聖誕約會梗係想每道菜都打吓卡,尖沙咀同旺角都有分店嘅“Lab Eat”,聖誕晚餐全部都超靚!! 特別係有泡泡嘅金箔生蠔;仿如甜品精緻嘅法國鵝肝醬配焦糖蘋果。
大廚仲好有心機創作料理,好似牛奶泡沫露筍湯、牛骨髓薯蓉、龍蝦薯批等都係坊間少見㗎。
“Lab Eat”旺角分店以木系為主,卡位好有私人空間。
“Lab Eat”尖沙咀分店環境典雅,懸掛燈泡好有外國氣氛。
聖誕晚餐仲包紅白餐酒/聖誕特色雞尾酒/聖誕特飲;加埋3款超美甜品—黑魚子醬雪糕、金箔黑朱古力、聖誕法式小甜點,勁浪漫超溫馨!!
聖誕二人晚餐,每道菜都好啱打卡。
聖誕特調飲品甜甜哋又靚,好啱女生飲。
【聖誕二人晚餐$1,888/2人】一覽
- Starter// 新鮮生蠔配金箔 - Appertizer// 日本拖羅及西班牙紅蝦刺身、帝王蟹肉及法國芝士、法國鵝肝醬及黑松露 - 湯// 日本黑舞茸菇濃湯、法國青露筍湯 - 主菜// 200克澳洲M8和牛西冷、芝士鮮活龍蝦及法式薯批 - 甜品// 黑魚子醬雪糕、金箔黑朱古力、聖誕法式小甜點
(晚餐包括2杯: 紅白餐酒/聖誕特色雞尾酒/聖誕特飲) |
Starter// 新鮮生蠔配金箔
新鮮生蠔嘅夢幻泡泡,其實係檸檬泡沫嚟㗎。今次大廚引入法國生蠔,利用煙燻鰻魚蓉、黑魚子醬做出淡淡煙燻香~撞上微酸檸檬泡泡,引出生蠔鮮甜海水味。
生蠔鮮味好有層次。
Appertizer//
日本拖羅及西班牙紅蝦刺身·帝王蟹肉及法國芝士·法國鵝肝醬及黑松露
好驚喜用咁優雅嘅高腳碟呈現3道前菜,每道前菜都好講究手藝㗎,拖羅、帝王蟹定鵝肝醬?真係可以why not both。
(右下)日本拖羅及西班牙紅蝦刺身。一次滿足拖羅同紅蝦癮。
(右上)帝王蟹肉及法國芝士。芝士卷軟綿綿,內餡係滿滿阿拉斯加蟹肉。
(左)法國鵝肝醬及黑松露。利用焦糖蘋果中和鵝肝醬。
湯//
日本黑舞茸菇濃湯
望落好似一般蘑菇湯,其實大廚用日本有機舞茸菇,代替傳統蘑菇。一入口舞茸菇嘅濃郁香味同味道已經湧出嚟~
超濃郁日本舞茸菇,第一啖已經有驚喜。
法國青露筍湯
另一款乾貝露筍湯,係揉合多國食材同手藝煮成。將乾貝清湯加入法國青露筍、冬季BB菠菜、豆苗熬製,最後加上牛奶泡沫增加口感。
乾貝露筍湯味道爽嫩,好鍾意牛奶泡沫嘅綿綿口感。
主菜//
200克澳洲M8和牛西冷
大廚特別為聖誕揀選嘅M6澳洲和牛西冷,無論油脂、肉味都好平均,係極品牛之一嚟㗎。
廚師團隊特別研發,將燒香嘅牛骨髓加入薯蓉,可以用另一角度品嚐牛骨髓嘅香濃味。
薯蓉口感品嚐牛骨髓,好有分子料理影子。
芝士鮮活龍蝦及法式薯批
呢道芝士焗龍蝦有別傳統,將龍蝦低溫慢煮後再加芝士烘焙,比傳統做法更保留到龍蝦原汁原味。
下層係傳統法式薯批~大廚將龍蝦其餘部分高溫烤焗,再磨成粉末調味,難怪每啖都勁濃龍蝦味啦。
龍蝦其他部分都無浪費,特意焗成粉調味。
甜品//
聖誕夜一齊share甜品好甜蜜~大廚細心地準備足夠2人份量嘅甜品拼盤,有黑魚子醬意大利雪糕、金箔特濃黑朱古力、蛋白檸檬批同多款法式小甜點,甜品都係自家製㗎。
餐酒//
聖誕晚餐包2杯紅白餐酒/聖誕特色雞尾酒/聖誕特飲,聖誕特調天有節日氣氛~
Royal fizz
呢杯係無酒精特飲,以新鮮紅桑子、玫瑰花茶,加上氣泡細密梳打水。入口有新鮮水果香,又有玫瑰花茶優雅味道。
聖誕特飲揉合水果同玫瑰花茶。
Christmas Happiness
聖誕節特色雞尾酒靈感來自經典威士忌調酒—New York Sour。以Rye Whiskey配偏果味紅酒、玫瑰荔枝酒;再加上檸檬、蛋白做出獨特風味口感。
入口先有果香甜味,後續滲出威士忌酒香。
LAB EAT Restaurant & Bar (T.O.P This is Our Place)
地址: 旺角彌敦道700號T.O.P. This is Our Place 5樓502號舖
電話: 23525699
LAB EAT Restaurant & Bar (金巴利道)
地址: 尖沙咀金巴利道87-89號僑豐大厦地下1-2號舖
電話: 28331976