣味噌蝦湯拉麵」，雖然話係辛辣🌶️但其實唔係太辣，唔係好食得辣既人應該都接受到🤓