聖誕夜氣氛真係好重要,隱身於酒店入面呢間“The Pearl” 係17世紀巴洛克風格,配以樹脂藝術品有種與別不同嘅知性美。今冬為咗感謝食客過去一年支持同肯定,特別將歐洲家庭料理傳統煮法,設計聖誕晚餐,希望大家感受到溫馨氛圍。
【早鳥優惠】“The Pearl”聖誕晚餐詳情!
日期: 12月5至23日; 27至31日 優惠:早鳥優惠$688 (需7天前預約)、walk-in $788
日期: 12月24至26日 優惠:早鳥優惠$788(需7天前預約)、walk-in $888
- 前菜: 聖誕沙律、芬蘭傳統醃日本北海道帶子 - 熱湯: 葵花籽南瓜薑湯 主菜3選1: 脆烤三文魚卷/黑松露燒春雞/匈牙利燉牛肉 配忌廉芝士千層薯批 - 甜品: 自家製蘋果金寶
*每位包紅/白酒1杯 *由於12月數量緊張,顧客需先付訂金$400/ 位 *如取消預約及退款,請於3天前聯絡餐廳,方可安排 |
聖誕夜 傳統歐洲家庭料理
前菜//
聖誕沙律 Christmas Salad
前菜選用傳統聖誕沙律,擺盤以外國家庭門前掛著嘅聖誕花環為靈感,儼如開啟大門邀請各位享用聖誕夜晚餐。
沙律有煙燻火雞、士多啤梨、栗子、鵪鶉蛋等,相當豐富。
芬蘭傳統醃日本北海道帶子 Scallopini
傳統芬蘭家庭於聖誕夜一定有醃製海鮮,一般以希靈魚或沙甸魚為主。今次廚師團隊選用日本北海道帶子,配以新鮮甜菜頭汁醃製,以天然食材提升帶子鮮味。最後有日本醬油漬三文魚籽、黑魚籽增加口感,作為第二道前菜相當豐富。
北海道帶子配上日本醬油漬三文魚籽、黑魚籽。
葵花籽南瓜薑湯 Cream of Pumpkin Ginger Soup
將傳統南瓜湯加入少許新鮮薑汁,濃厚中帶少少辛辣,冬天飲完真係暖笠笠,好有外國家庭聚餐溫暖感。
南瓜薑湯加入葵花籽,濃厚健康。
主菜3選1//
脆烤三文魚卷 Crispy Baked Salmon Roll
主菜3選1有脆焗三文魚卷,鬆脆外層捲著細嫩新鮮三文魚,中間仲有爽口日本昆布,香脆又爽嫩好豐富!加埋微辛明太子忌廉汁同脆炸三文魚皮沙律,無論味道定口感都好滿足。
口感香脆又爽嫩,蘸埋明太子奶油醬好香口。
黑松露燒春雞 Truffle Roasted Spring Chicken
另一選擇係黑松露燒春雞,雞皮好香脆!而且春雞先用黑松露醃製再慢煮,雞肉都有陣陣松菌香~配上沖繩黑糖、鹿兒島玄米醋製作嘅車厘茄莎莎醬,惹味又唔油膩。
春雞用黑松露醃製再慢煮,雞肉都有陣陣菌香。
匈牙利燉牛肉 配忌廉芝士千層薯批 Beef Goulash
最後選擇係匈牙利燉牛肉 配忌廉芝士千層薯批。傳統匈牙利燉牛肉係用牛肉汁製作,今次廚師團隊就以嶄新手法,做出更獨特嘅匈牙利燉牛肉回饋食客,唔知新煮法有無驚喜到你呢?
將匈牙利燉牛肉一反傳統,創作更高質口味。
甜品//
自家製蘋果金寶
甜品方面有自家配方嘅蘋果金寶,聖誕禮物造型同迷你聖誕老人好可愛,女仔一定鍾意!
自家配方嘅蘋果金寶,係可愛聖誕禮物造型。
The Pearl
地址: 尖沙咀加連威老道20-22號瑞生尖沙咀酒店4樓
電話: 53281503