聖誕去旺角鋸扒都好有氣氛，呢間“Lab Eat Bistro” 一向主打fusion菜，大廚定期由世界各地揀選食材設計新料理。
【聖誕限定】日本靈感Fusion菜
今次聖誕套餐以日本元素為靈感，用日本食材／煮法做出驚喜，例如加咗鱘魚子醬嘅三文魚醬油漬、慢煮3.6牛乳北海道十勝豬扒等。仲有極高級數嘅澳洲穀飼M6天然和牛，特選牛後腰靚位配鵝肝勁正！
【聖誕大餐早鳥優惠】
於12月18日前預定聖誕大餐可免費享用紅或白酒一枝。
呢度嘅甜品一直有大班fans㗎，今次特別引入日本青森蘋果；又將柚子加入熔岩朱古力蛋糕，清甜不膩。
聖誕套餐以日本元素設計fusion菜。
即睇聖誕套餐有咩食～
- 熱湯2選1 牛油南瓜忌廉湯 野菌松茸忌廉湯
- 前菜2選1 生牛肉他他(美國100日穀飼天然牛柳) 三文魚醬油漬親子沙律(配西伯利亞鱘魚子醬) +$68
- 主菜3選1 澳洲穀飼M6天然和牛後腰扒(配香烤鵝肝) +$68 慢煮3.6牛乳北海道十勝豬西冷扒 香煎海鱸魚配芫荽意大利飯
- 甜品2選1 日本青森蘋果批 柚子熔岩朱古力蛋糕 |
熱湯2選1//
今次有2款熱湯選擇都係足料煮製，輕甜嘅牛油南瓜忌廉湯、勁重菌香嘅野菌松茸忌廉湯。湯身都比較濃稠，冬天飲好暖胃。
前菜2選1//
生牛肉他他(美國100日穀飼天然牛柳)
特別選用穀飼天然牛柳，肉味唔會太濃但好綿滑～配埋鵪鶉蛋、finger lime嚟食，蛋香啱啱好唔會太搶，作為前菜幾滿足。
三文魚醬油漬親子沙律(配西伯利亞鱘魚子醬) +$58
三文魚油漬係用味醂、酒、豉油等；配埋油醋白露筍、矜貴鱘魚子醬等，微酸帶鹹勁開胃。
主菜3選1//
澳洲穀飼M6天然和牛後腰扒(配香烤鵝肝) +$38
比較矜貴少見嘅牛後腰扒，因為係較少運動嘅肉位，所以肉質好嫩又重肉味。而且油花平均較少，配埋烤鵝肝一齊食好夾。
慢煮3.6牛乳北海道十勝豬西冷扒
旺角好少地方食到北海道十勝豬，喺北海道十勝農場飼養大概180日，無激素無添加。大大塊豬扒浸住係3.6牛乳慢煮，爽中帶嫩滑，豬味特別濃郁甘香，食落又有淡淡奶香。
香煎海鱸魚配芫荽意大利飯
芫荽控又有新嘢試啦！平時忌廉意大利飯就食得多，點諗到芫荽意大利飯都有!? 真係用咗勁多芫荽煮㗎，融合清新同濃郁，估唔到又幾過癮。
甜品2選1//
柚子熔岩朱古力蛋糕
一切開朱古力蛋糕，即刻爆出朱古力熔岩～完全係雙重朱古力享受呀！甜品師傅特別喺朱古力餡加入柚子皮；蛋糕又灑上柚子鹽，利用日本柚香中和甜膩度。
日本青森蘋果批
有啲人會怕蘋果批太甜，今次就用咗清甜嘅青森蘋果，甜度啱啱好唔會過膩～金黃色酥皮勁鬆脆，仲有淡淡牛油香。
【聖誕特飲】
調酒師特別設計2杯限定聖誕特飲～
Holly Jolly
放上聖誕紅莓果嘅Holly Jolly，係用Gin酒、接骨花酒、香桃乳酪等調製，飲落有種淡淡桃香。
One-two-two-four
海藍色嘅One-two-two-four，則以伏特加、藍橙、橙汁等調配，酒味略帶香甜。
“Lab Eat Bistro”樓高3層，區內少見咁大間fusion餐廳。
店內寬敞，每張枱都有足夠距離，真正享受到用餐過程。
Lab Eat Bistro (豉油街)
地址: 旺角豉油街36-42號榮高大廈地下-2樓
電話: 23337177