一品螞蟻

大大話話幫襯咗呢間餐廳超過8年，今日是他們最後一日營業。幫襯得最多其實係響疫情期間，因為不用回公司的日子比較多，由家門到這店都是10分鐘內的路程，所以經常幫襯，這店門面不起眼，容易行兩步就miss咗，不過步入店內，位置很多，有很多卡位，坐得都幾舒服，呢個都係其中一個原因會諗起在這裏吃東西。捱過咗黑暴，又堅持捱過幾年的疫情，想不到以為一切可以回復平常，最捱不過就是加租，很可惜。這裏的湯麵是我經常食的，海鮮湯底夠惹味，米線夠彈牙，各樣配料都不錯，曾經一次和朋友在這裏食晚飯（我很少出街食飯），當日嗌咗牛扒，竟然有驚喜，不是那些拿到冇晒質地，冇晒牛肉味嗰啲港式餐廳做法。聽店員講，他們的紅磡店會繼續營業，部分員工都轉移到紅磡店。有機會去開黃埔，都會試吓嗰邊先得。謝謝你們在黃大仙服務咗咁多年。…查看更多

之前成日食一品螞蟻早餐，今次終於有機會試佢晚市，真係有驚喜！首先見到個德國鹹豬手鐵板套餐已經好吸引，切落去「咔嚓」聲超爽，外皮脆到不得了，入面啲肉又嫩又多肉汁，每一啖都好滿足又邪惡。沙律都好有誠意，鴨胸幾厚，唔乾柴反而好香滑，配埋啲新鮮蔬菜，好清新。最特別係薯菜三重奏，🥔薯仔粒、薯蓉加埋🥦西蘭花同🌽粟米，層次感好豐富，唔會食到膩，反而越食越開胃。整體嚟講，晚市水準高過預期，想試嘅就要8月16號之前去試吓喇～🍴…查看更多

今日咁啱返嚟黃大仙附近買嘢，作為減脂增肌人，咁本身諗住試吓新開嗰間湖南菜，唔知佢禮拜六冇套餐優惠，離開嗰陣時經過呢間，見到90幾蚊都有牛扒餐食喎，咁牛不嬲都係優質蛋白質😍。就過嚟試吓啦本身其實冇報咩希望😂，因為出邊食牛扒平價多難有好嘢。純粹出邊食慳時間同埋補充埋蛋白質（增肌）本身以為$90得一塊扒跟薯菜湯嘢飲嗰啲同埋其實你哋都知道啦 出邊嗰啲薯菜多數係薯條嗰啲 跟住原來佢可以撿三款（去到呢個位置我都係抱住一個注定中伏嘅諗法）大佬你諗吓！食牛扒咁平喎 仲要成個Set咁多嘢）咁我就揀咗牛板腱（+10）春雞半隻（+10）再加法蘭克腸牛板腱：上到嚟非常高質，睇得出廚師有醒肉🥩，一刀鋸落去出肉汁。牛扒好香，有牛味，唔會過老，切開你見到佢入邊係有粉紅色，但又唔會夾生。好嫩 （呢個真係大大出乎我意料）春鷄半隻：皮有焦香，搭配埋蒜蓉汁幾夾，大量優質蛋白質，佳！薯菜：沙律有單獨一兜，個碗size都唔會mini。薯仔有驚喜，唔係薯條嗰啲，係嗰啲美國焗薯切成塊，幾香。減脂就唔好食薯條，今日呢種焗薯係非常好嘅碳水來源法蘭克腸：條腸幾大條，不過唔係幾啱我Taste，早知叫牛板腱哈哈都會有甜粟米搭配埋，整體我覺得呢個性價比幾好（最主要係佢個牛真係整得幾靚，雖然唔係好大塊啦😂😂但我一個女仔嚟講我覺得係ok嘅 咁嘅質素 男仔可以叫三塊牛板腱）❗不過要留意有一個特殊嘅位係，我係Tea time嚟嘅，唔知如果夜晚廚房忙嘅話會唔會對食材嘅火候有影響🤔同埋因為春雞要焗~會需要等比較耐總結：平價減脂/增肌懶人優選。…查看更多

喺黃大仙中心覓食，嘗試搵間西餐廳食下，見到呢間舖頭有唔少晚市套餐選擇就入咗去。套餐有主菜、湯、小食、甜品加飲品都係$100以內，感覺幾抵。跟餐時蔬及羅宋湯 ★★✰✰✰所謂時蔬感覺好似以前小學食嘅飯盒，啲菜煮熟好耐然後不斷翻熱住但又無乜味。羅宋湯係我飲過數一數二唔好飲嘅羅宋湯，非常稀得嚟蔬菜未煮得腍。ABC豬軟骨炒飯 (套餐 $98) ★★✰✰✰首先炒飯碟邊有幾粒白飯，感覺唔係好衞生。本身以為ABC醬係辣醬，但食落感覺甜味好重，醬汁好濃稠，令到碟炒飯好濕一pat pat咁。豬軟骨亦偏鹹。跟餐椰汁紅棗糕 ★★★★✰成個餐最正常係呢份甜品，都算接近普通酒樓品質。整體而言，如果對食物味道好不講究，呢份晚餐絕對食得飽，不過如果比較重視食物品質的話就未必會食晒了。餐廳環境、服務一般，其中一項優點就係無乜客人所以可以任坐唔會有時間限制。…查看更多

今日好肚餓既情況下經過依間舖諗住醫下肚，叫左個厚切西冷牛扒意粉，點知上菜時我仲以為上錯，塊牛扒薄到...仲要好乾，應該係午餐賣唔去再番煎賣比客人。香港既飲食業真係比依D餐廳拖累晒。…查看更多