はま寿司

營業中

休息中

平日放飯時間搵位食飯是難題，估唔到在放午飯的時間喺呢間迴轉壽司店居然能輕鬆搵到位。我點了炙燒鹽味檸檬北海道燒生帆立貝壽司（一件）、鹽燒生蝦壽司（一件）、大切生三文魚腩壽司（一件）、蟹柳壽司（一件）、吞拿魚壽司（三件），共五碟壽司，另加一碗鴨肉丸和鴨肉烏冬，埋單連加一共$125。點餐後送食物速度快，食物很快便到齊。食物質素正正常常，不高質，不難食，值得讚的是壽司飯可選減半，圖中的蟹柳壽司飯量便是減半後的模樣。鴨肉烏冬不是壽司店常有的選項，試一試無妨，幾好味😀午飯唔想同人迫住lunch，可考慮呢間！

はま寿司 想不到爭鮮的價錢那麼親民，還以為它很不親民，會有點失望，還擔心食物質素實在麻麻，誤以為元氣壽司明顯比較好，壽司郎和爭鮮都好，但結果令人喜出望外。這裡基於堂食，所以收費會貴一點點，是很合理的事，實在值得，因為座位很舒服，地方又不窄，卡位又多，又讓我們座二人卡位，甚至快打烊時都繼續接待客人，待人又親切，位置很充足，店員深懂變通處理，值得收加一，跟外賣是另一個不同體驗，感覺更好。難怪很多人去，消費者果然都是精明的，懂得選好的店

今日經朋友介紹 嚟到hama sushi, 壽司有好多種類揀, 大部分都係12至17蚊， 其中三文魚腩兩食都係12蚊， 玉子蛋又夠大塊， 鴨肉蕎麥麵個湯夠香 芝士年糕咬落去一下爆漿， 中拖羅魚蓉2件都係$17, 而且好嘅地方飯唔會太多， 刺身夠厚， 豉油仲有五隻款式可以揀， 我揀咗隻濃厚少少嘅 ，之後抹茶wasabi任用任飲， 有一個鐘頭用餐時間， 埋單都只係$77蚊，真心抵， 值得推介， 不過可能比較多人，要等位或者早啲book定，下次會再去

去開佐敦，天氣熱熱就心思思想食壽司啦🍣你知我知單眼佬都知，就算壽司郎開到十八區都有分店，依然係間間都咁多人，醫肚心切，咁我就決定去近近地，而冇咁多人排隊嘅Hama Sushi啦🍣當晚係星期六夜晚六點半，等咗大概半個鐘左右就已經有得入咗，店員提醒用餐時間一小時⏰一個鐘就梗係速戰速決啦，一坐低就即刻㩒pad落order，諗住等佢上枱時先慢慢斟茶倒豉油，結果我撳完第一碟帆立貝壽司，準備撳第二碟時，碟帆立貝已經送到我面前啦！Hama出餐速度真係非常之驚人🚀壽司種類非常之多，而且會定期轉menu，所以我就揀自己特別鍾意嘅嚟講下啦🪿炙燒香滑鵝肝壽司（$17）試完hama之後，對於鵝肝壽司我已經由郎哥轉會嚟呢度喇！雖然鵝肝比較細塊同薄身，但鵝肝味濃得多！17蚊呢個價錢真係冇嘢好投訴，仲唔會成日斷貨😆🗻吞拿魚富士山軍艦（$22）富士山軍艦系列從來都係冇得輸🗻之前試咗三文魚cp值高，試埋吞拿魚一樣咁掂！疊到成座富士山咁高嘅吞拿魚碎，加幾粒三文魚子，都係22蚊咋！呢個影相效果ichiban，記得叫你打卡，好食又好睇🗻🗻🗻壽司方面主要都係走cp值路線，最主要都係睇嗰期嘅menu啱唔啱口味啦，接下來分享一下炸

聽說有一間聞為壽司郎對手, 見交通咁方便就去試下。門面外觀都算整潔, 座位亦都是迴轉位, 人流不算太多, 所以坐低食都舒服。基本點了標準三文魚壽司, 同樣都市$12蚊, 但相比起壽司郎就略遜信一籌, 反而佢地有個大切三文魚壽司$17蚊, 呢個口感反而好新鮮, 之後我都淨係只點大切款式, 大切當中仲包括有吞拿魚腩, 同樣亦都相對新鮮, 之後亦點了赤貝、原粒帆立貝壽司及海膽壽司, 味道同壽司郎不相伯仲。反而呢度拉麵頗為多款, 我都點了一碗豚肉拉麵$29蚊, 湯底都唔錯, 麵條又夠煙韌。餐牌與壽司郎相比, 大家都不相伯仲, 款式大家都多, 不是每款味道相同, 大家都可以一試嘅。

はま寿司 Hama Sushi 佐敦 🍣 又一間壽司店挑戰壽司郎！食完後仍有進步空間，好多地方做得幾好👍，都算新鮮飯偏細件 ✅本人較推薦： 鱈魚白子 炸蝦天婦羅 海膽軍艦🤝下次會試：手卷類 帆立貝 章魚燒 📍輪侯時間短🕣: 20分鐘入座 📍食物款式多元化🔠: 有手卷 丸子 茶飲 拉麵，🫙 佢有更多選擇(醬油有5款 以日本唔同城市命名 分別係偏甜/偏咸/昆布味/柚子味/特製） 📍座位寬闊舒服💺: 有卡位同bar枱夠闊落↔️ cusion櫈好好坐 #hongkong #hongkongfoodie #hkfoodie #foodie #hk #food #yummy #hkig #ig #eater #eat #hkeater #photo #delicious #deliciousfood #hamasushi #jordan

📍環境 & 地理位置：又一間日本過江龍迴轉壽司店，呢間坐落佐敦，搭港鐵一出站行3分鐘就到，超方便！不過午市同晚市例牌要排長龍，試過平日下晝2點幾都要等20張飛，建議用app book定先。舖頭裝修走簡約和風路線，卡位算闊落，但輸送帶位略嫌窄左啲。另外仲有個小貼士：店內冷氣超勁，怕凍嘅記得帶多件外套！ 1. 帶子壽司：北海道直送嘅帶子行厚切風格，都可以遮住成舊飯，咬落算鮮甜喇！點少少九州風刺身醬油，都帶到帶子嘅甜味嘅，連鎖野嚟講合格。2. 吞拿魚壽司：上到枱仲有少少冰渣，明顯係未解好凍就出貨，睇返都唔少人有同樣情況。其實你太多客解唔切，一開鋪預唔啱數都合理，但都開左咁耐點解唔可以預返人流解凍解返好先serve？😂3. 蠔壽司：期間限定嘅廣島蠔壽司反而有驚喜！本身預左連鎖壽司食蠔一定腥硬，純粹抱住試伏心態，結果又無乜野，鮮味就預左無乜，但叫做過得去👌🏻 ⚠️注意位：- 繁忙時段限時60分鐘，想慢慢食建議避開peak hour - 部分壽司碟邊有水定唔知油漬，拎碟前記得檢查下先用其他野食不過不失啦，比大家自行睇圖決定，成日encore我就唔會揀啦老實講😂

之前食過將軍澳店，今日想encore就揀左黎佐敦分店，7點幾去到已經企滿左好多人等位，好在同伴一早拎左飛壽司既款式選擇都幾多，但唔知點解白身魚好多都sold out了Hama suchi既茶碗蒸質量真係幾好，呢個滿滿蜆肉茶碗蒸真係食落啖啖都有蜆肉，起碼有20隻以上，推薦！呢個栗子brownie都好香濃但佐敦分店既衛生情況認真麻麻地，有幾碟壽司上到黎隻碟係有d食物既污漬同油油地，嗌左個壽喜燒牛壽司，塊牛係突左出黎hi到條輸送帶，另外嗌左個toro壽司，兩舊toro係冰的，完全未解凍呢間分店真係要重視一下呢個問題，因為上次係將軍澳分店體驗好好多😅

收到YT，食評家馬家猫提示，此店寿司質素強差人意可以不食，但其他食品，例如炸物及甜品水準就超得，嘅然收到名氣食評家提示，所以揾食肥華和靚媽在3月1O日，光顧此店時就一件寿司都冇食到，衹喺柯打咗兩碗烏冬與天掃羅及甜品KOL馬家猫所言非虚，今日肥華在此店食到嘅三個甜品，北海道千層蛋糕，和風粟子蒙布朗，和風芭菲都喺值得肥華俾A級評分嘅食品。而個兩碗牛肉及腐皮烏冬，食材亦喺A級評語，可惜個湯底超咸，連肥華呢個重口味人仕，都要對呢兩碗超咸烏冬湯底舉手投降。反之嗰客有炸蝦，炸冬菇，炸南瓜，炸秋葵，嘅天掃羅拼盆又喺B級評分食品，相比之下嗰碟炸墨魚咀就衹得C級評分。⭐️⭐️⭐️⭐️👍🏻👍🏻👍🏻👍🏻

用OR預約時無提及朋友去到入座時店員提醒人齊入座起計一小時用餐各人都覺得有D趕於是放棄大家都認為90分鐘都還可以接受但係一個鐘就真係有D那個希望預約時可註明以上限時以免日後浪費大家時間

見出佐敦 想又未試過呢間 就決定試下啦上網book左位，到餐廳時有show booking , 職員就只問我電話號碼 都無望過我😑俾完枱號我自己行入去後 基本操作自己來的。食物方面 點左三文魚 鰻魚 鵝肝壽司果d , 上餐算快的，食物賣上比圖睇好奀， 三文魚薄到冇得再薄、鰻魚壽司就一點都吾鬆軟 係硬的、鵝肝方面因為鍾意食 點左4次 一次比一次吾好食😓 重有蔥吞拿魚蓉軍艦 無咩魚味 其他都吾記得了😓 另外 炸物方面 上餐時feel到應該有炸返熱的 炸雞點左4舊 咸到放底左😓 炸雞胸骨第一碟正常味道 再點第二碟就變左又細舊又凍😖😖整體來講 試過後 會選返另一間壽司店好過🙈事後 收到open rice通知 表示我缺席，好在有影低收據🤯

最近吃了兩次，一次在佐敦店，另一次到開了不太久的將軍澳店，感覺是佐敦店比剛開業時，有了進步，走向接近壽司郎的水準，而將軍澳店好像食物是一般般的。   二重奏大切吞拿魚中拖羅上次在將軍澳分店，吃了$17單片的中拖羅，感覺一般，這次是兩片，而且比較厚身的，賣相差，但入口卻很肥美。  吞拿魚三味（赤身，長鰭吞拿魚，吞拿魚蓉）赤身和長鰭吞拿魚一般，吞拿魚蓉明顯比較好吃的。  咖啡果凍配雲呢拿雪糕雲呢拿雪糕於半溶狀態時 ，比較香滑。  松葉蟹禾風芡汁茶碗蒸比一般的茶碗蒸多一點材料。  炙燒香滑鵝肝比較薄身的鵝肝，沒有甚麼口感，明顯地，壽司郎的炙燒焦糖鵝肝比較好吃。  佐賀牛在燒肉店吃的佐賀牛美味好吃，但這樣以壽司形式吃就不覺得甚麼了。   香蔥吞拿魚蓉軍艦好吃的，但對比在東京秋葉原分店吃的，那裏的更棉滑。

去到佐敦諗緊食壽司呢條街有Hama 壽司對面街就係壽司郎啦本身諗住壽司郎有三文魚壽司特價想幫襯吓但諗諗吓，Hama 壽司冇分店一於幫襯吓呢一間壽司舖先星期六下晝去以為要排隊點知有一半位都係吉嘅上菜超級快同埋佢個點菜位係已經寫到明嗰總金額係幾多方便有budget嘅人士叫嘢食我好鍾意佢啲壽司飯Size比較細但係佢好香同埋感覺上係有啲油（which I like it very much)佢自己寫到明三文魚同埋吞拿魚喺日本運到返嚟香港先至會切，識落真係非常之新鮮

上一年和今年來光臨 Hama sushi餐廳比較多， 因這裏食材嘅價錢不太貴， 食品品質不過不失經濟算是這樣的。 這間餐廳不算很大但可以容納多人環境優美，服務質素ok。來到這裏當然專攻火焰三文魚壽司， 尤其是 火焰三文魚壽司， 入口嫩滑口感清新， 至於火焰金磚鮭魚口感一般不及一般普通的火焰三文魚腩壽司的那麼好吃。這個屏幕電腦最大的好處是每次一入單就可以發現自己吃了幾多價錢的食物！這裏的日本拉麵口感堅韌比較好，尤其是北海盗豚肉拉麵及濃口拉麵。 比起香港壽司郎好吃得多，香港壽司郎的拉麵太油了不合我杯茶。暖心八爪魚丸味道可以！火焰燒蠔壽司口感可以， 但不太熱應該多熱才好質感有點冷。這裏甜品來說比較好吃的是雪糕咖啡果凍 但每次出的不一樣有時用玻璃瓶有時不用，只用普通碗的。來這裏吃百幾蚊的日本餐算可以滿足！

在尖沙咀的 Hama Sushi,博多豚骨拉麵的湯底濃郁,散發著醇厚的豚骨香氣,麵條彈牙,搭配嫩滑的叉燒,令人回味無窮｡三文魚籽軍艦則新鮮可口,魚子醬的鹹香與米飯的柔和相得益彰,讓人一口接一口｡最後,松葉蟹和風芡汁茶碗蒸口感細膩,蟹肉的鮮甜與清新的和風醬汁交融,讓整體更加清爽｡整體餐點雖不過於華麗,但每道菜都展現了食材的本味,適合喜愛日式料理的人士｡