韓國人大時大節，都會同珍貴嘅人隆重其事食韓牛，但原來唔係全部韓國牛都係韓牛嚟，一定要韓國國家級管理優良基因嘅特定品種，並通過嚴格系統安全生產先會成為韓牛。
每隻韓牛誕生都經精密計算，以人工授精確保血統純正優良。佢哋食嘅飼料，都係嚴格挑選嘅有機穀物+草混合物嚟㗎。
所以韓牛產量真係唔多，但身價矜貴唔止因為罕有，其佈滿大理石花紋兼肉味濃郁都係特點!! 平時食和牛係油花飽滿，但食多幾件就好易膩喇。韓牛就喺油花、肉味之間拎到平衡。入口富油香帶甜，咬落肉質軟嫩又有嚼勁，越咬越有肉味係一大享受。
平時想買到真·韓牛，就可以留意韓牛出品包裝有無QR code。由「韓國農林畜產食品部」引進嘅「牛肉履歷制」，畀你查看韓牛由飼養、屠宰、包裝等各階段資訊。韓國政府更會定期隨機抽樣檢查，確保大家食到高質韓牛!!
今次仲有懶人福音，就係 aT Center香港 (韓國農水產食品流通公社香港支社) 聯乘高級扒房“The Steak Room"，於2024年8月1至31日推出期間限定「韓牛套餐」。輕輕鬆鬆，坐低就食到100%韓牛靚扒喇 ! 香港支社社長金顯鎬提道，希望透過是次聯乘活動令香港人一嚐韓牛品質及獨特味道，等大家進一步了解韓牛的品質管理、安全性及其頂級味道。
“The Steak Room”限定韓牛套餐$988/3道菜
前菜(3選1) 韓牛1++牛柳薄片 配泡菜及蛋黃醬 韓牛1++牛柳 配生菜沙律、韓國梨及辣蛋黃醬 傳統焗洋蔥湯
主菜(2選1) 韓牛1++ 肉眼扒(8oz) 韓牛1++後腰脊西冷扒(8oz)
所有主菜均附芝士薯條&自家製泡菜 醬汁選擇: 法式蛋黃醬 / 燒汁 / 野生蘑菇汁 / 黑胡椒白蘭地 / 白蒜牛油
甜品 檸檬撻 配檸檬乳酪椰子慕斯 |
去“The Steak Room”食最高級韓牛1++
大家都好了解日本和牛最高級別係A5，咁韓牛又點睇呢？原來韓牛會以切割面嘅脂肪分佈、肉色、脂肪顏色作為指標評級。1++為最高級別，其次係1+、1、2、3級。另外亦會根據牛隻實際可用肉量百分比，分為 A、B、C 三大級別。
所以今次喺“The Steak Room”食到嘅韓牛1++，已經係脂肪、肉色最上乘之品嚟㗎。
【前菜】食韓牛1++牛柳！
前菜選擇中，其中2款都有韓牛1++牛柳係最回本之選。牛柳係T骨入面一條肌肉，因為運動量少成為最幼嫩肉位。
【主菜】韓牛牛扒 兩大肉位點揀？
兩款牛扒都足足8oz!! 肉位方面，後腰脊西冷扒(Striploin)係近年人氣肉位之一，如果你追求肉味濃一定會愛上。肉味濃又彈牙，肉味越咬越突出㗎。
當然都可以揀經典肉眼扒(Ribeye)，大理石花紋較多又均勻，係肉味同油花平衡之選。
THE STEAK ROOM
地址: 尖沙咀廣東道2A號富衛1881公館主樓1樓
電話: 39880288
