【聖誕早鳥優惠】嚐人氣店ÔDELICE法國料理

最有儀式感嘅聖誕大餐，一定係食法國菜！由法國人開嘅“Odelice!” 由一間小店默默耕耘，希望香港人可以貼地價食到地道法國料理。嚟到今年聖誕呢個諗法都無變，節日套餐每位只係$450，豐富4道料理陪你過法式聖誕。

“Odelice!” 由灣仔小店做起，而家尖沙咀、將軍澳、荃灣都有分店。

法國節日套餐一覽

早鳥優惠！12月20號或之前訂座及完成按金預繳，可享9折。

“Odelice!” 節日套餐$450/位。

【頭盤】

法國人好重視聖誕節，會一齊share多款傳統小食。今次套餐就集合咗幾款頭盤，香煎鴨肝外脆內軟，配埋香草炒蘑菇蓉好惹味；鹹香輕柔嘅意大利火腿，好啱聖誕飲順滑、果香濃嘅紅酒。

Sharing 嘅頭盤有香煎鴨肝、蘑菇蓉、意大利火腿、三文魚醬、布里歐麵包、炸黑松露蘑菇球。

頭盤仲有淡雅三文魚肉整嘅三文魚醬，好夾甜甜地嘅烤布里歐麵包；最後就有脆卜卜炸黑松露蘑菇球，一咬落去黑松露味即刻爆出嚟。

【法國產地直送生蠔】85折追加優惠！

今次節日套餐可以85折追加「法國百年生蠔世家Cadoret」嘅獨有生蠔，肉質幼滑，海水味同蠔味都好重。將生蠔一啖入口，再飲啖氣泡酒嘅化學效果好正。

套餐可85折追加法國生蠔($134/4隻、$185/6隻、$338/12隻)。

【熱湯】栗子蘑菇湯

法國人嘅聖誕大餐經常會見到「栗子」身影，入饌主菜又得；變成甜品亦無難度。而今次大廚就將佢煮成栗子蘑菇湯，加入忌廉突出栗子鮮甜，湯身仲好綿滑。

【主菜4選1】

主菜有肉眼牛排、煙燻豬腩肉同海鮮揀，就算一班人嚟都照顧到大家口味㗎。

香煎三文魚

金光閃閃嘅香煎三文魚好肥美嫩滑，配番紅花忌廉汁有種淡雅花香同麝香味；伴煙韌彈牙薯糰丸子交替食，好香口滿足。

三文魚伴上華麗金色嘅番紅花忌廉汁。

海鮮酥皮盒

好似精緻小禮物嘅海鮮酥皮盒，入面係滿滿虎蝦、珍珠帶子、鱈魚、魷魚，將海鮮連埋酥皮、自家熬海鮮醬汁一齊食好有層次。

酥皮盒好似禮物盒咁，放滿各種海鮮。

慢煮煙燻豬腩肉

慢煮豬腩肉好軟腍，一咬已經鬆軟到化開啦。燒烤醬汁係用多種香料煮成，撞上清甜嘅粟米糊，味道一濃一淡幾有驚喜，同時中和咗油膩感，食完暖笠笠無負擔。

慢煮豬腩肉好鬆化，一咬化開好正。

肉眼牛排600克(2位用) $50/位

呢份肉眼牛排份量好多，600克好夠2個人share。本身肉眼已經好重牛味，同時大廚都準備咗2款醬汁—青胡椒醬汁、法國經典牛排醬Béarnaise。Béarnaise 以荷蘭汁為基調，再加入香料更豐厚同突出肉味。伴菜就有黑松露薯仔千層批，個人好鍾意呢道傳統料理，食落有層層薯仔口感，同時又爆出黑松露忌廉汁，雙重口感好正。