一休(居食屋)日本料理 (38廣場)

營業中

休息中

星期三下班和前同事斑斑一同約會吐苦水，她說有聽到朋友介紹一家在旺角的日式料理想試試，位置在旺角地鐵一出來5分鐘不到的路程，我們下班後就一同前往，七點到的時候已經快要客滿了，後來坐下之後看到後面一直有人在排隊，生意非常的好，果然名不虛傳。裡面的燈光偏暗，很有日式的風味，我們因為肚子都蠻餓的，雖然很久沒見，也都專注點菜。一看到餐牌，對於親民的價格非常的開心。我們就更放肆的大點了！首先點了一休海鮮沙律，芝士吉列蠔卷，帆立貝，炸雞，三文魚刺身。海鮮沙律的份量挺大，以價位來說真的非常的超值。裡面的甜蝦質量很好，原本它的價位讓我有小小擔心，真的太抵太抵了，可是海鮮亦是非常新鮮，超級划算！芝士吉列蠔卷也是一個大亮點，完全估不到，非常的好吃，芝士的香氣加上炸蠔，酥中帶脆，熱氣騰騰，豐富的口感加上海鮮的香氣，真的很令人驚豔，帆立貝是蠻大的，但是醬料比較普通，反而是今晚最讓人失望的一道，就是普普通通沒有太大的特色。同事心血來潮，點了一個炸雞，香酥的雞皮加上滑嫩的肉，炸雞真的好好吃！另外買一百元就能加49加點三文魚，實在太抵食了！兩個人大吃之後帳單只有三百出頭，一個人一百五左右，非常的開心！真的是旺角最抵食

成日路徑都見到依間日式餐廳的招牌，終於搵到機會去試。見都多好評，更想一試。連同另外一兩個朋友同行，當然預早book枱。可能平日關係，所以店內都不是太多人。一見餐牌，有特價，當然快手選左幾樣刺身和壽司先。叫左個刺身拼盤，一黎到，個樣都幾好。但一食，就覺得唔新鮮。冇鮮味。相對，放題的刺身新鮮好多。另外，再叫壽司拼盤。一黎到，完全啞色。一睇都唔覺新鮮。叫到，當然要食。一食，同刺身一樣，冇鮮味。。。唔太夠飽之際，唯有叫熱食。豆腐肥牛鍋，正常味道，冇咩特別。另外，都叫左炸墨魚咀，但忘記影相。都鬆脆，分量都多，但偏細粒。總結，刺身和壽司完全唔新鮮。熱食就勉強可以。

一休之前吃過幾次，吃上第一次後便漸漸喜歡，因為覺得頗抵食，種類又夠多，刺身熟食樣樣皆有。於是介紹了幾次給朋友同事們，也一同到此聚會，大家都感到不錯，而且服務員不會催促交枱，聚會一流。今晚又再次光臨，這次帶同家人一同到來，食物質素覺得比之前稍有退步，叫了很多壽司及熟食，明顯分量比之前少了，服務也算一般，晚上人手有點緊張，落單有點出錯，侍應們溝通不足，這次經歷不太良好，但我也會繼續光臨，看看下次食物質素跟態度有否改善

員工訓練明顯不足，說明收費的資料不一。態度亦十分差劣，對質就賴員工是新來，或打單收費對後不一是因為打單個個係做廚房！不知做生意為何可以如此雜亂！以後不會再光顧！

早就有同事介紹話旺角有間日本野收好夜。今晚就約左男友一齊去試下！其實吾太難搵，係山東街KFC隔離有電梯上一樓，仲要出面有好大個招牌。一定睇到！一上到去餐廳係長方形，有一排卡位。環境都幾舒服！見到餐廳每日都有一款優惠，今日係星期日，有個刺身4點半價！又見到有3文魚10片都係50蚊。都幾抵！餐牌選擇有沙律前菜壽司刺身飯麵！心大心細既我樣樣都想試下！最後決定左點呢幾樣！黑松露三文魚沙律🥗：份量細細碟，有普通西生菜墊底，上面三文魚橯左黑松露沙律醬，一食落去真係好大陣煤氣味。笑！其實都幾特別既，不過就無哂3文魚既鮮味啦。大板燒：呢個好食，吾會好厚粉漿！入面有什菜，個味吾差。一個圓形大概6寸既size。兩個人食岩岩好！因為都幾飽肚。和牛同牡丹蝦壽司🍣:和牛壽司燒得好香，牡丹蝦size都算大隻。吾會好大舊飯！刺身4點:有甜蝦，三文魚，吞拿魚同油金魚。樣樣都好新鮮，無雪味！做緊優惠值得一點！鰻魚炒飯:呢個好好食！炒得好香，飯一粒粒，鰻魚都好多，切到一粒粒，啖啖都食到鰻魚咖！仲有個飯一啲都吾咸，岩岩好！睇落好深色，其實吾咸！好味呢度環境的確幾好，放工宵夜吹下水都幾舒服！價錢又合理吾算太貴！

又到左我最愛既日本好西時間啦😍😍其實香港都有林林總總既日式放題！而大部分日式放題既質素同埋水平都吾差！有啲仲好好添🤘🏻不過今次我就揀左間日式餐廳！吾係吃到飽🎧而係單點❤估吾到呢間餐廳誇張到要提早卜定位🙈可想而知佢應該有一定既吸引力📄📄今次呢間餐廳落腳點非常方便！係正朗豪坊隔離！非常就腳😝黎到食物方面！由於我樣樣壽司都想食！所以就決定叫左一個雜錦壽司🍣拼盤！入面有齊哂我既最愛🤘🏻😝先講下佢個海膽壽司！一般黎講壽司盛入面既海膽壽司都冇咁高質！但今次我有啲喜出望外既感覺🎁我都好好奇會吾會係用左馬糞海膽😍清甜得黎又吾會有腥味🍣🍣其次就去到赤海老壽司!完全係抗拒吾到！鮮甜得黎飯既分量就岩岩好！加埋個蝦頭😍😍點頂得順啊！再黎就係我最中意既中拖羅刺身！其實一件油脂分量足夠既中拖羅！會令人回甘不已🤦🏻‍♂搵人教下我可以點樣拒絕❌另外我就再order左一個肥牛火鍋🍲！有別於一般放題既肥牛火鍋！用啲低質既肥牛！今次呢個牛有牛味！油脂分布平均！香噴噴既牛味係成間店入面飄黎飄去！所以就吸引到我🤗🤗最後我仲叫左個牛油果軟殼蟹試一試佢個功架去到邊！牛油果夠新鮮已經好基本！不過軟殼蟹夠吾夠鬆脆先係最緊要既一環！呢度

一休提供的食物選擇有很多, 而且價錢實惠! 有壽司, 刺身, 卷物, 沙律, 小食, 燒物, 一品料理, 揚物, 鍋類, 飯類, 拉麵, 烏冬, 飲品, 甜品, 清酒, 真的應有盡有! 刺身拼盤  (竹) $158 有三文魚腩(三片)、吞拿魚(三片)、油甘魚(三片)、鱆紅魚(三片) 同埋甜蝦(兩隻),  好有份量! 每款都新鮮, 當中最美味係三文魚腩! 三文魚腩非常肥美, 有入口即溶既感覺, 三文魚油的香味停留在口腔久久不散! 壽司拼盤  (梅) $168 包括有三文魚腩壽司, 和牛壽司, 帶子壽司, 油甘魚壽司, 劍魚腩壽司, 甜蝦壽司, 北寄貝壽司, 磯煮鮑魚壽司, 吞拿魚壽司, 和加州卷, 非常豐富! 當中三文魚腩壽司都係最推介的, 非常新鮮肥美! 最特別係有鮑魚壽司, 鮮味彈牙, 又夠大隻! 牛舌串 $28牛舌厚切, 牛味濃郁, 外層燒至香口, 內裡充滿肉汁! 個人喜歡加少許七味粉, 更加滋味!帆立貝串燒 $28帆立貝大大粒, 彈牙鮮味, 配合醬汁更加美味!鰻魚浦燒 (半份) $78鰻魚肉質軟淋肥美,  配合鰻魚汁同埋芝麻, 正!炙燒黑豚肉拉麵 $65豬骨湯底香濃, 炙燒黑豚肉

話說太耐冇食日本野，於是就起旺角揀左間樓上日本野食。今次揀呢間係因為佢就腳，旺角站E2出口出，再行5分鐘就到。餐廳環境別緻，天花板有好多排和風既燈籠，超級有feel！適合打卡。而且有大量卡坐，相信如果唔係繁忙時段食都一定會坐得好舒服。服務員數量足夠，唔會忙到踢哂腳唔得閒serve你，所以你一舉手，就會有人應你。食日本野當然係叫左刺身先三文魚同吞拿魚都好厚身下，而且幾新鮮。蝦都好鮮甜！重點來了！就係呢板海膽真係超好食！好新鮮好滑好甜然後我地叫左個蟹籽海膽炒飯。調味岩岩好，唔會太鹹。飯亦炒得好乾身，呢樣野加左好多分材料方面，都好豐富。平時食蟹籽海膽炒飯，通常海膽只係會比一兩塊，但呢碟飯既海膽係平均咁鋪滿d飯整體黎講，我同男朋友都食得好開心。

一休喺朗豪坊隔離，交通方便，難怪座無虛席！等咗約15分鐘就被安排入座。食物選擇應有盡有，不過最吸引到我哋嘅當然係壽司同埋刺身啦！對自己好啲，order咗兩個大拼盤！凍檸檬可樂 $18罐裝可樂配檸檬冰底，炎夏至愛。刺身拼盤  竹 $158有三文魚腩、吞拿魚、油甘魚、鱆紅魚同埋甜蝦。款款都咁新鮮，當中最正嘅就係三文魚，非常肥美！壽司拼盤  梅 $168最特別係有和牛壽司同埋鮑魚壽司，以呢個價錢黎講，都算幾抵。除左三文魚腩係推介之外，帶子同埋劍魚腩都好好味。牛舌串 $28牛味濃郁，外皮燒至香口，內裡仍保留了肉汁，正。帆立貝串燒 $28醬汁濃郁，帆立貝啖啖肉，彈牙得黎唔會靭。鰻魚浦燒 $78叫咗半份，餐廳一啲都唔會吝嗇，落咗勁多鰻魚汁同埋芝麻，啱晒鐘意濃味嘅我。炙燒黑豚肉拉麵 $65拉麵有驚喜！豬骨湯底非常香濃，燒過嘅黑豚肉香口而且很肥美，推介！一休的上菜速度極快，而且價錢相宜，很適合忙碌的香港人。

今個週末行開旺角又口痕想食日本野就找了(一休日本料理)位於旺角砵蘭街附近.....旺角地鐵站行2分鐘就到係商業大廈裏便一樓全層👏🏻👏🏻其實呢度燒物同飯類仲有好多不同款式嘅嘢食， 仲有壽司有好多款式.....我主要叫我最喜歡的壽司先，我選擇了油甘魚腩壽司，鵝肝壽司，鱆紅魚壽司，漿皇燒皇帝蟹壽司，海膽軍艦，活赤貝壽司🍣 之後叫咗很久冇食過嘅銀雪魚價錢可以接受都不算太貴 仲有叫咗半客三文魚腩刺身兩個人食剛剛好👍🏻 最後叫咗個軟骨餃子，餃子食得多但軟骨餃子唔係度度有😋

旺角鬧市鋪租貴，想吃一頓豐富又不貴的晚餐不容易，一休位於朗豪坊附近的kfc樓上，坐升降機上一樓。在開飯食家中評價頗高，價錢頗大眾化，大廈門外亦有擺放菜單，可先參考價錢和菜式。 可能星期日晚大家都要早歸準備翌日上班，店內客人未爆滿，店員安排我們二人坐在窗邊的四人卡位，店內卡位數量多，卡位之間的屏風高，私隱度高又夠寬敞。有別於一般連鎖式日式料理，這裡的餐具和擺盤明顯有用心，食物賣相相當好。 入座後可先留意優惠菜單和晚市大割引菜單，吃盡更多優惠！1. 四式刺身拼盤 $48 + 三文魚刺身(10切）$49.9  抵食之選！刺身鮮甜，勝於一般放題質素。優惠價 一休星期一至日每晚都有一款精選菜式大割引，當天我非常幸運，遇到星期日的四式刺身拼盤優惠，先點為快，加上三文魚優惠就錦上添花。 留意：三文魚刺身優惠需惠顧滿$100方可叫一客，$200或以上則不限數目。2. 黑松露三文魚沙律  $38 這價錢來說相當驚喜，本來友人想吃菜而點沙律，沒想過整碗竟會佈滿三文魚，菜就只有照片中能看到那數塊葉，黑松露沙律醬亦很濃味，非常經濟！3. 日本室津蠔(兩隻) $56  另設半打$158蠔肉頗肥美飽滿，味道

呢間野幾近我公司所以間中都會嚟食lunch，不過每次食親都好似開大細咁，因為佢地嘅質素都幾參差🙊同d同事試過幾次後覺得佢嘅鍋物係最穩陣的（利申：食過魚生飯份量少得可憐、食過鰻魚飯有陣腥味）今日叫左個牛肉豆腐鍋，$50送麵豉湯，lunch唔洗加一。8個同事嘅麵豉湯裡面，大部份都係得幾塊昆布，有d就有蘿蔔有d有埋魚添，好睇你彩數🙈講返主角，鍋夠熱，好快就浸熟d牛肉，肉味濃，豆腐好滑，配菜方面有蘿蔔、冬菇同芋絲，整體份量都夠。不過佢地服務真係麻麻，手腳慢，經常漏野，d侍應又唔係好應機．．．希望可以改善一下啦🤫

話說今日又行朗豪坊，好想搵一間真係好食嘅餐廳填飽個肚，居酒屋都好似唔錯，咁就搵咗朗豪坊隔一條街一間叫做一休日本料理既居酒屋！一上到去一休，個感覺就好似去咗日本既餐廳咁，燈光泛黃但環境舒適，咁就嗌嘢食啦！呢間日本餐廳又有生蠔又有湯鍋同埋魚生等，我哋就叫咗半打生蠔，番茄海鮮湯，壽司拼盤、蕃茄豆腐湯烏冬等等。首先送上來的是半打生蠔，生蠔爽口，略帶甜味，果種甜味係當生蠔走過左舌底迴腸的鮮味，最重要是帶有海水味！本來女友都唔係太食生蠔，今次都忍唔住食左隻！壽司拼盤都係今餐飯的主打菜！每一件壽司都好大粒好新鮮！睇下隻鮑魚！係原隻鮑魚上枱！跟埋啲鮑魚汁真係鮮甜味美！我地仲叫左一個蕃茄豆腐湯烏冬，個蕃茄味道新鮮，豆腐香甜重豆味，湯烏冬熱辣辣送上！

今日同女朋友懷念舊時番工嘅飯堂，以前差不多番親工都係呢度食，野食好味，價錢合理，份量好夠，侍應好友善。我同女朋友一如既往都係叫牛肉鍋定食同炸雞球定食，由於係定食，都配有麵豉湯，之後都上主菜啦。牛肉鍋，牛肉好足料，啲菜，金菇全部都好入味，仲要配隻蛋，但其實我最鍾意嘅都係佢嘅湯底，甜甜地而不失牛肉味，另外就係個炸雞球，份量又係十足，上面仲有沙津醬同燒汁。雞球外脆內軟，裡面仲保留好多肉汁，而最值得讚係每上次上菜都熱辣辣，証明係即叫即炸，唔會好似出面咁預先炸好一大堆，所以等下都無妨，係附近番工真係值得一試。

今日老公放假，一齊出街睇戲食戲，一早上網買定飛睇mission impossible🤩第一次睇imax 🙈不過沒有太大驚喜😅由於我同老公共同喜愛的菜式都係日本菜，睇完戲係朗豪坊行左陣，見到附近有間”一休”的日本料理，即刻諗起和尚仔😂見佢做緊推廣所以上去試一試。上到去，見到吉位都唔多，可能係因為做緊promotion，好彩唔洗等！地方唔算大，燈光比較柔和😌叫左三文魚腩刺身半客$54，價格適中，睇到皮位條真係腩的部分，脂肪均勻!鵝肝壽司，鵝肝Size 算大件😂鵝肝上的醬汁帶上鵝的甜味！雞軟骨餃子，內𥚃有豐富的雞軟骨，料理多，如果煎耐些會更好！好耐無食銀鱈魚，size 比想像中大，簡單煎就好味~