旺角呢間「十十川滬料理」大受食客歡迎，文青裝修清新舒適，供應多款新派四川、上海菜，更有多款抵食套餐選擇，包括最新推出嘅90分鐘鍋物放題，居然包括平時要逐碟嗌嘅地道前菜同手工小籠包！更有地道川式串串、清甜解辣嘅芋圓冰粉等同樣可以開懷任食。
90分鐘鍋物放題集合川滬特色前菜、湯底，港式火鍋配料，招牌菜小籠包及四川特色串串
【十十鍋物】90分鐘鍋物放題 星期一至四 $238/位，星期五至六及公眾假期$278/位
- 湯底（七選一）：滬式金湯雲吞雞、老四川沸騰水煮魚、老檀酸菜魚、老檀酸菜牛肉、濃茄雜錦海鮮、老四川沸騰水煮牛肉、酸菜胡椒豬肚湯 - 前菜：花雕醉雞、口水雞、雞絲粉皮、川北涼粉、胡麻醬秋葵、燒椒皮蛋、涼拌萵荀絲、土豆絲 - 小籠包：金黃流沙小籠包、鮮肉小籠包 - 十十串串：雞翼尖、孜然羊肉、麻辣鴨腎等 - 自選配料：美國肥牛、鮮嫩滑牛、香滑雞件等肉類、餃/丸、時蔬、豆腐、飯麵等 - 甜品：芋圓冰粉、酒釀丸子 - 飲品：冷泡綠茶、冷泡洛神花茶、紅棗桂圓杞子玫瑰花茶、黑糖豆漿、黑糖珍珠豆漿、富士蘋果/橙汁、可樂/雪碧 - 追加嚴選食材（加$38升級）：安格斯牛小排、西班牙黑毛豬腩肉、海虎蝦、大花甲、鮮海鱸片、鮑魚 |
超值火鍋放題 7款川滬特色湯底
打邊爐湯底好重要，套餐共有七款唔同湯底，包括從元朗店開業就熱賣至今嘅老檀酸菜魚，酸辣有致，加上鱸魚鮮味好醒胃。愛辣之人就唔好錯過餐廳嘅老四川沸騰水煮牛肉湯底，香辣而唔會太嗆，同咩配料都夾到。
老檀酸菜魚同老四川沸騰水煮牛肉湯底都係推介湯底
好有街頭Feel！地道川式串串
套餐更包括任食十十串串同小籠包，要回本真係無難度！串串更特別神還原四川街頭風味，用長竹籤串上食材，一串一口食得過癮。唔同肉類烤熟後再灑上特製辣粉，本身已經幾夠味，不過餐廳亦特別準備埋川式辣醬，增添香辣層次。
多款川式串串用上長竹籤，燒過再灑上辣粉，辣得過癮
食完串串可以飲杯黑糖豆漿或者食碗芋圓冰粉解辣
鼎泰豐前師傅助陣 手工小籠包
餐廳最受歡迎嘅手工小籠包有多款創新口味，好似首創嘅酸菜魚湯小籠包、金黃流沙小籠包，不過今次要介紹嘅就係最經典嘅鮮肉小籠包同香辣小籠包。小籠包外皮薄得嚟有相當韌度，唔怕一夾就爛，而且裡面肉汁豐富又鮮甜！皆因餐廳請嚟鼎泰豐前師傅助陣，質素有保證。
鮮肉小籠包皮薄餡足，原味最能夠突出肉餡本身鮮味
香辣小籠包辣度適中，一咬秘製麻辣濃湯隨即爆出
自選乾鍋 超過20款配料自由配搭
即將踏入冬季，除咗火鍋最啱就係食香辣乾鍋。餐廳嘅乾鍋可以選擇牛、豬、雞或海鮮作主食，再自由配搭唔同特色配料，好似毛肚、黃喉、肥腸、寬粉條咁。鍋裡面有大量辛香料，同自選食材一齊用鐵板奉上，鐵板下面有火爐保溫，越炒越香越惹味啊！
香辣乾鍋可以自選配料，越炒越香，秋冬暖身一流
酸香老壇酸菜魚 逢星期一半價！
上文都有提到，老壇酸菜魚係元朗店開業到而家，連同旺角兩間店都相當熱賣嘅菜式，用新鮮鱸魚原條鮮劏起骨，無骨食落啖啖肉，而且肉厚嫩滑。而酸菜亦酸爽微辣而唔嗆喉，記得要食埋飲埋湯底精華嘅寬粉同芽菜啊。餐廳更有優惠，每日唔同菜式有半價優惠！
老壇酸菜魚選用原條新鮮鱸魚，魚肉嫩滑，酸菜湯底酸爽帶辣
每日優惠 星期一：例牌酸菜魚半價 星期二：例牌水煮魚半價 星期三：黑毛豬腩乾鍋半價 星期四：雞乾鍋半價 星期五：酸菜牛肉半價 星期六：例牌水煮花甲半價 星期日：例牌水煮牛肉半價 |
另一單點菜式推介係桂花蜜汁酥皮蝦，的確名副其實，蝦殼酥脆、蝦肉依然保留新鮮彈牙。蝦肉裹上香甜嘅桂花蜜汁，清香甜美，好啱送飯㗎。
桂花蜜汁酥皮蝦花香清幽、減低膩感，蝦殼酥脆蝦肉彈牙
晚市抵食二人餐
同另一半或者閨蜜兩個人想嚟撐枱腳又懶得諗食咩菜，可以留意下餐廳嘅晚市二人餐，當中包括花雕醉雞、鮑魚醃篤鮮、鮮奶賽螃蟹、黃金小籠包等熱賣菜式。更有芋圓冰粉或桃膠小圓子作為甜點，係完滿嘅一餐。
晚市二人餐包括多款巧手川滬菜，例如鮮味十足嘅鮮奶賽螃蟹，大小朋友都會鍾意
裝修走日系簡約風格，加上植物擺設好有文青Feel
十十川滬料理
地址: 旺角亞皆老街8號朗豪坊4樓7號舖
電話: 28901966