一家

營業中

休息中

上海風味之《一家》筲灣灣上海古色古風特色之《一家》，餐廳幾大開揚，裝修十分特別，有上海風味風格，menu好多野食揀，drink menu既飲品名稱都好特別，仲有自家既焙茶，餐具都好靚，碎豬手拼香辣茄子 $78：豬手好淋，好香酒味，茄子帶辣，非常香脆可口，黃魚石鍋淮山麵 $108：淮山麵質爽口彈牙，湯底清甜，黃魚煎得金黃酥脆，魚肉口感鮮嫩，上海糯米燒賣 $45：糯米口感軟糯，餡多皮薄，香味四溢，缸鴨狗玫瑰桂花湯丸 $45：湯丸口感香甜，外皮晶螢通透，口感Q彈，搭配桂花的香氣，十分夾，白雪茫茫 $45：冬日特飲，薑糖漿、紅豆、牛奶、生薑、蜜餞薑，紅豆好多有咬口，都飲得少少薑味，冬日暖陽 $45：冬日特飲，梨糖漿、薑糖漿、青檸汁、茉莉花茶、鮮薑、鮮梨、雪耳、四季橘，薑味十分濃烈，飲得少少辣口，飲後有暖身感覺

晚上嚟左呢間上海菜館食晚飯。先叫左兩杯冬日限定特飲，冬日暖陽就落左柑橘糖漿、蜂蜜、鮮薑、四季橘、葡萄柚、迷迭香、焙茶，成杯暖笠笠送上。白雪茫茫就落左薑糖漿、紅豆、牛奶、生薑、蜜餞薑，飲落薑味唔算好突出，似係甜味適中嘅紅豆牛奶冰。小食叫左臭豆腐，聞落幾臭，食落就唔太覺，炸得好酥脆，可以配啲豆瓣醬同甜醬。另外叫左外婆紅燒肉配流心蛋，紅燒肉粒粒層次分明，流心蛋一開二，蛋黃做到流心效果。最後叫左石窩咸肉菜炒飯，係天氣凍凍地時候食幾暖胃。整體嚟講食物正常，餐廳環境幾開揚，坐得舒服。

筲箕灣主要餐廳都集中喺東大街，其實呢個新商場都有幾間唔錯嘅選擇。想食中菜嘅話可以試吓一家～呢度有好多唔同嘅中式小菜選擇，非常有特式。櫻花蝦麻醬秋葵～$68秋葵冷盤食得多，擺盤咁靚嘅秋葵真係第一次見！賣相咁精緻真是令人胃口大開😍新鮮嘅秋葵加上日式胡麻醬，簡單而美味👍🏻黃魚石鍋淮山麵～$108平時自己屋企煮飯好少煎魚嚟食，因為洗魚好麻煩，二來煎炸嘢搞到成油煙味。今晚竟然見到有香炸黃魚即刻毫無懸念點咗嚟試！黃魚真係煎得好香脆可口，脆到骨都可以食埋😄淮山麵嘅湯底加咗蒜片一齊煮味道好香濃，好味到成碗湯都飲晒！而且用石鍋上嘅好處係可以保持湯麵嘅溫度🍜👍🏻食到最後碗麵都仲係熱嫁！一家蔥油白切雞～$128肉質嫩滑嘅白切雞上舖上大量蔥花，雞肉浸在花雕酒裏吸收晒花雕酒香濃嘅精華同味道，鍾意食雞嘅一定不能錯過！見到好多枱都有點呢個。今期特飲～冬日雪飄：加入左梨糖漿、薑糖漿、果汁、茉莉花茶、鮮姜、雪梨、雪耳同埋四季桔，飲落酸中帶甜😋白雪茫茫：咗紅豆、牛奶、生薑、薑糖漿，飲落好似飲緊紅豆冰，只係以牛奶取代椰汁，飲起來一啲都唔甜，健康滋潤又美味💖

形薈多咗好多好嘢食，今次就同朋友食呢間《一家》佢哋嘅餐牌每個星期都會轉，今次我哋叫咗兩個lunch Set ╰☆紅燒獅子頭 $65加$5可以轉菜飯紅燒獅子頭口感鬆軟又有彈性，白菜爽口，入口鮮甜，送飯一流～╰☆木須拉麵 $58麵條非常有彈性，嚼勁十足，配上多款配料惹味十足！╰☆豆沙鍋餅 $48豆沙餡係我嘅至愛，紅豆味道清香，口感綿密，甜而不膩╰☆型格大叔 $34| 瀟灑契爺 $40啲茶名好搞笑😆型格大叔係有巨蜂、菠蘿同汽水，入口好清新，而瀟灑契爺最頂層係用咗芒果🥭做個芝士雲好香甜

一入形薈就見到 好易搵門面同入面裝修都有種古色古香嘅感覺🏯但器皿反而就好摩登😆而且有位女店員好friendly見佢都有同啲熟客傾吓計仲會推介啲菜式比客人每張枱都有一壺茶我哋問店員先知係叫四寶茶裡面有雪耳、紅棗、杞子、香片越泡越香濃 就會多咗香片嗰種甘醇上海脆皮素鵝 $75 🙆🏿‍♀️大推！入面餡料包括甘筍絲同木耳絲日日人手製作外樣好酥脆 真係係酥嗰隻比較似鮮蝦腐皮卷嗰款而個餡口感較為爽脆配埋個汁剛剛好當然點少少醋會更提增佢嘅口感臭豆腐 $78 🙆🏿‍♀️推！傳統地配有甜醬同辣醬 任君選擇外皮夠脆 同素鵝唔同臭豆腐夠實淨 唔會一夾就散咬開之後嗰陣味湧出嚟咬落去都有 正😆(會食臭豆腐嘅人先會明嗰種正)外婆紅燒肉、流心蛋 $138 💁🏿‍♀️紅燒肉上層係肥膏下層係結實 沾滿醬汁嘅豬肉🐷比例啱啱好係3比1佢隻流心蛋好甜而且流心效果做得好唔錯最特別係加入咗墨魚因為以上海名菜—墨魚大烤為參考等啲紅燒肉吸到墨魚香🦑石窩咸肉菜炒飯 $108 🙆🏿‍♀️雖然個名同個樣都好平凡但我哋就貿然話去試因為認為呢個平平無奇嘅菜式先係地道菜用石窩上 所以等一陣就有飯焦佢用嘅係珍珠米口感會比較Q彈 同埋好香而且粒粒分明食後感

朋友介紹去一間食新派上海野, 又有機會試新野天氣時冷時熱, 叫咗兩杯熱飲都係枱頭餐牌推介:冬日暖陽, 好啱我, 有橙, 有薑可驅寒, 仲有迷迭香, 最喜歡濃濃迷迭香嘅香味, 真係好有特色朋友點的白雪茫芒, 就好似紅豆冰,不過係熱的飲法, 有創意!🤪點了一個香辣炸茄子, 茄子食得多, 但係炸到脆卜卜,真係好好味, 加埋少少蜜糖和微微嘅辣味, 絕對食到唔停得口😋上海野一定要點番個鍋貼食下嘅, 這個素鍋貼, 香、脆, 熱辣辣的, 沒有肉, 所以食落好清爽👍🏻今次唔係叫什麼上海粗炒啦, 我地叫咗個蝦仁腰花貳醬拌麪, , 蝦仁做到爽甜鮮, 而腰花一D羶味都無, 有埋麻醬拌麪, 這個Fusion上海菜, 食出個新鮮感👏🏻最後嘅豆沙窩餅係最傳統嘅做法, 豆沙好香滑, 這喚醒了自己係食緊上海菜呢~

我地6點幾晚餐食飯，我地食緊最後一碟菜，跟手幫我地收枱，黑短髮嘅員工仲無問我地就幫我地埋咗張單！！個黑短髮嘅員工仲要話出面好多客，其實係企咗3-4個人，完全唔爆！大家千祈唔好去，我叫咗律白，d菜係老又硬，無一樣係好

雖然今日係星期日，明白現今餐廳經營手法存在限時用餐時間，但我地只食左1小時，已經俾三個職員用各種手法追趕，朋友急忙將碗飯急住食，究竟發生咩事？急住追要我地埋單😡😡😡態度十分不友善。日式放題都有100分鐘用餐時間啦，我哋五個人食飯都係用咗一個鐘都有錯？呢間餐廳咁嘅態度我唔會再去😡

形薈原來都有餐廳可以打卡嚟到新派上海菜館一家， 睇得出裝修係別樹一格懷舊得嚟又加添咗新潮元素價錢唔貴亦幾好味店員推薦我地飲冬日限定嘅飲品都係有薑成份， 非常暖胃好好飲上海脆皮素鵝 ＄75呢道菜用素食料理嘅手法製作，但係味道卻好似啱啱啲食咗鵝肉咁，嗰脆皮做得好乾身， 咬落脆卜卜辣椒皮蛋＄58辣椒嘅味道同皮蛋嘅鹹味完美咁融合唔會太辣， 唔錯蝦仁腰花麻醬拌麵 ＄98呢道菜嘅口感好豐富，有蝦仁同腰花嘅嫩滑仲有麻醬同上湯可以拌麵一麵三吃棗泥拉糕＄48口感Q彈煙韌棗泥嘅味道濃郁

什果糖醋魚片 $70（＋上海菜飯）魚片每一塊都厚薄適中，吃上去不會因肉太厚而覺得不夠「脆口」，亦不會因肉太薄而覺得只吃「炸粉」，味道的酸酸甜甜亦恰到好處 ，讚😋👍🏻酸菜魚片 $80（＋上海菜飯）酸菜魚片好食，辣度剛剛好，麻感留在口中一陣子，正，配料豐富，第一次見酸菜魚片有番茄，讚😋👍🏻櫻花蝦麻醬秋葵 $68本身對秋葵麻麻，但朋友想食，所以陪佢食少少，黎到見到賣相好靚，試下囉...食落...WOW！有驚喜，秋葵爽口，麻醬加秋葵曾經食過，但加埋櫻花蝦哩個組合，第一次食，哩個配搭令我食多左秋葵😋😋👍🏻冬日特飲 - 冬日雪飄 $50朋友飲哩個，主要材料有：雪耳、鮮薑、青檸，佢話飲落感覺好潤🥰冬日特飲 - 冬日暖腸$50食完主茶再飲特飲熱荼，去油＋暖胃，perfect match！主要材料有：柑橘、蜂蜜、鮮薑、柚子、焙荼，睇返餐牌先知有迷迭香，成個組合好特別，讚😋👍🏻

今日放工，約朋友到形薈地下，《一家》上海菜館食晚飯，菜館裝潢古色古香，打卡位多，座位寬濶舒適。我們點了前菜樱花蝦麻醬秋葵，秋葵新鮮，加麻醬和樱花蝦鹹香，味道好夾。另外，我們order黑醋排骨同三鮮兩面黄，排骨一啖一嚿，酸甜開胃，三鮮兩面黄三鮮材料分別有蝦仁、雞粒及冬菇片，將材料淋在炸成薄脆麵餅食，層次十分豐富。一人一杯特色手搖茶飲，我揀咗善良姨婆：熱情果、百里香伯爵茶，鬼馬三叔：椰子芝士奶蓋紅豆抹茶，比一般台式飲品少甜健康。甜品缸鴨狗玫瑰桂花湯圓，加入玫瑰花瓣點綴，糯米酒槽清香，流沙芝麻湯圓軟糯，夾雜陣陣酒香😋

作為年輕既我 估唔到啲平時聽落好老餅既食材都可以整得有型有格！ 叫間餐廳既裝修都好新潮蔥油涼伴山藥（$50）-食落係爽口， 但又有點滑捋捋. 個口感幾得意～ 個汁係咸既～黄魚石鍋淮山麵（$108）-條魚無脆嫁！ 連啲骨都食埋！ 滕椒豆干絲炒苦瓜（$85）-苦瓜就敢係苦嫁啦～ 不過佢有啲類似花淑炒過既香味～ 所以都唔錯. 溫文爺爺（椰子芝士雲，伯爵茶，椰子啫喱）（$40）型格大叔（巨蜂，菠蘿，汽水）（$34）價錢唔算貴～ 可以一試

今日專登去咗筲箕灣搵朋友食飯，黎左一家到食晚餐一坐低侍應就俾咗一索壼四寶茶，入邊有紅棗杞子雪耳香片。小籠包上枱嘅時候熱辣辣，皮薄餡多咬落充滿肉汁糖醋排骨排骨非常厚肉，食落酸酸甜甜非常開胃，面頭仲有啲玫瑰花瓣帶出淡淡既玫瑰香氣。外婆紅燒肉糖心蛋紅燒肉分量十足，醃得非常入味咬落鬆化一d都唔覺得油膩，肉味香濃配埋醬汁十分滋味，入面仲配有幾件墨魚增添口感。干煸四季豆肉碎炒四季豆非常之有鑊氣食到停唔到口。缸鴨狗玫瑰桂花湯圓有四粒大大粒嘅芝麻湯圓，配上桂花同玫瑰花嘅香氣令人回味。非常外父呢度嘅飲品名都非常之鬼馬就咁睇個名完全估唔到入邊係乜嘢餡料，芒果芝士雲配搭伯爵茶口感清新仲食到粒粒芒果肉添。寸嘴表妹柑橘茉莉茶配搭雜莓加檸蜜爆珠口感幾特別，值得一試。餐廳菜單選擇非常之多，而且菜單名仲好得意添，侍應服務周到性價比非常之高，值得再嚟。

筲箕灣形薈有區內最多最新嘅特色餐廳，地下有間裝修懷舊風，富上海特色嘅上海菜餐廳，好耐冇食上海菜喇，就同朋友食下晚飯。餐廳裝修充滿舊上海懷舊感，除咗小菜，我哋點咗兩杯手調飲品，飲品用親戚關係命名，生鬼有趣😊蔥油涼拌山藥山藥爽脆，份量都幾多，拌上蔥油，好適合嘅前菜😋椒鹽肉排配金元寶椒鹽肉排酥脆，肉嫩唔乾，金元寶係包成元寶狀嘅炸雲吞，配甜酸醬一齊食😋石窩咸肉菜炒飯炒飯乾身，菜粒配咸肉，口感清淡，又有少少咸香，有風味😋潮爆公公，豔麗表姐潮爆公公係巨峰芝士奶蓋茉莉茶，綿滑中有茉莉清香😋豔麗表姐有粒粒荔枝肉同杞子，夠flesh😋

間唔中想食上海菜都好似唔多好選擇，屋企附近呢間餐廳一直都想試下，今日終於有機會😍 呢度環境裝修幾唔錯，坐得舒服。✿ 水煮魚片 ($188)好辣嘅我唔洗諗就決定要試水煮魚😋 水煮菜式個湯汁係最緊要，呢個足料食落夠麻😙 整體份量好足夠，無論係魚片定配料都好多。魚片好滑同完全冇骨，配料有蓮藕、薯仔、木耳同薯粉。薯粉係重點，索咗啲汁好惹味！✿ 非常外父 ($40)呢度飲品Menu好吸引，啲名全部都好過癮😂 呢杯係🥭芒果芝士雲配伯爵茶🍵 水果茶底飲落唔會好甜淡淡芒果味，飲到有伯爵茶味，而且芒果肉好多！最緊要係芒果芝士奶蓋😍 芝士味偏重嘅，同芒果茶底好夾。真心幾推薦呢度飲品，佢門口對外有個專賣飲品嘅位置，經過想飲好方便買到～