中環高質Fusion菜Tasting Menu 嘆招牌A5和牛/海鮮/罕有時令清酒

隨住大家對食嘅要求愈來愈高，食客有時都想同師傅多啲交流，了解烹調方式同配搭徼妙。有見及此，中環呢間主打中高檔Fusion菜嘅餐廳，特別注重「Chef’s Table體驗」，師傅會同坐吧枱嘅客人介紹當日新鮮食材、製作方法等。菜式集日本、港式、西式等元素，將來自世界各地嘅時令食材，炮製成風味獨特嘅料理，而配搭嘅醬汁同高湯全部都係自家熬煮，絕對係心機菜呀！餐牌重會不時轉換款式，以保持新鮮感，即睇有咩推介啦～

【單點必食】

鮮味前菜：海膽刺身多士、大分縣鯖魚沙律

餐廳希望做到不時不食嘅效果，好似用嚟製作海膽刺身多士嘅北海道馬糞海膽，今日由當地魚市場嘅夥伴影相傳過嚟，挑選當日最新鮮嘅品牌即日空運到港，保證新鮮。而大分縣鯖魚配上意大利番茄、新鮮水牛芝士，一齊食鹹香有致，重有陣煙燻味道㗎。

海膽刺身多士（左）、大分縣鯖魚沙律（右）

酒盗芝士

佐酒小菜酒盗芝士加入fusion元素，用一款意大利Mascarpone打成慕絲，拌入木魚碎、自家醃製嘅塩辛鯖魚，鹹香惹味。

酒盗芝士

松葉蟹高湯凍

松葉蟹高湯凍將煮松葉蟹嘅水，加入自家製木魚蟹水高湯，冷凍整成啫喱，伴以松葉蟹肉同飛魚籽，味道鮮甜。

松葉蟹高湯凍

A5和牛釜飯

釜飯加入港式煲仔飯元素，改用瓦煲製作，會有少量飯焦增加口感。而A5和牛釜飯用時令日本和牛製作，包括熊本縣、岩手縣等產地；加入自家製高湯、舞茸同三葉煮成，一開蓋聞到陣陣菇菌香氣，肉質亦好嫩滑。

A5和牛釜飯

【12月Tasting Menu + 大湖清酒】

每個月轉換款式、晚市供應嘅Tasting Menu包括更多招牌菜，如前菜、主食、甜品等。而12月更特別可以升級享用美酒配對，試到喺日本有350年歷史嘅「大湖清酒」酒莊出品！呢個酒莊嘅酒用當地種嘅山田錦釀造，只有少部分作海外銷售，而且只限香港地區，今次嘅配對有1-2款係餐廳獨家嘅時令款式，絕對係難得嘅配搭呀！

Tasting Menu菜式：

自家漬大根

塩漬北海道鮑魚 (高湯涷)

松葉蟹約克郡布丁 (招牌約克郡布丁, 松葉蟹肉, 蟹膏慕斯)

意大利牛肝菌味增牛筋煮 (慢煮牛筋, 半乾蕃茄)

燒A5日本和牛

塩漬銀鱈魚釜飯（配舞茸，日本山椒，自家製高湯醬油）

丹波黑豆意式奶凍

升級享用美酒配對：

$478享用5款由資深清酒侍酒師和吉川浩幸先生(大湖清酒的第18代傳人), 精心挑选和搭配限量季節性清酒。(大湖酒莊出品，包括3款清酒、1款梅酒、1款蜜柑酒)

塩漬北海道鮑魚

活北海道鮑魚用塩漬方法醃1日後，切成薄片都依然爽口，蘸少少用大葉整成嘅醬汁，感覺會更加fresh。