冬天想暖笠笠食麻辣烤魚，梗係愈多人愈熱鬧啦！「禮記」新推「期間限定烤魚海鮮套餐」(需一日前預訂)，就有原條沙巴龍躉烤魚 (可選 重慶麻辣烤魚/麻香青花椒)；仲包5款海鮮小菜—椒鹽鮮鮑魚、金銀蒜粉絲蒸帶子、麻香青花椒蟶子等，愈多人食、份量愈多㗎！
今冬有「期間限定烤魚海鮮套餐」食烤魚+海鮮；同場仲有「古法秘製羊腩煲」。
優惠詳情！
- 「期間限定烤魚海鮮套餐」優惠 1) 逢星期一至四 推廣價$588/2位(原價$1088)、$1158/4位 並享2條烤魚及雙倍海鮮(原價$2,188)
2) 逢星期五六日或公眾假期 推廣價$638/2位(原價$1088)、$1258/4位 並享2條烤魚及雙倍海鮮(原價$2,188)
3) 追加優惠 日本生啤Sapporo買一送一(原價$58/杯) 另送椰汁杞子桂花糕一客
^套餐必須提前一天 致電預訂及確認，以準備海鮮份量 (單點烤魚除外)
- 「古法秘製羊腩煲」優惠 只需提前一天 致電預訂及確認，即享9折優惠(原價$468) 另附送時令生菜一碟
- 生日優惠* 於生日星期內惠顧「期間限定烤魚海鮮套餐」即送壽包 |
烤魚海鮮套餐Menu！
- 原條沙巴龍躉烤魚 (重慶麻辣烤魚／麻香青花椒烤魚 選1款) - 5款精選海鮮小菜: 椒鹽鮮鮑魚(2隻) 金銀蒜粉絲蒸帶子(2隻) 麻香青花椒蟶子(半斤) 豉椒炒鮮花甲(半斤) 白灼海蝦(半斤) |
米芝蓮餐廳大廚主理！每日引入游水海鮮
最鍾意「禮記」環境好典雅舒服，更由曾任多間米芝蓮餐廳嘅大廚—爵哥主理，質素有保證。全部海鮮都係即日搜購，一定係生猛游水！
「禮記」環境好典雅舒服。
【烤魚口味2選1】
辣友必食！重慶麻辣烤魚
今次嘅重慶麻辣烤魚依地道做法，魚肉煎香後好鮮嫩，再以辣椒、花椒、油淋方式呈現濃郁口味。原條沙巴龍躉+滿滿豆芽、時蔬同火鍋配料份量十足，鍾意食辣嘅話一定要試呀！
麻得勁爽！麻香青花椒烤魚
青花椒烤魚鋪滿紅、綠色花椒，好繽紛鮮豔～一上枱花椒香氣就撲鼻而來啦！相比麻辣烤魚，呢款湯頭更重麻香，入口輕微小辣，後勁餘韻就湧出重麻，個咀都有啲痺痺地嘅感覺好爽，鍾意食麻嘅人一定明有幾痛快。
想食得更過癮，記住提前一日致電預訂套餐，可以優惠價食埋5款生猛海鮮小菜，愈多人食愈過癮！(單點烤魚不需預訂)
【秋冬時令】古法秘製羊腩煲
一入冬就想食羊腩煲暖身啦～古法羊腩煲加咗各種藥材熬製，湯底好濃郁～真係食一件已經feel到個身開始好暖。總廚特別將黑草羊煙燻過，羊肉口感軟腍又唔羶。
目測羊肉起碼有十幾件，全部都好大件勁足料，蘸上總廚秘製腐乳醬仲惹味～配料有大量蔥段、竹筍、馬蹄、冬菇，最重要係吸湯枝竹，加埋附送嘅時令生菜一碟，真係汁都撈埋。
秋冬限定「古法秘製羊腩煲」只要提早一日預訂即享9折。而且全日時段都有羊腩煲外賣，幾時諗起想食都得！
*使用優惠條款及細則：
1. 顧客雖於在本店Facebook 或IG專頁讚好及分享方可取得優惠
2. 此優惠不可與其他優惠同時使用
3. 此優惠不可兌換成現金
4. 另按正價收取加一服務費及座位費每位$13大小同價(3歲以下免費)
5. 必須點餐前出示本店查閱方為有效
6. 此優惠於結賬後出示，恕不能使用及更改發票款項
7. 必需提前至少一日訂枱(因要預訂海鮮，確保質素)
8. 如有任何爭議，禮記保留最終決定權
禮記
地址: 將軍澳唐俊街23號MONTEREY Place地下G19號舖
電話: 28611226