コメダ珈琲店

營業中

休息中

大部份員工服務態度極差，基本上係唔想你嚟呢度用餐。上菜時只是隨便放低就走開，茶餐廳都會同你講聲上啲乜嘢，更何況佢比一般記收貴三成。食物CP值甚低：焗牛肉薯蓉口感同碗湯差唔多，意粉overcooked ，唯一比較可以嘅係多士，咖啡勉強可以。

早陣子剛開業嘅時候一度排晒長龍，更有人話夜晚七點已經好多食物已售罄。等到今日熱情退，我哋晚上八點嚟到，唔使等位就有得食，食物任君選擇。食物方面，味道中規中矩，份量適中，適合輕食或小聚。照燒烤雞三文治的雞件大塊，肉質尚算Juicy且嫩滑，搭配的醬汁份量十足，但味道偏鹹，建議醬汁可以稍為調整比例。芝士咖喱白汁蝦仁以長通粉為底，但醬汁略嫌太多，味道不過不失，符合預期。炸雞及香脆薯角，炸雞只有3件，搭配大量薯角，整體份量合理。另一款芝士漢堡肉醬意粉，漢堡肉質地似係白烚而非烤焗，略為欠缺香氣，但意粉本身煙靭有咬口，口感不錯。飲品方面，果凍朱古力咖啡略為偏甜，但果凍部分味道突出，令人驚喜。哩度裝修風格仿如日本本店，氛圍舒適，partitions 得頗高，私隱度極高，枱邊更有插頭供客人充電，完美迎合需要在這裡長時間工作的顧客。點一杯飲品，就能悠閒地坐上幾小時，甚至拿出電腦慢慢處理事務，環境相當適合「磨時間」。

今日day off就去komeda食個chill chill的decent午餐 嗌左$65拿破侖意粉 點知黎到好細份!(又話cp值高食到飽滯嘅==) 感覺被騙 but啲麵質幾煙韌蠻特別的 anyway我未飽所以嗌左菲佛嘅迷你冰與火 第一次食覺得好驚艷點解配埋楓糖漿可以咁好食 但今次已經係第n次食 可能是免疫了就覺得還好 總結一個人食咁多實在太飽太貴了啦ps心情日記 食飯就想影比男朋友睇食緊咩 好掛住佢arrr(uwu)

🧊冰與火🔥 $65等得有啲耐64層嘅丹麥酥皮麵包上面有牛奶雪糕自己按需要落楓糖漿🥰本身麻麻酥皮，就咁食似食包會好濟而佢焗到好脆加埋雪糕同楓糖漿好好食！等左差唔多25分鐘先有🥲🍎蘋果批 都幾甜，有肉桂香同酥皮～

餐單選擇小，晚上7點已經好多售罄，想了很久最後點選了意份, 但意粉上枱後我發現份量十分小，只是一小小碟（伴碟似的小碟），沒有伴菜，不能想像這是餐廳的出品！服務一般！味道還好！要讚嘅係有自動收費機！

同姪仔黎到AEON搵食，見到3樓新開了KOMEDA COFFEE，當時已經係夜晚八點幾，見到唔駛排隊，就入去試下。座位係我最怕的梳化椅，見到啲細路仔踩到都覺污糟...另外，張椅郁唔到，感覺同張檯分得有少少遠。點餐都係自己QR code落單，不過檯上面都會有一疊餐牌比你睇，好齊，可以睇到晒食物的樣子。食物芝士咖哩多士好得意，咖哩係用咖啡杯裝，多士好多份切開左，等你容易啲食。齋食有啲寡，所以唔建議當主食～食時有啲論盡，因為好驚咖哩沾污裝麵包的籃，如果改用碟裝多士就好～KOMEDA漢堡$59都係新鮮熱辣辣整，不過覺得有少少貴，因為$59在MOS XXX可以食到一個餐...另外見到小朋友啲兒童餐都幾吸引。飲品咖啡係必點，跟餐加入$20。我見平時動畫主角會飲歐蕾，就試下，點知原來都幾多奶，如果唔鍾意奶味都係叫返經典咖啡比較好，可以自己調較奶的份量。欣賞個杯幾得意，同埋真係好夠熱，每杯咖啡仲會跟兩包小食。音樂農曆新年都過埋，但間餐廳不停播聖誕歌！唔通要配合返紅色嘅凳？付費出去埋單時，店員主動問我有冇AEON會員卡，咁我就以為可以儲分，於是開個APP比佢嘟。點知半個鐘之後去第二層買野，打開個APP睇

餐廳不停播聖誕歌，不停Jingle bells 但係明明已經二月尾😅超奇怪意粉份量少到嚇人$65唔應該咁少 嗌咗蘋果汁嚟到只有一半滿，仲要好多舊好大冰全部漢堡未夠下午1pm就售罄，得返幾款意粉可以嗌，問職員佢話佢哋未準備好，食物非常鹹好明顯人手唔，非常失望，唔會再幫襯

以為多一間舒適日式咖啡餐廳選擇，雖然食物選擇唔多，但係環境好似OK，點知？坐低自己點餐OK，廚房傳來10分嘈吵的員工傾偈嬉戲聲，仲大過晒全客人嘅聲音，我已經唔係坐最近廚房門口嘅位置都頂唔順，老闆可能諗住乜都自助唔使多請員工做樓面，放得一位員工做送餐加管理前櫃，點知員工做到發晒脾氣嘭嘭聲，我食完食物一般，係餐廳間隔坐得幾舒服有一次買外賣，係收銀櫃等，見住職員大大力一張單拍去客人前邊收錢，見客人個樣都呆咗，我個外賣放喺四步外嘅枱上邊，我當然唔會私自去攞，問佢我個外賣整好未，佢手指指喺嗰度，OK自己攞

我好少寫食評，唔想再有人中伏，1）舖頭入邊好多位都唔放入去坐，人手不足2）入到去餐廳用Apps先發現好多野都賣晒，例如熱門既食物甜品，餐廳應該係門口話比將會入去食野既客人知d野賣晒冇得食，而唔係等客人入到餐廳用QR code落單先睇到👎 3）好難忘嘅體驗叫咗三文治雞扒啲雞扒係凍，凍嘅溫度好似雪櫃拎出嚟咁😳，之後換返新嘅熱少少俾我哋 ，員工唔夠培訓4）意粉啲份量好細份同埋貴，性價比低，人均$100 總結係不可一，不可再😂一定唔會推介家人、朋友和同事去食🤣

日本過江龍緊係要試下，見之前啲食評都好差，但我感覺又OK。食左期間限定嘅芝士咖哩+吐司，komeda coffee。老公食牛肉漢堡+Sophia coffee。份量啲落比較細，但食落都幾飽，咖哩入面有肉糜，完全唔辣，小朋友都可以食。咖哩沾麵包超惹味！牛肉漢堡個包好大個，顯得塊漢堡好細咁，但都算厚實，味道不錯~~komeda coffee 好飲！試左一啖Sophia 都不錯，香氣撲鼻，除左無奶嘅咖啡有好多其他選擇，不過第一次黎就試真啲咖啡豆本身嘅香味啦。咖啡附上一包脆豆，雖然有啲風馬牛不相及咁，但幾好味~據聞呢度嘅紅色凳係一個名物，又真係幾好坐嘅，柔軟舒服，門口仲有咖啡掛濾包&盒玩買，等嘅時候可以睇下。

終於開到嚟香港區，在日本食過早餐唔錯，雖然這店沒有下午茶優惠/套餐的，就算剛好下午茶時段，也試試吧！攞飛後要等2張左右，但眼見其實有2張空枱，不過冇人執枱而已。其實我哋前面張飛係一個人的，近門口有d一人吉枱，但其實冇人嗌號，搞到個客人不耐煩的話自己一個人可唔可以坐喺度。5分鐘後坐低咗（都算快）及叫掃QR code落單。揀咗1）咖哩意粉_+大滿足飲品追加熱美式咖啡+$20；2）拿破崙意粉+大滿足飲品追加熱KOMEDA咖啡+$20（轉豆乳，不需加$）。落單大概三分鐘左右，就‘嘭’一聲送上了意粉，’嘭‘一聲係代表快，也代表被‘嘭’的一聲嚇親，因為服務員放低個碟意粉在枱時嘭的一聲（唔知係咪個碟重得滯），其實碟意粉唔算大碟的。食物方面，意粉夠熱，個咖哩意粉唔錯，有點辣有碎肉，意粉就覺得硬咗d，唔知關唔關係扁意粉的事。拿破崙意粉中規中矩。至於意粉分量，下午茶OK，如果係正餐午餐，可能唔夠了。2杯咖啡都好熱都唔錯，只係送上嚟杯奶唔知邊個係豆乳，服務員無講，放低就走咗去。另外，餐後叫杯熱水，有點好似又要麻煩佢咁樣，無奈。其實唔介意自助斟水，建議餐廳可以安裝自助斟水機（如一d連鎖快餐店一樣）。近排有5款

媽媽話想食呢間 一直bookmark咗未去環境係靚嘅舒服嘅入去坐低用QR code落單撳到去期間限定嗰頁最想食嘅都售罄只係下午3:30就售罄?!?!失望起身走人

服務方面，非常惡劣，放低啲食物，好粗魯咁講食啦你☹️  人手不足，連水都冇一杯，客人問，好惡劣咁講話冇杯。食物方面都好差，完全係劣食，又慢，又唔係平，完全唔值得嚟。🙄

空位很多 又冇人安排入座 到有店員卻只安排後到又自行入座的客人點餐 當外面乖乖等待遵守規則的客人冇到 要人開聲先可以識做野 食物賣相差差劣 意粉🍝份量少沒有雪糕又不提醒 要客人找店員上餐才來說明體驗很差 炸豬扒沒有味道又鞋

不嬲住開呢度附近，所以見到最近新開就過嚟試伏。入座速度慢，明顯見到有好多吉位都未安排入座，人手明顯不足，上菜速度極慢，義粉味道尚可但喺呢個價位($65)分量太少，紅酒燉牛肉味道ok，但牛肉反而冇中學學生餐啲牛肉腍，漢堡包就一般般還可以。雪糕廿蚊，算好食牛奶味都足分量都多唔錯。餐廳環境可接受，但係會直接聽到出面商場音樂所以感覺會比較差，嘈音比較多。整體嚟講嘢食太貴，唔啱啲比較大食嘅人嚟同埋唔啱當正餐食，唔推薦呢間。