80年代熱潮復興，當時樂壇相當熱鬧，除咗廣東歌好入屋，誕生了多位天王巨星，外語音樂同樣都大受歡迎，當時熱賣唱片到而家都有價有市㗎。
DJ台好有80年代Disco氣氛，活動當晚更有駐場DJ打碟
想感受當年音樂吸引力，“The Musicbox”將由11月開始一連數月舉行「80年代之夜」，逢星期二晚上都會播放80年代外語音樂，更有駐場DJ打碟，將時光倒流40年！
呢度特設DJ台、因為呢度老闆之一就係有名嘅DJ Godwine，音響設備全部專業級數，加埋80年代Disco元素必定勁有氣氛！
簡約美國風環境。
地道美國南部料理
Godwine曾經在美國生活，於是將當地料理帶嚟香港。最近新推幾款料理，有啲fusion香港、美國元素，幾有新鮮感。
烤焗芝士通心粉 Extra加帶子更豐富口感
美國最常見嘅家庭料理，基本上每個美國人都成日食。大廚加入大量芝士、菠菜等勁拉絲creamy，冬天食暖笠笠，你仲可以額外加入帶子、Cajun蝦、或者雞胸。
頂級牛扒Hanger Steak配海鮮
牛扒用咗頂級嘅 Hanger Steak，煮到3成熟超粉嫩!! 仲愈咬愈有肉味，跟埋微辣Cajun蝦，相當惹味。好多人食扒唔鍾意蘸汁，但強烈建議大家一試呢度嘅牛扒汁，因為係自家用牛骨熬足5日，有獨特牛香，旁邊仲有一碟Cowboy Butter，坊間比較少見，必定要試下。
海鮮拼盤配Cajun醬 微辣更惹味
美式水煮海鮮都會加靈魂醬料—Cajun，大份量虎蝦、蜆、青口、辣燻腸、栗米等掛滿醬汁，配埋大量香料吊味，食落微微辣好惹味。
中西合璧: 香港仔海鮮意粉
其實美國人好鍾意玩fusion，用各地香料做出驚喜。呢道海鮮意粉就將香港常見香料—豆豉、辣椒等炒製；加上西式煮法，有曾相識的味道，卻帶著不一樣的感覺。最鍾意佢哋嘅海鮮真係好大隻新鮮，大蝦同蜆都好多肉，唔係平時得個名嘅海鮮意粉。
挑戰辣度 魔鬼漢堡
自問食得辣，可以挑戰佢哋嘅魔鬼漢堡！新推出時好多食客都表示太辣，大廚已將辣度下調喇，但想挑戰嘅話可以加辣㗎。除咗辣度，漢堡扒亦係一大重點。火烤5.33oz美國牛肉，熱辣辣食爆出肉汁。薯條亦特配美國Cajun粉，好有風味。
雞尾鮮蝦伴莎莎醬及粟米片
完全畀凍蝦份量嚇親，足足8隻大蝦好似主菜咁豐富。呢道係墨西哥菜，墨西哥常見莎莎醬酸甜帶辣，配埋粟米片幾啱飲啤酒。
芝士4重奏 Pizza!
呢度有多款素pizza，如芝士4重奏、香辣野菌、5重芝士，素食者都可以一齊嚟飲酒聽吓歌。4重奏嘅4款芝士有Mozzarella、Parmesan、Cheddar、Monterey，極級拉絲好滿足。
The Musicbox Grill House & Bar
地址: 銅鑼灣駱克道459-461號The L. Square8樓
電話: 23386908
