壽司刺身晚市半價!日本直送食埋夢幻下午茶
半價食壽司刺身不是夢!將軍澳日本料理店「花樂」以極抵優惠回饋食客~ 星期一至五全日全場壽司、刺身半價,而且所有魚生都係每日日本直送,要留肚食回本呀!除咗半價優惠,佢哋嘅夢幻雙層鳥籠下午茶都好高人氣,值得一試㗎。

【半價】晚市壽司.刺身半價優惠!

時間:只限星期一至五全日時段(星期六日及公眾假期除外)

優惠詳情:只要Like 花樂Facebook及IG,晚市所有壽司、刺身即享半價

***只限堂食


壽司刺身半價 拖羅回本! 必食肥美刺身
全場半價咁抵,梗係想賺盡優惠啦!個人覺得最回本係拖羅,因為係每日由日本築地新鮮直送,相比坊間冰鮮貨更肥美。食落豐盈魚脂慢慢喺口中融化,鍾意魚油香嘅話必點!
「花楽」所有魚生由日本直送,款式選擇多,半價真係忍唔住想試晒每款。

天冷魚肥,冬天魚嘅油脂特別豐滿,所以食喜之次、鯖魚、深海池魚等魚油重嘅刺身就最正,口感肥美軟嫩,魚油入口融化。不過因為日本魚材每日直送,所以款式日日都會有啲唔同㗎。
冬天揀魚油重嘅刺身,口感肥美軟嫩,魚油入口融化好正。

人氣下午茶!夢幻雙層鳥籠 日本料理+甜品
呢度嘅下午茶一直好高人氣!雙層鳥籠有多款日本料理、甜品之餘,仲有唔少刺身入饌。

下午茶有 $498 或 $298 2款價錢揀,料理款式略有不同,但都好豐富有齊前菜層層塔、雙層鳥籠、花茶2人份。下晝3點飲杯花茶,再望吓將軍澳海濱長廊靚景真係好Chill。
「花楽」於將軍澳海濱長廊,落地玻璃望靚景。

和式環境好有氣氛。

【花楽下午茶$498】
有拖羅蓉、松葉蟹、甜蝦、鵝肝等,用料豐富,而且有多款日本魚材,下晝突然有魚生癮就啱晒。
「花楽下午茶$498」有多款日本魚材,下午茶時段一止魚生癮。

「前菜層層塔」有日本海草Cocktail 杯、磯煮鮑魚、芝士年糕伴蟹籽醬。

上層鳥籠就有「松葉蟹甲羅鳥巢壽司」,松葉蟹份量好足!加埋海膽提鮮蟹味好出。
松葉蟹甲羅鳥巢壽司

估唔到連厚切拖羅刺身都有!同樣係日本築地新鮮直送㗎。
拖羅刺身

好鍾意吞拿魚蓉嘅軟綿綿口感,加埋輕甜玉子燒唔會太膩。
吞拿魚蓉配香蔥玉子燒

外層有啲焦脆、內裡甘香軟嫩,放喺鹹點最後食好圓滿。
鵝肝壽司

下層甜點款式好多,而且唔係一般小蛋糕,如水信玄餅、十勝紅豆厥餅、法國直送梨吉士醬批等,鍾意食甜品嘅話一定好開心,哄女朋友一流呀。

櫻花和菓子好唯美,好似去咗日本食甜品打卡咁。
日本櫻花和菓子

除咗日本打卡甜品,仲特別由法國訂購法國師傅親製餅批。好鍾意呢個批邊焦甜紮實,好似曲奇咁愈食愈有牛油味,餡料則有梨加埋吉士醬好香滑。
法國直送梨吉士醬批

【經典下午茶$298】
有碎蔥吞拿魚腩蓉、紅酒鵝肝、黑毛豬風乾火腿等。雖然比前一款下午茶平二百蚊,但用料都無敷衍,其中幾款日本料理仲好大件𠻹。

如果你選擇困難症發作,個人覺得好想食刺身就揀$498;純粹想下午茶Chill 吓,$298已經好滿足!
「經典下午茶$298」日本料理幾大件,下晝想Chill 吓好抵。

「前菜層層塔」有燒鱈魚乾、三文魚刺身、吉列廣島蠔。

芥辣八爪魚輕嗆Q彈,加埋燒鱈魚鹹香煙韌,味道口感加埋一齊好過癮。
芥辣八爪魚鱈魚三文治壽司

脆卜卜鍋巴同吞拿魚腩蓉好夾,好似華麗版下午茶零食咁。
碎蔥吞拿魚腩蓉配日本鍋巴

雖然風乾火腿份量唔多,但入口依然有種獨特油甘香,作為下午茶都好足夠。
香蔥玉子配黑毛豬風乾火腿

成件多士一次入口,用上顎將切粒鵝肝壓扁嘅口感好過癮,鵝肝同黑糖多士嘅鹹甜交織恰好。
紅酒鵝肝配黑糖多士

2款下午茶嘅甜點都幾相似,有水信玄餅、十勝紅豆厥餅、法國直送香桃吉士醬批、法國榛子餅等。

「水信玄餅」剔透晶瑩,內裡係一片片玫瑰,女生一定鍾意。
水信玄餅

日本傳統甜品之一。十勝紅豆好香甜,配綠茶味重嘅QQ厥餅食啱啱好。
十勝紅豆厥餅

同樣係法國直送甜品,味道香濃、口感實在。2款下午茶都有齊「法國直送香桃吉士醬批」同「法國榛子餅」㗎。
法國榛子餅

花楽
地址: 將軍澳唐俊街21號翩滙坊地下G23號舖
電話: 23892628
* 資料由客戶提供
餐廳資料