聖誕想食日本嘢除咗刺身壽司，尖沙咀「漁道樂」嘅聖誕套餐仲有浜燒組合、鹿兒島A4和牛鍋、蟹甲羅等，一定要咁豐富先有儀式感呀！預早訂位仲有85折早鳥優惠呀。
坐榻榻米即刻勁有feel。
可以訂日式VIP房㗎。
即睇聖誕餐有咩食啦～
「漁道樂」師傅有30年廚師發辦經驗，每日都會親自安排時令靚魚由日本直送到港，所以刺身、壽司、浜燒海鮮都好新鮮～聖誕仲可以食埋A4和牛𠻹。
- 雲丹沙律杯 - 極上壽司盛合 - 龍蝦4点刺身 - 浜燒盛合 - 味噌蟹甲羅 - 海鮮天婦羅 - 鹿兒島A4和牛鍋 - 甜蜜小丸子 |
聖誕餐超豐富！
雲丹沙律杯
加拿大海膽配帆立貝刺身，加埋牛油果、三文魚籽沙律，口感軟綿綿又清爽。
極上壽司盛合
有多款人氣壽司，如海膽、吞拿魚、三文魚籽、帶子等。
龍蝦4點刺身
聖誕食龍蝦刺身即刻儀式感UP～仲係原隻澳洲龍蝦刺身勁多肉，龍蝦肉剔透彈牙，加埋吞拿魚、三文魚、油甘魚刺身大滿足。
浜燒盛合
好掛住日本浜燒呀！呢度都係用日本浜燒爐，特別設計令火力啱啱好燒熟海鮮，唔會太大火燒到乾身，食落勁juicy呀。呢度有專人幫你燒，想自己燒有氣氛啲又得。
浜燒盛合有南非鮑魚、帆立貝、瀨戶內海生蠔。店內仲有魚缸養住南非鮑魚，上枱嗰陣仲好新鮮郁郁吓㗎～
味噌蟹甲羅
蟹蓋放滿蟹肉、蟹籽、蟹膏、鵪鶉蛋、青蔥，放上浜燒爐燒熱撈勻超香濃。
海鮮天婦羅
天婦羅用銅爐明火炸，比一般電爐高油溫，薄漿天婦羅一炸就得好脆口～師傅每日都會換油，完全無油膱味。
鹿兒島A4和牛鍋
冬天食個和牛鍋暖笠笠～和牛油脂分佈平均，入口有油香又keep到肉感咬口，輕輕一灼就食得喇。
甜蜜小丸子
最後仲有甜品，聖誕氣氛更浪漫呀。
漁道樂
地址: 尖沙咀金巴利道35號金巴利中心地下A舖
電話: 23887668
WhatsApp: 62146508
