最近荃灣有和牛任食！喺荃灣西如心酒店入面嘅Café Circles推出牛氣沖天嘅「和牛饗宴自助餐」，特別引入澳洲頂級但馬和牛，搜羅M4-M9同各種肉位，包括西冷、臀腰肉、上蓋肉、牛臀肉等，炮製多款日式料理，如炙燒和牛壽司、和牛燒肉、和牛涮涮鍋外，又利用入口即溶和牛設計多款中西佳餚，如和牛薄餅、燒和牛沙律配吞拿魚醬、一口和牛等等。
Café Circles樓底特高，氣氛時尚高雅。
座位寬敞，並有落地玻璃映照開揚景色。
【Mark實星期五至日優惠】
每位獲送一客「香煎M4和牛西冷 配松露燒汁」！
一坐低先食和牛西冷熱身，肉味好濃郁。
澳洲但馬和牛！肉味濃提升戰鬥力
平時食日本和牛重油脂好易膩，澳洲但馬和牛就比較肉味濃郁，又keep到油脂香，自助餐戰鬥力都提升唔少。
而且但馬和牛源自日本兵庫縣嘅黑毛和牛血統，含有奧米加3、奧米加6、不飽和脂肪；同時無添加荷爾蒙增長劑、無人造添加劑，夠晒健康又食到最原始肉味。
澳洲但馬和牛源自日本兵庫縣，係最著名黑毛和牛血統。
自助餐激多選擇！
Café Circles有特高樓底，自助區寬敞極多選擇，除咗多款和牛料理好驚喜外，仲有環球凍海鮮、高質火腿、現場即燒、各款中西東南亞菜、朱古力噴泉等等等。一系列鮮花主題甜品好唯美，最貼心係有埋Kids Corner，帶埋小朋友嚟都好放心啦。
「和牛饗宴自助餐」即睇有咩食～
一系列和牛料理 現場即燒一口和牛、和牛涮涮鍋、M8-M9燒和牛肉、蒜香和牛粒、京蔥和牛肉、豉椒和牛、紅酒燴和牛面頰、阿希爾咖喱和牛肉、和牛薄餅、燒和牛沙律 配吞拿魚醬、泰式青芒牛肉沙律等
環球凍海鮮&刺身食回本！ 每晚輪流供應雪花蟹腳、小龍蝦、麵包蟹、凍蝦、三文魚刺身、鯛魚刺身、吞拿魚刺身、迷你刺身飯等
開胃凍盤&沙律 煙三文魚、巴馬火腿、啤酒凍切腸、火雞卷凍切腸、華都夫蝦沙律、羽衣甘藍、車厘茄等
切肉及即燒專區 燒豬肉架、燒羊髀、燒有骨火腿、鴨肝、牛舌、羊扒等
多國菜熱葷 仲有多款廣東燒味、中式小炒、迷迭香春雞、意大利雲吞、烤豬肋骨、咖喱、焗飯等
鮮花主題甜品 草莓玫瑰乳酪蛋糕、牛油果茉莉花慕斯餅、伯爵茶花焦糖燉蛋、藍蝶花意大利布甸杯、荔枝玄米茶花夏洛特等 |
【和牛食回本重點】
和牛涮涮鍋真係要食多幾轉～大廚即叫即煮最有肉味，仲見到牛肉紋好靚。
和牛涮涮鍋可以睇到和牛靚紋。
同時食到日本野菜。
日式食法仲有炙燒和牛壽司，輕甜燒汁+醋壽司飯勁開胃，唔小心就掃咗幾件。
炙燒和牛壽司係Rib Cap肉位，配上壽司飯牛味更突出。
今次咁多和牛料理各有特色，有油脂香、又有肉味濃之外，更特別引入「濕式熟成和牛」，利用時間同技術令牛肉自身蛋白酵素分解肌肉，食落更柔軟嫩滑、肉味香濃富風味，有啲人仲會食到淡淡藍芝士味好特別㗎。
濕式熟成Eye Round M8-M9燒和牛肉，肉色粉嫩，入口軟綿綿。
Eye Round其實係牛後腿肉，肉質紮實，拌沙律食更突出口感。
燒和牛沙律 配吞拿魚醬。
和牛薄餅用咗牛臀肉(Topside)，係後腿肉中最嫩嘅肉位。鬆軟批底鋪滿芝士，濃味控必試。
【花花主題甜品】
踏入初春，甜品師特意設計一系列花花主題甜品。
甜品區有乳酪蛋糕、慕斯餅、焦糖燉蛋、布甸杯、桂花杯等。
草莓玫瑰乳酪蛋糕，香甜creamy撞上微酸乳酪，平衡得啱啱好。
牛油果茉莉花慕斯餅，淡淡花香、味道輕甜。
花花點綴嘅各款甜品杯，夢幻唯美。
「和牛饗宴自助餐」詳情
自助午餐 星期一至星期五 | 12:00 – 14:30 (包任飲汽水及啤酒) 成人$398/位、小童及長$318/位
星期六、日及公眾假期 | 12:00 – 14:30 成人$458/位、小童及長者$368/位
自助晚餐 星期一至星期四 | 18:30 – 21:30 (包任飲汽水及啤酒) 成人$588/位、小童及長者$498/位
星期五、六、日及公眾假期 | 18:30 – 21:30 成人$658/位、小童及長者$558/位
*所有價目另收加一服務費。菜式或因季節變化及供應情況而改變。 *小童(3-11歲) 及 長者(65歲或以上) |
3月自助餐優惠
只要於Nina Boutique預訂「和牛饗宴自助餐」即享以下優惠！
自助午餐：星期一至五享75折優惠；星期六、日及公眾假期享8折優惠
自助晚餐：星期一至四享8折優惠；星期五至日及公眾假期享85折優惠 |
Café Circles
地址: 荃灣楊屋道8號荃灣西如心酒店9樓
電話: 22802868
