一人燒肉館 (MONTEREY Place)

今晚落樓下搵嘢食，見到有間新開嘅一人燒肉，而且性價比仲好高。精選三品套餐套餐內包含牛五花、豬五花和雞腿肉，簡單啲講，一次就可以燒晒三樣嘢！牛五花的油花分佈均勻，烤至微微焦香時，肉質鮮嫩，入口即化。豬五花的口感相對較為緊實，但烤後的香味也讓人難以抗拒。雞腿肉則保留了豐富的肉汁，三款我都覺得好好味。 「NEW」熟成牛五花套餐熟成牛五花嘅肉質比一般的牛五花更加柔軟，燒過之後更加香口。另外白飯轉左紫菜温泉蛋飯，蛋黃流心，味道不錯。食完晚飯之後，仲有意外驚喜，原來餐廳每晚都會為顧客送上自家製嘅甜品呢！

以前唔係咁鐘意食呢類一人燒肉店，總係覺得肉質無咁靚。不過呢間新開嘅一人燒肉館好吸引🤩因為見到佢有熟成牛🐮精選牛小排(50g)+熟成牛小排(50g)套餐套餐配沙律，白飯，日式熱茶。新開業，店員都會每枱講吓唔同燒肉適宜沾邊種醬。熟成牛小排係適宜加入鹽同黑胡椒，熟成牛經長時間風乾後，風味集中且質地較為結實，帶有獨特香氣，估唔到小店都可以食到。霜降一口牛（100g）一口牛就係正正方方，肉粒厚實，要慢慢燒先會熟。燒果陣轉多啲，熟度更加平均。建議沾上燒肉汁及鹽味蒜蓉燒汁，更加惹味。

喺將軍澳區新開嘅燒肉店，主打一人燒肉唔使$100就食到自助式燒肉套餐，好抵食呀！用手機落單，牛肉選擇豐富，唔只有精選牛小排仲有九州和牛，下次好想試吓熟成牛小排，睇吓味道有咩唔同！有唔同材料選擇有照燒汁蒜蓉汁同埋辣醬，仲有七味粉鹽同胡椒粉可以根據個人喜好添加！今次我們分別點了牛小排和九州和牛牛小排脂肪分布平均，充滿油香，有齒頰留香嘅感覺！九洲和牛脂肪比較較少，牛肉味比較香濃，牛質教較有咬口!將軍澳又一好選擇，平靚正就食到靚和牛😊

一個人食燒肉有咩感覺？嚟一人燒肉館（將軍澳試過你就知！呢度專為單人用餐設計，環境舒適，唔會有尷尬感，仲有獨立燒爐，自己燒自己食，超方便。 我今次就同朋友一齊黎點咗牛舌芯套餐（$101）同精選牛肩胛套餐（$99）。牛舌芯套餐（200g）（$101） 200g 牛舌芯份量剛剛好，切得厚薄適中，口感爽脆，燒到微微焦香時食落鹹香十足，配埋白飯同熱茶，簡單又滿足！精選牛肩胛套餐（200g）（$99）牛肩胛脂肪分布均勻，燒完香嫩多汁，性價比超高。 食完燒肉仲有甜品推介！我哋試咗芝麻麻糬同 蜜瓜麻糬，麻糬外皮煙韌，芝麻餡香濃，蜜瓜餡清甜，兩款都好好味，為餐後畫上完美句號。 一人燒肉館真係啱晒想一個人好好享受燒肉時光嘅朋友，價錢親民、質素唔錯，會再幫襯！

一人燒肉館將軍澳澳南海岸唐俊街23號MONTEREY Place 地下G22A號舖經開將軍澳海濱，老友推介高質燒肉套餐，環境舒適，食材新鮮，果然冇介紹錯。😚精選三品套餐一次過滿足你三個願望，配料有牛五花、豬五花和雞腿肉，肉汁豐富，肉味香濃。牛五花口感鬆軟，豬五花爽口彈牙，雞腿肉又香又滑，醃製得恰到好處，吃到中段，可以加黑椒、海鹽、七味粉、辣醬、蒜蓉醬和燒汁，推薦！😻套餐配新鮮麻醬沙律、鬆軟白飯和海帶麵豉湯。精選牛小排套餐牛小排口感鬆軟，入口即溶，肉汁豐富，脂肪和肉的比例剛剛好，香氣四溢，回味無窮，必食！😍套餐配酸辣泡菜、麻醬沙律、鬆軟白飯和海帶麵豉湯。一人燒肉館 環境舒適氣氛好，食材新鮮高質，侍應服務態度好，還會再來。😎🤘🏻

將軍澳南呢間燒肉店「一人燒肉館」開咗幾個月，最近我成日去幫襯，因為真係平、靚、正👍老闆同店員態度非常親切友善，感覺好舒服。小店雖然唔算大，但光猛乾淨又企理，樓底高，裝潢簡約令人放鬆. 餐廳用無煙烤爐，完全冇油煙味，加分. 餐廳主打牛肉，尤其係✅熟成牛肉，乾式熟成牛肉肉質鮮嫩、風味濃郁，牛肉款式不少價錢亦非常親民. 最平嘅牛五花套餐（100g）只需‼️50幾蚊已經有齊飯、湯/飲品，仲附送沙律，非常超值！另外仲有牛小排、九州和牛、肉眼扒、牛舌芯、牛板鍵、霜降一口牛，而主打嘅乾式熟成牛肉承惠百多元（100g). ⭐️ 精選牛小排（50g）+ 熟成牛小排（50g）呢個套餐一次過可以試晒兩款不同風味嘅牛小排——同一個部位，兩種處理手法，帶出截然不同嘅口感同味道。牛小排嫩滑多汁，牛味濃郁，而熟成牛小排則增添咗一層獨特嘅甘香，肉質更加軟腍。配搭餐廳提供多款醬料更加提升味道層次. 套餐升級叫埋紫菜溫泉蛋飯，自製燒肉丼，好滿足. ⭐️ 豬五花套餐豬五花肥瘦分佈適中，燒完會有輕微脆口嘅焦香感，但又唔會太油膩。無論係直接食定係沾上醬料，都可以感受到油脂同肉嘅平衡，性價比超高！唔食牛嘅朋友都唔需要擔心，餐廳同樣提

將南餐廳以西餐為主，如果唔岩西餐，想食吓一人燒肉，呢度就岩晒。主打一人燒肉，坐位唔算多，醬汁齊備，最重要係餐牌價錢親民。牛舌芯套餐 $78紫菜温泉蛋飯 $20性價比高，十二片牛舌芯(100g)，有埋沙律做前菜，就算升級埋紫菜温泉蛋飯都好抵。牛五花+豬五花套餐 $60紫菜温泉蛋飯 $20如果想食牛又食豬，有牛五花拼豬五花(100g)，享受豬牛既豐富油脂，再接一口紫菜温泉蛋飯，價錢只係快餐店晚餐價。食飽仲有甜品送。

放工在將軍澳區搵食，見呢度開左間#一人燒肉館，買相同價錢都唔錯，就進入開餐囉。用QR點餐，方便妥當。九洲和牛套餐，已包沙律同飲品，飲品要了綠茶助清腸，白飯升級為紫菜溫泉蛋飯。和牛有2大片，肉質好靚肉肥瘦均勻，入口鮮嫩可口，豐富又美味！西京比目魚扒餐，同樣要了紫菜溫泉蛋飯，飲品要了麵豉湯。魚厚身肉質嫩滑，撈埋蛋汁一併食，好好味😋。店內使用無煙烤爐，燒烤時沒有好大的油煙，我哋可唔慢慢燒，慢慢品嘗美食， 好讚啊！