うまい鮨勘

營業中

休息中

不嬲都食開呢間餐廳既lunch因為坐得舒服同位同位之間都有番自己privacy咁岩星期6同朋友諗唔到食咩就又去飯堂食下去到見到有個新既Omakase Menu就同朋友一人點左一個去試試一黎就上左前菜, 粟米超鮮甜👍🏻如果有多舊就仲perfect🤣然之後就係十三貫 (會有13件壽司)黎左5件壽司先件件都好新鮮之後再有5件壽司 帶子同海膽卷超鮮食唔停口🤤再黎就係最後3件壽司同1件手卷個海膽真心冇得輸 超新鮮最後就係上埋個新鮮魚湯同雪糕魚湯奶香味濃 好正👍🏻總括成個dining experience都好好服務員態度和藹 有禮貌地方又坐得舒服呢個價錢同時食咁多野 well deserved👍🏻(其實係有小小飽到食唔落)係我食過其中一間好出色既Omakase

香港呢啲濕熱既天氣，總係想食日本野。今次係第二次黎食鮨勘，見到有個一人前既壽司set 有我最鐘意既海膽🧡😚一睇到有13件壽司🍣都知道一定夠飽🤣呢個價錢 我又覺得ok wor~前菜🥗有Parma ham包住既無花果、溫室番茄🍅同八爪魚🐙無花果好熟好香 同Parma ham意外地夾！壽司🍣分開左3碟上，因為一人前既關係，唔想一次過上哂啲嘢，呢點係幾細心。我最愛既海膽好夠份量！食完真係好滿足🧡而其他壽司都幾好食，材料都新鮮。仲有個香蔥吞拿魚腩手卷，好大舊，都幾多料，唔會食到後面得返啲飯。甜品就係雪糕，有綠茶或者芝麻。我就揀左芝麻，有啲粒粒 好香😋餐廳環境係舒服😌好似係擴張左 所以多左卡位，幾適合一班朋友聚會。

成日經過呢間鮨勘都未試過 ，今次同成班朋友聚聚，趁人多就黎試下店面都係一貫傳統日式風格，我地被安排係一個小包廂形式既6人檯，都幾有私隱度，成班朋友傾偈大笑都好自在原來呢度除左一般既刺身壽司盛之外，仲有兩款Omakase，一於試下佢先兩款分別係壽司Omakase同串燒Omakase，首先上桌既係壽司13貫，賣相真係不俗喎不過人多share食有個唔好處就係有d款試唔到壽司用既都係時令魚，非常鮮味，赤身味道濃厚，加上芝麻既點綴口腔內仲多添一層香氣，沙甸魚加上醋既微酸辟腥之餘味道清新池魚加上薑蔥絲令鮮味更加提升，象拔蚌都好鮮甜吞拿魚蓉手卷D吞拿魚多到跌出黎最令人垂涎既梗係呢個咁澎湃既海膽壽司成個口充滿海膽既鮮甜，真係大滿足至於串燒Omakase主要係雞肉串燒，有唔同既部位，除左上脾下脾、雞翼雞胸之外，仲有內臟部分，雞肝雞腎，雞肉丸子配黃蛋既味道非常出色另外仲有燒鮑魚同大蝦柚子鹽燒和牛除左Omakase仲叫左其他野食，呢個極上刺身丼真係好足料幾個朋友一齊食都覺得好多好飽，龍蝦同牡丹蝦都好鮮甜，裡面仲有吞拿魚蓉可以拌飯，呢個價錢我覺得係幾抵食一個13貫既Omakase點滿足到我地咁多條化骨龍，再追

終於見到唔洗排隊，之前都食過幾次，刺身都幾新鮮下，今次坐底，見到有個新menu有兩個餐，一個係手握壽司set，另一個係串燒set，2個人唔洗諗，每樣叫左1set試試。兩個set既前菜都唔同，其中有個白色粟米，超甜超好食🥰。主菜黎啦，壽司共有13件，大拖、海膽夠新鮮就唔多講，已經係omakase既級數，唔洗點豉油先可以食到每件既鮮味，仲有件吞拿魚蓉手卷，超滿足，最後埋尾有碗奶白色既鯛魚湯，飲埋就真係飽飽😎😎😎😎。另外一個串燒set，有雞翼、雞肉丸子、雞肝、雞心等等，好有日本街邊串燒風味，串串都燒到岩岩好，有小小燶邊，脆得黎又唔過火，跟住有超大隻鮑魚、和牛、超大隻虎蝦，堅好食，仲跟左個雞白湯麵，個湯超濃郁，仲濃味過平時拉麵鋪d雞白湯，唯一挑剔既地方就係麵身淋左d，真係美中不足，再硬番小小就very good👍👍👍👍! 另外加分地方係服務非常好，環境都唔錯🙂🙂🙂

Had dinner here with my boy, one of his favorite sashimi/sushi place. Quality somehow deteriorated over the years I felt especially cooked food. Still had a good time with sushi this time. We used up some HC coupons however, if it’s without coupons the quality is not worth the price. Service was literally 0 with QR code ordering but staff in general is polite and friendly.

今日又去咗海港城，仲有Coupon （$200-$100）咁優惠。我哋揀咗呢間日本餐。食物質素OK，坐得幾舒服。有優惠券食飯一定抵食。扣除優惠券，每人- $500。鰻魚玉子燒 - $92 。我平時好少食玉子燒。但呢個下次可以再叫。雞蛋都幾滑同幾甜。又有鰻魚汁嘅香。味噌燒🦪- $72 / 隻，值得一讚幾好味。甜甜地，仲己有蠔味。炙燒🍣🍣 - $368 （10件）甲羅燒 - $198。我唔鍾意嘅原因係覺得唔熱。䁔䁔地。味道唔突出。我覺得食物要熱辣辣先好食。廚師發板豐州🍣🍣- $598 （ 12件）

已經好耐冇去過日本，真係好掛住。見海港城有coupon就嚟咗試呢間由日本築地開咗嚟香港嘅日本餐廳。💜環境幾好，木色設計，坐得都舒服。👍🏽我地叫咗一個極上鮪魚丼同埋一個北海丼。😋😋極上鮪魚丼嚟到個陣都忍唔住哇咗聲，有大拖羅、中拖羅、赤身、吞拿魚蓉。好豐富好滿足。🍣北海丼有10款刺身，好新鮮，海膽鮮甜。🍣有用coupon嘅話幾抵食，去唔到旅行，簡唔中食一餐止下癮幾好呀👍🏽👍🏽👍🏽

最近拎到有海港城劵去食餐好啲嘅，揀嚟揀去決定左鮨勘，原先以為係要叫人落單，喺度死記餐牌菜名同頁數，後來眼尖見到塊QR code牌，先發現係可以掃code落單(帶位嗰個咩都無講, 比左位我哋就走左, 無人提，無人知佢靜雞雞咁放低左塊code牌)原本諗住海港城日本料理食物質素會比出面同類型餐廳好啲，點知都係一般水平，但價錢就。。。性價比低可能係本身期望高左，但鵝肝壽司同丼飯係好OK嘅！鵝肝價錢同出面差不多，但比出面嘅大塊。丼飯抵食。其他刺身，壽司，串燒，天婦羅就。。。好一般廚師發辦豊洲壽司盛都係普普通通。特別要提，羊肉串(自家製)真係so到一個點，十分超級中意so味嘅可以一試。

小編今日來到尖沙咀一間壽司店「うまい鮨勘」，本店來自於日本築地市場🇯🇵木製裝潢簡約☺️亦有壽司吧枱「廚師發辦」，和風韻味洋溢，貫徹和風暖色木系，吃一頓豐富美味日本菜，滿足「返鄉下」的感情😎「豐洲極上刺身丼 」視覺效果一絕，味覺饗宴的丼飯華麗上桌✨集合超過十款不同種類的刺身，分量十足，適合兩至三人享用😍 碗滿滿海味的丼飯包括多種刺身海鮮，如龍蝦🦞、海膽、日式磯煮鮑魚、三文魚籽、鯛魚、吞拿魚蓉🐟、帶子、三文魚、甜蝦🦐、北寄貝，玉子燒等😄 海膽細滑如奶油般質地，味道鮮甜🧡 三文魚籽色澤鮮橙剔透，外觀飽滿，拌飯吃一流😄 凍龍蝦已拆肉，肉質紮實富彈性😍 日式磯煮鮑魚加入鰹魚片，日本醬油，清酒，味醂及水煮成濃郁湯汁，爽口鮮甜☺️ 整體超份量，一定可以滿足海鮮控的慾望✨🍽 ：豐洲極上刺身丼👅好味指數：7.5/10💰消費：HK$498📍 地址：うまい鮨勘 (尖沙咀)尖沙咀廣東道3-27號海港城海運大廈地下OTG04號舖🈹推介優惠：於海港城指定參與商戶消費每滿 HK$200，即可使用「HK$100 美食優惠券」乙張，每項交易最多可使用 5 張。

每個月都要去食餐大餐獎勵下自己努力工作 今日去到尖沙咀海運中心嘅呢間鮨勘到食晚餐餐廳 除咗日式料理仲有好多串燒最近推出咗個串燒Set 啱曬我呢啲無肉不歡嘅食肉獸呀串燒無花果 溫室番茄 薑苗點麵豉醬 成個配搭較為清淡 最特別係薑苗用上本地新鮮雞去做 有十串雞肉唔同部位 雞胸肉 雞頸 燒雞翼 雞皮 雞肝 雞心 雞腎 雞頸肉唔係度度有 呢個部位比較少喐動 肉質非常嫩滑雞皮燒得脆卜卜而且一啲都唔油膩 火候控制得啱啱好 兩串海鮮 燒鮑魚 燒虎蝦 兩款都非常新鮮一串a4和牛 牛肉味香濃 外皮燒得惹味雞白湯拉麵

今日同媽媽慶祝生日帶佢嚟到尖沙咀海運城嘅呢間之後到食晚餐 晚飯時間嚟到已經超級多人 我哋叫咗個 Omakase前菜溫室番茄 螢光魷魚 漬物 擺盤好靚 時令嘅螢光魷魚非常鮮味13件壽司大拖羅 赤鯥 池魚 石雕 魷魚卷海膽珍寶帆立貝 佐口魚 北海道海膽 中拖羅 金目鯛 赤貝 凡立貝 白蝦壽司個人最鍾意食就係大拖羅 油份十足非常鮮甜又入口即溶嘅感覺 時令嘅白蝦壽司鮮甜度好高 一件卷物 吞拿魚蓉手捲 非常足料 吞拿魚蓉有入口即溶 湯物 日本鯛魚湯 魚味濃郁非常鮮甜

真系一間極品日本餐廳，先唔講食物，就系外賣要加一服務費就已經好唔掂，我真系未試過外賣都要加10%服務費，我開頭以為系搞錯所以去問下，點知道回復系因為我用左海港城Coupon，如果無用就唔使給，WHAT？已經收左8蚊外賣盒，又要收外10%收服務費，個人覺得極度唔合理咯暱間餐廳收費都唔算平，但系Ｄ野真系麻麻，對唔住個價錢北海丼HKD288: 海鮮都算OK新鮮，但系Ｄ飯真系好唔掂，好難食，跟個麵豉湯同沙拉，無咩特別。蒲燒鰻魚丼HKD168: 應為見它寫住人氣，以為好掂啦，其實真系好一般，無任何出彩的地方，平平無期，但系唔難食。咁嘅價錢，咁嘅質素，咁嘅服務，真系唔會有下一次

🍣壽司定食（$248）🍣見佢10件都冇重複+1件手卷，諗住可以試吓唔同嘢，於是就叫咗呢個set。一上枱，見佢擺得到幾好睇，拖羅壽司都算肥美😋，食完係得呢款比較有印象。其他都正正常常，係唔差但係又未至於好正😬。魚生普遍唔算厚身。$248可以食到更加好嘅質素🤔。🍣吞拿魚蓉飯🍚本身唔係諗住叫呢個飯，但係有幾樣想叫嘅都冇，唔知係賣晒定點（大約2點），所以就叫咗呢個飯。呢個飯嘅賣相都幾差，望落好頹，雖然上面加咗啲紫菜絲，葱碎，Wasabi，但係睇落似一舊未蒸嘅🐷肉餅，所以上枱嗰陣我有啲愕然😨，以為佢比錯嘢。食落嘅味道其實都唔差，不過都係一樣唔值呢個價錢。午餐跟一個麵豉湯同埋薯仔沙律。沙律係幾好食，可惜份量有啲少，真係得一啖。整體見佢嘅裝修咁日式⛩，而且價錢都唔算平💸，對佢有頗大嘅期望，可惜期望越大失望越大🥲。。。早個排有harbour city coupon 要用hsbc credit card 比錢先用到，點知佢個paywave 機又壞左，最後冇得用coupon。有得用coupon先好去食。

好想食串燒, 咁岩有海港城coupon, 就黎到一直都好想試的日本餐廳 - 鮨勘！今次揀左串燒餐，餐廳光亮，座位闊落😍呢個串燒餐有: 先付、串燒13道、食事、甜品🌟先付 -前菜有番茄、蠶豆、蕎頭，估唔到味道幾夾wor，唔錯! 串燒13道 包括: 雞柳、雞肋、雞頸、雞心、雞腎、雞肝、雞翼、雞尾、雞皮、雞髀肉每串都燒得好好，咸味適中，而且外脆內嫩👏仲有燒和牛，和牛油脂分布平均，食落肉質唔錯😊仲有２款燒海鮮，鮑魚新鮮又彈牙；芝士燒蝦，蝦大大隻，啖啖肉，正😄食完串燒，再黎個雞白湯拉麵，入面有三件雞、半隻糖心蛋、竹筍，好多料，食到好有飽肚感❤️最後來埋個綠茶雪糕，為今晚劃上完美既句號👍

來到7月生日月~ 好友帶我食好西❤️ 我揀左一直都好想試既鮨勘！今次揀左OMAKASE😋一入到餐廳簡潔明亮，座位非常闊落，坐得舒服～今次點左Osusume Nigiri🌟 會有先付、手握壽司13道、手卷、碗物、甜品～🌟先付🌟- 前菜係蕃茄，螢光魷魚，賣相算係吸引~ 幾開胃😋🌟手握壽司13道🌟 包括: 赤背、左口魚邊、拖羅、帆立貝、北寄貝、魷魚、海膽、赤陸、金目鯛、大拖羅、深海池魚、真鯛，etc～當中最喜歡係大拖羅入口即溶非常甘香、深海池魚肉質細膩、金目鯛富有彈性😍 整體黎講，13件壽司，刺身同飯既比例手握得好好，而且醋飯調味適中，正~手卷有🌟香蔥吞拿魚腩🌟，好食好暈，充滿魚脂濃郁香味，一定要食!碗物係🌟蜆味噌湯🌟，蜆肉鮮甜飽滿，飲落唔算咸~甜品係🌟綠茶雪糕🌟，食完好滿足!