マヌル屋

最近見到唔少人推介呢間牛頭角雞白湯拉麵店《マヌル屋》，話係日本人主理，加上店入面貼滿貓貓畫🧡 即刻被吸引到，約咗朋友一齊嚟試！我哋平日黃昏7點到達，門口已經有2個人等緊，但翻枱速度好快，大約等咗10分鐘就有位👏🏻 仲要讚下店員，見天氣熱，會主動奉上凍水，好貼心💦店內大約得十幾個位，全是 bar 枱位，坐位格局高度還原日本拉麵店風格～牆身貼滿各款貓咪畫作，好療癒😻 望住貓貓食麵，心情都好啲！🍜 拉麵只有三款，分別為係瑪瑙瑙麵、黑蒜雞白湯拉麵以及辣味噌雞白湯拉麵。可選粗身有咬口嘅黃麵或幼身彈牙嘅白麵～😽瑪瑙瑙麵（$89）* 追加溏心蛋（$10）+ 紫菜（$10）｜配黃麵湯底用雞白湯打到起泡，入口清甜香滑，配黃麵啱啱好。叉燒肥瘦適中，雞胸肉嫩滑無柴味。加埋溏心蛋同紫菜，成碗麵更豐富！🧄 黑蒜雞白湯拉麵（$89）* 追加溏心蛋 x2（$20）｜配白麵黑蒜香氣撲鼻，混合雞湯後味道更濃郁但唔膩，白麵彈牙夠掛湯。💡P.S. 麵量唔算多，建議加配料會更滿足；半熟溏心蛋值得加，流心蛋黃超好味👍🏻…查看更多

今次專程嚟到觀塘區一間專食雞白湯拉麵店，位置係近牛頭角果邊有少少隔涉，兩點幾去到，可能過咗岩岩lunch繁忙時間，所以等一陣好快就有位。第一次到訪，冇特別諗就即刻揀咗佢嘅瑪瑙瑙鳥白湯麵，麵條可揀黃麵同白麵，同店員查詢，原來白麵係比較順滑爽口，黃麵比較彈牙，比較多人揀黃麵，於是就揀咗黃麵，另外再加錢加埋溏水蛋。個麵除咗慢煮雞胸外，仲有雞叉燒，店員會即場將湯打泡同埋燒叉燒。第一啖飲嘅湯係好濃雞湯味，湯身質地唔算濃稠，但飲落係濃滑而不膩，黃麵唔算掛湯，食落係有少少偏鹼水嘅麵，煮果時見係現成拆包裝倒入去煮類似即食嘅麵，感覺冇咩特別，反而雞胸嫩滑，而且燒叉燒食落比較好香口。整體嚟講，雞肉同湯底係出色，如果再花功夫喺麵條上應該會更加分下次會想試埋白麵同埋其他湯底…查看更多

マヌル屋係香港牛頭角一間日式拉麵店。主打雞白湯拉麵，湯底濃郁綿滑，配嫩滑雞胸、麵條可選黃麵/白麵。マヌル「兔猻」，又名「瑪瑙貓」，係一種西伯利亞既野生貓科動物，店名同招牌拉麵都係用瑪瑙貓命名，形象非常可愛特別，一定係吸引到老闆啦 😆✨瑪瑙瑙鳥白湯麵 $89我地配左白麵，偏幼身，口感軟綿絲滑，比較掛湯佢地既拉麵配料主要有慢煮雞胸、雞叉燒、荀、洋蔥、京蔥、青蔥，加糖心蛋加$10就有啦~ 雞白湯打到好綿密，泡泡口感好舒服，雞湯鮮甜清爽唔油膩✨黑蒜雞白湯拉麵 $89黑蒜油版本價錢一樣，配料相同，多左一層超香既黑蒜油係面頭，聞落勁香，飲落唔會太濃太嗆，同佢地既雞白湯配搭得好#manuruya #拉麵 #ramenhk #雞白湯 #瑪瑙瑪麵 #牛頭角餐廳 #牛頭角美食 #牛頭角好去處…查看更多

マヌル屋（Manuru Ya）位於牛頭角，是一間由日本人主理的拉麵小店，店內貼上了貓咪畫作與裝飾，療癒感十足，有著地道日式拉麵風味感。🥟 餃子即叫即整的餃子，皮薄而煎至金黃酥脆，外脆內爆汁，肉汁豐富，非常香口。🧄 黑蒜雞白湯拉麵見到師傅先加入黑蒜後，然後加入特濃湯底，即時香氣撲鼻， 黑蒜雞白湯濃郁而不油膩，更增添了其香氣，層次豐富，而白麵掛滿了湯汁，再有微焦香雞叉燒及嫩滑慢煮雞胸，可謂無懈可擊。🌶️ 辣味噌雞白湯拉麵 + 糖心蛋辣味噌湯則在雞白湯的基礎上加入秘制辣油，令鮮味更突出，微微香辣，刺激味蕾，更讓人開胃。而糖心蛋流心香濃，蛋白滑嫩，慢煮雞胸、雞叉燒、蔥絲等都處理得細緻，有肉汁又有脂香，令人回味。…查看更多

近排成日見人話牛頭角呢間拉麵小店好正，我同朋友就喺六點半去食，門口已經有人排！小店主要係吧台位，open kitchen 可以望到師傅煮麵，牆身貼滿貓貓插畫，加埋公仔，好可愛好治癒。王牌係「瑪瑙瑙麵」，雞白湯打到起泡，飲落清甜香滑。濃郁雞白湯配彈牙黃麵，加埋三片慢煮雞胸、雞叉燒、荀片、洋蔥、京蔥同青蔥，一碗落肚超滿足！雞胸同雞叉燒滑溜又爽口，以 $89 嚟講，CP值爆燈。湯底蒜香濃郁，每啖都有蒜味但唔會太鹹，仲有滑嫩 juicy 嘅慢煮雞肉，完全唔柴。我哋仲嗌咗支波子汽水，配麵啱啱好，成餐食到勁幸福！…查看更多