影片
港鐵尖沙咀/尖東站 B1 出口, 步行約8分鐘
繼續閱讀
電話號碼
25775088
營業時間
今日營業
12:00 - 15:30
17:30 - 23:30
星期一至日
12:00 - 15:30
17:30 - 23:30
以上資料只供參考, 請與餐廳確認詳情
韓國料理嗎？人參雞沒有人參、雞肉硬到爆，又乾又柴，而湯是味精加入清水的味道，沒有雞味，仲百幾二百蚊🥹…炸醬麵完全唔係個回事，係好似中式料理咁用洋蔥煮埋一些些的肉，而汁的份量也很小~ 鐵板五花肉好硬好乾，柴柴的，一d油香味都無🥲🥲🥲好彩個海鮮煎餅都ok，厚身得黎唔算厚粉，都有d蜆肉粒、魷魚係入邊～真心唔會再黎食了～非常麻麻地既一餐～哭哭🥹呢個時勢如果食物質素唔提升，好難retain到食客期待有所改善啦！！
繼續閱讀
黎到尖沙咀，見呢間幾多正評就入左黎食，點知難食到.. 我忍唔住食食下都要打負評。我從來未試過係open rice 打評語，呢間野難食到忍唔住一定要打個負評，警世唔好黎食！個紫菜包飯，完全覺得係雪藏咗勁耐，有啲雪藏味，仲要個飯勁濕，直頭好似喺百佳買啲雪藏壽司飯，個雞翼唔使講，入面超嚡熠熠，而且完全無味！淨係嗰碗雪湯牛叫正常，其他完全食唔落重申我係一個完全唔會放食評既人，因為真係好懶，難食就算，仲要我寫咁多字曬時間打，但今次真係太難食，差到咁，真心想警世
繼續閱讀
先出個簡單總結比懶人環境：大伏味道：對唔住價錢服務：無(但有收10%)正評：餐廳支持環保(睇我食評最底)食完會諗起🐴田同文⭕️飯莊應該同好多Foodie同Blogger合作詳細經歷⬇️同女友去完灣仔會展睇CentreStage 2024，搭船去左尖沙咀搵野食，睇OpenRice附近既餐廳，就見到Maido，本身唔知伏唔伏，但睇見評價咁高就諗住去試下。環境去到坐低無耐就發現左有d伏，枱面異常地黐立立，仲要咁熱都唔開冷氣，咁算la，都坐低左就試一試埋伏先la，就叫左3樣野食，海鮮煎餅+飯卷+水冷麵。本身都滿懷期待，見大家d食評咁高分，連環境都比4-5分，一定係Maido有特別過人之處。前菜落完單無耐，有個Staff就過黎擺低前菜(3款)，但個泡菜味有d怪，叫個Staff比多一碟都係咁，完全唔似系韓國旅行時食過既味，上網一Search，原來係醃唔夠時間既怪味。主菜落單都過左大概30分鐘，先上得1碟飯卷，問佢個Staff仲要幾耐先有，佢話2分鐘就ok，都心諗一定係漏左單，過多10分鐘，連隔離枱遲過我地落單都食完準備埋單走，個海鮮煎餅同水冷麵終於到，個水冷麵一睇就知係趕貨出，同其他食評d水冷麵完全唔同樣，3個主菜味道上只可以講係普通野，但絕對係對唔住個價錢既！總結環境污染，枱面黐立立，味道對唔住價錢，服務態度係無服務，漏單唔講唔道歉。正評一定好支持環保，冷氣開得1部，仲要開27-28度。
繼續閱讀
想食地道韓國菜就要來韓國街😛揀左呢間冇中文名既鋪頭～ 感覺會比較韓式前菜有3 個小菜，其中一個係比較少見既茄子，味道正常～韓式家庭小菜既感覺📌鐵板泡菜炒豬肉好濃郁既泡菜味，豬肉肥瘦適中🧡📌辣海鮮湯麵味道偏淡，覺得可以再辣d , 但海鮮份量都足料，食完唔會好口渴，感覺冇放味精👍🏻📌辣炸雞翼味道係好韓式既醬，不過外皮有點太厚📌紫菜包飯好有韓國家庭包既紫菜包飯既感覺， 味道簡單，配料足夠，但就冇咪麻油味， 如果有麻油味會好食好多😌整齊感覺都不錯，環境闊落，食完唔會覺得好味精，價錢都合理☺️
繼續閱讀
まいど Maido 去到尖沙咀嘅韓國街, 今次入咗呢一間由韓國人主理嘅傳統韓式餐廳, 晏晝去見到都坐滿一半嘅客人, 感覺上質素幾高! 😚 提供三種伴菜, 包括泡菜、芽菜同牛蒡絲, 仲可以任添! 姨姨服務員態度都好nice! 감사합니다~💕————————————————食物:❆ 海鮮辣豆腐湯 $85Spicy Seafood Tofu Soup用鮮美嘅海鮮為主要材料，包括鮮蝦、蚌肉、蟹肉，加入埋大大舊豆腐同辣椒，增添咗湯嘅豐富口感🤍❆ 海鮮煎薄餅 $143Pan-fried Seafood Pancake 加入韓國煎餅粉同蔬菜，再經過煎炸而成, 外層金黃酥脆, 內裡則有豐富嘅海鮮香氣同鮮美口感!❆ 鐵板牛肉蓋飯 $89Pan Fried Beef Meal嫩滑牛肉會搭配蔬菜同調味料炒製，令整道菜有豐富口感同味道👅牛肉會先經過醃製, 然後在熱鐵板上煎烤至熟嫩, 超級飽肚同帶嚟滿足感! ————————————————整體:✦ 價格: 4.5/5✦ 味道: 4.5/5✦ 服務: 4.4/5✦ 環境: 4.0/5✦ 再訪指數: 4.4/5まいど Maido @maido_nam地址: 尖沙咀金巴利道64號順輝大廈地下3號舖營業時間: 星期一至日 12:00-15:30, 17:30-23:30
繼續閱讀
您可能會有興趣的...