一家

營業中

休息中

筲箕灣美食攻略2023一家,隱世上海中菜小館新商場內,主打傳統加新派菜各式特色美食,今日2個人食個飯先黎一客蟹粉蝦球鍋巴再黎一條糖醋汁配原條魚前菜係先黎一份芝麻醬秋葵清新開胃既小碟前菜,加埋醬汁既味道,唔油膩又打開你既胃口迎接之後既主菜再黎係特飲,椰子奶蓋,濃厚入口即化,淡淡椰子香氣,茶底清香,好飲仲有秋冬特飲,果香突出,暖胃味甜順口所有菜式都係即做,預返15~20分鐘吹下水食飯岩曬好地方,唔會一口氣上曬菜,慢慢食,我都食左2小時魚肉起片起球,原條炸香,再淋上特製醬汁,酸爽帶甜既糖醋汁,味道令人流曬口水,魚片脆而嫩滑不腥,非常新鮮,個汁撈飯食一流鍋巴配蟹粉再加蝦球,脆脆爽彈蟹粉濃郁味道3者混合味道好豐富!!好突出~ 筲箕灣筲箕灣道393號形薈地下G04號舖Shop G04, G/F, Lime Gala, 393 Shau Kei Wan Road, Shau Kei Wan港鐵筲箕灣站 A2 出口, 步行約3分鐘

屋企附近有間裝修幾特色既上海食店，今日見得閒就去試下lunch。裝修真係好靚，好多打卡位，我都比較中式懷舊既裝修，諗返以前細細個屋企既街磚。😋櫻花蝦麻醬秋葵 $68哩個秋葵好爽脆，個賣相都好靚，有好多櫻花蝦配襯，全部企晒係度，擺盤都好特別。麻醬味道唔會太濃，配上滿滿櫻花蝦既爽脆秋葵，好fresh同開胃，做前菜一流。全部食晒👍🏻😋小籠包（4件）$50話晒都係上海店，必試小籠包。一籠4隻，望落去已經見到皮薄晶凝通透，咬落去好多汁呀，小籠包最緊要皮薄多汁已經贏晒。佢裡面既肉都好鮮甜，最緊要唔會係好乾身既肉。好味👍🏻😋一家葱油白切雞 $128上碟見到一大半都係葱粒，底部既汁原來係花鵰酒，配埋好嫩滑既白切雞，好入味。其實好怕食大大舊既雞同埋薑葱蓉既濃味，可能我比較怕食重口味既食物。所以哩個雞既味道剛剛好，有葱既鮮味又有花雕酒既香味好夾。記得浸下d湯汁先食，好正👍🏻😋炸芝麻團 （5粒）$45平時都好鍾意食煎堆，哩個係迷你版細細粒既，上菜時仲係暖架，煙煙韌韌嘅皮配上黑白芝麻既面，好吸引呀。個餡係黑芝麻蓉，係超級滑既黑芝麻蓉，唔會一粒粒，係勁好味👍🏻😋脫俗大家姐 $34士多啤梨羅勒茉莉茶，薄荷葉，士多

自從搬咗過嚟東區，《一家》係其中一間我常食嘅中菜館，覺得佢算係區內性價比較高嘅中式餐廳，而且佢仲有特式茶飲，款式多，有時經過都會就咁買嚟飲。呢日同朋友嚟食lunch，有午市客飯套餐，$65包前菜例湯及白飯，+$5仲可以轉菜飯。✨例湯青紅蘿蔔粟米豬骨湯，湯底香濃，唔鹹，好有住家的味道。✨韭黃蝦仁炒蛋客飯餐 $70韭黃、蝦仁、蛋呢個組合一定冇錯，而且永遠食唔厭。呢碟蛋炒得好靚，顏色金黃，而且炒得乾身唔油膩，蛋香十足，配埋韮黃更添香氣，更加好味，蝦仁爽口彈牙，份量仲好多！✨紅燒獅子頭客飯餐 $65我鍾意呢度嘅獅子頭，好啱我口味，醬汁唔會過份濃味得嚟又帶少少甜。獅子頭圓轆轆，肉質鬆化，而且好入味，索滿汁料嘅精華，娃娃菜腍身冇渣。✨小籠包(4件) $50 小籠包皮薄，內裡充滿肉汁，味道鮮甜，一啖一個，好滋味！✨櫻花蝦麻醬秋葵 $68秋葵腍身又爽口，配埋甜甜地嘅麻醬同帶有少少鹹鮮嘅櫻花蝦，係個好開胃嘅冷盤。✨扭擰妹頭 $36呢度嘅茶飲名稱都好特別，扭擰妹頭係柑桔伯爵茶、雜莓、檸蜜爆珠；茶味香濃，甜度適中，酸酸甜甜好fresh!!✨甜美二妹 $36朋友嘅橙柚子蜜糖伯爵茶、迷迭香；香氣撲鼻，啖啖清新。

˜”*°•.˜”*°• 一家。•°*”˜.•°*”˜最近喺筲箕灣發掘到一間幾唔錯嘅特色餐廳入邊嘅裝修都幾特別, 既有復古嘅味道亦都有少少古色古香, 位置亦都坐得幾舒服, 菜式亦都幾有創意同特色😊✿ 香辣炸茄子 💵 HK$58食落去脆卜卜😂感覺有啲似銀魚仔唔講都唔知道原來係茄子黎而且佢亦都有啲甜甜地嘅汁舖滿🥰呢個菜式幾新穎特別✿ 蟹粉蝦球鍋巴 💵 HK$128呢個蟹粉蝦球鍋巴我超鍾意💖佢哋三樣嘢拆開都係我嘅最愛😂超香濃嘅蟹粉膏香，加上好爽蛋嘅蝦球同好趣卜卜嘅鍋巴 食落去有好高既口感層次超級有驚喜✿ 海鮮澆頭麵 💵 HK$98材料超級粥，入邊有好多海鮮有帶子魷魚等等🫠而且佢嘅芡汁好濃調再加埋好有口感既麵質💕很不錯✿ 臭豆腐 💵 HK$78我係超鍾意食臭豆腐😂到枱嘅時候，臭豆腐嘅香氣橫溢, 最犀利係佢可以做到外皮脆, 而內裏嘅豆腐仍然都嫩滑✿ 小籠包 💵 HK$50呢度嘅小籠包超多高湯喺入邊, 皮薄餡靚, 一咬落去嘅時候啲湯流晒出嚟❤️超好味上枱時仲要係熱辣辣㗎✿ 冬日飄雪 💵 HK$50呢個冬日飄雪係呢間店嘅特飲之一入邊有杞子, 薑, 雪梨🫠甜到剛剛好好暖胃感覺超級養生同好有特色✿ 非常外父

筲箕灣新派的上海菜✨💓🦥鄰近鐵路站和巴士總站，交通方便，餐廳佈置有格調，和諧懷舊的風格，設有獨立卡位，舒適好坐。餐牌都是以上海菜為主的中式料理，有傳統的上海菜，也有獨特的餸菜，飲品也別具心思，有果茶、芝士雲系列等等。《櫻花𧎚麻醬秋葵》$68精緻的前菜，健康的秋葵，以豎立的方式呈現，表面舖滿了超多的樓花蝦，配上麻醬，開胃前菜。《一家蔥油白切雞》$128超香濃蔥油味的白切雞，表面舖滿了超級多的香蔥，加入花雕，令味道更鮮甜美味，雞肉鮮嫩，雞皮彈牙，推薦✨✨✨✨《白玉蒸蝦球》$198又一精美的餸菜，像雲朵一樣上碟，大大隻的蝦球，爽滑彈牙，配上技巧性的蛋白，天作之合，口感軟綿。《金湯萬壽果鰂魚湯》$158中式靚湯，熱滾滾香噴噴，整條的香煎鰂魚放在金黃色的湯水內，更有木瓜和雪耳，木瓜很軟腍，非常惹味！飲品的名字也相當有趣。《長氣嫲嫲》$34果茶系列之一，材料包括：熱情果茉莉茶和羅勒，很清新的感覺，非常解渴。《冬日暖陽》$50冬日熱飲，材料包括：柑橘糖漿、蜂蜜、鮮薑四季橘、葡萄柚、迷迭香、焙茶。總結：新派上海菜，有質素！

呢間喺筲箕灣嘅上海菜裝修幾新，價錢親民。▶️蟹粉桃膠一位 $120呢個係熱辣辣有個小爐熱住，蟹粉幾香，入邊仲有啲蟹肉，有桃膠感覺非常養顏。▶️糖醋小排骨$78糖醋排骨有冰糖味，有酸酸地醋味。排骨唔會肥，夠瘦但係又唔會太硬。▶️炒雞菘配叉子燒餅$128叉子燒餅有芝麻又夠香脆，然後可以將啲炒雞菘塞滿佢，塞到非常飽滿。▶️冬日暖陽$50葡萄味突出，茶味香濃。有柑橘糖漿、蜂蜜、鮮嘉、四季橘、葡萄柚、迷迭香、焙茶。▶️冬日雪飄$50呢個夠滋潤、甜甜地。有梨糖漿、薑糖漿、青檸汁、茉莉花茶、鮮鮮薑、鮮梨、雪耳、四季橘。▶️缸鴨狗玫瑰桂花湯丸$45呢個賣相好靚，有玫瑰花瓣喺面，湯圓大粒又夠軟綿綿。入邊芝麻餡流心好味道！另外餐廳設有茶芥$10/位。呢間餐廳小店嚟講食物選擇有好多，而且水準都唔錯。

櫻花蝦麻醬秋葵諗到這個餐前小吃嘅廚師實在太聰明爽甜嘅秋葵配搭上麻醬，再加上美麗可愛嘅櫻花蝦三樣嘢加埋簡直係開胃又醒神準備迎接一餐美味豐富嘅晚餐一家蔥油白切雞大量花雕酒加大量蔥花，淨係這兩個食材已經知道這一隻白切雞一定係好味濃郁，再看看雞肉嘅紋細密依個雞肉一定係非常幼嫩鍾意食雞嘅人一定要叫白玉蒸蝦球大大隻玻璃蝦球，加上蛋白這樣的類似賽螃蟹嘅料理，再加上黑醋成為濃烈嘅上海味道芬香撲鼻 送飯一流金湯萬壽果鰂魚湯金黃色魚湯鮮味濃郁，大大碗熱騰騰啱晒冬天呢個湯真係好適合一家大細 尤其是平時冇湯水嘅朋友嗌上一碗見到一種溫馨健康農家嘅感覺出晒嚟長氣嫲嫲冬日暖陽兩杯飲品 完全係冬天嘅最愛因為薑味濃郁，有一種飲完落去全新發暖嘅感覺這間舖頭環境真係非常優美，好有一種溫暖，上海菜館嘅感覺，每一個位都係打卡位這間舖頭無論環境服務食物等等質素都非常之好，相信一定會越來越好為大家團年飯也好 選擇咗一個最理想嘅地方

裝修是中式懷舊風格，餐廳劃分了一角專做飲品。今次叫左💖 口水雞💖 蟹粉花膠白玉💖 蟹粉蝦球鍋巴💖 溫文爺爺和冬日雪飄 （飲品）特別介紹蟹粉花膠白玉同蟹粉蝦球鍋巴❣️蟹粉花膠白玉底下是蒸得很滑的蛋白 (蒸蛋白比蒸蛋白+蛋黃難度高)，配上蟹粉的鹹香和花膠。蟹粉蝦球鍋巴，脆脆的鍋巴上放了鹹香蟹粉+大隻蝦和炸蔥，很新鮮的配搭。口水雞微辣，和川式口水雞有啲唔同，醬料的鹹味比較突出但又不會過鹹，雞肉非常入味，送飯一流。飲品叫了兩杯，溫文爺爺和冬日雪飄 (張單寫冬日暖陽但其實經過對比我覺得佢俾咗冬日雪飄)，店內的飲品名稱很有趣，很多以家族稱呼命名，其他還有大哥、姑姐等。溫文爺爺是芝士奶蓋椰果伯爵茶，清甜的茶香。冬日雪飄非常推薦，鮮果的果香甜度剛好，加上溫和不濃烈的些許薑味，冬天飲很暖胃。

位於筲箕灣新開嘅商場形薈嘅 ”一家” 上海菜餐廳 裝修精美可打卡 連餐牌嘅設計都有心思 多款菜式 有辣有唔辣 飲品以家人親戚命名好有愛🥰-🐥雞絲粉皮 $68麻醬份量啱啱好 開胃涼拌係唔錯嘅前菜之選-🥢上海糯米燒賣 $45特色點心味道唔錯而且糯米亦唔黐牙 新鮮蒸好👍🏼-🥟 菜肉鍋貼 $50 每隻香煎鍋貼都好飽滿 肉汁鮮甜-🦀 蟹粉白菜花 $50淡黃色嘅蟹粉配上健康蔬菜 既高貴又特別-🐓 七里莊酒糟醉雞 $88涼浸浸嘅醉雞都好入味-😙 高力芒果奶黃 $60熱辣辣軟林林嘅高力流心奶黃 唔單止適合打卡 味道亦唔錯- 飲品:🥭 嬌滴滴姪女•芒果芝士雲茉莉茶 $40芝士層上有芒果肉 整體唔會太甜 好適合少女-❄️ 冬日雪飄 $50雪梨薑茶飲完全身暖哂 啱晒冬天

放假去玩，出返黎筲箕灣搵野食，見到一家中華餐廳好多特色招牌上海菜，包括極品蜜汁金華火腿、蟹粉桃膠、白肉翠紅霞等都係餐廳mark住既必食推薦，勁吸引餐廳設有多個打卡位，又有特色卡位，坐得非常舒服。一家無論係菜式、餐廳裝潢、餐具，都睇得出花左好多心機係裏面👍🏼👍🏼👍🏼餐廳整體好有特色🏅，道道菜都好有心思，值得推薦，一家人過時過節🎎、朋友聚舊🍽、情侶打卡📸，都非常合適。🎖🎖極品蜜汁金華火腿：TOP1🥇上海招牌菜✨，點心籠拎起四方餅後，放入香甜金華火腿+酥脆烤素方+清新青瓜，夾住一齊食🫧，餅皮好軟熟、素方脆卜卜💥，咸甜咸甜既味道，口感非常豐富，好滋味😋😋🎖🎖蟹粉桃膠：印象中既桃膠都係一道甜品，當桃膠同蟹肉蟹粉一齊煮🦀🦀，成碗桃膠帶出濃濃鮮味同咸香味✨✨，口感好獨特👍🏼👍🏼，上菜既時候好似燉燕窩咁，好high class👍🏼🎖🎖白肉翠紅霞：配蛋白食落好滑口，清甜，仲有大大粒蝦肉超多蟹籽😍😍🎐櫻花蝦麻醬秋葵：擺盤具有心思🏵，上面灑漏櫻花蝦麻醬，為平凡秋葵帶點特色🎐小籠包：上菜熱辣辣，雖然皮薄但夾起唔會爛，蒸得岩岩好💯，咬落去小籠包勁多湯汁🎐鮮肉鍋貼：鍋貼底煎得好香脆，皮薄🥟🥟，咬落去好多肉汁🎐水煮

正所謂一家唔知一家事，家家有本難唸的經呀麻，可能屋企人平時真係好長氣好煩，但當你有事既時侯，佢地永遠都會係你身邊默默守護你，其實無論你係外面遇到分叉路，又或者係迷失左，只要返到屋企，無野係拆唔掂。👇📌鍋 の 嚐 - ▪️ 御 膳 醉 雞 鍋 - $208▪️ 豆 苗 - (+$50)▫️ 天氣咁凍無理由唔嗌呢個「御膳醉雞鍋」暖一暖胃先啦，湯底用左藥膳當中包括當歸、杞子、紅棗、菇菌，成個湯底飲落相當清甜，藥材香味非常滋補，而醉雞食到香濃花雕酒香，肉質又夠軟滑，完全唔油膩，幾好食；食到落尾加左50蚊嗌埋個「豆苗」，吸收哂湯汁精華，食落軟腍入味，夠哂滿足。📌食 住 等 -▪️ 小 籠 包 - $50/4件▫️ 再黎多個「小籠包」，一籠四件，就咁睇賣相就知皮薄餡靚，就算夾起都唔會穿底，呢點要讚，咬開仲有滿滿既湯汁，月不過一定趁熱食，一啖一粒直接拍入口就岩岩好。📌打 底 - ▪️ 石 窩 咸 肉 菜 炒 飯 - $108▫️ 最後一定要整多個主食「石窩咸肉菜炒飯」，一上枱jarjar聲夠哂好聽，炒飯粒粒油潤分明，裡面夾雜住一粒粒咸肉菜，食落鹹香十足，終於明咩叫做極緻既惹味感呀。📌果 茶 系 列 - ▪️ 白 雪

餐廳座位好闊落，不單止坐得好舒服，原來仲有好多打卡位，裝修、擺設都好有復古懷舊風格，由外到內都睇得出好有心思，舖頭內仲有兩大個好有特色既霓虹燈，臨近聖誕，仲加左少許聖誕裝飾櫻花蝦麻醬秋葵 $68前菜擺盤好有心機，一小碟滿碟都灑滿櫻花蝦，意想不到麻醬搭配秋葵，味道幾match， 感覺好清新，另外，秋葵好爽口好新鮮👍口水雞 $88辣道唔係好進取，所以唔係好食辣既人都食到，少麻少辣，辣味好香，雞肉肉質嫩滑，整體唔會油膩。小籠包 $50一籠有4件，食上海菜必食🫶🏻，皮簿餡靚， 咬第一啖，超多湯汁爆出嚟，所以一定要用匙羹盛住，唔係就流走哂啲精華～～～白肉翠紅霞 $198個名好靚，味道都好掂😝，主要由蛋白、大蝦、露筍、蟹籽炒製而成，蛋白入口好嫩、大蝦好鮮好爽口，配合埋露筍、蟹籽，口感豐富好fresh。極品蜜汁金華火腿 $180由類似刈包既包、青瓜、金華火腿、脆豆皮組成，蜜汁另上，口感好有層次，由軟到脆再到清爽，金華火腿唔會好鹹，沾上蜜汁，味道鹹甜鹹甜咁，幾有趣，個人覺得呢款最有特色，必試！水煮魚片 $188凍冰冰緊係食下辣野暖暖身，order左水煮魚，賣相紅卜卜好吸引，魚片完完全全吸收湯汁既精華，

之前去開筲箕灣嗰頭工作 一入商場就見到呢間中菜🍜 餐廳嘅裝修靚又有特色 有唔少打卡位添📷 我坐咗喺三間小屋入面 仲有啲舊香港照片係牆上 小屋入面係卡位 所以幾好坐又寛落😗 原來佢中午會有lunchset添糖醋小排骨 $78佢呢個糖醋小排骨算係前菜 所以佢係凍食😝 糖醋小排骨色澤紅潤 就好似掛咗一層亮亮嘅紅色外衣 顏色好夠🤓 小排骨味道酸甜 格外開胃 而佢已經煮到骨肉分開 不錯🐷小籠包 $50小籠包一籠四粒🥟 小籠包熱辣辣上 小籠包包薄 入面係滿滿嘅湯汁 再有肥而不膩嘅肉餡😛 湯汁同肉餡唔會太鹹 再沾上醋同嫩薑 味道更佳😙善良姨婆 $36佢哋啲茶飲名好搞笑 茶飲嘅組合都同平時嘅唔同 比較少見😛 呢杯善良姨婆有熱情果、伯爵茶、百里香🍹 第一啖飲落去酸酸甜甜 特別係熱情果嘅酸 仲可以咬到啲熱情果添😉 之後會飲到伯爵茶嘅香味 最後再有少少百里香嘅甘味 層次幾豐富😚

一講去筲箕灣食野就係諗東大街，但其實東大街附近都有好多新開好食嘅食肆可以選擇😄😆櫻花蝦麻醬秋葵秋葵爽口，麻醬加埋櫻花蝦乾，咸香鮮甜又賣相一流，味道同份量都超過預期👍😋口水雞麻辣鮮香，愈食愈想食🤤😋👍鮮肉鍋貼鍋貼皮不過厚，肉汁豐富，同出面啲hea貨唔同，一問之下，原來係自家手作出品，難怪👍👍👍水煮魚片🐟🐟魚片滑溜，湯底鮮甜又香又麻又辣，配菜充足，有水準👍👍👍😋😋😋帥氣姑丈俾佢個名吸引咗，柑桔薑焙茶加蜜糖，滋潤又暖身😋👍白雪雪姑姐白桃焙茶，入口桃味突出，焙茶味押尾，清新解渴😋👍

晚上嚟左呢間中菜館食晚飯呢間店旁邊仲有副線賣特飲野飲名仲夠哂玩味嗌左杯白雪雪姑姐係白桃焙茶飲落有爆珠同埋白桃果肉碎另一杯嗌左嬌滴滴姪女係芒果芝士雲茉莉茶芒果芝士酸酸甜甜茉莉茶底飲落幾清香前菜叫左碟麻辣香炸鳳尾魚鳳尾魚炸得好酥脆魚骨幼身可以到成條食晒啱哂用黎餸酒然後係招牌菜一家蔥油白切雞面頭有爆多蔥，食落又唔係好油白切雞食落好滑，份量都幾多汁底仲加左花雕酒令到D雞肉加多陣酒香味另外叫左個白肉翠紅霞係蛋白炒大蝦，仲配左露筍同蟹籽蝦肉好大隻爽口，配左啲醋食更添鮮味最後仲嗌左份蟹粉桃膠咸咸嘅蟹粉同桃膠幾夾有D似海皇羹既味道整體食物質素唔錯餐廳裝潢都好有心思有唔少懷舊打卡位同埋都坐得舒服，值得推介