一冰廳

小弟第一次到這一區揾食,本來想找一家全統老店,行過那老店門外見環境比預期差得遠,衛生看似非一般的差,雜物滿店旁,店內也不太清潔,所以再次搜尋,見這家"一冰廳 "人家拍照及評價也不錯,環境也較理想...所以行過來看看.一入店內,店子小但很有feel,邊看餐牌邊聽八十年代的流行曲,如草蜢的'失戀”,林子祥的“分分鐘需要您”,真的有點“回到過去”的感覺..好了，是時侯點餐了，見圖,常餐45-50蚊不等,樣樣都是特色花心思的東西,我點了"黑豚肉 沙嗲撈丁,只見這名稱便可知吾會或冇咩可能差得去邊,穩陣之選..結果呢.!?!咩話！ 冇咩水位gain profit wor...真係細滑黑豚肉薄切,量多,有十多塊,一丁當然係怕你吾信比你麻油原包自己開,沙嗲極香極濃勁多,撈下撈下,一定好味啦！之後再試餐配滑蛋,well .nice..董得做一定這樣做嘛,加了些花奶的蛋漿,香煎後令口感更滑,蛋味也升華了..再試多士,配名牌牛油,好！多士要做到這樣趣,要火候還要噴霧水,真花時間心機...最後,即磨咖啡,一般okay,no comment at all.小弟結論：試一次有下次.…查看更多

我喜歡早餐架茶餐廳，在土瓜灣中出眾的茶餐廳， 經歷疫情屹立不倒在土瓜灣區。它的咖哩汁蛋飽飯是招牌餐， 我最喜歡就是它的奶茶， 香滑架奶溶入茶中。 早上一杯香濃奶茶，醒神工作架一天。…查看更多

本身很期待…叫了K字頭的外賣，「鮮粟米忌廉湯餐肉通粉餐」，鮮粟米忌廉湯完全淡而無味，顏色亦偏米色（與圖文不符），所謂手打粟米及沒有落麵粉完全喝不出來，而且湯的份量極少，加上意粉也沒有外賣盒的一半，意粉偏硬而份量也偏小。餐肉也預了不多，丹麥麵包及炒蛋最正常。另一個「滑蛋蔥花叉燒飯」份量亦不多，$7x性價比甚低，男士吃不飽。餐具只有一隻叉、一隻羹但有兩支飲品棒，所以是預客人怎樣用？餐具也要節省成這樣真的有點說不過去。最後想說，本身這是土瓜灣名店，食評也很好，是抱着期望，可惜應該不會再有下次了。…查看更多

唔知由幾時開始，炒蛋嘅能力，成為咗評價一間茶餐廳食物水準既重要指標。而呢度既炒蛋，係做得十分出色。 無論係常餐既炒蛋、叉燒炒蛋飯、或者各種蛋包飯，只要有炒蛋都做得好好食。 炒蛋蛋味香濃，生熟程度啱啱好夠晒嫩滑。常餐嘅多士，可以揀一般多士或者丹麥多士。 丹麥多士較厚身，麵包更有層次質感，但亦比較邪惡同飽肚。 啱曬大把quota人仕。沙爹豚肉麵，沙爹夠濃，豚肉亦嫩口。此外，用忌廉湯底做既常餐通粉都好值得推介。 忌廉湯底用得足料，濃濃既忌廉湯底包圍住通粉，簡單但滿足感十足。…查看更多

琴日食咗人生中最難食嘅豬扒撈丁，個面完全係冇味冇落任何調味，咁都可以拎個客食，另外豬扒係鞋，另外我係嗌咗凍檸茶少甜，佢同我走甜，唯一要讚嘅係餐廳裏面嘅冷氣充足，但係呢間嘢我絕對以後都唔會再幫襯，食物真係好難食，連咁簡單嘅豬扒撈丁都整到咁樣！仲要$57！ 下次寧願去大家樂食好過，第一次去食，亦都係最後一次幫襯！ …查看更多

呢間位於土瓜灣嘅一冰廳，主打每日以新鮮粟米即磨嘅粟米忌廉湯湯底，唔知係唔係有太多媒體報導，所以等位嘅人數都唔少，但餐廳整體嘅安排同員工嘅工作態度就麻麻。雖然嚟食茶餐廳唔係追求酒店級嘅服務，但漏單同送錯餐嘅問題持續發生，咁唔知味道又點呢？等位嘅時候，以下係真實場景：食客A：2位，唔該。門口姐姐：哦……隔咗一陣……食客A：點解人哋有飛仔，我無嘅？門口姐姐：我以為你唔等囉！入到餐廳嘅時候，以下係真實場景：1. 餐廳啲位係極窄，而張枱又唔大張，雖然係疫情緩和期，不過由於人數太多，餐廳都安排搭枱。（唔係太大問題，我哋都體諒同接受安排。）2. 待應姐姐A：有無人叫咗炒蛋，係唔係你哋呀？（如是者，呢份炒蛋就遊走咗好多張枱，真係唔太衛生）3. 待應姐姐B將碗通粉放低之後，我哋就攞嚟影相，再用匙羹舀起，突然間，佢行返嚟，將碗通粉攞走，話係隔離枱！（我哋話我哋食過喇，最後佢先無拎去隔離枱）4. 而我哋另一份西煎雙蛋配厚多士就等咗20分鐘，明明見到遲過我哋嘅食客都有西煎雙蛋配厚多士。（但佢哋就等咗好耐碗通粉，而同我哋搭枱嘅食客亦等咗好耐炒蛋）希望啲嘢食好味啦！湯底標榜每日以新鮮粟米即磨，不含味精同麵粉，我哋當日2點嚟到，唔知係未真係人太多，溝咗水呢？個粟米忌廉湯嘅味道比較淡，但尚算杰身，午餐肉就大概有8-9粒。呢碗出前一丁好硬！不過，沙嗲肥牛好濃郁，加番唔少分。西煎雙蛋嘅蛋香味十足，隻蛋黃爆晒汁，唔錯。…查看更多

星期六去開土瓜灣，咁就諗住食個午餐，Google下睇吓附近有咩餐廳，俾我search到呢間一冰廳！餐廳喺地鐵站行需要大約5分鐘，位置喺車房附近，門口望見入面地方吾大但坐滿人!  入到去坐低後叫左芝士咖哩蛋包飯配日式炸雞，咖喱汁係偏甜，而芝士汁就好滑身，炸雞都大舊，有4件，咬落有肉汁，炒蛋夠滑，另外跟餐杯凍奶茶都吾錯，值得推薦，下次過黎會試埋好多人叫嘅粟米忌廉湯火腿通粉!!!不過舖太細，坐得唔算舒服，會坐得靠貼，另外要留意營業時間較短,冇晚市,星期日休息, 想去就要留意營業時間!!!一冰廳地址: 土瓜灣長寧街53號地舖…查看更多

最出名一定係佢哋既粟米湯 同埋炒蛋🍳我分別去過兩次 都無令我失望！餐廳食物種類多 絕對唔會悶 而且每人仲有3-4款每日限定😗 每個餐仲配一杯熱飲☕～留意返佢哋只係開到下午5點👀日式咖哩汁🍛&粟米汁🌽牛肋條蛋包飯 ($67) 呢個蛋包飯想食好耐 佢果然無令我失望！個蛋超級重蛋味 而且炒得好滑+ fluffy🍳 牛肋條份量都幾多 至少5-6大舊 好飽🤰🏻而且牛肉燘得好淋✌🏻唔會柴/ 乾！再配埋d醬汁真係100份！性價比超級高！醬汁選擇都有好幾款 仲有芝士汁🧀️、番茄蓉🍅、同埋黑椒汁！鮮粟米忌廉湯通粉🫕($46) 呢個超級適合早餐 又有佢哋既招牌粟米湯 又可以食到佢哋既炒蛋😍 幸福！炒蛋重要揀埋蔥花炒蛋 令到味道更加豐富👅就連麵包佢哋都唔hea 有的選擇丹麥吐司 或者厚吐司🙌🏻🍞 味道：🍳🍳🍳🍳.5/5 📍一冰廳 (土瓜灣)地址：土瓜灣長寧街53號地舖…查看更多

📍一冰廳 (土瓜灣)土瓜灣長寧街53號地舖突然好想食港式茶餐廳，呢間店必食粟米湯通粉同埋炒蛋，炒蛋系用三款不同蛋整成，蛋味濃，加埋蔥花，好高質☁️鮮粟米忌廉湯通粉$46午餐肉已經煎左面，好香口，食材足料，粟米湯好creamy，每日新鮮整，濃郁香口，好好食😋+$10奶油脆豬脆豬大約等5mins ，鋪滿煉奶，好邪惡，好脆口☁️沙嗲煎牛肉撈一丁$57蔥花炒蛋丹麥多士好少見餐廳跟丹麥多士，丹麥多士鬆軟，牛油味重，炒蛋半生熟，滑溜，好好食沙嗲麵叫左多汁，沙嗲有粒粒花生，牛肉份糧都多，柔軟不韌，出前一丁爽口。#土瓜灣#土瓜灣美食#香港#hongkong#hkfood#hkfoodie#食好西#相機食先#手機食先#香港好去處#週末好去處#情侶好去處#閨蜜好去處#港式#茶餐廳#茶記#沙嗲麵#撈丁#粟米忌廉湯#奶油豬#炒蛋#eating_and_working_in_h_土瓜灣…查看更多

之前看到很多人推薦一冰廳的鮮粟米忌廉湯火腿通粉，終於有時間來試他們的早餐了！ 我們點了兩個早餐，分別是鮮粟米忌廉湯火腿通粉和沙嗲煎牛肉一丁。我們再加錢把厚多士轉成了奶油脆豬。 鮮粟米忌廉湯火腿通粉應該是這裡的招排菜了吧，據說是用了粟米罐頭湯再另加新鮮粟米加以調配，質感十分醇厚。湯底的確吃得出自家製的風味，但可能平常吃多了口味重的湯底，這個粟米湯底略為偏淡，如果喜歡吃清淡一點的人應該會很喜歡，我自己會喜歡再濃味一些。 而沙嗲牛肉麵也有驚喜，是濃濃沙茶味的沙嗲汁，我認為跟那些神級沙嗲牛肉麵屬同一戰區。牛肉也是柔軟不靭。 炒蛋看樣子就知道高水準，是那種半生熟剛剛好的熟度，非常滑溜。 說到奶油脆豬，吃起來是密度比較高的麵包，比起一般的奶油脆豬軟，一點點脆，上面塗抹一些煉乳，可是因為很厚實，所以也相對比較飽。…查看更多

土瓜灣人必食！必試餐廳的粟米濃湯，試過多次仍能保持水準，湯底清甜可口，且帶有粟米的纖維！茶餐廳的奶茶也不錯，奶香茶或茶底香濃輕微苦澀，令人一試難忘！沙嗲牛肉湯麵，亦是必食之選！…查看更多

【九龍城區】【一冰廳】喺土瓜灣搵嘢食，不過我搵嘢食其實係有一個唔係咁好嘅習慣，就係我會求其亂行，行到邊食到邊咁。優點係唔會被外在環境影響我嘅選擇，例如啲大數據或者廣告鱔稿置頂之類嘅影響，缺點係隨時行咗入去啲冇嘢食嘅地方。今次就類似遇到一個後者咁嘅情況，唔知點解嗰個時間嗰幾條街都好似冇嘢食咁，可能係我完美咁繞過晒所有餐廳啦。到我嘅時間愈來愈少，真係冇乜空間再搵喇，我就好好醜醜都搵間嘢食咗佢啦。呢個時候，我就見到呢間。茶記就簡單啦，諗唔到食乜就食個常餐攪掂。點知一睇發現就算係常餐都幾多選擇，「常餐控」一定好開心。我叫咗個 $47 嘅「沙嗲黑豚一丁」，幾得意，沙嗲牛就成日食，沙嗲豬就真係第一次，出嚟嘅效果都幾好，唔錯。食常餐冇蛋唔得，配嘅「蔥花炒蛋」都可以，蔥花稍為吊味都 okay 嘅。本身塊包可以加 $10 轉「芝腿牛角包」，感覺格調高咗。嘢飲飲「熱奶茶」唔使加錢，味道都唔錯，以茶記水準計都係好嘅。埋單 $57，都可以啦下話。。。（地址：土瓜灣長寧街53號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am九龍城區 #土瓜灣 #一冰廳 #常餐 #沙嗲黑豚一丁 #蔥花炒蛋 #芝腿牛角包 #熱奶茶 #1am1279 #1ambackup…查看更多

見米紙介紹，就過黎試下，不過無下次，味道是做開茶餐廳質素正常唔算特別，$41@1個早餐係合理嘅。11:26入單叫2個早餐，3吹4請之下半個鐘先叫黎齊2個早餐。你唔吹45分鐘都無得你食。鋪頭內1個收銀，1個執外賣，1個樓面，2個負責煮食同沖飲，加多個洗碗。中間等個30分鐘叫佢不停出外賣餐俾人送貨，咁對現場客人公平咩？茶餐廳係要快靚正，變到檯檯都吹欠嘢飲欠餐嘢咁，其實會唔會有回頭客呢，呢點真係佢老闆先知。🤡…查看更多

今次食平的，就選左這家工廈巷仔內的"秘藏"食府。頭盤就來個經典港式早餐—餐蛋多。咬一口脆多士，配上滑蛋，簡直係絕配！蛋汁微微流出來，依家諗返起都覺得滋味滿分哦！翻轉心情，揀咗個乳酪通心粉。喂，通心粉煮得啱啱好，軟硬適中；肉丁啱勁，添上少少熔滲滲的芝士，單純但滿載驚喜🧀。又點可以錯過甜品？西多士嚟喇，熱騰騰，塗上金黃色糖漿，一啖落肚幸福爆燈💡！然之後，撐都要提提你哋，佢個火腿粒粟米湯通心粉，同埋沙嗲沙爹味的豚肉通粉都係焦點款，咸香中帶點濃郁滿意，真是令人一試難忘。肠仔🍢🍢哩度食物色香味俱佳，都係跟得上時代口味，喺這個小角落搵到這樣的美味，真係幸福。食得健康，食得開心，重點係重溫咗一下小時候食茶記的記憶，幾好呀！呢間，食完就會掛住，各位下次通過記得要過嚟捧捧場！🍽️💫…查看更多

lunch 想食平平地，於是就醒起附近有間蛋包飯，就同 同事嚟食。呢到雖然係間茶記，但係有蛋包飯，幾有趣～ 價位由4x~6x 不等。我叫左烤雞咖哩蛋包飯。醬汁可以自選，我今次唔記得左簡😂😂😂所以佢就default 畀左咖哩汁+芝士汁。芝士汁係有啲白菇撈埋一齊，但我覺得芝士味唔算多。咖哩汁就偏向日式咖哩，唔辣。但出奇地2隻汁撈埋一齊又幾好食～～你可以自選肉類/天婦羅都可以。烤雞係煎過的，火候控制得幾好，仍然保持少少雞扒肉汁，不柴。份量都算多，都算抵食，下次可以再試其他野…查看更多