銅鑼灣呢間樓上火鍋「紅堂」出名手工湯底配料，更加係牛控天堂呀！因為呢度最出名嘅湯底—「牛魔王」、「紅堂和牛牛油麻辣鍋」都係用足料牛骨、20幾種香料熬製而成，牛味激濃。而且呢度有坊間罕見嘅「新鮮本地草飼騸牯牛皇」，一食就知嗰種嫩滑同肉味超凡～每日全港數量好少咋，想食記住預訂先。
呢度有坊間罕見嘅騸牯牛，牛味特濃，想食記住預訂。
【限定Tasting Menu】
除咗係牛控天堂，呢度嘅師傅手工配料都吸引好多fans。但fans表示有時兩個人嚟食，真係試唔晒咁多招牌嘢。所以「紅堂」特別推出限定Tasting Menu，一次過試勻多款招牌湯底、涼拌小物、川味小吃、肉肉拼盤、配菜拼盤，已包多款吸湯好料、飲品同冰粉，仲可享半價優惠食「海鮮拼盤」，超級抵食呀!!
Tasting Menu超豐富，一次過試勻多款招牌。
試完好食嘅話，遲啲年尾嚟開party都得！呢度可以全場打通，加埋霓虹燈同強勁音樂，係少有勁好feel嘅火鍋店。
氣氛好啱開party。
Tasting Menu火鍋料理$576(只限2人)
Tasting Menu專享優惠: - 半價優惠追加「海鮮拼盤」$169(原價$338) - +$38啤酒汽水任飲180分鐘
1/ 鍋底任選(大、中、小辣，雙拼湯底+$28) - 紅堂和牛牛油麻辣鍋 - 和牛牛油麻辣麻甩沙嗲鍋 - 清油養生麻辣鍋 - 火腿花膠魚肚老火雞湯鍋 - 東北酸菜白肉鍋
2/ 涼拌小物(4選1) - 醋香黑木耳 - 蕃茄甘醋漬 - 涼拌土豆絲 - 涼拌萵筍絲
3/川味小吃(4選1) - 麻辣牛展 - 滷水拼盤 - 紅堂Shake Shake炸酥肉 - 麻辣雞翼
4/肉肉拼盤(4選3) - 日本霜降A4和牛 - 西班牙伊比利豚梅肉 - 雞肉 - 原味滑牛
5/配菜拼盤(5選3) - 蒜泥白肉水晶包 - 金沙豬肉棋子餅 - 黑椒牛肉滑 - 黃喉 - 響鈴
套餐包含:- - 吸湯好料(鴨血、凍豆腐、枝竹、雜菜拼盤、寬粉) - 飲品(可樂/7up/支裝啤酒/烏梅汁) - 奉送冰粉 |
【Tasting Menu限定優惠】半價食海鮮
「海鮮拼盤」真係好值得追加呀！$169就食到鮑魚、蟶子、龍躉片、北海道帶子、海蝦。個人最鍾意鮑魚同蟶子超厚肉彈牙～龍躉片都有驚喜，食落好肥美。
半價優惠追加「海鮮拼盤」$169(原價$338)
即睇Tasting Menu有咩食～
1/ 鍋底任選(大、中、小辣)
全部湯底都係師傅自家熬煮，唔係一般味精湯嚟㗎。最招牌係「紅堂和牛牛油麻辣鍋」，加咗和牛牛油突出油香，再用20多種香料秘製麻辣膽，愈食愈麻辣，食到流汗又想繼續食好爽。想有層次啲就可揀加咗沙嗲嘅「和牛牛油麻辣麻甩沙嗲鍋」。
另可升級最新推出「牛魔王」一嚐激濃牛味～20幾種香料熬足72小時，去到尾聲再食埋湯料牛展，滿滿QQ骨膠原。想養顏補身就有「火腿花膠魚肚老火雞湯鍋」，大量老雞、花膠熬煮，湯料有好多魚肚、花膠食，女生一定要飲多碗滋補吓。
(左)牛魔王、(右)火腿花膠魚肚老火雞湯鍋
香辣湯底仲有台灣做法「清油養生麻辣鍋」。湯料有鴨血、爆湯凍豆腐，味道香辣。唔食辣嘅就可揀「東北酸菜白肉鍋」，用比利時豬肉、師傅自家醃酸菜熬煮，酸甜有層次，配肉或海鮮都好夾。
(左)東北酸菜白肉鍋、(右)清油養生麻辣鍋
2/ 涼拌小物(4選1)
打邊爐中場可以食啲涼拌小物，解膩休息吓再戰～特別鍾意醋漬嘅黑木耳同蕃茄，酸酸甜甜好開胃。
(左起)醋香黑木耳、蕃茄甘醋漬、涼拌土豆絲、涼拌萵筍絲
3/川味小吃(4選1)
今次Tasting Menu可以+$38任飲啤酒汽水，好啱食麻辣小食～香口好玩就有「紅堂Shake Shake炸酥肉」，可以自己加秘製辣粉shake調較辣度。
(左)麻辣雞翼、(右)紅堂Shake Shake炸酥肉
4/肉肉拼盤(4選3)
肉肉選擇有齊牛、豬、雞，仲要4選3每碟份量好多。「日本霜降A4和牛」佈滿油花入口即溶；「西班牙伊比利豚梅肉」肉味濃又爽口，同場仲有「原味滑牛」、「雞肉」。
日本霜降A4和牛、西班牙伊比利豚梅肉
5/配菜拼盤(5選3)
套餐本身已免費包咗各種爆湯配料，加埋5選3配菜真係勁豐富，可以一次過試齊幾款招牌嘢。「蒜泥白肉水晶包」坊間少見，外皮煙韌Q彈，咬開爆出麻辣汁；超厚肉「金沙豬肉棋子餅」，內餡係滿滿鹹香金沙。
(左起)響鈴、金沙豬肉棋子餅、蒜泥白肉水晶包
套餐已包多款吸湯好料—凍豆腐、枝竹、雜菜拼盤、鴨血、寬粉。
奉送冰粉
最後仲有四川甜品「冰粉」，冰粉本身好軟Q同無甜味㗎，利用山渣乾、提子乾、士多啤梨乾增加天然甜香，甜度啱啱好。
四川甜品冰粉
【人氣單點】
呢度出名手工配料，所有丸餃都係即日師傅手工製，連餃子皮都係由搓粉開始整～確保質素同用料，食落特別彈牙爆汁。
主打手工配料，丸餃都係師傅即日手作。
四川正宗食法 肉味更濃
有別一般沾醬同豉油，呢度有四川正宗食法嘅「七色乾碟」。將肉沾上花椒粉、黃豆粉、辣椒粉等，肉味超香！
七色乾碟
紅堂
地址: 銅鑼灣登龍街28號永光中心1樓
電話: 21511879